Ղազախստանն սկսել է կառուցել հրետանային զինամթերքի արտադրության նոր գործարան Սինգապուրի գործընկերոջ հետ համագործակցությամբ, տեղեկացրել է Defence blog-ը։

Ձեռնարկությունը կարտադրի ինչպես խորհրդային տիպի արկեր (122 եւ 152 միլիմետր), որոնք դեռ լայնորեն կիրառվում են Կենտրոնական Ասիայում, այնպես էլ ՆԱՏՕ ստանդարտների արկեր (155 միլիմետր): Դա թույլ կտա բավարարել բանակի կարիքները եւ արտահանել պաշարներ՝ ներգրավելով ամենատարբեր հաճախորդների:

Այս քայլը նպատակ ունի ամրապնդել երկրի պաշտպանական արդյունաբերությունը եւ նվազեցնել կախվածությունը զենքի ներմուծումից, հատկապես տարածաշրջանում աճող անկայունության եւ համաշխարհային մատակարարման շղթաների փոփոխության պայմաններում: Գործարանը կառուցվում է Ղազախստանի ազգային արդյունաբերական պարկերից մեկի տարածքում, սակայն ճշգրիտ վայրը դեռեւս չի նշվում։

2024թ. դեկտեմբերին Սինգապուրում տեղակայված ST Engineering-ը ռազմավարական համագործակցություն կնքեց Ղազախստանի Paramount Engineering (KPE) հետ՝ Terrex հետեւակի մարտական ​​մեքենայի վրա հիմնված նոր 8×8 զրահապատ մեքենա արտադրելու համար, որըւ նախատեսված է բաց ջրի պայմաններում աշխատելու համար: Թողարկումն սկսվել է 2025թ. ապրիլին Ղազախստանի KPE գործարանում՝ տարեկան 500 զրահամեքենա հզորությամբ։ Հաղորդվել է, որ մեքենան կարող է համալրվել 7,62-105 միլիմետր տրամաչափի մարտական ​​մոդուլներով եւ հարմար է օդային սպառնալիքների, այդ թվում՝ անօդաչու սարքերի դեմ պայքարելու համար։