ԱՄՆ վարչակազմը դադարեցրել է ուսանողական վիզաների հարցազրույցները
ԱՄՆ նախագահ Դոնալդ Թրամփի վարչակազմը հրահանգել է դեսպանատներին դադարեցնել նոր ժամանակացույցեր սահմանել ուսանողական և փոխանակման ծրագրերի վիզաների դիմորդների համար, հայտնում է Reuters-ը: Պետդեպարտամենտը պատրաստվում է ընդլայնել օտարերկրյա ուսանողների սոցիալական ցանցերի ստուգման գործընթացը։
ԱՄՆ պետքարտուղար Մարկո Ռուբիոն կարգադրության մեջ, որին ծանոթացել է գործակալությունը, նշել է, որ բաժինը մտադիր է նոր ուղեցույց հրապարակել սոցիալական մեդիայի ստուգման վերաբերյալ ուսանողական և փոխանակման վիզաների դիմորդների համար՝ վերանայման ավարտից հետո, և խորհուրդ է տվել հյուպատոսական բաժիններին ժամանակավորապես դադարեցնել այդ վիզաների նոր ընդունման ժամադրությունների սահմանումը։
Այս քայլը կատարվում է այն ժամանակ, երբ Թրամփի վարչակազմը փորձում է խստացնել արտաքսման քաղաքականությունը և չեղարկել ուսանողական վիզաները՝ իր կոշտ ներգաղթի օրակարգը կյանքի կոչելու շրջանակում։
Մի քանի հարյուր ցուցարարներ, այդ թվում՝ Հարվարդի համալսարանի ուսանողներ և պրոֆեսորներ, երեքշաբթի օրը բողոքի ցույց են անցկացրել Հարվարդի համալսարանում՝ օտարերկրյա ուսանողների աջակցությամբ, ինչպես նաև վարչակազմի՝ համալսարանի ֆինանսավորումը դադարեցնելու փորձերի դեմ։
Latest from ArmNews
- Դատաբժշկական նշանակված փորձաքննությունը կտա պատասխանը․ ԱՆ-ն՝ 1,5 տարեկան փոքրիկի մահվան մասին
- Զինված բախումներ՝ Աֆղանստանի ու Պակիստանի միջև
- Իսրայելն ու ՀԱՄԱՍ-ը 60-օրյա հրադադարի համաձայնություն են ձեռք բերել
- Ադրբեջանից պարզաբանում ենք պահանջել Խոզնավարի ուղղությամբ կրшկոցների համար. Պապիկյան
- Զախարովան հրապարակել է Ստամբուլում կայանալիք բանակցություններում ռուսական պատվիրակության կազմը
- Հաստատվել են 2025-2026 ուստարվա ասպիրանտուրա ընդունելության տեղերը
- Իսրայելն ընդունում է Գազայի պատանդների ազատ արձակման Ուիթկոֆի նոր առաջարկը. Նեթանյահու
- Ինչպես Հայաստանը կարող է դառնալ Հարավային Կովկասի լոգիստիկ հանգույց
Լրահոս
Ֆոտո
