«Ուկրաինան պետք է պատրաստ լինի ընդունելու դժվար որոշումներ». Ռուբիո
ԱՄՆ պետքարտուղար Մարկո Ռուբիոն հայտարարել է, թե Ուկրաինայի հակամարտությունն «ուժային լուծում չունի»։ Այս մասին Ռուբիոն ասել է Սաուդյան Արաբիայում Ուկրաինայի հետ անցկացվելիք հանդիպումներին ընդառաջ։
Ուկրաինայի պատվիրակությունը՝ նախագահի աշխատակազմի ղեկավար Անդրիյ Երմակի գլխավորությամբ, Ջեդդա քաղաքում կհանդիպի Ռուբիոյին և Սպիտակ տան այլ բարձրաստիճան պաշտոնյաների։
Մինչ այդ, Զելենսկին հայտարարել է, որ Ուկրաինան բանակցությունների ընթացքում հանդես կգա «ամբողջովին կառուցողական» դիրքորոշմամբ և հույս հայտնել, որ դրանք կբերեն գործնական արդյունքների՝ ուղղված իր երկրում ռուսական պատերազմի դադարեցմանը։
Ռուբիոն լրագրողների հետ ճեպազրույցում հայտնել է. «Ամենակարևորն այն է, որ այստեղից պետք է հեռանանք հստակ համոզմամբ, որ Ուկրաինան պատրաստ է դժվար որոշումներ ընդունել, ինչպես որ Ռուսաստանը պետք է դժվար որոշումներ ընդունի՝ այս հակամարտությունը դադարեցնելու կամ առնվազն որևէ ձևով կասեցնելու համար։
Կարծում եմ՝ երկու կողմերն էլ պետք է հասկանան, որ այս իրավիճակը չունի ռազմական լուծում։
Ռուսները չեն կարող գրավել ամբողջ Ուկրաինան, և ակնհայտ է, որ Ուկրաինայի համար չափազանց դժվար կլինի ողջամիտ ժամկետներում ստիպել ռուսներին ամբողջությամբ վերադառնալ 2014-ի սահմաններին»։
Latest from ArmNews
- Զինծառայողը ենթարկվել է վիրահատական շտապ միջամտության․ նրա կյանքին վտանգ չի սպառնում․ ՀՀ ՊՆ
- Բաքվում հստակ գիտակցում են, որ վաղ թե ուշ Մոսկվան շատ լրջորեն իրենցով է զբաղվելու. «Փաստ»
- ՀՀ ՊՆ դիրքերից մեկից զինծառայողը hրազենային վիրավnրումով տեղափոխվել է «Մուրացան» զինվորական հոսպիտալ
- Պեկինը և Մոսկվան պետք է խորացնեն ռազմավարական փոխվստահությունը․ Սի Ցզինպին
- Սանկտ Պետերբուրգում հազարավոր միգրանտներ կմնան առանց աշխատանքի
- Թրամփը մտահոգություն է հայտնել Գազայի հիվանդանոցին հասցված հարվածի կապակցությամբ
- Ինձ կատակով «Եվրոպայի նախագահ են անվանում. Թրամփ
- Սևանա լճի մակարդակն իջել է 2 սմ-ով․ ՇՄՆ
Լրահոս
Ֆոտո
