ՌԴ նախագահ Վլադիմիր Պուտինը Ղրղզստանում անցկացված ՀԱՊԿ գագաթնաժողովի ընթացքում գործնական հանդիպման ժամանակ կատակով արձագանքել է «ձախ գնալու» հորդորին։ Նա ընդգծել է, որ տվյալ դեպքում «ոչ մի վատ բան չկա»։ Նախագահի խոսքերով կադրերը հրապարակել է ВГТРК-ի թղթակից Պավել Զարուբինը Telegram-ալիքում, տեղեկացնում է «Комсомольская правда»-ն։

Ինչպես նշվում է տեսանյութում, դա տեղի է ունեցել այն պահին, երբ Բիշքեկում Պուտինին յուրտաներ են ցույց տվել։ Նրան պատմել են, որ նման կառույցներում ամեն ինչ բաժանվում է երկու մասի․ մեկը՝ տղամարդկանց համար, մյուսը՝ կանանց, որտեղ պահվում են սպասքն ու կենցաղային իրերը։

«Երբ տղամարդուն ասում էին՝ «Ձախ գնա», այստեղ ոչ մի վատ բան չկար», – կատակով նշել է Պուտինը։

Հիշեցնենք, որ Պուտինը նոյեմբերի 27-ին Ղրղզստանում մասնակցել է ՀԱՊԿ գագաթնաժողովին։

Հռոմի Պապ Լևոն 14-րդը ժամանել է Լիբանան, հայտնում է Associated Press-ը:

Լրատվամիջոցի փոխանցմամբ՝ նա Լիբանան է մեկնել երկրի համար խիստ անորոշ ու վտանգավոր մի պահին՝ երկար տարիներ շարունակված ճգնաժամերից հետո։ Լևոն 14-րդը կատարում է իր նախորդի՝ Ֆրանցիսկոս Պապի խոստումը, ով տարիներ շարունակ ցանկանում էր այցելել, սակայն առողջության վատթարացման պատճառով չէր կարողանում։

Իսրայելի և Իրանի միջև 12-օրյա պատերազմը դարձել է Իսրայելի պատմության ամենաթանկ և ձախողված ժամանակահատվածներից մեկը, գրում է իրանական Mehr գործակալությունը։

Ըստ լրատվամիջոցի, վիճակագրությունն ու պաշտոնական հայտարարությունները ցույց են տալիս, որ Իսրայելի տնտեսական կորուստները կազմել են 12–20 միլիարդ դոլար, սակայն նախնական գնահատականներով դրանք հասնում են 40 միլիարդի։ Մասնավորապես, ինչպես նշում է Mehr-ը, ուղիղ ռազմական ծախսերը կազմել են 12,2 միլիարդ դոլար, տնտեսական ցնցումները և ձեռնարկությունների փակումը՝ 21,4 միլիարդ դոլար, Իրանի հարձակումների հետևանքով վնասը՝ 4,5 միլիարդ դոլար, իսկ տարհանման և վերականգնման ծախսերը՝ 2 միլիարդ դոլար։

«Նույնիսկ Իսրայելի պաշտոնական վիճակագրությունը վկայում է երկրի վրա ծանր տնտեսական, ռազմական և սոցիալական ճնշման մասին։ Երկարաժամկետ հետևանքները, ներառյալ բյուջետային դեֆիցիտը, տնտեսական աճի տեմպերի նվազումը, զբոսաշրջության վնասը, մասնագետների արտագաղթը և ներդրողների վստահության անկումը, շարունակում են պահպանվել։ Ի վերջո, 12-օրյա պատերազմը ցույց տվեց, որ Իրանի դեմ դիմակայության Իսրայելի 20-ամյա ծրագիրը ձախողվել է, ստիպելով Թել Ավիվին ձգտել հրադադարի՝ հետագա կորուստներն ու տնտեսական կոլապսը կանխելու նպատակով», – գրում է իրանական լրատվամիջոցը։

Խոսքը միայն խաղաղության համաձայնագրի մասին չէ, այլ այնպիսի ուղի ստեղծելու, որը կպահպանի Ուկրաինայի ինքնիշխանությունն ու անկախությունը, հայտարարել է Ռուբիոն՝ ԱՄՆ-ում ուկրաինական պատվիրակության հետ խաղաղության ծրագրի վերաբերյալ խորհրդակցությունների ժամանակ:

Ավելի վաղ Ուկրաինայի Ազգային անվտանգության և պաշտպանության խորհրդի քարտուղար Ումերովը հայտարարել էր, որ ԱՄՆ-ում սկսվել է ուկրաինական պատվիրակության և ամերիկյան կողմի միջև հանդիպումը։

Նա հայտարարել է, որ քննարկվելու են արժանապատիվ խաղաղության հասնելու քայլերը։

Ինչպես ավելի վաղ հայտնել էին լրատվամիջոցները, հանդիպմանը մասնակցելու են ԱՄՆ պետքարտուղար Մարկո Ռուբիոն, Թրամփի հատուկ դեսպանորդ Ուիթքոֆը և ԱՄՆ նախագահի փեսան՝ Ջարեդ Քուշները։

ԱՄՆ նախագահ Դոնալդ Թրամփի վարչակազմը հրահանգել է իր դիվանագետներին ամբողջ աշխարհում դադարեցնել վիզաների տրամադրումը Աֆղանստանի քաղաքացիներին, ասվում է Պետդեպարտամենտի հեռագրում, որի հետ ծանոթացել է Reuters-ը։ 

Այսպիսով, փաստացիորեն կասեցվել է հատուկ ներգաղթի ծրագիրը այն աֆղանցիների համար, որոնք իրենց երկրի 20 տարվա օկուպացիայի ընթացքում օգնել են Միացյալ Նահանգներին։

Ուրբաթ օրը բոլոր դիվանագիտական ներկայացուցչություններին ուղարկված հեռագրում նշվում է, որ անմիջապես ուժի մեջ մտնելով՝ հյուպատոսական աշխատակիցներին պարտադրվում է մերժել ցանկացած դիմում՝ թե՛ ներգաղթի, թե՛ ոչ ներգաղթի վիզայի համար, ներառյալ հատուկ ներգաղթի վիզաների դիմումները։

Շաբաթ օրը Պետդեպարտամենտը հղում է արել պետքարտուղար Մարկո Ռուբիոյի հայտարարությանը, ըստ որի՝ «ԲՈԼՈՐ անձանց», որոնք ճանապարհորդում են աֆղանական անձնագրերով, «կասեցվելու է վիզաների տրամադրումը»։

Հեռագրում նշվում է, որ այս որոշումը ուղղված է «դիմողի ինքնությունը և վիզա ստանալու նրա իրավունքը՝ ԱՄՆ օրենսդրությանը համապատասխան» հաստատելուն։ 

ԱՄՆ-ի աֆղանցի դաշնակիցներին աջակցող կամավորական խումբը հայտարարել է, որ հեռագիրը Թրամփի վարչակազմի ջանքերի մաս է՝ կանխելու բոլոր աֆղանցիների մուտքը Միացյալ Նահանգներ։

Արդեն նշանակված հանդիպումները չեն չեղարկվի, սակայն դրանց ընթացքում հյուպատոսության աշխատակիցները պետք է մերժեն դիմողներին։ Պետդեպարտամենտը նաև նշել է, որ բոլոր հաստատված, բայց դեռ չտպված վիզաները պետք է չեղարկվեն, իսկ արդեն տպվածները՝ ոչնչացվեն։

Ավելի վաղ այս շաբաթ ԱՄՆ Քաղաքացիության և ներգաղթի ծառայությունն անորոշ ժամանակով կասեցրել էր աֆղանցի քաղաքացիների ներգաղթի դիմումների մշակումը։ Մինչև 2021 թվականը շուրջ 200 հազար աֆղանցի էր մուտք գործել ԱՄՆ՝ փախստականների և հատուկ վիզաների ծրագրերի շրջանակում։

Ներկայումս մշակվում են ևս մոտ 265 հազար աֆղանցիների դիմումներ, որոնցից շուրջ 180 հազարը ԱՄՆ կառավարության համար աշխատող անձանց հատուկ ներգաղթի վիզաների համար են։

Չորեքշաբթի օրը Աֆղանստանում ԿՀՎ-ի նախկին աշխատակիցը կրակ էր բացել Վաշինգտոնում՝ ԱՄՆ Ազգային գվարդիայի երկու զինծառայողների վրա։ Նրանցից մեկը հետագայում մահացել է։

Հռոմի Պապ Լևոն XIV-ը Թուրքիա իր այցի վերջին օրը սկսեց աղոթքով է սկսել Ստամբուլի Հայ առաքելական եկեղեցում, հաղորդել է Vatican News-ը։

Պապը ողջունել է Ամենայն Հայոց Կաթողիկոս Գարեգին Երկրորդին, ինչպես նաև Թուրքիայում գտնվող ամբողջ Հայ Առաքելական համայնքին։

Նա գոհություն է հայտնել Աստծուն հայ ժողովրդի քաջարի քրիստոնեական վկայության համար պատմության ամբողջ ընթացքում, հաճախ՝ ողբերգական պայմաններում։

Լևոն XIV պապը երախտագիտություն է հայտնել Հայ Առաքելական եկեղեցուն և Կաթոլիկ եկեղեցուն միավորող եղբայրական կապի համար։

Նա հիշեցրել է, որ Հռոմի պապի և Արևելյան ուղղափառ եկեղեցու պատրիարքի միջև առաջին համատեղ հռչակագիրը ստորագրվել է 1970 թվականի մայիսին՝ Պողոս VI պապի և Վազգեն I կաթողիկոսի միջև։

Սև ծովում լցանավի դեմ ահաբեկչությամբ Կիևը փորձում է շեղել ուշադրությունը կոռուպցիոն սկանդալից և խափանել խաղաղ բանակցությունները, այս մասին հայտարարություն է տարածել ՌԴ ԱԳՆ-ն։

Ռուսաստանը կոչ է անում բոլորին դատապարտել Սև ծովում իրականացված ահաբեկչությունները և գնահատական տալ Կիևի ռեժիմի ապակառուցողական գործողություններին:

Սպիտակ տունը ցանկանում է այսօր լուծել Ուկրաինայի հետ խաղաղության ծրագրի երկու հարցերի շուրջ առկա անհամաձայնությունները, այս մասին հաղորդում է Axios-ը։

Հրապարակման համաձայն՝ սա վերաբերում է տարածքային հարցերին և անվտանգության երաշխիքներին։

Ըստ հաղորդման՝ Ուկրաինայի խաղաղության ծրագրի շուրջ ամերիկյան և ուկրաինական պատվիրակությունների հանդիպումը տեղի կունենա Ուիթկոֆի անձնական գոլֆի ակումբում։

Ղազախստանի արտաքին գործերի նախարարությունը բողոք է հայտնել Նովոռոսիյսկի նավահանգստում Կասպիական խողովակաշարային կոնսորցիումի (ԿԽԿ) ենթակառուցվածքների վրա ուկրաինական հարձակման դեմ։

«Այս միջադեպը ագրեսիայի երրորդ ակտն է զուտ քաղաքացիական օբյեկտի դեմ, որի գործունեությունը երաշխավորված է միջազգային իրավունքով», - «Արմենպրես»-ի փոխանցմամբ` նշել է Ղազախստանի արտաքին գործերի նախարարությունը։

Արտգործնախարարությունը ընդգծել է, որ ԿԽԿ-ն կարևոր դեր է խաղում համաշխարհային էներգետիկ համակարգի կայունության պահպանման գործում և հայտարարել է, որ միջադեպը դիտարկում է որպես Ղազախստանի և Ուկրաինայի միջև երկկողմ հարաբերություններին վնասող գործողություն։ 

«Մենք ակնկալում ենք, որ ուկրաինական կողմը կձեռնարկի արդյունավետ միջոցներ՝ ապագայում նմանատիպ միջադեպերը կանխելու համար», - նշվում է հայտարարության մեջ։

Թուրքիայի արտաքին գործերի նախարարությունը ևս հայտարարություն է տարածել Սև ծովում վերջերս տեղի ունեցած միջադեպերի վերաբերյալ։ Հայտարարությունում նշվում է, որ Թուրքիան մտահոգված է Գամբիայի դրոշի ներքո նավարկող Kairos և Virat առևտրային լցանավերի վրա հարձակումների առթիվ։

«Սև ծովում մեր բացառիկ տնտեսական գոտում տեղի ունեցած այս միջադեպերը լուրջ ռիսկեր են ստեղծել տարածաշրջանում նավարկության, կյանքի, գույքի և շրջակա միջավայրի անվտանգության համար», - հայտարարել է Թուրքիայի արտաքին գործերի նախարարությունը: 

Հայտարարությունը Ուկրաինային ուղղակիորեն չի դատապարտում: Նշվում է, որ Թուրքիան շարունակում է շփումները համապատասխան կողմերի հետ՝ Սև ծովում պատերազմի տարածումը կանխելու և տարածաշրջանում երկրի տնտեսական շահերի վրա բացասական ազդեցությունից խուսափելու համար։

2025 թվականի փետրվարին ուկրաինական անօդաչու թռչող սարքերը հարվածեցին ԿԽԿ Կրոպոտկինսկայա նավթի պոմպակայանին: Նոյեմբերին տեղի ունեցավ ևս երկու հարձակում: Նոյեմբերի 25-ին Ուկրաինայի զինված ուժերը հայտարարեցին Նովոռոսիյսկի Շեշխարիս նավթային տերմինալի ուղղությամբ հաջող հարվածի մասին, որը ԿԽԿ համակարգի մաս է կազմում: Ընկերությունը պնդում էր, որ վնասվել է վարչական շենքը: 

Kairos և Virat լցանավերը հարձակման են ենթարկվել նոյեմբերի 28-ին՝ Թուրքիայի ափերի մոտ: 

ԱՄՆ-ում սկսվել է ուկրաինական պատվիրակության և ամերիկյան կողմի միջև հանդիպումը, այս մասին հայտարարել է Ուկրաինայի Ազգային անվտանգության և պաշտպանության խորհրդի քարտուղար Ումերովը։

Նա հայտարարել է, որ քննարկվելու են արժանապատիվ խաղաղության հասնելու քայլերը։

Ավելի ուշ Ումերովը ջնջել է գրառումը։

Ինչպես ավելի վաղ հայտնել էին լրատվամիջոցները, հանդիպմանը մասնակցելու են ԱՄՆ պետքարտուղար Մարկո Ռուբիոն, Թրամփի հատուկ դեսպանորդ Ուիթքոֆը և ԱՄՆ նախագահի փեսան՝ Ջարեդ Քուշները։