ՆԱՏՕ-ի անդամ բոլոր 32 երկրները համաձայնել են ՆԱՏՕ-ի գլխավոր քարտուղարի պաշտոնում Մարկ Ռյուտեի թեկնածությանը. Politico
Մարկ Ռյուտեն կզբաղեցնի ՆԱՏՕ-ի հաջորդ գլխավոր քարտուղարի պաշտոնը, երբ դաշինքի բոլոր 32 անդամների համաձայնել են, որ Նիդեռլանդների հեռացող վարչապետը կփոխարինի Յենս Ստոլտենբերգին, գրում է Politico-ն։
Հունգարիայի և Սլովակիայի աջակցությունից հետո Ռումինիան վերահաստատել է իր աջակցությունը Ռյուտեին, իսկ Ռումինիայի նախագահ Կլաուս Յոհանիսը հանել է ՆԱՏՕ-ի գլխավոր պաշտոնում իր թեկնածությունը: Ազգային պաշտպանության գերագույն խորհրդի նիստի ժամանակ Յոհանիսը հայտարարել է, որ ՆԱՏՕ-ի դաշնակիցներին ծանուցել է իր թեկնածությունը հանելու մասին:
Ռյուտեն իր նոր մանդատը կստանձնի հոկտեմբերի 2-ին՝ ԱՄՆ ընտրություններից մեկ ամիս առաջ, որոնք կորոշեն ռազմական դաշինքի ճակատագիրը:
Ռյուտեի ճանապարհը դեպի ՆԱՏՕ-ի գլխավոր քարտուղարի պաշտոն երկար տևեց։ Նա քարոզարշավը սկսել էր նախորդ տարվա նոյեմբերից։ Ռյուտեին քննադատել են, որ բավարար չափով չի անում Արևելյան Եվրոպայի երկրներից աջակցությունը մոբիլիզացնելու ուղությամբ, որոնք մինչև 2014 թվականը կասկածի տակ էին դրել ռուսական «Հյուսիսային հոսք 2» գազատարի նախագծին նրա աջակցությունը:
ԵՄ հինգերորդ ամենախոշոր տնտեսություն ունեցող երկրի վարչապետի պաշտոնում 14 տարվա ընթացքում Ռյուտեին մշտապես չէր հաջողվում Նիդեռլանդների պաշտպանական ծախսերը հասցնել ՆԱՏՕ-ի հայտարարած ՀՆԱ-ի 2 տոկոս թիրախին: Սակայն ՆԱՏՕ-ի վերջին տվյալներով՝ Նիդեռլանդները վերջապես 2024-ին կհասնի այդ ցուցանիշին։
Latest from ArmNews
- Մասկը Թրամփին մեղադրել է մանկապղծության մեջ
- Ռուսական կողմը հողին է հավասարեցրել Խերսոնի վարչակազմի շենքը
- Արարատ Միրզոյանի կինը նշանակվել է «Ներդրումների աջակցման կենտրոն» հիմնադրամի տնօրենի պաշտոնում
- Shallowing՝ սեքսուալ միտում, որը խելքահան է անում կանանց
- Փակ է լինելու Երևան-Սևան ավտոճանապարհի մի հատվածի աջ երթևեկելի գոտին
- Մասկը պատասխանել է Թրամփին. Նա չէր կարող առանց ինձ հաղթել, ինչպիսի՜ երախտամոռություն
- Նվազել է ռուսական ցորենի արտահանումը
- Ես անչափ հիասթափված եմ Մասկից. Թրամփ
Լրահոս
Ֆոտո
