Վրաստանի ֆինանսների նախարարության տվյալներով՝ Վրաստանը մարել է իր «պատմական պարտքը» Ադրբեջանին։ 

Սեպտեմբերին Վրաստանն ամբողջությամբ մարել է 2004 թվականի հուլիսին Փարիզի ակումբի վարկատուների հետ կնքված համաձայնագրի համաձայն վերակառուցված արտաքին պարտքի մնացած մասը։

Ադրբեջանից բացի, պարտքեր են մարվել նաև Ռուսաստանին, Թուրքիային, Ղազախստանին, Հայաստանին, Իրանին և Նիդեռլանդներին։ 

Բոլոր պարտքերը վերաբերում են Վրաստանի անկախությունից հետո առաջին տարիներին ստանձնած արտաքին պարտավորություններին։

Վճարումները ներառում էին 1999 թվականից առաջ ձևավորված 160 միլիոն դոլարի պարտք, 1999 թվականից մինչև 2004 թվականի մայիսը կուտակված պարտավորությունների տոկոսներ և 2004-2006 թվականներին վճարման ենթակա պարտքեր՝ համաձայն նախկինում հաստատված ժամանակացույցի։

Վճարումների ընդհանուր գումարը գերազանցել է 225 միլիոն դոլարը։

ՇՄՆ հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը գրառում է արել սպասվող եղանակային փոփոխությունների մասին:

«Սեպտեմբերի 19-ից ևս մեկ մեծ քայլ դեպի աշուն»,- գրել է նա:

Ռուսաստանը հարվածներ է հասցրել Ուկրաինայի Չերկասիի մարզի Սմելա քաղաքում՝ «Օրիզոն» գործարանին։ Այս մասին հայտնում է ՌԻԱ Նովոստին։

Գործարանը մասնագիտանում է ռադիոտեխնիկական սարքավորումների, անօդաչու թռչող սարքերի (ԱԹՍ) օբյեկտիվ կառավարման համակարգերի և հրթիռային ուղղորդման համակարգերի արտադրության մեջ։

Հարվածներ են հասցվել դիզելային շոգեքարշերի վերանորոգման գործարանի և Պոլտավայի մարզում գտնվող Ուկրաինայի զինված ուժերի ավիաբազայի մոտ։

Ադրբեջանին զենքի վաճառքը լարվածություն է առաջացրել Հայաստանի եւ Բելառուսի հարաբերություններում։ Այս երկրները գործընկերներ են Հավաքական անվտանգության պայմանագրի կազմակերպությունում (ՀԱՊԿ), բայց այդ գործընկերությունը հաճախ կասկածի տակ է դրվել։ Այս մասին գրում է «Հետք»-ը։

Տարիներ շարունակ հայ պաշտոնյաները հրապարակավ վրդովմունք են հայտնել՝ ընդգծելով, որ Բելառուսը զենք է վաճառում Ադրբեջանին այն պայմաններում, երբ Հայաստանը վերջինիս հետ երկարատեւ հակամարտության մեջ է Լեռնային Ղարաբաղի շուրջ։

Բելառուսական պետական ու մասնավոր ռազմարդյունաբերական ընկերությունները տարիներ շարունակ սպառազինություն եւ դրանց առնչվող ծառայություններ են վաճառել Հայաստանի թշնամուն՝ Ադրբեջանին: Օրինակ՝ բելառուսական «Տետրաէդր» մասնավոր ընկերությունն Ադրբեջանին օգնել է թարմացնել հակաօդային պաշտպանության համակարգերը: «Տետրաէդրի» ներքին զեկույցներից մեկում նշվում է, որ այս ընկերության տեխնոլոգիաները կիրառվել են 2020 թվականի 44-օրյա պատերազմի ժամանակ։

Մենք նախկինում եւս գրել ենք Բելառուսի ու Ադրբեջանի ռազմատեխնիկական համագործակցության մասին:

Բայց «Տետրաէդրի» զեկույցը առանձնահատուկ է նրանով, որ այդտեղ կա հստակ փաստ՝ ընկերության մշակած «Պեչորա-2ՏՄ» զենիթահրթիռային համալիրները կիրառվել են 44-օրյա պատերազմում եւ խոցել հայկական 11 անօդաչու թռչող սարք։

Ավելին՝ սկզբնաղբյուրում։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 382 դրամ, վաճառքի նվազագույն արժեքը՝ 384 դրամ:

Եվրոյի առքի առավելագույն արժեքն է 451 դրամ, վաճառքի նվազագույն արժեքը՝ 454.5 դրամ: 

Ռուսական ռուբլու առքի առավելագույն արժեքն է 4.6 դրամ, վաճառքի նվազագույն արժեքը՝ 4.65 դրամ:

«Gündelik Nakhchivan» սոցիալական ցանցում հրապարակվող «Gündelik Nakhchivan» էջը պնդում է, որ թուրքական իշխանությունները մի քանի շաբաթ է, ինչ արգելում են Նախիջևանից տաքսու վարորդներին մուտք գործել Իգդիր։ 

Ըստ լրատվամիջոցի՝ նոր կանոնը խախտող տաքսու վարորդները ենթակա են տուգանքների և 15-օրյա տրանսպորտային միջոցների բռնագրավման։ 

OC Media-ի հաղորդմամբ՝ հինգշաբթի օրը վարորդները իրենց Facebook-ի էջում հայտնել են, որ ոստիկանությունը մաքսային ստուգումից հետո կանգնեցնում է իրենց 20 կիլոմետրանոց վերահսկողության գոտում՝ ստուգման համար։

Թուրք սահմանապահները տաքսու վարորդներին տարբերակում են մյուս վարորդներից՝ նրանցից հարցնելով ուղևորների անուն-ազգանունը։

«Ստուգումը չանցած վարորդները տուգանվում են, իսկ նրանց մեքենաները՝ բռնագրավվում», - հայտնում է Gündelik Nakhchivan-ը՝ հղում անելով տաքսու վարորդներին։

Տաքսու վարորդ Գյունդուզ Մամեդովը Gündelik Nakhchivan-ին ասել է, որ մի քանի օր առաջ տուգանվել է. «Շատ տարիներ մենք մեր ապրուստը վաստակում էինք Թուրքիա ուղևորներ տեղափոխելով։ Վերջերս մեզ թույլատրվեց այնտեղ մեկնել յուրաքանչյուր 15 օրը մեկ։ Հիմա թուրքական կողմը մեզ ամբողջությամբ զրկել է մեր ապրուստի միջոցներից», - ասել է նա։

Ֆուտբոլի եվրոպական Չեմպիոնների լիգայում սեպտեմբերի 17-ին կշարունակվեն առաջին տուրի հանդիպումները։

Չեմպիոնների լիգա, առաջին տուր

Սեպտեմբերի 17

«Օլիմպիակոս» - «Պաֆոս»՝ 20:45 (Երեւանի ժամանակ)

«Սլավիա Պրահա» - «Բուդյո-Գլիմտ»՝ 20:45

«Այաքս» - «Ինտեր»՝ 23:00

«Բավարիա» - «Չելսի»՝ 23:00

«Լիվերպուլ» - «Աթլետիկո Մադրիդ»՝ 23:00

ՊՍԺ - «Ատալանտա»՝ 23:00

«Ժողովուրդ» օրաթերթը գրում է. ««Ժողովուրդ» օրաթերթի լավատեղյակ աղբյուրները տեղեկացրին, որ Եվրոպական ընդլայնման հարցերով հանձնակատար Մարթա Կոսը, ով դեռ վերջերս հայտարարել էր, որ «ԵՄ-Հայաստան գործընկերությունը երբեք այսքան ամուր չի եղել», առաջիկա օրերին կայցելի Հայաստան:

Սլովենացի դիվանագետ եւ քաղաքական գործիչ Մարթա Կոսը 2013-2017 թվականներին ծառայել է որպես Սլովենիայի դեսպան Գերմանիայում, իսկ 2017-2020 թվականներին՝ Շվեյցարիայում։ 2024 թվականի դեկտեմբերի 1-ից նա Ֆոն դեր Լեյենի երկրորդ հանձնաժողովում զբաղեցնում է ԵՄ ընդլայնման հարցերով հանձնակատարի բարձր պաշտոնը։

Կոսի այցը Երեւան դիտվում է որպես կարեւոր ազդակ Հայաստանի եւ ԵՄ-ի հարաբերությունների խորացման գործընթացում։ Այս այցի ընթացքում սպասվում է քննարկում Հայաստանի եվրոպական ինտեգրման հեռանկարների, ժողովրդավարական ինստիտուտների ամրապնդման եւ տարածաշրջանային անվտանգության հարցերի շուրջ։

ԵՄ նոր հանձնակատարի առաջին այցելությունը մեր երկիր առանձնահատուկ կարեւորություն ունի նաեւ այն ֆոնին, որ ԵՄ-ն վերջերս մեծացրել է իր ներգրավվածությունը Հարավային Կովկասում»։