Թեհրանը պնդում է, որ իր տրամադրության տակ ունի Իսրայելի միջուկային ծրագրին վերաբերող փաստաթղթեր: Այդ մասին կիրակի հայտարարել է Իրանի հետախուզության նախարար Էսմայիլ Խաթիբը՝ գրում է Euronews-ը։

Նախարարի խոսքով՝ իրանական հետախուզությունը ձեռք է բերել հսկայական քանակությամբ փաստաթղթեր, որոնք պարունակում են գաղտնի տեղեկատվություն Իսրայելի միջուկային օբյեկտների, պաշտպանական կարողությունների, ինչպես նաև ԱՄՆ-ի և Եվրոպայի հետ հրեական պետության հարաբերությունների մասին։

Խաթիբն արխիվն անվանել է «գանձ», որը կբարձրացնի Իրանի հարձակողական կարողությունները։ Նա նաև ասել է, որ փաստաթղթերի մի մասը մոտ ապագայում կհրապարակվի։

Euronews-ը հիշեցրել է, որ 2022 թվականին ԱՄՆ ֆինանսների նախարարությունը Խաթիբի նկատմամբ պատժամիջոցներ է կիրառել՝ կիբեռլրտեսության մեջ ենթադրյալ ներգրավվածության համար։