Հոկտեմբերի 28, 2025
Բաքվից պահանջել՝ ազատ արձակել հայ պատանդներին․ Թրամփի համակիրը կոչով դիմել է նախագահին
Քրիստոնեական քարոզիչ, Ավետարանական եկեղեցու անդամ ու ԱՄՆ նախագահ Դոնալդ Թրամփի համակիր Ջոել Թեննին Թրամփին ու ԱՄՆ պետքարտուղար Մարկո Ռուբիոյին կոչ է արել Ադրբեջանից պահանջել անհապաղ ազատ արձակել բոլոր հայ պատանդներին։ Այս մասին Թեննին գրել է «Ֆեյսբուքի» իր էջում։
«Կոչ եմ անում նախագահ Դոնալդ Թրամփին և պետքարտուղար Մարկո Ռուբիոյին Ադրբեջանից պահանջել անհապաղ ազատ արձակել բոլոր հայ պատանդներին: Եթե Հայաստանում և Ադրբեջանում իսկապես խաղաղ ժամանակ է, ապա ազատեք նրանց, այլապես ինչ արդարացումներ կունենաք»,- նշել է Թեննին։
Նա գրառմանը կից նաև հրապարակել է նկարներ, որտեղ երևում են այն բոլոր նույնականացված անձինք, որոնք պահվում են Բաքվի բանտերում, նրանց թվում են նաև Արցախի ռազմաքաղաքական ղեկավարները։
Նշենք, որ Ջոել Թեննին հայտնի է իր հայամետ դիրքորոշմամբ, նրան ժամանակին նույնիսկ Հայաստանում դեսպանի պաշտոն են առաջարկել, ինչից վերջինը հրաժարվել է։ Թեննին սերտ հարաբերություններ է պահպանում ամերիկյան պետքարտուղարության բազմաթիվ ներկայացուցիչների հետ, իր հայրենի Այովա նահանգում նա շատ բան է արել ընտրություններում Թրամփի հաղթանակի համար։
Հիշեցնենք` հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»:
Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը, նախկին պետնախարար Ռուբեն Վարդանյանը և այլք։
Latest from ArmNews
- Դժվար է, բայց ես ու երեխաներն աջակցում ենք Դավիթի որոշմանը. Դավիթ Համբարձումյանի կին
- Դավիթ Համբարձումյանին կալանավորել են հենց ինքնաթիռից դուրս գալիս․ Համբարձումյանի կին
- Մոսկվայում բիզնես-կենտրոն է այրվում
- Ռուսաստանը պատրաստ է անվտանգության երաշխիքներ տալ ՆԱՏՕ-ին և ԵՄ-ին. Լավրով
- «Զվարթնոցում» բազմաթիվ ոստիկաններ են կուտակվել, սպասում են Դավիթ Համբարձումյանին
- Եթե ծանոթին դիմավորելու համար 1000 հոգի մարդ ա գալիս, էդ ժամանակ մենք ենք գալիս, կարգն ենք պահում
- Զելենսկին նշել է Պուտինի հետ հանդիպման պայմանները
- «Վրացական երազանքը» ՍԴ է դիմում ընդդիմադիր երեք կուսակցությունները անօրինական ճանաչելու համար
Լրահոս
Prev
Next
Ֆոտո
