Լատվիայի իշխանությունները որոշել են առաջիկա 19 օրերի ընթացքում գիշերը փակել երկրի սահմանները, այդ թվում՝ Ռուսաստանի և Բելառուսի հետ։ Այս մասին ТАСС-ին հայտնել է Բալթյան երկրի օդային երթևեկության կառավարման ծառայության աղբյուրը։ 

Գործակալության աղբյուրի խոսքով՝ սա վերաբերում է մինչև 6 կմ բարձրության վրա թռիչքներին։ Նա նշել է, որ օդային տարածքի արգելքը սկզբում կիրառվել է Ռուսաստանի և Բելառուսի, ապա՝ Էստոնիայի և Լիտվայի հետ սահմանի վրա։

«Սահմանափակումները երկարաձգվել են մինչև հոկտեմբերի 8-ը, սակայն այն պայմանով, որ այն կիրառվի ամեն օր՝ Մոսկվայի ժամանակով ժամը 20:00-ից մինչև Մոսկվայի ժամանակով ժամը 7:00-ն»,- նշել է աղբյուրը։

Վերջինս հավելել է, որ նշված գոտում մինչև 6 կմ բարձրության վրա թռիչքները կարող են թույլատրվել երկրի ռազմական իշխանությունների առանձին թույլտվությամբ։