Իսրայելի պաշտպանության ուժերը՝ «Հըզբոլլահ»-ի ենթակառուցվածքներին ուղղված օդային հարվածներից առաջ նախազգուշացում են տարածել հարավային Լիբանանի մի քանի քաղաքների բնակիչներին, հաղորդում է Times of Israel-ը։ 

«ՑԱԽԱԼ-ը շուտով կուղղորդի «Հըզբոլլահ» ահաբեկչական կազմակերպությանը պատկանող ռազմական ենթակառուցվածքներն ամբողջ հարավային Լիբանանում՝ ի պատասխան տարածաշրջանում իր գործունեությունը վերսկսելու նրա արգելված փորձերի»,- հայտարարել է ՑԱԽԱԼ-ի խոսնակ գնդապետ Ավիչայ Ադրային։

ՑԱԽԱԼ-ը միաժամանակ հրապարակել է քարտեզներ, որոնք ցույց են տալիս Մայս ալ-Ջաբալ, Քֆար Թեբնիտ և Դիբբին քաղաքներում տեղակայված թիրախների և շենքերի գտնվելու վայրերը։

«Ձեր անվտանգության համար պարտավոր եք անհապաղ լքել այդ շենքերը և շրջակա տարածքները և հեռանալ դրանցից առնվազն 500 մետր»,- ասել է ՑԱԽԱԼ-ի խոսնակը։