Գերմանիայի ապագա կանցլեր Մերցն առաջին արտասահմանյան այցը կատարել է Ֆրանսիա
Ֆրանսիայի նախագահ Էմանուել Մակրոնը Փարիզում ընդունել է Գերմանիայի ապագա կանցլեր Ֆրիդրիխ Մերցին, հայտնում է Bild-ը։
Մերցը X հարթակում գերմաներեն և ֆրանսերեն գրել է. «Շատ շնորհակալ եմ, հարգելի Էմանուել Մակրոն, Ձեր բարեկամության և գերմանա-ֆրանսիական հարաբերությունների նկատմամբ վստահության համար: Միասին մեր երկրները կարող են Եվրոպայի համար մեծ հաջողությունների հասնել»:
Սա Գերմանիայի Քրիստոնեա-դեմոկրատական միության (ՔԴՄ) նախագահի առաջին արտասահման այցն էր Բունդեսթագի ընտրություններում դաշինքի հաղթանակից հետո։
Զրույցի մանրամասները դեռևս չեն բացահայտվել, ֆրանսիական կողմից մեկնաբանություններ չեն եղել։ Ըստ Bild-ի՝ Մերցը Փարիզ է մեկնել ռազմաօդային ուժերի ինքնաթիռով։ Մակրոնը նրան ընթրիքի է հրավիրել։
Դաշինքը հայտարարել է, որ զրույցն անցել է չափազանց բարեկամական մթնոլորտում, քննարկվել են մեծ թվով հնարավոր համատեղ նախաձեռնություններ։ Հաշվի առնելով Ուկրաինայի նկատմամբ ԱՄՆ քաղաքականության փոփոխությունը՝ հավանաբար Փարիզում կայացած հանդիպմանը քննարկվել է եվրոպական պաշտպանությունը։
Latest from ArmNews
- Ծնունդները քչացել են, ամուսնալուծությունները` ավելացել. որքա՞ն է ՀՀ բնակչության թիվը
- Հյուսիսային Կորեան խոստացել է հայելային պատասխան տալ ԱՄՆ-ին
- Ռյուտեն կոչ է արել ՆԱՏՕ-ին պատրաստվել Ռուսաստանի հետ բախման
- «Օրենքով գող» Օշականցի Գևորիկը՝ Գևորգ Մելիքյանը, ձերբակալվել է
- ՀՀ-ում 2 ուսուցիչ կա՝ ամեն ամիս ստանում են ավելի քան 700,000 դրամ. Փաշինյան
- Շախմատի Եվրոպայի 8-18 տարեկանների առաջնության ավարտին մնացել է երկու խաղափուլ. հայ պատվիրակների արդյունքները
- Իլոն Մասկը կարող է հեռանալ «Tesla»-ի գործադիր տնօրենի պաշտոնից. Reuters
- Թումանյան փողոցի սննդի կետերից մեկում հրդեհ է բռնկվել
Լրահոս
Ֆոտո
