Կարծես թե Քիմ Քարդաշյանն ունի լուրջ մրցակից՝ Քանյե Ուեսթի ներկայիս կինը՝ Բիանկա Սենսորին: 30-ամյա ավստրալուհին պատրաստվում է լիարժեք «բրենդային պատերազմի» ռեփերի նախկին կնոջ՝ SKIMS-ի հիմնադրի հետ:

Բիանկան թողարկում է իր սեփական ապրանքանիշը՝ Bianca-ն, դեկտեմբերի 11-ին՝ նախատեսվածից երկու ամիս ուշ: Թողարկումից առաջ նա Instagram-ում ներկայացրել է  հավաքածուի առաջին լուսանկարները՝ կրծկալներ, ներքնազգեստներ, կորսետներ և զուգագուլպաներ: 

Լուսանկարներում Սենսորին կեցվածք է ընդունել բաց հագուստով՝ լուսանկարները անելով հայելու մեջ՝ առանց մասնագետների օգնության: Մի կադրում նա կեցվածք է ընդունել զուգագուլպաներով և... դրանց վրայից ներքնազգեստ է հագնում: Երկրպագուները նշում են, որ SKIMS-ի տեսքը հստակորեն ծառայել է որպես ոգեշնչման աղբյուր՝ մինիմալիստական կտրվածքներից մինչև մեղմ գունապնակ: Հետաքրքիր է, որ Բիանկայի բոլոր գրառումներում նա նշել է դիզայներ Մարկ Ջեյքոբսին, ով նախկինում Քիմ Քարդաշյանին դարձրել էր իր աշուն/ձմեռ 2023 գովազդային արշավի դեմքը։ Երկրպագուները արդեն իսկ ենթադրում են, թե արդյոք Ջեյքոբսի և Bianca ապրանքանիշի միջև համագործակցություն է մշակվում։

Radar Online-ի համաձայն՝ զույգին մոտ կանգնած աղբյուրը պնդում է. «Սա պարզապես նորաձևություն չէ։ Քանյեի համար սա վրեժխնդրության հարձակում է։ Նա ուզում է ամեն ինչում գերազանցել Քիմին։ Բիանկայի ապրանքանիշը միտումնավոր կրկնօրինակում է SKIMS-ը՝ ուղղակիորեն մրցակցելու համար»։

Ըստ տեղեկությունների՝ Քիմը զայրացած է և համոզված, որ Քանյեն ինքն է կանգնած Censori նախագծի հետևում։

«Վիզուալից մինչև ընդհանուր մթնոլորտ, սա մաքուր SKIMS է», - նշում է նորաձևության ոլորտի մի աղբյուր։

Բիանկան վեցամսյա ընդմիջումից հետո վերադարձել է սոցիալական ցանցեր. Հելոուինին նա հրապարակել է իր լուսանկարը, որտեղ նա կեցվածք է ընդունել կեղծ դանակով՝ առանց ուսադիրի՝ ակնհայտորեն ակնարկելով իր «նոր սկզբի» մասին։ 

Մինչդեռ, Քանյե Ուեսթը ժամանակ չի վատնում։ Այս ուրբաթ թողարկվում է նրա 11-րդ ստուդիական ալբոմը՝ Bully-ն, իսկ նոյեմբերի 29-ին նա համերգ կտա Բրազիլիայի Սան Պաուլո քաղաքում։

Ռուսաստանի Դաշնության վարչապետ Միխայիլ Միշուստինը ժամանել է Չինաստան, որտեղ ակնկալվում է նրա հանդիպումը երկրի վարչապետ Լի Ցյանի հետ։

Հանչժոուում նոյեմբերի 3-ին սպասվում է Ռուսաստանի և Չինաստանի կառավարությունների ղեկավարների 30-րդ կանոնավոր հանդիպումը։

Հանդիպման արդյունքների ամփոփումից հետո պլանավորվում է համատեղ հայտարարության և մի շարք ռուս-չինական փաստաթղթերի ստորագրում։ 

Հանչժոուում ծրագրի ավարտից հետո Միշուստինը կուղևորվի Պեկին, որտեղ պլանավորված է նրա հանդիպումը ՉԺՀ-ի նախագահ Սի Ծինփինի հետ։

Ալբանիայի Դյուրես քաղաքում ընթացող ծանրամարտի Եվրոպայի երիտասարդների և մինչև 23 տարեկանների առաջնության մրցումային նախավերջին օրը Հայաստանն ունի հինգ ներկայացուցիչ։

Երիտասարդների պայքարում Երևանի ժամանակով 14:00-ին մրցահարթակ դուրս կգա 86 կգ քաշային Էմմա Պողոսյանը:

Ժամը 16:00-ին պայքարի մեջ կմտնեն +86 կգ քաշային կանայք, որտեղ Հայաստանից կմասնակցի Ալինա Սուքիասյանը: 

18:00-ին երիտասարդների 110 կգ քաշում հարթակ դուրս կգա Միշա Մելքոնյանը:

20:00-ին պայքարի մեջ կմտնեն մինչև 23 տարեկաններից 86 կգ քաշային աղջիկները: Հայաստանն այս քաշում ներկայացնում է Լիանա Գյուրջյանը:

Եվ 22:00-ին երիտասարդների տարիքային խմբում կմրցի գերծանր քաշային Վարդգես Մարգարյանը:

Գիտնականները չարորակ ուռուցքների հետքերը գտնելու նպատակով հետազոտել են հարյուրավոր մումիաների, սակայն բոլոր փորձերն անհաջող ավարտ են ունեցել: 

Արդյունքում, նրանք հանգել են այն եզրակացության, որ քաղցկեղը ժամանակակից հիվանդություն է, որն առաջանում է աղտոտված միջավայրի և սխալ սնվելու պատճառով: Դրանց նախորդել են երկար տարիների հետազոտությունները. գիտնականներն ուսումնասիրել են հին Եգիպտոսի և Հարավային Ամերիկայի 3 հազար տարվա հնություն ունեցող բազմաթիվ մումիաներ: Սակայն չեն գտել ուռուցքի ոչ մի ակնհայտ ախտանիշ:

Միայն մեկ եգիպտական մումիայի մոտ են հայտնաբերել հաստ աղիքի քաղցկեղ: Եթե հավատանք գիտնականներին, ապա գրական աղբյուրների մեջ, այդ թվում՝ հնադարյան գրավոր վկայություններում, չկա ոչ մի ակնարկ այդ հիվանդության մասին:

Հիվանդություն, որը հազարամյակներ անց դարձել է Երկրագնդի վրա գրեթե ամենազանգվածայինը, իսկ սրտանոթային հիվանդություններից հետո քաղցկեղը զբաղեցնում է երկրորդ տեղը:

Գիտնականներից մեկն ասում է, որ չարորակ ուռուցքների հյուսվածքները ավելի լավ են պահպանվում, քան առողջ հյուսվածքները:

Քաղցկեղով մումիան անհնար կլիներ չնկատել, և քանի որ Եգիպտոսում վիրաբուժությունը ցածր մակարդակի վրա էր գտնվում, ոչ ոք չէր համարձակվի հեռացնել ուռուցքը:

Այդպես էլ չգտնելով քաղցկեղի ախտանիշերը՝ գիտնականները համարում են, որ հնում մարդիկ ընդհանրապես չգիտեին այդ հիվանդության մասին:

Իսկ եթե հիվանդությունն այնուամենայնիվ ի հայտ էր գալիս, ապա դա լինում էր շատ հազվադեպ, քանի որ բնության մեջ բացակա են ուռուցքաբանական հիվանդությունների զարգացմանը նպաստող գործոնները:

Իսկ այժմ մարդկության կողմից ստեղծվում են բարենպաստ պայմաններ այդ հիվանդությունը զարգացնելու համար՝ սխալ կենսակերպ ու սննդակարգ, միջավայրի աղտոտում: Սակայն, այդ կարծիքին հակառակ, ուռուցքաբաններից մեկն էլ կարծում է, որ, այնուամենայնիվ, բնության մեջ գոյություն ունեն քաղցկեղածին գործոններ:

Օրինակ, ուլտրամանուշակագույն ճառագայթները, բացի դրանից՝ բնական ռադիացիան, որոշ վիրուսներ, որոնք նպաստում են արգանդի ու լյարդի ուռուցքաբանական հիվանդությունների զարգացմանը:

Ուռուցքաբանի կարծիքով, հին ժամանակներում մարդիկ հազվադեպ էին ապրում 50 տարեկանից ավել, և քաղցկեղը պարզապես չէր հասցնում զարգանալ:

Ըստ ուռուցքաբանների՝ մարդու տարիքը ուռուցքի զարգացման ամենագլխավոր պատճառն է:

Հիվանդության դեպքերի 90 տոկոսն արձանագրվում է 50-ն անց մարդկանց մոտ:

Այս հարցն այդպես էլ մնում է բոլոր ժամանակների և ժողովուրդների գաղտնիքներից մեկը, և ուռուցքաբանական հիվանդությունների բնության խնդիրը մինչ այժմ անհայտ է:

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 381.5 դրամ, վաճառքի նվազագույն արժեքը՝ 384.50 դրամ:

Եվրոյի առքի առավելագույն արժեքն է 439 դրամ, վաճառքի նվազագույն արժեքը՝ 443.5 դրամ:

Ռուսական ռուբլու առքի առավելագույն արժեքն է 4.68 դրամ, վաճառքի նվազագույն արժեքը՝ 4.80 դրամ:

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են։ 

Կորեայի ձորի ճանապարհի հիմնանորոգման աշխատանքներով պայմանավորված, հաշվի առնելով քարաթափման վտանգը, օգոստոսի 19-ից ճանապարհը ժամանակավորապես փակ է երթևեկության համար։ 

Լարսի մասին 

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

Միգրացիայի և քաղաքացիության ծառայությունից տեղեկացնում է, որ Ղարաբաղից տեղահանված անձինք ՀՀ քաղաքացիության ստացման դիմումներ կարող են ներկայացնել երկուշաբթիից ուրբաթ՝  Երևանում՝ Զաքյան 3 հասցեում գործող ՄՔԾ ստորաբաժանումում, մարզերում՝ բոլոր ստորաբաժանումներում, ՆԳՆ սպասարկման գրասենյակներում՝ շրջիկ ձևաչափով,  ծառայության գլխամասային գրասենյակում։ 

Ի՞նչ փաստաթղթեր է անհրաժեշտ ներկայացնել ՀՀ քաղաքացիություն ստանալու համար

ՀՀ քաղաքացիություն ստանալու համար անհրաժեշտ է ներկայացնել հետևյալ փաստաթղթերը․

դիմում-հարցաթերթ,

«070» ծածկագրով վավեր անձնագիրը և ժամանակավոր պաշտպանության վկայականը,

35 x 45 մմ չափի 6 լուսանկար (գունավոր),

ծննդյան վկայականը և դրա պատճենը,

ամուսնության (ամուսնալուծության) վկայականը, դրա պատճենը և ամուսնու անձնագրի պատճենը (եթե փոխել է ազգանունը ամուսնության հիմքով),

անձնական տվյալներում փոփոխություն կատարելու վերաբերյալ փաստաթուղթ (եթե անձը կատարել է նման փոփոխություն),

պետական տուրքի վճարումը հավաստող փաստաթուղթ։

Մինչև 18 տարեկան անչափահասների ՀՀ քաղաքացիությունը շնորհվում է պարզ անձնագրավորման կարգով (5 աշխատանքային օր)։

2025 թվականի սեպտեմբերի 1-ից տեղահանված և ժամանակավոր պաշտպանություն ստացած անձինք ազատվում են պետական տուրքի վճարից «Պետական տուրքի մասին» ՀՀ օրենքում 22․01․2025 թվականին կատարված փոփոխությունների արդյունքում։

Սաքսոնիայում հայտնաբերվել է մոտ 2200 տարվա վաղեմության եզակի ոսկե մետաղադրամ, որը կապված է հին լեգենդի հետ՝ ծիածանի ծայրին թաքնված գանձի մասին։ Այն այժմ համարվում է տարածաշրջանում երբևէ հայտնաբերված ամենահին կելտական մետաղադրամը, որը նոր լույս է սփռում կելտական ցեղերի հետ տարածաշրջանի վաղ առևտրային կապերի վրա։ 

2025 թվականի հուլիսին սերտիֆիկացված մետաղորսիչ Դանիել Ֆեստը մետաղադրամը հայտնաբերել է Լայպցիգի մոտակայքում գտնվող դաշտում։ Նա անմիջապես տեղեկացրել է իշխանություններին, և մի քանի ամիս անց՝ հոկտեմբերի 27-ին, գտածոն պաշտոնապես ներկայացվել է հանրությանը։

Մետաղադրամը պատրաստված է մաքուր ոսկուց և ունի փոքրիկ գավաթի նման կոր ձև՝ դրա համար նման մետաղադրամները հայտնի են որպես «ծիածանային գավաթներ»։ Անվանումը գալիս է հնագույն հավատալիքից, ըստ որի՝ ծիածանի ծայրին թաքնված է գանձ, և նման գտածոները համարվում են հաջողության խորհրդանիշ։

Ըստ Ancient Origins-ի, հնարավոր է, որ այս լեգենդները ծագել են այն փաստից, որ ուժեղ անձրևներից հետո հողից դուրս էին գալիս հին մետաղադրամներ, որոնք գյուղացիները գտնում էին իրենց դաշտերում։

Սաքսոնիայի հուշարձանների պահպանության վարչության հնագետները ներկայացրել են մետաղադրամը՝ նշելով, որ այն կշռում է մոտ երկու գրամ և գրեթե ամբողջությամբ բաղկացած է ոսկուց։ Մի կողմում պատկերված է ոճավորված կենդանու գլուխ՝ հավանաբար եղջերուի, իսկ մյուս կողմում՝ հաստացած ծայրերով օղակ, աստղ՝ կլորացված շողերով և փոքրիկ գունդ։ 

Ըստ Archaeology News-ի, մետաղադրամը դասվում է «կելտական քառորդ ստատեր» շարքին և, ամենայն հավանականությամբ, հատվել է մ.թ.ա. III դարում՝ Հյուսիսային Բոհեմիայում՝ կելտական աշխարհի կարևոր կենտրոններից մեկում։

Սկզբում հնագետները այն համարել էին սովորական մետաղադրամ, սակայն այժմ ենթադրում են, որ այն եղել է կարգավիճակի խորհրդանիշ, պատկանել է ազնվականի, այլ ոչ թե օգտագործվել է առօրյա հաշվարկների համար։

Մինչև այս գտածոն, Սաքսոնիայում հայտնի էին ընդամենը երկու կելտական մետաղադրամներ, սակայն վերջին տարիներին հայտնաբերվել են ևս ինը, այդ թվում՝ նման «ծիածանային գավաթներ»։ Նոր գտածոն՝ «Գունդորֆյան ծիածանային գավաթը», այժմ պաշտոնապես ճանաչվել է  Սաքսոնիայի ամենահին մետաղադրամը՝ հնությամբ գերազանցելով 2007 թվականին Ցաուշվից գյուղի մոտ հայտնաբերված արծաթե մետաղադրամին։