«Վրացական երազանք»-ի վարչապետ Իրակլի Կոբախիձեն հանդիպել է Չինաստանի վարչապետ Լի Ցիանին։

Կոբախիձեի լրատվական ծառայության հաղորդմամբ՝ Կոբախիձեն շնորհակալություն է հայտնել Լի Ցիանին Չինաստանի միջազգային ներմուծման ցուցահանդեսի բացման արարողությանը հրավիրելու համար և ընդգծել է Վրաստանի ու Չինաստանի միջև ռազմավարական գործընկերության դրական դինամիկան և երկկողմ հարաբերությունների զարգացումը։

Լրատվական ծառայության հաղորդագրության մեջ նշված է, որ հանդիպման ընթացքում քննարկվել է առևտրատնտեսական, զբոսաշրջության և տեխնոլոգիաների ոլորտներում արդյունավետ համագործակցության հարցը, և կողմերն ընդգծել են «Մեկ գոտի, մեկ ճանապարհ» նախաձեռնության շրջանակներում համագործակցության և Միջին միջանցքի զարգացման կարևորությունը։

Ըստ հաղորդագրության՝ Կոբախիձեն շնորհակալություն է հայտնել Չինաստանի վարչապետին Վրաստանի տարածքային ամբողջականությանը և ինքնիշխանությանն աջակցության համար և վերահաստատել է Վրաստանի կառավարության աջակցությունը «մեկ Չինաստան» սկզբունքին։

Իրակլի Կոբախիձեի և Լի Ցիանի հանդիպումից հետո Վրաստանի և Չինաստանի Ժողովրդական Հանրապետության միջև ստորագրվել են համագործակցության հուշագրեր մի շարք ոլորտներում։