ՀՀ արդարադատության նախարար Սրբուհի Գալյանը մեկնաբանել է իր մոտալուտ հրաժարականի մասին լուրերը։

Կառավարության նիստից հետո լրագրողների հետ ճեպազրույցում Գալյանը մեկնաբանել է վարչապետ Նիկոլ Փաշինյանի պահանջով իր առաջիկա հրաժարականի մասին հարցը՝

«Նախարարի պաշտոնն այնպիսին է, որ միշտ կա այն լքելու ռիսկ, այն իր բնույթով քաղաքական է։ Բայց մինչ այժմ ես դժգոհության առիթ չեմ տվել և դժգոհություն չեմ լսել»,- հայտնել է Գալյանը։ Միաժամանակ նա հրաժարվել է մեկնաբանել լրատվամիջոցների հրապարակումները, առավել ևս «այդպիսի անհեթեթությունը»։ «Հեղինակը ես չեմ, խնդրում եմ պարզաբանումներ խնդրել հեղինակներից»,- խորհուրդ է տվել նախարարը։