Պեկինը կրկին դիմել է Առևտրի համաշխարհային կազմակերպության (ԱՀԿ) վեճերի լուծման մեխանիզմին՝ ԱՄՆ նախագահ Դոնալդ Թրամփի կողմից չինական ապրանքների մաքսատուրքերը 34%-ով բարձրացնելու պատճառով։ Այս մասին ասվում է Չինաստանի Ժողովրդական Հանրապետության առևտրի նախարարության հայտարարության մեջ։

Թրամփի գործողությունները «լրջորեն խախտում են ԱՀԿ կանոնները, լրջորեն վնասում են ԱՀԿ-ի անդամների օրինական իրավունքներին և շահերին և լրջորեն խաթարում կանոնների վրա հիմնված բազմակողմ առևտրային համակարգը և միջազգային տնտեսական և առևտրային կարգը», - ասվում է հայտարարության մեջ: ԱՄՆ-ի մաքսատուրքերը «վտանգում են համաշխարհային տնտեսական և առևտրային կարգի կայունությունը, որին Չինաստանը կտրականապես դեմ է», - հավելել է նախարարությունը:

ինաստանը միշտ եղել է բազմակողմ առևտրային համակարգի ուժեղ աջակիցը, նշել են նախարարությունում։ «Մենք կոչ ենք անում ամերիկյան կողմին անհապաղ շտկել իր սխալները և չեղարկել միակողմանի մաքսատուրքերը», - հավելել է Չինաստանի առևտրի նախարարությունը։

Առաջին փոխքաղաքապետը լինելու է Ավետիս Առաքելյանը. Ինքը մի քանի անգամ եղել է ավագանու անդամ, լուրջ կրթություն ունի, դաստիարակված տղա է, ես ճիշտ կադր եմ գտել: Այս մասին NEWS.am-ի հետ զրույցում նշեց Գյումրիի նախկին քաղաքապետ, այսօր քաղաքապետի թեկնածու Վարդան Ղուկասյանը:

Հիշեցնենք, ավելի վաղ Վարդան Ղուկասյանը հայտարարել էր, որ քաղաքապետ լինելու դեպքում ավագանի կազմ անցած մյուս ընդդիմադիր ուժերին կարող է ցանկացած պաշտոն տալ բացառությամբ առաջին փոխքաղաքապետի:

Հնարավոր «կադրային ջարդի» մասին էլ նշեց. «Ես ընդհանրապես ջարդ չեմ սիրում, ով բանիմաց է, աշխատելու է  միանշանակ: Ով քաղաքական նկատռումներով է եկել, իրենք իրենց դիմում կգրեն կգնան, որովհետեւ ինձ հետ չեն կարող այդպիսի խաղեր խաղալ: Եթե կարողանան աշխատել ի շահ քաղաքի, ես կպահեմ, կապ չունի՝ ով է բերել:

Մնացած կուսակցությունները, որ ներկայացրել են լուրջ ծրագրեր, կարող ենք մենք նստել, քննարկել, եթե կան անհատներ, որոնք լավ ծրագրեր ունեն քաղաքի հետ կապված, միանշանակ լսելու եմ ու ընթացք եմ տալու»:

Խոսելով ավագանիում ուժեղ ընդդիմության առկայության մասին, Վարդան Ղուկասյանն ասաց. «Ես իմ ամբողջ կյնքում այնքան ընդդիմություն եմ ունեցել, ես սովոր եմ դրան, ես մանկապարտեզից ընդդիմություն եմ ունեցել մինչեւ այսօր: Դա ինձ համար բարդ բան չի»:

Ակնկալելի էր, որովհետև ով ճիշտ է պահում իրեն, ով ապրած ունի, պիտի էսպես պահեր, որովհետև ընդդիմության ձայներն էին սա, ուրիշ ձայներ չեն, այս մասին Radar Armenia-ի հետ զրույցում ասել է Վարդան Ղուկասյանը՝ անդրադառնալով Մարտուն Գրիգորյանի որոշմանը:

- Ինչպե՞ս կմեկնաբանեք Մարտուն Գրիգորյանի հայտարարությունը։

-Ինքն իր քայլն է արել, իր խոսքն է ասել: Այնտեղ ամեն ինչ գրված է: Մնացածը` կապրենք, կտեսնենք, թե ինչ սկզբունքով կաշխատենք, ոնց կանենք: 

-Կարծում եք՝ կստացվի՞ միասին աշխատել։

-Կարծում եմ․ ամեն ինչ կտեսնեք, ժողովրդի աչքի առջև կլինի՝ ով ինչ կքվեարկի, ինչ հարց կբարձրացնի։ Թափանցիկությունն ամենաբարձր սանդղակների վրա է լինելու:   

-Ձեզ համար սպասելի՞ էր իր այս որոշումը։

- Իհարկե, սպասում էի, հուսով էի, որ որոշումը դրական պետք է լիներ։ Այո, ակնկալելի էր, որովհետև ով ճիշտ է պահում իրեն, ով ապրած ունի, պիտի էսպես պահեր, որովհետև ընդդիմության ձայներն էին սա, ուրիշ ձայներ չեն: 

-Խոսվում էր, որ Դուք հակասություններ ունեք իրար մեջ, կոնֆլիկտ կա․ ինչպե՞ս եք միասին աշխատելու։

-Ես ոչ մեկի հետ հակադրություններ չունեմ․ եթե որևէ մեկն ունի, չգիտեմ։ Ես չունեմ: 

-Մարտուն Գրիգորյանը իր հայտարարության մեջ նշել է, որ Դուք, որպես թեկնածու, խոցելի եք, քանի որ քրեական գործեր կան Ձեր վրա: Համաձայն չե՞ք նրա հետ։

-Չկա այդպիսի բան, այդ քրեական գործերը սարքովի բան են։ Հայաստանի 50%-ն, ուրեմն, քրեական գործերի տակ է:

Եվ ուրեմն կեցցե՛ քաղաքական առուծախը, որը նոր երևույթ չէ. հարցն այն է՝ ծախողի՞, թե՞ ծախվողի դերում ես: Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանի մամուլի քարտուղար, Գյումրիի ավագանու ՔՊ թեկնածու Նազելի Բաղդասարյանը:

«Ե՛վ Գյումրու, ե՛վ գյումրեցիների համար եք պատասխանատու։

Ու Աստված չանի՝ մեկի գլխից մազ ընկնի։ Ի դեպ, բոլոր այն պնդումները, թե այս որոշումից ի վեր քաղաքական պատասխանատվություն չեք կրելու, դատարկաբանություն են։

Իսկ եղավ այն, ինչի մասին ասում էինք։ Գյումրու ճակատագիրն այս մարդկանց ի բնե հետաքրքիր չի եղել։ Իրենք իշխանազավթում էին տենչում, և տերերի ցուցմամբ պատրաստ եղան Գյումրին դնել զոհասեղանին։

Իսկ այլընտրանք կար՝ գնալ նոր ընտրությունների։ Բայց չէ՞ որ մարդիկ հենց այսօր են անցնում ընտրակաշառքի գործերով։ Եվ բնական է, որ նոր ընտրությունների պարագայում հավաքած ձայների կեսն էլ չէին ունենա։

Եւ ուրեմն կեցցե՛ քաղաքական առուծախը,որը նոր երևույթ չէ։

Հարցն այն է՝ ծախողի՞, թե՞ ծախվողի դերում ես։

Ինչևէ, ոմանց թասիբի և արժանապատվության մասին պատկերացումներս ամբողջացան։

Սպասելի էր»,-գրել է նա:

ՀՀ նախագահը ստորագրել է ԵՄ-ին ՀՀ անդամակցելու գործընթացի մեկնարկի մասին օրենքը: Այս մասին տեղեկանում ենք ՀՀ նախագահի պաշտոնական կայքից:

«Հանրապետության նախագահ Վահագն Խաչատուրյանը ապրիլի 4-ին ստորագրել է «Հայաստանի Հանրապետության կառավարության և Չինաստանի Ժողովրդական Հանրապետության Հոնկոնգի հատուկ վարչական շրջանի կառավարության միջև եկամուտների կրկնակի հարկումը բացառելու և հարկումից խուսափելն ու շրջանցելը կանխելու մասին» համաձայնագիրը վավերացնելու մասին, Եվրոպական միությանը Հայաստանի Հանրապետության անդամակցելու գործընթացի մեկնարկի մասին և Հայաստանի Հանրապետության հարկային օրենսգրքում լրացումներ և փոփոխություններ կատարելու մասին օրենքները»:

Freedom House միջազգային հեղինակավոր կազմակերպությունն ավարտում է աշխատանքը Հայաստանում, ինչի մասին հայտնել է Հայաստանում իրավապաշտպանական կազմակերպության ներկայացուցիչ Անդրանիկ Շիրինյանը։

«Ավելի քան չորս անհավանական տարի անց, իմ ճանապարհորդությունը Freedom House-ի հետ Հայաստանում ավարտվեց, քանի որ կազմակերպությունն ավարտում է իր աշխատանքը այստեղ: Ինձ համար պատիվ էր առաջնորդել ամենադժվար ժամանակներից մի քանիսը և կանգնել այդքան ոգեշնչող գործընկերների, ընկերների և իրավապաշտպանների կողքին»,-գրել է Շիրինյանը։

Freedom House-ն ԱՄՆ-ում հիմնված, ԱՄՆ կառավարության և պետքարտուղարության կողմից ֆինանսավորվող հասարակական կազմակերպություն է, որն իրականացնում է ժողովրդավարության, քաղաքական ազատության ևմարդու իրավունքների վերաբերյալ հետազոտություններ և պաշտպանություն։

Ապրիլի 7-ից երթևեկության կազմակերպման փոփոխություն կկատարվի Երևանի Իսակովի պողոտա – Առնո Բաբաջանյան փողոց խաչմերուկում և Լենինգրադյան – Հալաբյան փողոցների խաչմերուկում:

Մասնավորապես՝ Իսակովի պողոտայում՝ Էջմիածինից եկող ուղղությամբ կարգելվի հետադարձը:

Լենինգրադյան փողոցից երրորդ երթևեկելի գոտուց նախկին «ուղիղ և դեպի ձախ» թույլատրված երթևեկության փոխարեն երթևեկությունը կթույլատրվի «միայն ձախ» ուղղությունով:

Ապրիլին Երևանում օդի առավելագույն ջերմաստիճանը կարող է հասնել +28-ից մինչև +30 աստիճանի, այս մասին ճեպազրույցում ասել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
Հանրապետության ողջ տարածքում կանխատեսվում է տաք և բավարար տեղումներով ապրիլ։ Օդի ջերմաստիճանը 1-2 աստիճանով նորմայից բարձր կլինի։

«Հիմնականում գերակշռելու են արևադարձային լայնություններից ներթափանցող հոսանքները, բայց չի բացառվում, որ հատկապես ամսվա վերջում` առանձին օրերի, ունենանք արկտիկական ցուրտ հոսանքների ներթափանցում»,- ասել է Սուրենյանը։

Չինաստանի իշխանություններն ապրիլի 10-ից 34%-ի չափով լրացուցիչ մաքսատուրքեր են սահմանում ԱՄՆ-ից ներմուծվող ամբողջ արտադրանքի համար։

Այս մասին հայտարարել է Չինաստանի պետխորհրդի մաքսատուրքերի հանձնաժողովը։

Այս քայլը դարձել է ԱՄՆ նախագահ Դոնալդ Թրամփի կողմից սահմանված մաքսատուրքերին պատասխանը։ «ԱՄՆ-ի գործողությունները չեն համապատասխանում միջազգային առևտրի կանոններին, լրջորեն խախտում են Չինաստանի օրինական իրավունքներն ու շահերը և միակողմանի ահաբեկման տիպիկ դրսևորում են», – ասված է հայտարարության մեջ։

Մաքսատուրքերը սահմանվում են ի լրումն գործող տուրքերի, պարզաբանել է գերատեսչությունը։

Չինաստանի և ԱՄՆ-ի միջև ապրանքաշրջանառությունը 2024 թվականի արդյունքներով հասել է 688,28 միլիարդ դոլարի:

Ընդ որում, ԱՄՆ-ից Չինաստան մատակարարումները կազմել են 163,62 միլիարդ դոլար՝ գրեթե երեք անգամ պակաս, քան Չինաստանից ԱՄՆ արտահանումը: Չինաստանն ԱՄՆ-ից ներմուծում է գյուղատնտեսական արտադրանք, միկրոսխեմաներ, մեքենաշինական սարքավորումներ, ածխաջրածիններ և մետաղներ։

Միացյալ Նահանգները Չինաստանից գնում է սմարթֆոններ, համակարգիչներ, լիթիումային մարտկոցներ, պլաստիկե արտադրանք, կենցաղային սարքեր, կոշկեղեն, մանկական խաղալիքներ և շատ այլ ապրանքներ։Ապրիլի 2-ին Թրամփը հայտարարել է, որ ներմուծվող ապրանքների համար նվազագույն մաքսատուրքը կսահմանի 10%-ի չափով:

Առանձին պետությունների համար նա սահմանել է անհատական ​մաքսատուրքեր։ Մասնավորապես, չինական ապրանքների ներմուծման մաքսատուրքերը կկազմեն 34%:

Գյումրիում և Փարաքարում ՔՊ-ն ստացավ այն պատասխանը, որին արժանի էր: Այս մասին Ֆեյսբուքի իր էջում գրել է «Իմ հզոր համայնք» կուսակցության Գյումրու քաղաքապետի թեկնածու Ռուբեն Մխիթարյանը:

«Գյումրիում ընդդիմությունը ոչ մեկին թույլ չտվեց «պղտորել ջրերը»:

Շնորհակալ եմ մյուս երեք ընդդիմադիր թեկնածուներին: Ամենակարևորը մենք բոլորս ցույց տվեցինք, որ կարող ենք առաջնորդվել ՀԱՆՈՒՆԻ համար: Շնորհավոր, սիրելի գյումրեցիներ: 

Առջևում բաղձալի հաղթանակներն են»,- գրել է նա: