Հունիսի 10, 2025
Աշխարհի ամենահարուստ ներդրողներից մեկը լքում է պաշտոնը. Բաֆետի դարաշրջանն ավարտվում է
«Berkshire Hathaway» ընկերության գործադիր տնօրեն Ուորեն Բաֆետը մտադիր է մինչև 2025-ի ավարտը լքել պաշտոնը։ Նա այդ մասին հայտարարել է ընկերության բաժնետերերի տարեկան ժողովում` խոսելով իր իրավահաջորդին լիազորությունները փոխանցելու ծրագրերի մասին։ Տեղեկությունը հայտնում են ԶԼՄ-ները։
«Եկել է ժամանակը, որ Գրեգը տարեվերջին դառնա ընկերության գործադիր տնօրեն, և ես ուզում եմ փաստացի սա ներկայացնել տնօրեններին և նման առաջարկություն անել», - ասել է Բաֆետը։
Ինչպես հայտնում է CNBC-ն, ընկերության ղեկավարությունն անցնելու է Գրեգ Աբելին, որը զբաղեցնում է ոչ ներդրումային գործառնությունների գծով փոխնախագահի պաշտոնը: Բաֆետը վստահ է, որ «Berkshire Hathaway»-ի տնօրենների խորհուրդը միաձայն հավանություն կտա իր իրավահաջորդի ընտրությանը:
Միաժամանակ նա չի նախատեսում ամբողջությամբ հրաժարվել ընկերության գործերին մասնակցելուց: Բաֆետը կմնա որպես խորհրդական, թեև նշել է, որ վերջնական որոշում կայացնողը կլինի Գրեգը։
«New York Times»-ի տվյալներով՝ Բաֆետը կմնա «Berkshire Hathaway»-ի խոշորագույն բաժնետերը. նրան է պատկանում ընկերության բաժնետոմսերի մոտ 14 տոկոսը՝ շուրջ 164 մլրդ դոլար:
«Axios»–ը Բաֆետի որոշումն անվանել է «ամենահարուստ և լեգենդար ներդրողներից մեկի դարաշրջանի ավարտ»։
Ուորեն Բաֆետի կարողությունը 2025-ի ապրիլի դրությամբ կազմել է 162 միլիարդ դոլար։
Latest from ArmNews
- Հարավային Ամերիկայի Հայոց թեմերի առաջնորդները, հոգևոր դասը և ժողովուրդը զորակցում են Վեհափառին
- Իրանը երեք շաբաթվա ընթացքում 10 միջուկային մարտագլխիկ արտադրելու հնարավորություն ունի. Պենտագոն
- Ռուսական կազմակերպությունը 300 գիրք է նվիրել Ստեփանավանի գրադարանին
- Հայկական բեռնատարները նոր խնդրի են բախվել. ՊԵԿ–ը պարզաբանում է տարածել
- ԱՄՆ զինված ուժերը Թրամփին Իրանի միջուկային ծրագրի ռազմական լուծման տարբերակներ են առաջարկել
- Փլուզում Մայիսի 9-ի փողոցի շենքերից մեկում
- Երկու ցմահ ազատազրկում՝ Ալիևի դստեր սկանդալի մասին գրած լրագրողի սպանության գործով
- Մեծ Բրիտանիան ու ևս չորս երկիր պատժամիջոցներ են սահմանել Իսրայելի կառավարության ծայրահեղ աջակողմյան նախարարների նկատմամբ
Լրահոս
Prev
Next
Ֆոտո
