Անցյալ տարվա նոյեմբերին ԱՄՆ նախագահական ընտրություններից հետո Լոնդոնում բնակվող մի ամերիկացի կարդացել է Դոնալդ Թրամփի Սպիտակ տուն վերադառնալու մասին լուրը եւ նամակ ուղարկել ԱՄՆ դեսպանատուն՝ «ամուսնալուծության» խնդրանքով։ Այսպես է սկսվել քաղաքացիությունից հրաժարվելու գործընթացը, որն այժմ մոտենում է ավարտին, գրել է The Washington Post-ը։ https://www.washingtonpost.com/world/2025/10/18/renounce-us-citizenship-politics-expats/

Տղամարդը, որը ցանկացել է անանուն մնալ՝ Թրամփի վարչակազմի վրեժխնդրությունից վախենալով, նշել է, որ այլեւս իրեն ամերիկացի չի զգում։ Նա երկար տարիներ ապրել է Մեծ Բրիտանիայում, ունի բրիտանական անձնագիր եւ աշխատում է ոչ առեւտրային ոլորտում։ «Նախկինում ես ինձ զգում էի ե՛ւ բրիտանացի, ե՛ւ ամերիկացի։ Բայց հիմա ես ինձ զգում եմ միայն բրիտանացի»,- խոստովանել է նա։

Նա միայնակ չէ։

Ինչպես հավաստիացրել է պարբերականը, արտասահմանում ապրող ավելի ու ավելի շատ ամերիկացիներ են որոշում պաշտոնապես խզել կապերը հայրենիքի հետ։ Եթե նախկինում հարկերն ու բյուրոկրատիան էին հիմնական պատճառները, այժմ ավելի ու ավելի հաճախ նշվում է քաղաքականությունը։ Greenback խորհրդատվական ընկերության հարցման համաձայն՝ վերջին մեկ տարվա ընթացքում քաղաքացիությունից հրաժարվելու մասին մտածողների մասնաբաժինը 30 տոկոսից աճել է մինչեւ 49 տոկոսի։ Նրանց կեսից ավելին որպես պատճառ նշում է հիասթափությունը ԱՄՆ քաղաքականությունից։

Արտասահմանում ապրող ամերիկացիները պարտավոր են հարկեր վճարել երկու երկրներում, իսկ որոշ բանկեր հրաժարվում են համագործակցել նրանց հետ Վաշինգտոնի խիստ պահանջների պատճառով։ Բացի այդ, աճող քաղաքական պառակտումը, բռնությունը եւ ինստիտուտների նկատմամբ վստահության ճգնաժամը միայն մեծացնում են «պորտալարը կտրելու» ցանկությունը։

Օհայոյից 33-ամյա Քոլին Մակքաթչեոնն, օրինակ, որը բնակվում է Լոնդոնում, նամակ է ուղարկել՝ հրաժարվելով քաղաքացիությունից 2024թ․ ընտրությունների օրը։ Իսկ 41-ամյա Էբին, որը ծնվել է ԱՄՆ-ում բրիտանացի ծնողներից, հատուկ թռել է Լատվիա՝ պաշտոնապես խզելու կապերն այն երկրի հետ, որտեղ անցկացրել է մանկությունը։

Հրաժարման ընթացակարգը երկարատեւ է եւ անշրջելի. պետք է ապացուցել երկքաղաքացիությունը, վճարել 2 350 դոլար եւ երդվել հրաժարվելու մասին։ «Դա նման է իմ մի մասից հրաժարվելուն,- ասել է Էբին։- Ես մի քիչ ամերիկացի էի, բայց դա արդեն անցյալում է»։

Երևան քաղաքում՝

Հոկտեմբերի 19-ին, 22-23-ին սպասվում է առանց տեղումների եղանակ։ Հոկտեմբերի 20-ի երեկոյան, 21-ին հնարավոր է կարճատև անձրև։

Հանրապետության տարածքում`

Հոկտեմբերի 22-ի ցերեկը, 19-ին, 23-ին սպասվում է առանց տեղումների եղանակ։ Հոկտեմբերի 20-ի երեկոյան, 21-ին, 22-ի գիշերը առանձին շրջաններում սպասվում է կարճատև անձրև։ Քամին արևմտյան՝ 2-5մ/վ, հոկտեմբերի 20-21-ին առանձին շրջաններում հնարավոր է քամու ուժգնացում՝ 16-19 մ/վ արագությամբ։ Օդի ջերմաստիճանը հոկտեմբերի 20-21-ին գիշերը կբարձրանա 4-5 աստիճանով։

Միջազգային շատ լրատվամիջոցներ ԱՄՆ նախագահ Դոնալդ Թրամփի և Ուկրաինայի Վլադիմիր Զելենսկու միջև Վաշինգտոնում կայացած հանդիպումն անվանել են Կիևի համար ձախողում։ ՌԻԱ Նովոստին վերլուծել է հրապարակումները։

Օրինակ՝ ամերիկյան The Wall Street Journal թերթը նշել է, որ Սպիտակ տան ղեկավարը չի հիշատակել Tomahawk թևավոր հրթիռների վերաբերյալ բանակցությունները, որոնց հույսը Ուկրաինան ուներ։

Իր հերթին, բրիտանական The Telegraph թերթը կարծում էր, որ Զելենսկին դատարկաձեռն է հեռացել, քանի որ Թրամփը պատրաստ չէր Կիևին մատակարարել այդ զենքերը։

Գերմանական Bild թերթը հրապարակել է «Լուրջ հարված Զելենսկու Tomahawk երազանքին» վերնագրով հոդված։ Հոդվածում նաև նշվում է, որ ամերիկացի առաջնորդը վստահ է նախագահ Վլադիմիր Պուտինի շահագրգռվածության մեջ՝ հակամարտությունը դադարեցնելու հարցում։

Իսպանական El Pais թերթը գրել է, որ «Թրամփի ճոճանակը թեքվել է դեպի Մոսկվա», մինչդեռ Զելենսկին հույս ուներ վերադառնալ Ուկրաինա լրացուցիչ ռազմական աջակցությամբ։

Ֆրանսիական Le Monde-ի հոդվածի հեղինակը նշել է ԱՄՆ նախագահի հայտարարությունները՝ Պուտինի՝ հակամարտությունը դադարեցնելու ցանկության նկատմամբ իր վստահության, ինչպես նաև Կիևին Tomahawk հրթիռները հանձնելուց հրաժարվելու մասին։

Իր հերթին, ֆրանսիական Le Point ամսագիրը ուշադրություն է հրավիրել Զելենսկու ամոթալի վիճակի վրա՝ կապված Ռուսաստանի և ԱՄՆ-ի միջև թունելի հնարավոր կառուցման քննարկման ժամանակ Թրամփի կողմից իրեն ուղղված քննադատության հետ։

Ուկրաինական Strana.ua հրատարակությունը թվարկել է երեք նպատակ, որոնք Զելենսկին հետապնդել է ԱՄՆ կատարած այցի ընթացքում, որոնք նա չի կարողացել իրականացնել՝ Tomahawk հրթիռների ստացում, անվճար ռազմական օգնություն և Թրամփին ստիպել ուժեղացնել ճնշումը Ռուսաստանի վրա։

Թրամփը հոկտեմբերի 17-ին Վաշինգտոնում հանդիպել է Զելենսկու հետ։ Ինչպես հաղորդել է CNN-ը, Սպիտակ տան ղեկավարը հստակեցրել է, որ Կիևը չի ստանա հեռահար հրթիռները։ Axios-ը, իր հերթին, գրել է, որ բանակցությունները դժվար են եղել, իսկ ամերիկացի առաջնորդը՝ կոշտ։ Հրատարակության աղբյուրներից մեկը նույնիսկ ասել է, որ «դրանք վատ են ընթացել»։

Վարչապետ Նիկոլ Փաշինյանը հոկտեմբերի 18-20-ը աշխատանքային այցով կգտնվի Սուրբ Աթոռում:

Հոկտեմբերի 19-ին վարչապետը Սուրբ Պետրոսի հրապարակում ներկա կգտնվի Արքեպիսկոպոս Իգնատիոս Մալոյանի և ևս 6 այլ Երանելիների սրբադասման արարողությանը, որը տեղի կունենա Լևոն XIV-րդ Պապի հանդիսապետությամբ:

Այցի շրջանակում նախատեսված է ՀՀ վարչապետ Նիկոլ Փաշինյանի և Նորին Սրբություն Հռոմի Պապ Լևոն XIV-ի առանձնազրույցը:

Տեղի կունենա նաև ՀՀ վարչապետի հանդիպումը Սուրբ Աթոռի պետքարտուղար Պիետրո Պառոլինի հետ:

Ի սկզբանե կայանը նախատեսվում էր անվանել «Shahid Nejatollahi»` ի հիշատակ համալսարանի դասախոսի, որը անցյալ դարի 70-ականների վերջին զոհվել է Իրանի Իսլամական հեղափոխության ժամանակ: Սակայն անցյալ տարի մետրոյի ղեկավարությունը որոշեց ի նշան քրիստոնյաների հանդեպ հարգանքի կայարանն անվանել «Maryam-e Moghaddas» (Սուրբ Մարիամ). Իրանում այդպես են անվանում Մարիամ Աստվածածնին։

Ինչպես ՌԻԱ Նովոստիին պատմել է կայարանի նկարիչ-ձևավորող Տանյա Տարիգմեհրը, ներքին տարածքը զարդարող յոթ պաննոները նվիրված են տարբեր քրիստոնեական հասկացություններին և Մարիամ Աստվածածնի կենսագրությանը, լի են քրիստոնյաների համար խորհրդանշական նշանակություն ունեցող տարրերով:

Նրա խոսքով` պատը, որը տեսնում է ուղևորը առաջին շարժասանդուղքով իջնելիս, զարդարված է Ղուրանի հայտնի «Մարիամ» սուրահից վեց հատված ներկայացնող պաննոյով, իսկ «Հանուն Աստծո» գրությունը, որն ավանդաբար կա Թեհրանի մետրոյի բոլոր կայարանների մուտքի վերևում, այս կայարանում տարբերվում է մյուսներից, քանի որ գրված է չորս լեզվով` անգլերեն, արաբերեն, պարսկերեն և արամերեն:

Ինչպես հայտնում է ՌԻԱ Նովոստին, այս տարվա երրորդ եռամսյակում միջազգային լոգիստիկ ուղղությունների աճի շարժիչ ուժ են դարձել ասիական ուղղությունները։ Բացի Հայաստանից, պահանջված են դեպի Չինաստան, Հնդկաստան, Վիետնամ ուղղությունները, ինչպես նաև ԱՊՀ երկրները, այդ թվում՝ Ղազախստան և Ուզբեկստան երթուղիները։

«Մենք Թուրքիա առաքումների դինամիկ աճ ենք տեսնում, իսկ եվրոպական միջանցքների շարքում պահպանվել է ակտիվությունը Մերձավոր Արևելքի չեզոք նավահանգիստների և հանգույցների միջոցով»,- ասել է «Սկիֆ Կարգո» դաշնային տրանսպորտային ընկերության վաճառքի գծով տնօրեն Յուրի Կորոբեյնիկովը:

Հայաստանի պետական մանկավարժական համալսարանի ռեկտորը չի կալանավորվի։ Սրբուհի Գևորգյանի պաշտպան Կարեն Գաբրիելյանը Sputnik Արմենիային հայտնել է, որ դատարանը մերժել է քննիչի միջնորդությունը․ «Կիրառվի այլընտրանքային խափանման միջոց»։ Փաստաբանի խոսքով՝ Գևորգյանը չի ընդունում իրեն ներկայացված մեղադրանքը։

Sputnik Արմենիայի տեղեկություններով՝ ռեկտորի նկատմամբ խափանման միջոց կկիրառվի գրավը։

Հիշեցնենք, որ ավելի վաղ հայտնել էինք, որ Հակակոռուպցիոն կոմիտեի կողմից իրականացվող քրեական վարույթի շրջանակներում ձերբակալվել են Խաչատուր Աբովյանի անվան հայկական պետական մանկավարժական համալսարանի ռեկտորը և պրոռեկտորը: 

Վերջիններս մեղադրվում են համալսարանի տարբեր աշխատակիցներից կազմված հանցավոր կազմակերպություն ստեղծելու և ղեկավարելու, առանձնապես խոշոր չափերով վատնում և խարդախություն կատարելու և կաշառք ստանալու մեջ:

Սիրիայի անցումային կառավարությունը ռազմական օգնություն է խնդրել Ռուսաստանից, հաղորդում է «Կոմերսանտը»։

Արաբական լրատվամիջոցներն այս մասին հայտնել են հոկտեմբերի 17-ին՝ հղում անելով աղբյուրներին, բացահայտելով Սիրիայի առաջնորդ Ահմեդ ալ-Շարաայի երկու օր առաջ Մոսկվա կատարած առաջին այցի մանրամասները։

Իրանի ռազմածովային ուժերի (ՌԾՈւ) հրամանատար, կոնտրադմիրալ Շահրամ Իրանին զգուշացրել է, որ թշնամական տերությունները ռազմավարություններ են իրականացնում, որոնք ուղղված են միջազգային ծովային միջանցքների սահմանափակմանը և Իրանի համար դրանց հասանելիության խոչընդոտմանը, հայտնում է Tasnim-ը։

Իրանի ծովային զարգացման նախագծի վերաբերյալ կոնֆերանսում կոնտր-ադմիրալ Շահրամ Իրանին կոչ է արել ավելի մեծ ուշադրություն դարձնել աշխարհի ծովերի հետ երկրի ունեցած կապերին։

«Թշնամու գլխավոր ռազմավարությունն այսօր կայանում է նրանում, որպեսզի սահմանափակի միջանցքները և մենաշնորհի դրանց օգտագործումը՝ բացառելով Իրանը», - ասել է նա։

Հրամանատարը նշել է, որ թեև ազգային պլանավորման փաստաթղթերում մշտապես շեշտվում է Հյուսիս-Հարավ միջանցքի կարևորությունը, Արևելք-Արևմուտք ծովային երթուղիներին բավարար ուշադրություն չի դարձվում։ Ռազմածովային ուժերի հրամանատարը նաև կոչ է արել ծովային տրանսպորտի զարգացման վերաբերյալ ազգային փաստաթղթում ավելի մեծ ուշադրություն դարձնել ծովային լոգիստիկ կենտրոնների զարգացմանը:

Գազայի քաղաքացիական պաշտպանության գործակալությունը հայտնել է, որ իսրայելական ուժերն ուրբաթ ավտոբուսի վրա կրակ են բացել եւ սպանել պաղեստինյան ընտանիքի ինը անդամների այն բանից հետո, երբ զինվորականները հաստատել են, որ թիրախը այսպես կոչված «դեղին գիծը» հատած մեքենան է եղել։ 

«Քաղաքացիական պաշտպանության բրիգադները կարողացել են ինը դիակ հայտնաբերել այն բանից հետո, երբ իսրայելական ուժերը երեկ Զեյթուն թաղամասից արեւելք տեղահանված անձանց տեղափոխող ավտոբուսի վրա կրակ են բացել»,- շաբաթ օրը AFP-ին ասել է գործակալության խոսնակ Մահմուդ Բասալը։ 

Բասալը հայտնել է, որ զոհերը Աբու Շաբան ընտանիքի անդամներ էին եւ սպանվել են Զեյթուն թաղամասում «իրենց տունը ստուգելու փորձի ժամանակ»։ Իսրայելցի զինվորականները հայտարարել են, որ հայտնաբերել են «դեղին գիծը» հատող մեքենա,  սահման, որից այն կողմ տեղակայված են իսրայելական զորքերը ՀԱՄԱՍ-ի հետ կնքված հրադադարի համաձայնագրի համաձայն։ 

«Զինծառայողները նախազգուշական կրակոցներ են արձակել կասկածելի մեքենայի վրա, սակայն մեքենան շարունակել է մոտենալ զորքերին այնպես, որ անմիջական սպառնալիք է ստեղծել նրանց համար»,- նշվել է Իսրայելի բանակի հայտարարությունում: «Զորքերը կրակ են բացել սպառնալիքը վերացնելու համար՝ համաձայնագրի համաձայն»: 

Իսրայելական ուժերի եւ ՀԱՄԱՍ-ի միջեւ կնքված հրադադարը գործում է արդեն երկրորդ շաբաթը, բայց դրա սկսվելուց հետո մի քանի միջադեպեր են գրանցվել, ընդ որում՝ զինվորականները պնդում են, որ իրենց ուժերը կրակ են բացել «դեղին գծին» մոտեցող կամ այն ​​հատող անձանց վրա: Հրադադարի հայտարարումից հետո հարյուր հազարավոր պաղեստինցիներ վերադարձել են Գազայի հյուսիսային հատված՝ իրենց տները փնտրելու համար, հաճախ դժվարանալով գտնել դրանք՝ երկու տարուց ավելի տեւած պատերազմի հետեւանքով առաջացած զանգվածային ավերածությունների պատճառով: 

Գազայի՝ AFP-ի հետ զրուցած մի քանի բնակիչներ ասել են, որ չեն կարողացել գտնել իրենց տները կամ նույնիսկ ծանոթ վայրերն այն տարածքներում, որոնք այժմ թաղված են փլուզված շենքերի եւ աղբի տակ: