Գիտնականները Պուտինին խոստացել են մինչև 2026 թվականը պատրաստել դեղամիջոց քաղցկեղի դեմ
«Սիրիուս» գիտատեխնոլոգիական համալսարանի երիտասարդ գիտնականները ՌԴ նախագահ Վլադիմիր Պուտինին պատմել են մկների վրա քաղցկեղի դեմ նոր միջոցի հաջող փորձարկումների մասին և հույս հայտնել, որ 2026 թվականին այն պատրաստ կլինի կլինիկական փորձարկումներ անցնել: Այս մասին հայտնում է ՌԻԱ Նովոստին։
Ավելի վաղ հաղորդվել էր, որ Ռուսաստանի նախագահն այսօր այցելել է «Սիրիուս» գիտատեխնոլոգիական համալսարանի լաբորատոր համալիր և շփվել երիտասարդ գիտնականների հետ: Նրանք Պուտինին ներկայացրել են բեկումնային հետազոտություններ, այդ թվում՝ կենսաբժշկության ոլորտում։
«Պատվաստանյութերն, ըստ էության, նման են վառելափայտի. դրանք թույլ են տալիս զարգացնել իմունային պատասխանը, բայց երբեմն դեռ պետք է կատարելագործել։ Դրա համար մենք մշակում ենք այն, ինչը կոչվում է իմունոադյուվանտ՝ ՌՆԹ մոլեկուլ, որն ուռուցք ներարկելիս հանգեցնում է դրա բորբոքման՝ դրանով իսկ ամբողջ մարմնի օրգաններում հարուցելով իմունային պատասխան։ Ներկայում՝ մկների վրա փորձարկումների փուլում արդեն գրանցել ենք հիանալի արդյունքներ: Հուսով ենք, որ հաջորդ տարի միջոցը պատրաստ կլինի կլինիկական հետազոտությունների համար», - Պուտինին պատմել է թարգմանական բժշկության գիտական կենտրոնի տնօրեն, «Սիրիուս» գիտական խորհրդի նախագահ Ռոման Իվանովը։
Իմունոադյուվանտները նյութեր են, որոնք ուժեղացնում կամ վերականգնում են մարմնի իմունային պատասխանը ուռուցքին, ինչը հատկապես իմունոթերապիայի շրջանակներում քաղցկեղի բուժման կարևոր բաղադրիչ է:
«Սիրիուս» գիտատեխնոլոգիական համալսարանի լաբորատոր համալիրը բացվել է 2022 թվականի սեպտեմբերին։ Այն հագեցած է գերժամանակակից սարքավորումներով և թույլ է տալիս լուծել դեղագործության, բժշկության և գյուղատնտեսության մեջ գենետիկական տեխնոլոգիաների կիրառման հետ կապված խնդիրների լայն շրջանակ, իրականացնել հետազոտություններ գենետիկայի, իմունոլոգիայի, բժշկական կենսատեխնոլոգիաների և գենային թերապիայի, բուսաբանության և կենսատեխնոլոգիաների ոլորտներում:
Latest from ArmNews
- Թրամփն ընթրել է մայրաքաղաքի ռեստորաններից մեկում` հաստատելով, որ Վաշինգտոնը դարձել է անվտանգ
- Օդի ջերմաստիճանը կնվազի 2-4, այնուհետև 5-7 աստիճանով
- ԱԽ քարտուղար Արմեն Գրիգորյանը կմեկնի Բեռլին
- Կոստանյանը և ՄԹ դեսպանը մտքեր են փոխանակել տարածաշրջանային և միջազգային օրակարգի խնդիրների շուրջ
- Օրինազանց միգրանտներին մեկ օր է մնացել Ռուսաստանում իրենց կացությունն օրինականացնելու համար
- Դադարեցնում ենք երկկողմանի աջակցությունը Իսրայելին․ Եվրահանձնաժողովի ղեկավար
- ՄԱԿ-ում աշխատանքն է սկսել Գլխավոր ասամբլեայի 80-րդ նստաշրջանը
- Թրամփը դժգոհ է. «Դա Նեթանյահուի որոշումն էր, ոչ թե իմ»
Լրահոս
Ֆոտո
