Կենտրոնական ռազմական շրջանի լուծարումից և Ուկրաինայում հակամարտության կարգավորումից հետո արևմտյան երկրները կփոխեն իրենց վերաբերմունքը Ռուսաստանի նկատմամբ, սակայն այսօր նրանք փորձում են «վերջին անգամ» ռազմավարական պարտության մատնել Ռուսաստանի Դաշնությանը։ Այս մասին ՌԻԱ Նովոստիին ասել է Ռուսաստանի վարչապետ Սերգեյ Ստեպաշինը։

«Իրականում նրանք չեն պայքարում Ուկրաինայի համար, նրանք կրկին, գուցե վերջին անգամ, փորձում են կոտրել Ռուսաստանին վերջին փորձով», - ընդգծել է նա։

Ստեպաշինը հիշեցրել է, որ Արևմուտքը կարողացավ «կոտրել» Խորհրդային Միությունը, և հիմա նույնը փորձում է անել Ռուսաստանի Դաշնության հետ։

ԱՄՆ նախագահ Դոնալդ Թրամփը երկուշաբթի կարծիք է հայտնել, թե առաջին տիկին Մելանյա Թրամփը համոզել է իրեն, որ Ռուսաստանի նախագահ Վլադիմիր Պուտինը բազմիցս հետ է կանգնում Ուկրաինայի հետ հնարավոր խաղաղության համաձայնագրի հասնելու իր խոստումներից, հաղորդում է Fox News-ը։

Նա պարզաբանել է, որ իր կինը մատնանշել է Պուտինի կեղծ խոստումները Թրամփի և Ռուսաստանի առաջնորդի հեռախոսազրույցներից հետո՝ հակամարտությունը դադարեցնելու համաձայնագրի կոչերի ֆոնին։

«Ես տուն եմ գնում։ Առաջին տիկնոջն ասում եմ. «Գիտե՞ս, այսօր խոսեցի Վլադիմիրի հետ։ Մենք հրաշալի զրույց ունեցանք»։ Առաջին տիկինն ասում է. «Իսկապե՞ս։ Մեկ այլ քաղաք հենց նոր հրթիռակոծվեց», - Պատմել է Թրամփը։

Երգչուհի Թեյլոր Սվիֆթը խոստովանել է, որ, թեև դեռ շտապողականություն չունի, բայց մտածում է ապագայում երեխաներ ունենալու մասին։

Նա նշել է, որ ներկայում կենտրոնացած է իր կարիերայի վրա, հատկապես՝ Eras Tour-ի և ալբոմների վրա, սակայն չի բացառել, որ մի քանի տարվա ընթացքում պատրաստ կլինի ընտանիք կազմել։ Սվիֆթն այժմ հարաբերությունների մեջ է ամերիկյան ֆուտբոլիստ Թրեվիս Քելսիի հետ, և երկուսն էլ կարևորում են ընտանեկան արժեքները։

Ռուսաստանի արտաքին գործերի նախարար Սերգեյ Լավրովը հայտարարել է, որ ԱՄՆ նախագահ Դոնալդ Թրամփը կարող էր Ուկրաինայի հետ Ռուսաստանի հակամարտության կարգավորման համար 50 օրվա փոխարեն 30 օր առաջարկել։ Դա տեղին կլիներ, եթե Կիևը մեկ շաբաթ առաջ բանակցությունների երրորդ փուլի ամսաթիվ հայտներ։ Այս մասին նա ասել է Տյանցզինում Շանհայի համագործակցության կազմակերպության (ՇՀԿ) արտաքին գործերի նախարարների խորհրդի նիստի արդյունքներին նվիրված մամուլի ասուլիսի ժամանակ, հաղորդում է TASS-ը։

«Եթե մեր այդ պարզաբանումները, որոնք մենք բազմիցս փոխանցել ենք ամերիկացի գործընկերներին, այդ թվում՝ տարբեր միջոցառումների շրջանակներում կայացած իմ հանդիպումների ժամանակ, պարզապես անտեսվում են կամ չեն զեկուցվում նախագահ Թրամփին, ապա դժվար է դատել, թե ինչ է դրա հետևում կանգնած։ Բայց խոսել այն մասին, թե առաջընթաց չկա և դրա համար էլ 50 օր է տրված... Եթե ուկրաինական կողմը հունիսի 22-ից մեկ շաբաթ առաջ համաձայներ նշել երրորդ փուլի ամսաթիվը, գուցե այնտեղ արդեն 30 օր մնացած լիներ», - ասել է ռուս նախարարը։

Շրջակա միջավայրի նախարար Հակոբ Սիմիդյանը կազատվի պաշտոնից, հաղորդում է Radar.am–ը։

Նոր նախարար է նշանակվում վարչապետի գլխավոր խորհրդական, նախկին փոխվարչապետ Համբարձում Մաթևոսյանը:

Պաշտոնական հրամանագրերը դեռ չեն հրապարակվել։

ՆԳ նախարար Արփինե Սարգսյանը կգործուղվի Վրաստան։

Սարգսյանը հուլիսի 21-22-ը կմեկնի Թբիլիսի՝ երկկողմ համագործակցության հարցեր քննարկելու նպատակով։

Նախարարի գործուղման ծախսերը կկատարվեն պետական բյուջեով ՆԳՆ-ին հատկացված միջոցների հաշվին։

Այս տարվա փետրվարին Քրեական ոստիկանության կիբեռհանցագործությունների դեմ պայքարի վարչությունում ստացվել էին հանցավոր կազմակերպության գործունեության վերաբերյալ հերթական հավաստի օպերատիվ տեղեկությունները, ըստ որոնց՝ Երևանի Գարեգին Նժդեհի փողոցի գրասենյակային նշանակության տարածքում Հայաստանի և օտարերկրյա մի խումբ քաղաքացիներ ստեղծել են հանցավոր կազմակերպություն և զբաղվում են համակարգչային հափշտակություններով:

Ամիսներ տևած օպերատիվ-հետախուզական ծավալուն միջոցառումների արդյունքում հնարավոր եղավ պարզել հանցագործությունների կատարման եղանակը, հանցավոր կազմակերպությունում ներգրավված անձանց ինքնությունն ու յուրաքանչյուրի դերակատարումը:
Հուլիսի 1-ին, մանրակրկիտ նախապատրաստումից հետո, Քրեական ոստիկանության և Քննչական կոմիտեի աշխատակիցներն իրականացրին անսպասելի խուզարկություն, և հմուտ գործողությունների արդյունքում հանցավոր կազմակերպության անդամներին չհաջողվեց ոչնչացնել առանցքային ապացուցողական նշանակություն ունեցող էլեկտրոնային տեղեկությունները:

Հայտնաբերվել են հանցավոր կազմակերպության անդամաներին պատկանող համակարգչային տեխնիկա և բջջային հեռախոսներ, որոնց հատուկ կահավորանքը պետք է չեզոքացներ իրենց ինքնության բացահայտման ռիսկը: Մինչ այդ ձեռք էին բերվել փաստական տվյալներ, որ հանցավոր կազմակերպության անդամները համացանցի միջոցով կապ են հաստատել արտերկրում բնակվող անձանց հետ, ներկայացել տարբեր կեղծանուններով և հաղորդակցվելով օտար լեզուներով՝ հանցավոր եղանակով նրանցից հափշտակել են ֆինանսական միջոցներ:

Մասնավորապես՝ նրանք տուժողներին առաջարկել են իրենց պատրաստած կեղծ կրիպտոարժույթների հարթակներում կատարել ֆինանսական ներդրում և կարճ ժամանակում ստանալ շահույթ: Ավելին՝ հանցավոր կազմակերպության անդամները թիրախավորված անձանցից տարբեր պատրվակներով պահանջել և ստացել են տարատեսակ բանկային տվյալներ, որոնց միջոցով ձեռք են բերել այդ անձանց ֆինանսական կարգավիճակի վերաբերյալ տվյալներ:

Բացի այդ, թիրախավորել են նաև այն անձանց, որոնք արդեն դարձել են նմանատիպ հանցագործությունների զոհ և առաջարկել կատարել կեղծ հետաքննություն՝ կորցրած ֆինանսական միջոցները վերադարձնելու պատրվակով, ինչի դիմաց պահանջել են միջնորդավճար:

Քրեական ոստիկանության կիբեռհանցագործությունների դեմ պայքարի վարչությունում ստացված տեղեկությունների հիման վրա Քննչական կոմիտեի կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչությունում նախաձեռնվել էր քրեական վարույթ, և միջոցառումերը շարունակվել են համատեղ:

Կիբեռհանցագործությունների բացահայտման գործում հատկապես կարևոր է ձեռք բերել ապացույցներ: Առաջին դեպքը չէր, և փորձառու իրավապահները գիտեին, որ այս հանցավոր կազմակերպության անդամները ևս ունեն իրավապահների անակնկալ այցելության դեպքում համակարգիչներում առկա ապացույցները ոչնչացնելու հստակ միջոցներ և ուղեցույց:

Մի խումբ անձանց նկատմամբ հարուցվել է հանրային քրեական հետապնդում հանցավոր կազմակերպություն ստեղծելու կամ ղեկավարելու, ինչպես նաև և հանցավոր կազմակերպության կողմից առանձնապես խոշոր չափերով համակարգչային հափշտակություն կատարելու հատկանիշերով:

Ներկայացվածը Քրեական ոստիկանության կիբեռհանցագործությունների դեմ պայքարի վարչության հերթական մեծամասշտաբ բացահայտումն էր։

Ներկայումս Քրեական ոստիկանության ծառայողներն ակտիվ համագործակցում են օտարերկրյա պետությունների գործընկերների հետ` հանցավոր կազմակերպության գործողություններից տուժած անձանց հայտնաբերելու նպատակով:

Վարչապետը որոշումներ է ստորագրել, համաձայն որոնց՝ ԱԱԾ երեք պաշտոնյաների վերանշանակել է իրենց պաշտոններում:

ԱԱԾ տնօրենի տեղակալի պաշտոնում վերանշանակվել է Արամ Հակոբյանը:

«Ղեկավարվելով «Հանրային ծառայության մասին» օրենքի 6-րդ հոդվածի 3.1-ին մասով, 9-րդ հոդվածի 6-րդ մասով և «Ազգային անվտանգության մարմինների մասին» օրենքի 4.1-ին հոդվածի 4-րդ մասով՝ Ազգային անվտանգության ծառայության տնօրենի տեղակալի ժամանակավոր պաշտոնակատար Արամ Հակոբյանին վերանշանակել ազգային անվտանգության ծառայության տնօրենի տեղակալի պաշտոնում»,- նշված է որոշման մեջ:

Մեկ այլ որոշման համաձայն՝ ԱԱԾ տնօրենի տեղակալի պաշտոնում վերանշանակվել է Սամվել Հայրապետյանը:

«Ղեկավարվելով «Հանրային ծառայության մասին» օրենքի 6-րդ հոդվածի 3.1-ին մասով, 9-րդ հոդվածի 6-րդ մասով և «Ազգային անվտանգության մարմինների մասին» օրենքի 4.1-ին հոդվածի 4-րդ մասով՝ Ազգային անվտանգության ծառայության տնօրենի տեղակալի ժամանակավոր պաշտոնակատար Սամվել Հայրապետյանին վերանշանակել ազգային անվտանգության ծառայության տնօրենի տեղակալի պաշտոնում»,- նշված է որոշման մեջ:

Պաշտոնում վերանշանակվել է նաև ԱԱԾ տնօրենի տեղակալ Եսաի Մկրտչյանը:

«Ղեկավարվելով «Հանրային ծառայության մասին» օրենքի 6-րդ հոդվածի 3.1-ին մասով, 9-րդ հոդվածի 6-րդ մասով և «Ազգային անվտանգության մարմինների մասին» օրենքի 4.1-ին հոդվածի 4-րդ մասով՝ Ազգային անվտանգության ծառայության տնօրենի տեղակալի ժամանակավոր պաշտոնակատար Եսաի Մկրտչյանին վերանշանակել ազգային անվտանգության ծառայության տնօրենի տեղակալի պաշտոնում»,- նշված է որոշման մեջ:

Հուլիսի 9-ից 12-ը Ղազախստանի Աստանա քաղաքում տեղի է ունեցել ԱՊՀ անդամ պետությունների ներքին գործերի նախարարությունների քաղաքային ստորաբաժանումների ղեկավարների խորհրդակցություն, որին մասնակցում էին Քրեական ոստիկանության Երևան քաղաքի վարչության պետ Հայկ Հարությունյանը և նույն վարչության անձի հետախուզման բաժնի պետ Աղվան Գրիգորյանը։

Խորհրդակցությունը վարում էր Աստանա քաղաքի ոստիկանության դեպարտամենտի պետ Մարատ Տուլեբաևը։

Քննարկման առարկա են դարձել կազմակերպված հանցավորության դեմ առավել արդյունավետ պայքարելու գործիքակազմերը, համագործակցությունն ընդլայնելու հնարավորությունները։
Մասնակից պետությունների պատվիրակները միմյանց են ներկայացրել իրենց կառույցներում ընթացող բարեփոխումները։ Այս համատեքստում ելույթ է ունեցել նաև Երևան քաղաքի վարչության պետ Հայկ Հարությունյանը:

Ավարտին խորհրդակցության մասնակիցները ծաղիկներ են խոնարհել ծառայողական պարտականությունները կատարելիս զոհված ոստիկանների հիշատակը հավերժացնող հուշարձանին։

Համացանցում տեսանյութ էր տարածվել, թե ինչպես է մի տղամարդ շանը կապած մեքենային վարում՝ կենդանու նկատմամբ ցուցաբերելով դաժան վերաբերմունք։
Համայնքային ոստիկանության Կոտայքի բաժնի ծառայողները օպերատիվորեն պարզել են վարորդի ինքնությունը։ Բյուրեղավանի 62-ամյա բնակիչը հայտնաբերվել, ձերբակալվել և մեքենայով հանդերձ տեղափոխվել է ՆԳՆ ոստիկանություն։

Կենդանիների նկատմամբ դաժան վերաբերմունքը քրեորեն դատապարտելի արարք է և յուրաքանչյուր դեպք առաջացնելու է իրավական հետևանքներ։ 

Հարգելի՛ քաղաքացիներ, հիշեք՝ կենդանիները մեր էկոհամակարգի կարևորագույն մասն են: Հորդորում ենք կենդանու նկատմամբ դաժան վերաբերմունքի ականատես լինելու դեպքում անհապաղ դիմել ոստիկանություն։ Միասի՛ն պայքարենք անմարդկային երևույթի դեմ։

ՆԳՆ խոսնակ Նարեկ Սարգսյան