ԱՄՆ-ն և Իսրայելը պատրաստվում են հարված հասցնել Իրանի միջուկային օբյեկտներին, որը վերջնականապես կվերացնի երկրի միջուկային զենքի ծրագրից բխող սպառնալիքը: Պատերազմը մոտ է։ Գրում է Daily Mail-ը։ 

Պարբերականը նշել է, որ ԱՄՆ նախագահ Դոնալդ Թրամփի՝ Իրանին ռմբակոծելու սպառնալիքները, որոնց նմանը նրանք նախկինում չէին տեսել, պարզապես խելահեղ համառության մասին չէ։

«Իսրայելի տեսանկյունից՝ Թրամփի՝ Սպիտակ տուն գալուց հետո Իրանի հետ բանակցությունների օպտիմալ պահ է ստեղծվել։ Այլ նման հնարավորություն չի լինի», - ասել է պարբերականի աղբյուրներից մեկը։

Աբխազիայի ընտրված նախագահ Բադրա Գունբան երդում է տվել և ստանձնել պետության ղեկավարի պաշտոնը. խորհրդարանի նախագահը նրան հանձնել է սուր և աբխազական գավազան՝ «ալաբաշչա»: Այս մասին հաղորդում է Աբխազիայի նախագահի մամուլի ծառայությունը։

«Բադրա Գունբան պաշտոնապես ստանձնել է Աբխազիայի Հանրապետության նախագահի պաշտոնը: Երդմնակալության հանդիսավոր արարողությունը ապրիլի 2-ին տեղի է ունեցել նախարարների կաբինետի հանդիսությունների դահլիճում», – ասվում է հաղորդագրության մեջ։

Նշվում է, որ Գունբան նախագահական երդում է տվել խորհրդարանի պատգամավորների ու Սահմանադրական դատարանի դատավորների ներկայությամբ։ Այնուհետև հանրապետության խորհրդարանի խոսնակ Լաշա Աշուբան Գունբային հանձնել է իշխանության խորհրդանշանները՝ նախագահի դրոշակը, պաշտոնական կնիքը՝ Աբխազիայի զինանշանով և «Աբխազիայի Հանրապետության նախագահ» մակագրությամբ, զինված ուժերի գերագույն գլխավոր հրամանատարի կարգավիճակի խորհրդանիշ սուրը և աբխազական ազգային գավազան՝ «ալաբաշչա»՝ պետական իմաստության նշանը:

Արարողության պատվավոր հյուրերի թվում էին Ռուսաստանի Դաշնության նախագահի աշխատակազմի ղեկավարի առաջին տեղակալ Սերգեյ Կիրիենկոն, Հարավային Օսիայի նախագահ Ալան Գագլոևը, Ռուսաստանի տարածաշրջանների ղեկավարներ, Ռուսաստանի, Հարավային Օսիայի, Վենեսուելայի և Նիկարագուայի դեսպանները, Մերձդնեստրի ներկայացուցիչը, Սահմանադրական դատարանի դատավորները և Աբխազիայի Գերագույն դատարանի ղեկավարությունը, կառավարության անդամներն ու շրջանների վարչակազմերի ղեկավարները, ինչպես նաև կրոնադավանական ուղղությունների և տեղական ինքնակառավարման մարմինների ներկայացուցիչներ:

Աբխազիայում նախագահական ընտրություններն անցկացվել են երկու փուլով՝ փետրվարի 15-ին և մարտի 1-ին: Երկրորդ փուլում Գունբան հաղթանակ է տարել՝ հավաքելով ընտրողների ձայների 54,73%-ը, իսկ նրա մրցակիցը՝ ընդդիմադիր Ադգուր Արձինբան, հավաքել է ձայների 41,54%-ը:

Ապրիլի 1-ից ՀՀ արդարադատության նախարարի մամուլի քարտուղարի պարտականություններն իրականացնում է Մարիամ Մելքումյանը:

Այս մասին Մելքումյանը տեղեկացրել է սոցցանցի իր էջում:

SHAMSHYAN.com-ի տեղեկություններով մարտի 28-ին արտակարգ դեպք է տեղի ունեցել Երևանում։ Ժամը 02։10-ի սահմաններում ՀՀ ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում տեղեկություն է ստացվել, որ Տերյան փողոցի «Յանս» ակումբի մոտ վիճաբանություն է, իսկ քիչ անց տեղեկություն է ստացվել, որ նշված հասցեից «Ձախ հոդի վնասվածք» ախտորոշմամբ հիվանդանոց է տեղափոխվել մի տղամարդ։

Ինչպես հայտնում է ֆոտոլրագրող Գագիկ Շամշյանը, ոստիկանության Կենտրոնական բաժնի ծառայողները պարզել են, որ վիրավորը Երևանի բնակիչ 30-ամյա Արեն Ծ․-ն է։

Գ․ Շամշյանի տեղեկություններով ոստիկանության Կենտրոնական բաժնի ծառայողներին Արեն Ծ․-ի ընկերը հայտնել է, որ ժամը 01։20-ի սահմաններում Տերյան 76 հասցում գործող «Յանս» ռեստորանի դիմաց անհայտ անձի հետ պարզաբանումներ կատարելու նպատակով մոտեցել են վերջինիս, ով առաջացած վիճաբանության ընթացքում ծեծի է ենթարկել իրեն, ընկերոջը և Երևանի բնակիչ 27-ամյա Սևադա Հ․-ին:

Դեպքի փաստով ոստիկանության Կենտրոնական բաժնում փաստաթղթեր են ձևակերպվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական բաժին։ 

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Cunard Line ընկերության լյուքս դասի Queen Mary 2 ճամփորդական նավի վրա աղիքային ինֆեկցիայի բռնկում է տեղի ունեցել. ուղևորներից 224-ը վարակվել են նորովիրուսով: Այս մասին հաղորդագրություն է տարածել Հիվանդությունների վերահսկման կենտրոնը։

Ըստ հաղորդագրության՝ նավում գտնվում է 2538 ուղևոր և անձնակազմի 1232 անդամ: Առնվազն 224 ուղևոր և անձնակազմի 17 անդամ հիվանդացել են։Նավը Մեծ Բրիտանիայի Սաութհեմփթոնից դուրս է եկել մարտի 8-ին և պետք է վերադառնա ապրիլի 6-ին:

Նորովիրուսի բռնկումը տեղի է ունեցել նավարկության մեկնարկից տասն օր անց՝ մարտի 18-ին։Նշվում է, որ հիվանդների մոտ հիմնականում ի հայտ են եկել փորլուծության և փսխման ախտանշաններ:

Վիրուսի բռնկումից հետո նավի անձնակազմը մաքրման և ախտահանման լրացուցիչ աշխատանքներ է իրականացնում։ Վարակված ուղևորները և անձնակազմի անդամները մեկուսացվել են։

Վաշինգտոնը լրջորեն դիտարկում է միջուկային հարցի շուրջ անուղղակի բանակցություններ վարելու Իրանի առաջարկը: Այս մասին հաղորդում է Axios լրատվական հարթակը՝ հղում անելով աղբյուրներին։

«Սպիտակ տունը լրջորեն դիտարկում է միջուկային անուղղակի բանակցություններ վարելու Իրանի առաջարկը՝ միևնույն ժամանակ զգալիորեն ամրապնդելով ԱՄՆ-ի ուժերը Մերձավոր Արևելքում, եթե նախագահ Թրամփն ընտրի ռազմական հարվածները», – գրում է հարթակը՝ վկայակոչելով երկու ամերիկացի պաշտոնյայի, որոնց անունը չի նշվում։

ԱՄՆ նախագահ Դոնալդ Թրամփը բազմիցս հայտարարել է, որ կնախընտրեր համաձայնագրի կնքումը, սակայն նախազգուշացրել է, որ համաձայնության չհասնելու դեպքում կռմբակոծի Իրանը։ 

Թրամփը նաև ստացել է Իրանի պաշտոնական պատասխանը երկրի գերագույն առաջնորդ Այաթոլլա Ալի Խամենեիին իր հղած նամակին։ Իրանը հայտնել է, որ չի մասնակցի ԱՄՆ-ի հետ ուղղակի բանակցությունների, քանի դեռ ենթարկվում է ռազմական սպառնալիքների և ճնշման՝ նշելով, որ կարող է մասնակցել միայն անուղղակի բանակցությունների։ 

Աղբյուրներից մեկը հայտնել է, որ Թրամփի վարչակազմը կարծում է, որ ուղղակի բանակցությունները հաջողության ավելի մեծ շանսեր ունեն, սակայն չի բացառում իրանցիների առաջարկած ձևաչափը և չի առարկում այն բանին, որ օմանցիները լինեն երկու երկրների միջնորդն այդ շփումներում։ Միևնույն ժամանակ Պենտագոնը Մերձավոր Արևելքում ամրապնդել է ուժերը՝ տարածաշրջան ուղարկելով ևս մեկ ավիակիր հարվածային խումբ։ 

Լրագրող, «24Նյուզ»-ի տնօրեն Նարեկ Գալստյանի ֆեյսբուքյան գրառումը. «Մի անկեղծ հարցադրում անեմ, միգուցե ավելի խելացի պատասխաններ գտնվեն։

Եթե պետք է լինի Վարդան Ղուկասյան քաղաքապետ կամ Մարտուն Գրիգորյան քաղաքապետ, Հայաստանի Հանրապետության համար ի՞նչ տարբերություն։

Այսինքն, եթե գործընթացները չեն տեղափոխվելու Երևան, ինչ տարբերություն, թե ով է Գյումրիի, Մարալիկի կամ Մեղրիի քաղաքապետը։

Քի՞չ ընդդիմադիրներ կան, որ դարձել են համայնքապետ ու իրենց համայնքի խաթր աշխատում են իշխանությունների հետ։ Ի՞նչ է դա փոխում...»։

Նարեկ Գալստյան

Պատմաբան-հրապարակախոս Ռուբեն Վարդանյանն իր ֆեյսբուքյան էջում գրել է.

«Ինչպես Գյումրիի ընտրության օրը, ձայների հաշվարկից դեռ ժամեր առաջ, եթերում ասել էի` Նիկոլն ու վարչակազմը ողջունելու են ընտրության ելքը, հռչակելով ժողովրդավարության հերթական հաջողության մասին։ Սակայն։

Ի՞նչ տարբերություն ով է քաղաքագլուխը, եթե անհնազանդության ակցիաներ չէն լինելու որոնց էներգետիկան պիտի հաղորդվի Երևանին և մայրաքաղաքում ըմբոստական գործընթացներ սկսվեն։ Դիցուկ ըննդիմության ամենահավակնորդ թեկնածուն, ով ղեկավարության դեմ խիստ, կտրուկ ու նախշուն է խոսում արդեն իսկ հայտարարել է, որ պատրաստ է իշխանությանը ձևը (ոչ թե բովանդակությունը) հարգել և զբաղվել զուտ Գյումրվա խնդիրներով։ 

Այստեղ քպ ն եռակի է շահում, քանի որ ստանում է.

Ա) օրինական ընտրություններ

Բ) իր հետ աշխատող ապաքաղաքական քաղաքապետ

Գ) հնազանդ, հանգիստ քաղաք

Եվ խոսքը ոչ միայն Վարդանի մասին է, այլ բոլոր նրանց ովքեր մտածում են, թե եթե քպ ն ձախողվել է ու անձերը փոխվել են ուրեմն հաղթանակ է (ծածուկ հույսեր տածելով 2026թ. համար)։ Ոչ սա անհաջողություն է, որը գործող ղեկ.միավորը, ընդդիմության հերթական ապաշնորհության շնորհիվ, կարող է դարձնել հաջողություն և այդպիսով կարձանագրվի բոլորի պարտությունը։

Ընդդիմությունը հերթական անգամ տնային աշխատանքը տապալեց։ Նախօրոք էր պետք կադրերին պատրաստել, մակետը գծել, ժամային ճշտությամբ պրոցեսները սկսել։ Մինչդեռ Ռուբենը, ով միակն էր, որ քաղաքական երանգներ հաղորդեց պայքարին, մնաց մենակ և կարողացավ այնքան որքան ստացվեց։ Գյումրեցիների մեծ մասը չգնաց ընտրության և ընտրությունն էլ մնաց լոկալ տիմական տրամաբանության մեջ` այս պահին անորոշ ապագայով։

Ակնհայտ է, որ գործող ղեկավարությունը տարին սկսել է անհաջողություններով և կարողանում է մնալ աթոռին միայն ընդդիմության սխալների պատճառով։ Այսինքն սխալների ուղղման աշխատանքը պիտի սկսվի ընդդիմադիր դաշտից հետո անցի վարչակազմին և դառնա համապետական։

Մեկ խարիզմատիկ լիդերը և ունակ թիմը, հաղթանակի կամքը, չեմպիոնական ոգին, աննահանջ ոգին ու ճիշտ աշխատասիրությունը շեշտակի մի հարվածով կփշրեն այս եղելությունը և կանցնեն առաջ` առաջնորդելով Հայաստանի անցյալից դեպի ներկա ու ապագա։

P.S. Մինչդեռ հավանաբար Հանրապետության վրա հնարավոր հարձակման հետաձգմանը եկավ "օգնության" Ստամբուլի Էքրեմի ձերբակալությունը և նրա հետ կապված ցույցերը, որոնց ֆոնին Ադրբեջանը իջեցրեց հարձակման համար հող նախապատրաստող ռիտորիկայի ձայնը։ Բայց հետևենք Իրանին, որի հետ կապված ծրագրերում միգուցե մեր հողն էլ ընդգրկվում։ Որովհետև մեր երկիրը կախման մեջ բաներից որոնք իրենից կախված չեն»։

Փաբ չեմ կարող չգնալ, դրանից ես հաճույք եմ ստանում․ ՔՊ պատգամավոր. Տեսանյութ

Միջազգային ասպարեզում Ռուսաստանին քաղաքականապես և տնտեսապես մեկուսացնելու նպատակով ուկրաինական ճգնաժամը օգտագործելու փորձերն ամբողջությամբ տապալվել են։

«Մեր երկիրը պատրաստ է կառուցողական փոխգործակցության արևմտյան վերնախավերի այն ներկայացուցիչների հետ, որոնք իսկապես շահագրգռված են Եվրոպայում և աշխարհում իրադրության ապաէսկալացմամբ և կայունացմամբ և պատրաստ են հակամարտության կայուն կարգավորման ուղղությամբ կատարել առարկայական աշխատանք՝ հաշվի առնելով Ռուսաստանի անվտանգության օրինական շահերը», - հայտարարել է դեսպանը:

Նա նաև նշել է, որ ուկրաինական ճգնաժամը Ռուսաստանի քաղաքական և տնտեսական մեկուսացման համար օգտագործելու փորձերն անարդյունավետ են եղել: Նրա կարծիքով՝ անցկացվող քննարկումները հայ հասարակությանը թույլ են տալիս ավելի խորը հասկանալ ուկրաինական ողբերգության արմատական պատճառները։

Դեսպանն ընդգծել է, որ այն, ինչ տեղի է ունենում Ուկրաինայում, Ռուսաստանի և Արևմուտքի դարավոր դիմակայության ուղղակի հետևանքն ու շարունակությունն է: