Երևանում ոչնչացվել է 810 կգ ոչ սպանդանոցային ծագման միս․ ՍԱՏՄ
Սննդամթերքի անվտանգության տեսչական մարմինը շարունակում է վերահսկողական միջոցառումները միս-մսեղիքի իրացման օբյեկտներում։
Երևանի Խորենացի փողոցում գտնվող (ԳՈՒՄ-ի շուկա), ինչպես նաև մայրաքաղաքի մի շարք այլ վաճառակետերում իրականացվող աշխատանքներին հետևել է նաև Տեսչական մարմնի ղեկավար Տիգրան Պետրոսյանը։
Մշտադիտարկման ընթացքում ստուգվել են՝
- մսի սպանդանոցային ծագումը հավաստող փաստաթղթի՝ 5-րդ ձևի, առկայությունը,
- պահման և վաճառքի սանիտարահիգիենիկ պայմանները,
- մսամթերքի պահման համար սահմանված ջերմաստիճանային ռեժիմների պահպանումը։
Տիգրան Պետրոսյանը զրուցել է տնտեսավարողների հետ՝ ընդգծելով, որ վերահսկողական միջոցառումները շարունակական են լինելու, զիջումներ չեն լինելու. ոչ սպանդանոցային ծագման միսը ենթակա է առգրավման և ոչնչացման։
Անմիջապես կազմակերպվել է նաև առգրավված գրեթե 810 կգ ոչ սպանդանոցային ծագման միս-մսեղիքի ոչնչացման գործընթացը, ինչն իրականացվել է տեսուչների հսկմամբ:
Տեսչական մարմինը շարունակելու է հետևողական վերահսկողությունը՝ ապահովելու համար իրավական պահանջի կատարումը և պաշտպանելու սպառողի առողջությունը:
Latest from ArmNews
- Դատախազությունն ընթացք է տվել Արշակ Սրբազանին վերագրվող տեսանյութերի վերաբերյալ հաղորդմանը
- ԱՄՆ ռազմածովային ուժերի ուղղաթիռը և կործանիչը աղետի են ենթարկվել Հարավչինական ծովում
- Թուրքիան ու Մեծ Բրիտանիան բանակցում են կործանիչների ձեռքբերման շուրջ
- Հրադադարի պլանը կպատրաստվի 7-10 օրից, բայց Պուտինը դժվար թե այն ընդունի․ Զելենսկի
- «Չիպի վրա ուռուցքը» ցույց է տվել, թե ինչպես կարելի է ստիպել իմունային բջիջներին հաղթել քաղցկեղը․ Nature
- Ալիևն ու Էրդողանը հրավիրվել են Երևան. Միրզոյան
- Կրթաթոշակի հնարավորություն Արցախցի երիտասարդների համար
- Ադրբեջանական կողմի պայմանը չենք ընդունում, քննարկելի օրակարգ չէ. Արարատ Միրզոյան
Լրահոս
Ֆոտո
