Երեկ ժամը 4:10 րոպեին տեսանք, որ Տիգրանը չկա. մինչև այդ հայաթում էր,  ճամփին էր։ Այս մասին այսօր՝ հոկտեմբերի 28–ին, լրագրողների հետ զրույցում նշեց երեկ անհետացած 3–ամյա Տիգրան Օգանեսովի քեռու տղան՝ Հրաչ Սահակյանը։ 

«Իրենք միշտ նույն հատվածում են լինում, բայց երեկ ախպոր հետ գնացել էին բախչի տակը

Միշտ նույն հատվածում է լինում, այդ օրը գնացել այն մյուս եղբոր հետ գնացել են բախչի տակը և այլևս չի վերադարձել։ Եղբայրը եկավ, Տիգրանը չկար։ Որ տեսանք չկա, սկսեցինք ման գալ։ Որ չգտանք, զանգեցինք ոստիկանություն։

իրենք միշտ էստեղ են խաղացել, 1000-ից մեկ գնում են կամրջի կողմը բոլոր երեխաներով։ Բայց երեկ երկուսով են եղել։

Այդ պահին բոլորս տանն էինք։ Այստեղ մի քիչ գործ կար, արեցինք, գնացինք տուն, դեռ Տիգրանը տանն էր։ Գնացինք, որ մի գավաթ սուրճ խմենք, տեսանք չկա։ Իմացանք, թե քնած է, գնացինք անկողինը նայեցինք, տեսանք չկա և սկսեցինք որոնողական աշխատանքները»,–ասաց նա։ 

հարցին՝ իր կարծիքով ի՞նչ եղած կլինի, Հրաչը պատասխանեց. «Իմ մտքով անցնում է, որ կարող է մոլորված լինել։ Կարող է նաև գողացած լինեն։ Այդքան ման ենք գալիս, ոչ մի տեղ չենք գտնում»։

Հիշեցնենք, որ հոկտեմբերի 27-ին ժամը 18.00-ի սահմաններում, ՆԳՆ ոստիկանության օպերատիվ կառավարման կենտրոն հաղորդում է ստացվել, որ Գեղարքունիքի մարզի Ծափաթաղ գյուղի բնակիչ 2022 թվականին ծնված Տիգրան Օվանեսովը ժամը 16.30-ի սահմաններում կորել է։ 

Որոնողական աշխատանքներին ներգրավված են ՆԳՆ Քրեական ոստիկանության գլխավոր վարչության, Գեղարքունիքի մարզային վարչության և մարզի Համայնքային ոստիկանության հինգ բաժիններից՝ շուրջ 150, և Փրկարար ծառայությունից՝ 150 ծառայող, ինչպես նաև՝ կինոլոգներ։ Օգտագործվում են անօդաչու թռչող սարքեր և տեխնիկական այլ միջոցներ։

Որոնումներին մասնակցում են նաև Ծափաթաղ գյուղի, մերձակա բնակավայրերի բնակիչներ և մարզի տարբեր բնակավայրերից շուրջ 200 կամավոր։

3-ամյա Տիգրան Օգանեսովի անհետ կորելու դեպքի առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 2-րդ մասի հատկանիշներով (սպանությունը)։