Թոշակի անցնող պատգամավոր Քայլ ՄըքԳինն իրարանցում է առաջացրել Արևմտյան Ավստրալիայի խորհրդարանում, երբ իր հրաժեշտի ելույթն ավարտելուց հետո՝ հանել է  կոշիկը, մեջը գարեջուր լցրել ու կոշիկից խմել, հաղորդում է BBC News-ը։

ՄըքԳինը նշել է, որ նման կերպ ինքը համբավ է ձեռք բերել իր ընտրողների շրջանում։

Քաղաքական գործիչը տեղական լրատվամիջոցներին հայտարարել է, որ դա արել է՝ ցույց տալու համար, որ «խորհրդարանում կան նորմալ մարդիկ», և որ ինքը նման յուրօրինակ ձևով տոնել է խորհրդարանը լքելու իրադարձությունը։

ԱՄՆ նախագահ Դոնալդ Թրամփը և պետքարտուղար Մարկո Ռուբիոն լայնածավալ բարեփոխում են իրականացնում Սպիտակ տան Ազգային անվտանգության խորհրդի (ԱԱԽ) կազմում՝ դրա կառուցվածքը համարելով «խորքային պետություն»։ Այս մասին հաղորդում է Axios-ը։

Հրատարակությունը նշում է, որ Թրամփն ու Ռուբիոն Ազգային անվտանգության խորհուրդը համարում են ներկայիս վարչակազմի տեսակետների հետ անհամատեղելի։ 

«Ազգային անվտանգության խորհուրդը իրական խորքային պետությունն է։ Մարկոն՝ ընդդեմ խորը պետության», - նշվում է հոդվածում։

Axios-ի տվյալներով՝ վերակառուցումից հետո Ազգային անվտանգության խորհրդի խնդիրները կլինեն համակարգումը և խորհրդատվությունը, այլ ոչ թե ԱՄՆ քաղաքականության իրականացումը։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 384 դրամ, վաճառքի նվազագույն արժեքը՝ 386 դրամ:

Եվրոյի առքի առավելագույն արժեքն է 432 դրամ, վաճառքի նվազագույն արժեքը՝ 438 դրամ: 

Ռուսական ռուբլու առքի առավելագույն արժեքն է 4.77 դրամ, վաճառքի նվազագույն արժեքը՝ 4.88 դրամ:

Նախագահ Քոչարյանը խոսել է փաստերի մասին, երբ երրորդ նախագահի թիմից սկսվեցին ինչ որ բաներ շրջանառվել, որոնք իրականության հետ աղերս չունեին, ավելին, շոշափում էին նախագահ Քոչարյանի՝ իբր թե ասված ինչ որ խոսք։ Այս մասին «5–րդ ալիքին» տված հարցազրույցում ասել է Ռոբերտ Քոչարյանի գրասենյակի ղեկավար Բագրատ Միկոյանը։

Լրագրողի դիտարկմանը, թե Սերժ Սարգսյանը հայտարարել է՝ արդյոք հերոսություն է 1 տարի նստելը՝ ի պատասխան Քոչարյանի կողմնակիցների այն դիտարկումներին, որ եթե Նիկոլ Փաշինյանը մերժեց Սերժին, ինչու նստեցրեց Քոչարյանին, Միկոյանը պատասխանեց. «Նախագահ Քոչարյանի կամ իր ընտանիքի կողմից երբեւէ չի ասվել նման բան։ 2018թ.–ին նախագահ Քոչարյանը, շատ լավ իմանալով, որ իրեն կալանավորելու են, վերադարձել է Հայաստան, առերեսվել ամբողջ բռնաճնշումների հետ, կալանավորվել է եւ պայքարել, այսօր մենք ունենք արդյունք եւ քաղաքական առումով ավելի լավ արդյունք ենք ունենալու։ Իսկ նստելը հերոսություն է, հերոսություն չի, շատ արհեստական բերեց մտցվեց՝ հղում անելով կողմնակիցներին, բայց դա հանրային բարձր քաղաքական դիսկուրս պետք չի բերել։ Ավելին՝ նախագահ Քոչարյանը կալանավորվել է ուրիշների արած սխալների հետեւանքով եւ պատճառով։ Կալանքի ընթացքում նախագահ Քոչարյանը նույնիսկ ցուցմունք չի տվել։ Տղամարդիկ սա շատ ավելի լավ կհասկանան, երբ քեզ վրա կա երկարատեւ կալանքի վտանգ ու դու որեւէ ցուցմունք չես տալիս։

Հերոսությունը չգիտեմ ոնց է չափվում, բայց նախագահ Քոչարյանի արածը դա պետական այրի, երկու հայկական պետություներ ղեկավարած մարդու, իր ներքին համոզմունքներից բխող արարք է, որը հերոսության պիտակի կարիք չունի։ Դա պետական այրի պահվածք է։ Մի բան հաստատ գիտենք՝ հերոսություն չի Նիկոլ Փաշինյանի հետ պայմանավորվելը, հերոսություն չի Նիկոլ Փաշինյանից փախչելը։ Ռոբերտ Քոչարյանի ընտանիքից որեւէ մարդ ոչ Նիկոլ Փաշինյանի հետ պայմանավորվել է, ոչ առավել եւս փախչել է»,– ասել է Միկոյանը։

Հարցին՝ ի վերջո ինչ չեն կարողանում կիսել երկու նախագահները, Քոչարյանի գրասենյակի ղեկավարը պատասխանել է, որ ի սկզբանե երկու նախագահները տարբեր են եղել՝ իրենց մոտեցումներով, կառավարման տիպով. «2008թ.–ից սկսած նախագահ Քոչարյանը անդրադարձել է տարբեր թեմաների՝ ֆուտբոլային դիվանագիտությանը, որ տեսանք՝ ինչ եղավ, կարմիր գծերին, արագաչափերին, սահմանադրական փոփոխություններին, տնտեսական բազմաթիվ հարցերի, քննադատել է՝ առաջարկելով լուծումներ։ Մի անգամ չլսեցինք ասեն՝ Քոչարյանը ճիշտ էր, մենք սխալվեցինք։ Հաջորդ որեւէ քաղաքական գործընթացում ընտրողներն իրենց գնահատականը կտան»։

Ինչ վերաբերում է իմպիչմենտի գործընթացին, Բագրատ Միկոյանը նշել է, որ 3–րդ նախագահի ճեպազրույցից դժվար չէ հասկանալ, որ իմպիչմենտի գործընթացի հովանավորը Սերժ Սարգսյանն է. «Առնվազն տասնյակ անգամ անլուրջ էր 21 թվականին ընտրությունների չգնալը: Ասում են՝ ընտրություններին Նիկոլին չի լինի հաղթել, այսինքն Նապոլեոնին, Կեսարին, Չերչիլին կարելի է հաղթել, Նիկոլին չի՞ կարելի հաղթել, շատ չե՞ք գովում Նիկոլին։ Վիլեն Գաբրիելյանից ավելի «կաթոլի՞կ» են, թիմակից, որն ամբողջ խոհանոցը, ներքին տրամադրությունները գիտի։ Ուզում եք՝ անվստահության գործընթաց, խնդրեմ՝ փողոց, թեկնածու, առաջ, չէ, պատրաստվեք ընտրությունների»։

Հարավարևելյան Անատոլիայի արտահանողների ասոցացիան (GAIB) տվյալներ է հրապարակել Թուրքիայից Սիրիա արտահանման ծավալների վերաբերյալ։ Այս մասին տեղեկացնում է ermenihaber.am-ը։

Ըստ այդմ՝ նշվում է, որ 2025-ի առաջին 4 ամսում Սիրիա արտահանման ծավալները նախորդ տարվա նույն ժամանակահատվածի համեմատ ավելացել են 36.7%-ով։

Մասնավորապես 2024-ի հունվար-ապրիլ ամիսներին Թուրքիայից Սիրիա է արտահանվել 489 մլն 837.000 դոլարի ապրանք, իսկ 2025-ի դրությամբ արտահանման ծավալը կազմել է 669 մլն 661.000 դոլար։ Նախորդ տարվա ապրիլի դրությամբ արտահանման ծավալներն աճել են 57.6%-ով՝ կազմելով 162 մլն 109.000 դոլար։

Թուրքիայի արտահանողների ասամբլեայի Սիրիայի հարցերով բաժնի ղեկավար Ջելալ Քադօօղլուի կարծիքով այս զարգացումը կարևոր հնարավորություններ է ստեղծում ոչ միայն Սիրիայի վերականգնման, այլ նաև տարածաշրջանում Թուրքիայի տնտեսական ու դիվանագաիտական դերի համար։

Նա նաև հավելել է, որ պատժամիջոցների վերացումը պատմական շրջադարձային կետ կլինի Սիրիայի տնտեսական վերականգնման գործընթացում։

Հանրապետության մարզերում մայիսի 24-ին, 25-ին և 27-ին կեսօրից հետո, 28-ին գիշերը և կեսօրից հետո առանձին շրջաններում սպասվում են կարճատև անձրև և ամպրոպ։ Մայիսի 26-ին սպասվում է առանց տեղումների եղանակ։

Քամին՝ արևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ Օդի ջերմաստիճանն էապես չի փոխվի։

Երևանում մայիսի 24-ին, 27-ին երեկոյան, 28-ին գիշերը և երեկոյան հնարավոր են կարճատև անձրև և ամպրոպ, ամպրոպի ժամանակ քամու ուժգնացում՝ 13-15 մ/վ արագությամբ։

Մայիսի 25-26-ը սպասվում է առանց տեղումների եղանակ։​​

Ինդոնեզիան կարող է կատվի կղզի ունենալ։ Կատուների կղզին նախատեսված է որպես Ջակարտայի տարբեր շրջաններում հանդիպող թափառող կատուների ապաստան։ Առաջին լրատվականը հայտնում է, որ ծրագիրը կդառնա քաղաքի թափառող կատուների պոպուլյացիայի կառավարման երկարաժամկետ լուծում, որը ներկայումս կազմում է ավելի քան 20,000 կատու։

Կղզում գտնվող կենդանիներին կխնամեն պրոֆեսիոնալ անասնաբույժների թիմը։ Էհիմե պրեֆեկտուրայում նմանատիպ զբոսաշրջային նախագիծ նախկինում իրականացվել է ճապոնական իշխանությունների կողմից։

Ադրբեջանի դատարանը Ռուսաստանի օգտին լրտեսության մեղադրանքով ազատազրկման է դատապարտել Եվրասիական շարժման առաջնորդին և նրա տեղակալին: Այս մասին հայտնում են ռուսական զլմ-ները։ 

Ադրբեջանի Եվրասիական շարժման առաջնորդ Իբրահիմ Հասանովը և նրա տեղակալ Իբրահիմ Գումբատովը Ադրբեջանում դատապարտվել են, համապատասխանաբար, 14 և 13 տարվա ազատազրկման: Նրանց մեղավոր են ճանաչել Ռուսաստանի օգտին լրտեսության մեղադրանքով։

Հասանովն ու Գումբատովը ձերբակալվել էին Ադրբեջանի պետական անվտանգության ծառայության կողմից՝ 2023 թվականի հունիսին:

ԱՄՆ նախագահ Դոնալդ Թրամփը հայտարարել է, որ մտադիր չէ վերանայել ԵՄ-ի նկատմամբ ներմուծման 50 % մաքսատուրքերի սահմանման որոշումը, սակայն հաստատել է բանակցություններ վարելու պատրաստակամությունը։

«Ես գործարք չեմ ուզում կնքել: Մենք արդեն մաքսերով գործարք ենք կնքել 50%-ի չափով, սակայն, կրկին, մաքսատուրքերը չեն կիրառվի, եթե ԵՄ երկրները արտադրություն ստեղծեն ԱՄՆ-ում», – ասել է Թրամփը՝ պատասխանելով Սպիտակ տանը լրագրողների հարցին, թե հնարավոր է ԵՄ-ի հետ գործարքի հասնել մինչև հունիսի 1-ը, երբ ուժի մեջ կմտնեն 50%-անոց մաքսատուրքերը:

«Եթե ինչ-որ մեկը գա և ցանկություն հայտնի այստեղ գործարան կառուցել, մենք կարող ենք քննարկել որոշ ուշացումներ, երբ նրանք կառուցեն այն: «Կարծում եմ, որ դա տեղին կլինի», -նշել է Թրամփը:շ

Հիշեցնենք, որ ապրիլի 2-ին Դոնալդ Թրամփը հայտարարեց 185 երկրներից, այդ թվում՝ Չինաստանից և ԵՄ-ից ներմուծվող ապրանքների համար «արդար» մաքսատուրքեր սահմանելու մասին՝ 10%-ից մինչև 50%: Նա որոշումը անվանեց «ջրբաժան» ամերիկյան տնտեսության համար՝ մեղադրելով մյուս երկրներին ԱՄՆ-ի առևտրային քաղաքականության տասնամյակների թուլություններից օգուտ քաղելու մեջ:

Մայիսի 23-ի ժամը 21.00-ի դրությամբ մայրաքաղաքում և մարզերում պահպանվող հատուկ տարածքներ է տեղափոխվել «Վերջին զանգի» միջոցառումների մասնակից անձանց 262 տրանսպորտային միջոց, որոնցից 148-ի ղեկին եղել են անչափահասներ: Այս մասին տեղեկացնում է Ոստիկանությունը: 

«Կրկին հորդորում ենք զերծ մնալ ավտոմեքենաները երեխաներին վստահելուց․ յուրաքանչյուր դեպք առաջացնելու է իրավական հետևանք։

Ուժեղացված հսկողությունը շարունակվում է»,-նշվում է հաղորդագրության մեջ։