ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Գազայի հատվածում հրադադարի հաստատման անուղղակի բանակցությունների միջնորդները ՀԱՄԱՍ-ին նոր առաջարկ են ներկայացրել։ Այս մասին հայտնում է Al Hadath հեռուստաալիքը:
Եգիպտոսի և Կատարի ներկայացուցիչները պաղեստինյան խմբավորումների առաջնորդների ներկայությամբ շարժմանն են փոխանցել նոր նախաձեռնությունը:
Խմբավորումների առաջնորդները խնդրել են ՀԱՄԱՍ-ին առաջիկա ժամերի ընթացքում պատասխան պատրաստել։
Օգոստոսի 18-ին Եգիպտոսի ալ-Ալամեյն քաղաքում նախատեսվում է միջնորդների հանդիպումը:
Եգիպտոսը Կատարի հետ համակարգված ձգտում է վերադառնալ 60-օրյա ժամանակավոր հրադադարի համաձայնագրին, որի ընթացքում ազատ արձակվեն 10 իսրայելցի պատանդներ և կփոխանցվեն դիակները:
Այնուհետև բանակցություններ կանցկացվեն ավելի համապարփակ համաձայնագրի շուրջ:Ավելի վաղ Իսրայելը և ԱՄՆ-ն հրամայել էին հետ կանչել բանակցողներին Դոհայից, որտեղ հուլիսի 6-ից բանակցություններ էին ընթանում Գազայի հակամարտության կարգավորման շուրջ՝ պատճառաբանելով, որ ՀԱՄԱՍ-ը հստակ ցույց է տալիս Գազայում հրադադարի հասնելու ցանկության բացակայությունը։
«Իրանը շուտով կդառնա միջուկային տերություն։ Դուք մեզ հե՞տ եք»։ Այսպիսի հաղորդագրություն է տարածել Daily Iran News-ը, որը հայտնի է ԻՀՊԿ-ին իր աջակցությամբ։
Հաղորդագրությունը հրապարակվել է X-ում։
Քիմ Քարդաշյանը հազվագյուտ լուսանկար է հրապարակել հանգուցյալ հոր՝ Ռոբերտ Քարդաշյանի և մոր՝ Քրիս Ջենների հետ
Օգոստոսի 18, 2025Քիմ Քարդաշյանը որոշել է ժամանակի մեջ հետ գնալ և իր երկրպագուների հետ կիսվել արխիվային հուզիչ լուսանկարով։ 44-ամյա ռեալիթի շոուի աստղը Instagram-ում հրապարակել է մի լուսանկար, որում նա մանուկ հասակում պատկերված է հոր՝ հայտնի փաստաբան Ռոբերտ Քարդաշյանի և մոր՝ Քրիս Ջենների հետ է։
Լուսանկարում Քրիսը գրկել է Ռոբերտին, երկուսն էլ ժպտում են տեսախցիկին, իսկ նրանց կողքին կանգնած է փոքրիկ Քիմը։ Լուսանկարի տակ աստղը լակոնիկ գրել է. «Հայրիկը, մայրիկը և ես»։
Ռոբերտը և Քրիսը ամուսնացած են եղել 1978-ից 1991 թվականներին և միասին մեծացրել են չորս երեխա՝ 46-ամյա Քորթնիին, 44-ամյա Քիմին, 41-ամյա Քլոեին և 38-ամյա Ռոբին։ Ամուսնալուծությունից հետո Քրիսն ամուսնացել է օլիմպիական չեմպիոն Բրյուս Ջեների (այժմ՝ Քեյթլին) հետ, և նրանք ունեցել են դուստրեր՝ Քենդալը և Քայլին։
Քիմը 22 տարեկան էր, երբ նրա հայրը մահացավ։ Այսօր նա շարունակում է քայլել նրա հետքերով. աստղը վերջերս ավարտել է իրավաբանական ֆակուլտետը և պատրաստվում է հանձնել փաստաբանական քննությունը։
Զելենսկուն հրավիրել են «տնօրենի աշխատասենյակ»՝ ծնողների հետ միասին․ Էդգար Ղազարյան
Օգոստոսի 18, 2025Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Ծնողական ժողով։
Սպիտակ տունը հրապարակել է Զելենսկու և ԵՄ առաջնորդների հետ Թրամփի հանդիպման ժամանակացույցը։
Հաղորդագրությունից պարզ է դառնում, որ Պուտինի հետ հանդիպումից հետո, Զելենսկուն հրավիրել են «տնօրենի աշխատասենյակ»՝ ծնողների հետ միասին»։
Ուկրաինայի նախագահ Վլադիմիր Զելենսկին ժամանել է Վաշինգտոն, որտեղ այսօր կկայանա նրա հանդիպումը ԱՄՆ նախագահ Դոնալդ Թրամփի հետ: Դրան կմասնակցեն նաև եվրոպացի առաջնորդները։
Տելեգրամի հաղորդագրության մեջ Զելենսկին շնորհակալություն է հայտնել Թրամփին հրավերի համար և հայտարարել պատերազմը հնարավորինս արագ ավարտելու ցանկության մասին:
Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 381.5 դրամ, վաճառքի նվազագույն արժեքը՝ 384 դրամ:
Եվրոյի առքի առավելագույն արժեքն է 444 դրամ, վաճառքի նվազագույն արժեքը՝ 450 դրամ:
Ռուսական ռուբլու առքի առավելագույն արժեքն է 4.74 դրամ, վաճառքի նվազագույն արժեքը՝ 4.84 դրամ:
Վաշինգտոնում գիշերը ձերբակալվել է թմրանյութերի ապօրինի շրջանառության, սպանության և այլ հանցագործությունների համար կասկածվող 68 մարդ, առգրավվել է 15 միավոր հրազեն։ Այս մասին հաղորդագրություն է հայտնվել ԱՄՆ գլխավոր դատախազ Փեմ Բոնդիի սոցիալական ցանցերում: Դրանում նաև նշվում է, որ վերջին շաբաթվա ընթացքում Վաշինգտոնում ձերբակալվել է ավելի քան 300 մարդ։
Ձերբակալվածներին արդեն մեղադրանք է առաջադրվել հանցագործություններ կատարելու համար: Ձերբակալությանը մասնակցել են դաշնային Ազգային գվարդիան և Կոլումբիայի շրջանի իրավապահ մարմինները:
Ավելի վաղ հաղորդվել էր, որ օգոստոսի 12-ին ԱՄՆ նախագահ Դոնալդ Թրամփը հայտարարել է Վաշինգտոնի ոստիկանական ուժերին դաշնային վերահսկողության տակ հանձնելու մասին՝ հանցավորության դեմ պայքարելու համար: Նման միջոցառումները հանրությանը ներկայացվել են որպես «մայրաքաղաքը փրկելու պատմական քայլ»:
Տյումենի օդանավակայանում 40 ուղևոր տեղափոխող Ան-24 ինքնաթիռը դուրս է եկել թռիչքուղու սահմաններից
Օգոստոսի 18, 2025Տյումենի օդանավակայանում 40 ուղևոր տեղափոխող Ան-24 ինքնաթիռը դուրս է եկել թռիչքուղուց, տուժածներ չկան, հայտնում է Ուրալի տրանսպորտային դատախազության մամուլի ծառայությունը։
«Տյումենում տրանսպորտային դատախազությունը կազմակերպել է ավիացիոն միջադեպի հետաքննություն։ Նախնական տվյալներով՝ 2025 թվականի օգոստոսի 18-ի առավոտյան Ան-24 ինքնաթիռը «Ռոշչինո» օդանավակայանից թռիչքի ժամանակ դուրս է եկել թռիչքուղուց։ Ինքնաթիռում եղել է անձնակազմի 6 անդամ և 40 ուղևոր։ Տուժածներ չկան», - ասվում է հաղորդագրության մեջ։
Պետք է համապատասխան վարչարարություն կիրառենք. Ավինյանը՝ հանրային տրանսպորտում ստուգումների մասին
Օգոստոսի 18, 2025Երևանի գործակարգավարական խորհրդակցության ժամանակ փոխքաղաքապետ Սուրեն Գրիգորյանն անդրադարձել է տրանսպորտում հասարակական կարգի պահպանության ծառայության կողմից իրականացված ստուգումներին։ Նրա խոսքով, վերջին երկու շաբաթվա ընթացքում ստուգումներ են արվել ավտոբուսներում։
«Քանի որ սկզբնական շրջանում որոշակի ծրագրային թերություններ են ի հայտ եկել, տուգանքներ ու տույժեր չեն գրվել։ Բայց ինձ զեկուցել են, որ առնվազն 1 տուգանք դուրս է գրվել»,- նշել է նա՝ հավելելով, որ մինչ այդ ի հայտ եկած խնդիրները լուծվել են, և ոչ մի խոչընդոտ չկա։
«Եթե վստահ ենք, որ տեխնիկական խնդիր այլևս չունենք, պետք է համապատասխան վարչարարություն կիրառենք»,-պատասխանել է քաղաքապետ Տիգրան Ավինյանը։
Վաշինգտոնյան համաձայնագիրը պետք է առարկայական մոտեցումով ժողովրդին ներկայացվի: Այս մասին այսօր՝ օգոստոսի 17-ին, Խաղողօրհնեքից հետո իր ելույթում ասել է Մեծի Տանն Կիլիկիո կաթողիկոս Արամ Ա-ն՝անդրադառնալով
«Վերջերս ԱՄՆ մայրաքաղաքում, ԱՄՆ նախագահի միջամտությամբ եւ վկայությամբ կնքված Հայաստան- Ադրբեջան համաձայնագիրը անկասկած յուրահատուկ երեւույթ էր: Հայաստանի գծով հիշյալ համաձայնագրի ունենալիք կարճաշունչ, թե երկարաշունչ, դրական թե բացասական հետեւանքների արժեւորումը կթոնենք քաղաքական վերլուծաբաններին: Սակայն կուզեմ հիշեցնել, թե Հայաստանը պետք է անդրադառնա, որ միակողմանի զիջումներով պայմանական սկզբունքներով եւ մանավանդ երկդիմի կետերով լեցուն խաղաղության որեւէ համաձայնագիր կարող է լուրջ վտանգ դառնա Հայաստանի համար: Հետեւաբար հիշյալ համաձայանգիրը պետք է առարկայական մոտեցումով ժողովրդին ներկայացվի:
Անհրաժեշտ է, որ համաձայնագրի հետ կապված ժողովուրդը ասելիք ունենա: Կուզեմ հիշեցնել,որ այսօր Հայաստանը աշխարհաքաղաքական ուժերի բախման թատերաբեմ դառնալու վտանգի ենթակա է»,-ասել է նա:
Արամ Ա-ն նշել է, որ Վաշինգտոնում ժպիտների ու խոստումների տեղատարափի տակ ստորագրված խաղաղության համաձայնագիրը հույս ու ժպիտ կբերի նաեւ զոհվածների ընտանիքների եւ Արցախի ժողովրդին, սակայն պատմությունը հիշեցնում է, որ ժամանակավոր շահերով պետք չէ առաջնոդվել եւ Հայաստանը հավասարակշռված քաղաքականություն պետք է վարի՝ ելնելով իր շահերից:
Արամ Ա-ն անդրադարձել է նաեւ գերիների խնդրին եւ Արցախում Ադրբեջանի վարած հակահայ քաղաքականության մասին եւ ընդգծել, որ Արցախն անցյալ չէ, եւ պետք է հետամուտ լինել Արցախ վերադառնալու Արցախի ժողովրդի անխախտ իրավունքին, ինչպես նաեւ եկեղեցիների պահպաման միջազգային իրավունքին:
Ֆոտո
