Վրաստանը վերականգնում է Սաակաշվիլու օրոք չեղարկված՝ «Հայրենիքի դավաճանություն» հոդվածը
Վրաստանի խորհրդարանը կողմ է քվեարկել երկրի Քրեական օրենսգրքում «Հայրենիքի դավաճանություն» հոդվածը վերականգնելուն, որը չեղարկվել էր 2007 թվականին՝ նախագահ Միխայիլ Սաակաշվիլու օրոք։
Իշխող «Վրացական երազանք» կուսակցության գործադիր քարտուղար Մամուկա Մդինարաձեն հայտարարել է, որ Քրեական օրենսգրքում այս հոդվածի չեղարկումը թելադրված էր այն ժամանակվա իշխանությունների գիտակցմամբ, որ ապագայում պատասխանատվություն են կրելու հանցավոր գործունեության համար։
«Հայրենիքի դավաճանություն» հոդվածը նախատեսում է պատիժ՝ պաշտոնյաների կողմից հակասահմանադրական պայմանագրեր կնքելու, արտաքին անվտանգության ոտնձգության, պետական գաղտնիքի հրապարակման, լրտեսության, դիվերսիայի, դավադրության կամ սահմանադրական կարգը տապալելու նպատակով ապստամբության համար։
Վրացական ընդդիմությունը կարծում է, որ Քրեական օրենսգրքում հոդվածի վերականգնումն իշխանություններին անհրաժեշտ է նախկին իշխող «Միացյալ ազգային շարժում» կուսակցության և նրա առաջնորդ Սաակաշվիլու դեմ հայտարարված դատական գործընթացի համար։ Այդ նպատակով խորհրդարանում արդեն իսկ ստեղծվել է ժամանակավոր քննիչ հանձնաժողով՝ նախկին իշխանությունների հանցավոր գործունեության փաստերը պարզելու համար։
Latest from ArmNews
- Վահան Քերոբյանին կալանավորելու միջնորդություն է ներկայացվել
- Դաղստանում ուղղաթիռը բախվել է բնակելի շենքի. չորս մարդ զոհվել է
- Ոստիկանության գվարդիայի հրամանատար Հայկ Բաբայանին շնորհվել է ոստիկանության գեներալ-մայորի կոչում
- Սերժ Սարգսյանի նկատմամբ քրեական գործերի ակնհայտ նպատակը մեկն է՝ նախագահին շեղել կարևոր գործերից ու հանրային օրակարգից
- Կասեցվել է «Աշտարակ Միլք»-ին պատկանող արտադրամասերից մեկը. ՍԱՏՄ
- «Ադրբեջանական չորս անկլավների վերադարձի հարցը գտնվում է մեր մշտական ուշադրության կենտրոնում». Ադրբեջանի ԱԳՆ խոսնակ
- Ռուսաստանում արձագանքել են Ադրբեջանի՝ ՆԱՏՕ-ի հետ ինտեգրման ուղղությանը
- 4 նախկին վարչապետները քնել են խորհրդարանում (տեսանյութ)
Լրահոս
Ֆոտո
