Մեծ Բրիտանիան Ուկրաինային է փոխանցել ևս մի քանի Storm Shadow հրթիռներ։ Այդ մասին տեղեկացնում է «Արմենպրես»-ը՝ վկայակոչելով BBC-ն։

Կիևի կողմից ստացված հրթիռների ճշգրիտ քանակը չի նշվում, սակայն նոր մատակարարումները պետք է Ուկրաինային ապահովեն ամբողջ ձմռան համար անհրաժեշտ պաշարներով։ Մեծ Բրիտանիան մտավախություն ունի, որ Ռուսաստանը այդ ժամանակահատվածում կակտիվացնի իր հարձակումները։

Լոնդոնն առաջին անգամ Կիևին է փոխանցել մինչև 250 կմ հեռահարության Storm Shadow թևավոր հրթիռներ 2023 թվականին։ Ուկրաինան դրանք առաջին անգամ օգտագործել է Ռուսաստանում ռազմական թիրախներին հարվածելու համար 2024 թվականի նոյեմբերին։ Բրիտանական իշխանությունները չեն բացահայտել պատերազմի սկզբից ի վեր Կիևի ստացած հրթիռների ընդհանուր քանակը։