Լոնդոն տանող գնացքում անհայտ անձ դանակով հարձակվել է ուղևորների վրա: Տուժել է 11 մարդ, որոնցից մեկը մնում է ծայրահեղ ծանր վիճակում: Հարձակմանը մասնակցության կասկածանքով ձերբակալվել է մեկ անձ: Բրիտանական իրավապահ մարմինները հայտնել են, որ չկան տվյալներ, որոնք վկայում են միջադեպի ահաբեկչական բնույթի մասին:
Հարձակումը տեղի է ունեցել շաբաթ երեկոյան Անգլիայի հյուսիս-արևելքում գտնվող Դոնկաստեր քաղաքից Լոնդոնի Քինգզ Քրոսս կայարան տանող գնացքում: Միջադեպի պահին գնացքը անցնում էր Քեմբրիջշիր կոմսության տարածքով:
Հարձակման մասին տեղեկացել են գնացքի ուղևորները, ովքեր զանգահարել են ոստիկանություն և արտակարգ ծառայություններ: Նրանք պատմել են ուղևորների վրա հարձակվող, դանակով զինված անձի մասին։
Մեծ թվով ոստիկաններ և արտակարգ ծառայությունների աշխատակիցներ են ժամանել Քեմբրիջշիրի Հանթինգդոն կայարան, որտեղ գնացքը կատարել է չպլանավորված կանգառ:
Զինված ոստիկանները գնացքում ձերբակալել են երկու տղամարդու՝ հարձակմանը մասնակցության կասկածանքով:
Կիրակի կեսօրին ոստիկանությունը ճշտել է, որ ձերբակալվածները բրիտանացի քաղաքացիներ են: Մեկը 32-ամյա սևամորթ բրիտանացի է, մյուսը՝ 35-ամյա կարիբյան ծագմամբ տղամարդ: Երկուսն էլ ծնվել են Մեծ Բրիտանիայում: Նրանց անունները չեն հրապարակվում:
Latest from ArmNews
- ԱՄՆ-ի հետ փոխգործակցությունն անհնար է, քանի դեռ Վաշինգտոնն աջակցում է Իսրայելին. Խամենեի
- Նոբելյան մրցանակակիրն ԱՄՆ-ին կոչ է արել զինուժ կիրառել Մադուրոյի դեմ
- Մեղադրյալների միայն մի փոքր մասն է դատարանում. Ադրբեջանն Արցախի ղեկավարությանը «մեղավոր» է անվանել
- Թուրքիան փորձարկում է բալիստիկ հրթիռներ, որոնց հեռահարությունը կարող է հասնել Իսրայելին
- Իսրայելն ու ԱՄՆ-ը տարածաշրջանում պատրաստվում են ռազմական գործողությունների
- Իտալիան կփլուզվի՝ տնտեսությունից մինչև աշտարակներ. Զախարովա
- Վանաձորում փլnւզման հետևանքով զnհ կա
- Արեգակի վրա մեկ ժամվա մեջ երկու հզոր բռնկում է գրանցվել
Լրահոս
Ֆոտո
