«Հրապարակ» թերթը գրում է. «Երեւանի քաղաքապետ Տիգրան Ավինյանը երեկ խորհրդարանի մշտական հանձնաժողովների նիստում մասնակցում էր բյուջեի նախագծի քննարկումներին։

Նախկինում, երբ նա խորհրդարան էր գալիս, ՔՊ խմբակցությունից մի խումբ պատգամավորներ հատուկ հանդիսավորությամբ Ավինյանին ուղեկցում էին դահլիճ, մասնակցում նիստին:

Իսկ երեկ Ավինյանը, կարելի է ասել, մեն-միայնակ էր մնացել, գրեթե կիսադատարկ դահլիճում ներկայացնում էր իր ղեկավարած հիմնարկին հատկացվող բյուջեի մասը, ապա միայնակ էլ հեռացավ՝ չպատասխանելով անգամ լրագրողների հարցերին։

Դահլիճում, մարզպետներից բացի, ՔՊ ֆրակցիայից հաշված մարդիկ էին ներկա՝ Սերգեյ Բագրատյանը, Զարուհի Բաթոյանը եւ Արտյոմ Մեհրաբյանը։

Առավել մանրամասն թերթի այսօրվա համարում

«Փաստ» թերթը գրում է. «Մեր ունեցած տեղեկություններով, նոյեմբերի 12–ին Հայաստան է ժամանելու ԱՄՆ նախագահ Դոնալդ Թրամփի որդին՝ Թրամփ կրտսերը։ Ըստ մեր աղբյուրների, այցի նպատակները ներառում են բիզնես հետաքրքրություններ, իշխանությունների տարբեր շրջանակների հետ հանդիպումներ։

Առայժմ հայտնի չէ՝ Նիկոլ Փաշինյանի հետ հանդիպում նախատեսվա՞ծ է, թե՞ ոչ։ Հավանական է համարվում, որ այցը կազմակերպել է ԱՄՆ–ում ՀՀ նորանշանակ դեսպան Նարեկ Մկրտչյանը, որպեսզի «շեֆին» ապացուցի իր գործունեության արդյունավետությունը։

Առավել մանրամասն թերթի այսօրվա համարում

Հոկտեմբերի 30-ին Harbin United Aircraft Technology Co., Ltd.-ի մշակած T1400 ծանր անօդաչու ուղղաթիռը հաջողությամբ ավարտեց իր առաջին փորձնական թռիչքը Հարբինում։

Թռչող սարքի առավելագույն թռիչքային զանգվածը 1400 կիլոգրամ է, կարող է օդում մնալ մինչև ութ ժամ, գործնական առաստաղը 6500 մետր է, իսկ հորիզոնական թռիչքի առավելագույն արագությունը՝ ժամում 180 կիլոմետր։ 

T1400-ի երկշարժիչ կառուցվածքը և բարձր ամրության կոմպոզիտային նյութերը ապահովում են մեծ բեռնատարողություն և ընդարձակ Naked Science ​​​​դասավորություն։ Իր ինտելեկտուալ կառավարման համակարգերի շնորհիվ ուղղաթիռը կիրառման լայն ներուժ ունի այնպիսի ոլորտներում, ինչպիսիք են արտակարգ փրկարարական գործողությունները, լոգիստիկ փոխադրումները և անտառային հրդեհաշիջումը։ 

Երկայնական ռոտորի կառուցվածքն ապահովում է կայունություն, մանևրելու ունակություն և բարձր բեռնատարողություն։ Օդանավը կարող է գործել 8 միավոր քամու ուժգնությամբ և -40°C-ից մինչև +55°C ջերմաստիճանի պայմաններում՝ թռիչք և վայրէջք կատարելով լեռներում, անապատներում և կղզիներում։ 

T1400-ը նախագծված է որպես բազմաֆունկցիոնալ, ծանր բեռնատար հարթակ, որը կարող է վերակազմավորվել՝ համապատասխանեցվելով որոշակի առաքելությունների։ Այն ոչ միայն քաղաքացիական նախագիծ է, այլև՝ կրկնակի օգտագործման հարթակ։ T1400-ը կարող է օգտագործվել ռազմական գործողությունների համար, ներառյալ լոգիստիկ աջակցությունը և տարհանումը հակամարտության գոտիներում, պարեկային և մատակարարման ծառայություններում։

Նիկոլ Փաշինյանի որոշմամբ խմբագրվել է Հայաստանի և Ադրբեջանի միջև հաղորդակցությունների բացման հարցերով հանձնաժողով ստեղծելու և հանձնաժողովի անհատական կազմը հաստատելու մասին որոշումը։

Հանձնաժողովը գլխավորում է փոխվարչապետ Մհեր Գրիգորյանը: Հանձնաժողովի կազմում են ՀՀ Արտաքին գործերի նախարարի տեղակալ Վահան Կոստանյանը, ԱԳ նախարարի տիկին Գոհար Աբաջյանը և մի շարք պաշտոնյաներ, ամբողջական ցանկը ներկայացված է այստեղ:

Նշենք, որ Գոհար Աբաջյանը վերջերս նշանակվել է «Ներդրումների աջակցման կենտրոն» հիմնադրամի տնօրեն: Հանձնաժողովում ևս մեկ «նորեկ» կա՝ Բարձրագույն դատական խորհրդի նախկին նախագահ Կարեն Անդրեասյանը, ով նախորդ տարի ազատվել էր այդ պաշտոնից: Անդրեասյանը վերջերս դարձել է միջազգային իրավական հարցերով Հայաստանի ներկայացուցիչը։

ԱՄՆ նախագահ Դոնալդ Թրամփն իր առաջին ժամկետի ընթացքում երևակայել է «ռումբերի պայթյունների» մասին։ Այս մասին CNN-ին տված հարցազրույցում ասել է ԱՄՆ ներքին անվտանգության նախարարության նախկին պաշտոնյա Մայլզ Թեյլորը։

«Թրամփն առաջին ժամկետում, համենայնդեպս, երբ ես այնտեղ աշխատում էի, խորհրդականների առաջ բավականին բացահայտ երևակայում էր ռումբեր պայթեցնելու ցանկության մասին», - հայտարարել է պաշտոնայն: Նրա խոսքով՝ 2017 թվականին Հյուսիսային Կորեայի հետ դիմակայության ժամանակ Թրամփը «իրեն ազատ է պահել, ինչը վախեցրել է իր թիմին»:

Բացի այդ, խորհրդակցություններից մեկից հետո ԱՄՆ պաշտպանության նախարարը դիմել է ներքին անվտանգության նախարարության աշխատակիցներին և հույս հայտնել, որ նրանք երկիրը նախապատրաստում են պատերազմի: Նախկին պաշտոնյան ընդգծել է, որ շատ սարսափելի է պաշտպանության նախարարից նման խոսքեր լսելը։ 

Էրդողանի՝ Երևան այցելելու վերաբերյալ որևէ կոնկրետ տեղեկություն չկա: Որոշման մասին հրապարակումը ակնկալվում է ամսաթվին մոտ, հայտնել են Թուրքիայի նախագահի աշխատակազմից՝ ՌԻԱ Նովոստիի փոխանցմամբ։

Հիշեցնենք, որ պաշտոնական Երևանը հրավիրել է Թուրքիայի և Ադրբեջանի նախագահներին Երևան՝ մասնակցելու Եվրոպական քաղաքական համայնքի գագաթնաժողովին:

Ավելի վաղ Ալիևը մերժել է հրավերը:

«Զանգեզուրի միջանցքն» ունի Եվրասիայի տրանսպորտային քարտեզը փոխելու և տարածաշրջանների միջև համագործակցությունն ամրապնդելու ներուժ, ասել է Ադրբեջանի նախագահի օգնական Հիքմեթ Հաջիևը։

«Մենք համոզված ենք, որ «Զանգեզուրի միջանցքը» կարող է զգալի օգուտներ բերել ոչ միայն մեր տարածաշրջանին, այլև ամբողջ Եվրասիային։ Այս նախագիծն ունի մայրցամաքի տրանսպորտային քարտեզը փոխելու ներուժ՝ ամրապնդելով փոխկապակցվածությունը, համագործակցությունը և բարգավաճումը։ Այս գործընթացում Հարավային Կովկասը, այդ թվում՝ Ադրբեջանը, ունի հատուկ նշանակություն», - ընդգծել է Հաջիևը։

Հայաստանի Հանրապետությունը դարձել է Լատինական Ամերիկայի ինտեգրման ասոցիացիայի դիտորդ պետություն։

Այս մասին նշված է Հայաստանի ԱԳ նախարարության X-ի միկրոբլոգում տարածված գրառման մեջ։ 

«Հայաստանը դարձել է Լատինական Ամերիկայի ինտեգրման ասոցիացիայի դիտորդ պետություն։ Այս կարևոր քայլը նոր հնարավորություններ է բացում Հայաստանի և Լատինական Ամերիկայի երկրների միջև տնտեսական և առևտրային համագործակցությունը խորացնելու համար»,-ասված է ԱԳ նախարարության գրառման մեջ: 

Իսրայելի բանակը ծանր հրետանային զենքերով թիրախավորել է Գազա քաղաքի արևելքում գտնվող Շուջաիյա և Թուֆֆահ թաղամասերը՝ միևնույն ժամանակ շարունակելով բնակելի շենքերի քանդման գործողություններ իրականացրել։ «Արմենպրես»-ի փոխանցմամբ՝ այս մասին հայտնում է Al Jazeera-ն։ 

Բացի այդ, Խան Յունիս քաղաքի արևելյան շրջանները հոկտեմբերի 30-ից ի վեր ենթարկվել են ծանր հրետանային հարվածների և իսրայելական ուղղաթիռների կողմից անդադար ռմբակոծման։

Իսրայելական ուժերը նաև հարձակվել են Արևմտյան ափի փախստականների ճամբարների վրա, խուզարկել են տներ և ձերբակալել մի քանի պաղեստինցիների։ 

Աշ-Շաֆա հիվանդանոցը հայտնել է, որ Գազայի հատվածի հյուսիսում գտնվող Ջաբալիա շրջանում իսրայելական բանակի թիրախավորման հետևանքով պաղեստինցի է զոհվել։

Գազայի առողջապահության նախարարությունը հայտնել է, որ Իսրայելի իշխանությունները ՀԱՄԱՍ ​​շարժման հետ համաձայնության գալուց հետո հանձնել են իսրայելական ուժերի կողմից սպանված ավելի քան 200 պաղեստինցու մարմին։

Գազայի առողջապահության նախարարությունը տեղեկացրել է, որ 2023 թվականի հոկտեմբերի 7-ից վեր իսրայելական հարձակումների հետևանքով զոհված պաղեստինցիների թիվը հասել է 68 527-ի, վիրավորվել է  167 395 մարդ։

Իսրայելը Գազայի հատվածում ռազմական գործողություններ էր սկսել՝ ի պատասխան պաղեստինյան ՀԱՄԱՍ շարժման զինյալների ներխուժման, որի հետևանքով զոհվել էր գրեթե 1200 մարդ, գերեվարվել՝ շուրջ 250 մարդ։

2025թ․ հոկտեմբերի 30-ին Բնապահպանության և ընդերքի տեսչական մարմին ՇՄՆ էկոպարեկային ծառայությունից ահազանգ է ստացվել Վայոց ձորի մարզի Հերմոն բնակավայրի վարչական տարածքում ցանկապատում արգելափակված արջի քոթոթի վերաբերյալ։

Տեսչական մարմնի աշխատակիցները մեկնել են նշված վայր, որտեղ մետաղական ինքնաշեն լարանի մեջ արգելափակված հայտնաբերել են մոտ 2 տարեկան արջի քոթոթ։ Տարածքի տեղազննման արդյունքում հայտնաբերվել են նաև 3 մետաղական ինքնաշեն լարան, որոնք առգրավվել են։

Քոթոթի վնասվածքները բուժելու և հետագայում նրան վայրի բնություն վերադարձնելու նպատակով՝ վայրի կենդանին տեղափոխվել է Վայրի բնության և մշակութային արժեքների պահպանման հիմնադրամի Ուրցաձորի կովկասյան կենսաբազմազանության ապաստարան։

Առերևույթ հանցանքի մասին հաղորդում է ներկայացվել ՀՀ քննչական կոմիտե։