Իրանն, ի պատասխան Ավստրալիայի «ոչ բարեկամական գործողությունների», համաչափ միջոցներ է ձեռնարկել՝ արտաքսելով այդ երկրի դեսպանին։ «Արմենպրես»-ի փոխանցմամբ՝ այս մասին հաղորդում է IRNA գործակալությունը՝ վկայակոչելով արտգործնախարարության խոսնակ Էսմայիլ Բաղայիին։

Ավստրալիան Իսլամական Հանրապետությանը մեղադրել էր հակասեմականությանն աջակցելու մեջ և վտարել Իրանի դեսպանին։

«Դիվանագիտական ​​իրավունքին համապատասխան՝ Ավստրալիայի գործողություններին ի պատասխան Իրանի Իսլամական Հանրապետությունը նույնպես իջեցրել է Ավստրալիայի դիվանագիտական ​​ներկայության մակարդակն Իրանում: Ավստրալիայի դեսպանը հեռացել է երկրից», – ասել է Բաղային։

Իրանցի դիվանագետն Ավստրալիայի գործողություններն  անվանել է անընդունելի:

«Մենք չենք ողջունում դիվանագիտական ​​հարաբերությունների մակարդակի իջեցումը, քանի որ կարծում ենք, որ դրա համար ոչ մի պատճառ չի եղել: Դա էական ազդեցություն կունենա երկու երկրի միջև հարաբերությունների վրա», – հավելել է Բաղային։

Օգոստոսի 26-ին Ավստրալիան Իրանի դեսպանին հայտարարել է պերսոնա նոն գրատա և հայտնել, որ դադարեցնում է իր դեսպանատան աշխատանքն Իսլամական Հանրապետությունում՝ անվտանգության նկատառումներով: Կանբերայում նաև Թեհրանին մեղադրել են հակասեմականությանն աջակցելու մեջ:

Եթե ​​մենք ցուցադրենք «վատ խաղաղությունը լավ վեճից լավ է» ոճը, ապա անհրաժեշտություն կա կարգավորել հարաբերությունները Ադրբեջանի հետ։ Այս մասին Lenta.ru-ի հետ զրույցում ասել է Պետդումայի ԱՊՀ հարցերով, եվրասիական ինտեգրման և հայրենակիցների հետ հարաբերությունների կոմիտեի նախագահի առաջին տեղակալ Կոնստանտին Զատուլինը։

«Ադրբեջանը հետևում է իր սեփական ուղղությանը։ Այս ուղղության առանձնահատկություններն են Լեռնային Ղարաբաղի բռնակցումը և 2023 թվականին խաղաղ կարգավորումից հրաժարվելը։ Ադրբեջանն օգտվեց այն փաստից, որ Հայաստանն այդ ժամանակ գլխավորում էր ոչ այնքան ազգային կառավարություն և իր ծրագրերն իրականացրեց Թուրքիայի աջակցությամբ։ Դա անելու և Ռուսաստանի չխանգարելու համար, նրան անհրաժեշտ էր որոշ ժամանակ ռազմավարական գործընկերոջ դեր խաղալ», – նշել է Զատուլինը։

Պատգամավորի խոսքով՝ հենց որ Բաքվի ծրագրերը կյանքի են կոչվել՝ վերացել է Ռուսաստանի հետ ամեն ինչ համաձայնեցնելու անհրաժեշտությունը։

Ավելին, Թուրքիայի և Ադրբեջանի միջև ռազմավարական դաշինքը ոչ միայն երկկողմ դաշինք է, այլև ապագայի ուղի՝ մեծ Թուրանի ձևավորումը շարունակելու, թյուրքական և ինչպես նրանք կարծում են Կենտրոնական Ասիա և Ռուսաստանի թուրքաբնակ որոշ շրջաններ ներթափանցելու համար։ Սա ակնհայտորեն հակասում է Ռուսաստանի շահերին և սպառնալիքներ է ստեղծում նրա համար։ Եվ քանի որ սա հիմա առաջին պլան է մղվում, Ադրբեջանի կողմից քողարկման անհրաժեշտությունը վերացել է», – հավելել է նա։

«Հետք»-ը գրում է․ «Հայաստանի պետական հետաքրքրությունների հիմանդրամ» ՓԲԸ-ի՝ ԱՆԻՖ-ի նախկին տնօրեն Դավիթ Փափազյանի նկատմամբ միջազգային հետախուզում կհայտարարվի: Այսպիսի հանձնարարություն է տվել Քննչական կոմիտեն: Նրա նկատմամբ որպես խափանման միջոց է ընտրվել կալանքը։ Այս մասին մեր գրավոր հարցմանն ի պատասխան՝ հայտնել են Քննչական կոմիտեից։

Հիշեցնենք, որ օգոստոսի 15-ին Գլխավոր դատախազությունը հանրային քրեական հետապնդում էր հարուցել «Հայաստանի պետական հետաքրքրությունների հիմնադրամ» ՓԲԸ-ի (ԱՆԻՖ) նախկին տնօրեն Դավիթ Փափազյանի, «Ձեռնարկատեր+պետություն հակաճգնաժամային ներդրումների հիմնադրամ» ՓԲԸ-ի նախկին տնօրեն Բելլա Մանուկյանի և «Սի Էֆ Դաբլյու» ՓԲԸ-ի տնօրեն Կարինե Անդրեասյանի նկատմամբ։

Դավիթ Փափազյանի նկատմամբ քրեական հետապնդում հարուցվել էր ՀՀ քրեական օրենսգրքի միանգամից երեք հոդվածի հատկանիշներով՝ փաստաթղթերի կեղծման (457-րդ հոդված), առանձնապես խոշոր չափերով փողերի լվացման (296-րդ հոդվածի 3-րդ մասի 2-րդ և 3-րդ կետեր) և մասնավոր ոլորտում ծառայողական լիազորությունները չարաշահելու (277-րդ հոդվածի 2-րդ մասի 2-րդ կետ)»։

Մանրամասն՝ սկզբնաղբյուր կայքում։

91 տարեկանում մահացել է աշխարհահռչակ դիզայներ Ջորջիո Արմանին։ Հաղորդում է Ռոյթերզը։

Արմանին ժամանակակից իտալական ոճի և նրբագեղության հոմանիշն էր։ Նա համատեղում էր դիզայների տաղանդը գործարարի հմտության հետ՝ ղեկավարելով մի ընկերություն, որի տարեկան շրջանառությունը կազմում էր մոտ 2.3 միլիարդ եվրո (2.7 միլիարդ դոլար)։

«Armani Group-ը անսահման վշտով հայտարարում է իր ստեղծողի, հիմնադրի և անխոնջ շարժիչ ուժի՝ Ջորջիո Արմանիի մահվան մասին», - ասվում է նրա հիմնադրած ընկերության հայտարարության մեջ։ 

Գերմանիայի մայրաքաղաքում ավտոմեքենան մխրճվել է մարդկանց բազմության մեջ, որոնց թվում բազմաթիվ երեխաներ են եղել: «Արմենպրես»-ի փոխանցմամբ՝ այս մասին հաղորդում է Bild թերթը։

Ըստ հրատարակության տվյալների՝ միջադեպը տեղի է ունեցել տեղական ժամանակով մոտավորապես 13:10-ին:

Տուժածների ստույգ թիվն անհայտ է, սակայն Bild-ը նշում է, որ նրանց թվում կարող է լինել մի քանի երեխա։

Եվրոպական երկրների մեծ մասը չի ցանկանում զորքեր ուղարկել Ուկրաինա, քանի որ վախենում է Ռուսաստանի հետ հնարավոր հակամարտությունից։ Այս մասին հաղորդում է ամերիկյան The New York Times թերթը։

«Մինչ օրս միայն Ֆրանսիան, Մեծ Բրիտանիան և փոքրիկ Էստոնիան են հրապարակավ հայտարարել պատերազմից հետո Ուկրաինա զորքեր տեղակայելու հնարավորության մասին։ Եվրոպական երկրների մեծ մասի համար Ռուսաստանի հետ հակամարտության հեռանկարը չափազանց ցավոտ է»,- նշում է թերթը։

The New York Times-ը գրում է, որ եվրոպական երկրները կասկածում են՝ արդյո՞ք Վաշինգտոնը ռազմական աջակցություն կցուցաբերի իրենց «ՆԱՏՕ-ի զորքերի վրա հարձակման» դեպքում։

ԱՄՆ նախագահ Դոնալդ Թրամփն այս պահին տեսակոնֆերանս է անցկացնում Վլադիմիր Զելենսկու և եվրոպացի առաջնորդների հետ, որը սկսվել է Երևանի ժամանակով ժամը 14:20-ին, հայտնում է Axios-ի լրագրող Բարաք Ռավիդը՝ հղում անելով իր աղբյուրին։

«Նախագահ Թրամփը տեսակոնֆերանս է անցկացնում նախագահ Զելենսկու և եվրոպացի առաջնորդների հետ։ Իրավիճակին ծանոթ աղբյուրը հայտնում է, որ տեսազանգը սկսվել է արևելյան ժամանակով ժամը 8:20-ի սահմաններում (Երևանի ժամանակով՝ 14:20-ին – խմբ.)»,- հայտնել է Ռավիդը Х սոցիալական ցանցում արված գրառման մեջ։

Չինաստանը զարգացնում է հարաբերություններ բոլոր երկրների հետ, և դրանք ուղղված չեն երրորդ կողմերի դեմ: Այդ մասին ճեպազրույցում հայտարարել է Չինաստանի արտաքին գործերի նախարարության պաշտոնական ներկայացուցիչ Գո Ցզյակունը՝ մեկնաբանելով ԱՄՆ նախագահ Դոնալդ Թրամփի խոսքն այն մասին, թե Չինաստանը, Ռուսաստանը և ԿԺԴՀ-ն դավեր են նյութում Միացյալ Նահանգների դեմ:

«Չինական կողմը հրավիրել է օտարերկրյա հյուրերին՝ մասնակցելու Չինաստանում  համապատասխան միջոցառումներին՝  նվիրված Ճապոնացի զավթիչների դեմ դիմադրության պատերազմում և Համաշխարհային հակաֆաշիստական ​​պատերազմում չինացի ժողովրդի հաղթանակի 80-րդ տարեդարձին, որպեսզի խաղաղասեր երկրների և ժողովուրդների հետ միասին հիշեն պատմությունը, հիշեն նախնիներին, թանկ գնահատեն խաղաղությունը և կերտեն ապագան:

Չինաստանի կողմից որևէ երկրի հետ դիվանագիտական ​​հարաբերությունների զարգացումն ուղղված չէ երրորդ կողմերի դեմ», – դիվանագետի խոսքերն է մեջբերում ՏԱՍՍ-ը:Ավելի վաղ Թրամփը, մեկնաբանելով Պեկինի զորահանդեսը, ՉԺՀ նախագահին խնդրել էր ողջույններ փոխանցել Պուտինին և Կիմ Չեն Ընին։

«Խնդրում եմ, իմ ամենաջերմ մաղթանքները փոխանցեք Վլադիմիր Պուտինին և Կիմ Չեն Ընին, մինչ դուք դավեր եք նյութում Ամերիկայի Միացյալ Նահանգների դեմ», – գրել էր նա Truth Social-ում:

Պատերազմական գործողությունների հետևանքով քաղաքացիական անձանց շրջանում անհայտ կորածների ընտանիքներին սոցիալական աջակցության տրամադրման շարունակականությունն ապահովելու նպատակով Կառավարությունն ընդունել է որոշում:

Միջոցառման շրջանակում քաղաքացիական անձանց շրջանում անհայտ կորածների ընտանիքներին հատկացվող դրամական օգնությունը (քաղաքացիական անձի հաշվով ամսական 300 000 դրամի չափով) ստանալու համար դիմումը պետք է ներկայացվեր էլեկտրոնային եղանակով՝ մինչև 2025 թվականի հուլիսի 20-ը։ Սակայն մինչ այսօր կան քաղաքացիական անձանց շրջանում անհայտ կորածներ, որոնց ընտանիքներն ունեն շարունակական աջակցության կարիք:

Ըստ այդմ՝ անհայտ կորածի ընտանիքները ևս 2 ամիս՝ օգոստոս և սեպտեմբեր ամիսներ, կստանան սոցիալական աջակցություն, որի համար դիմում կարող են ներկայացնել մինչև սեպտեմբերի 20-ը ներառյալ:

Ռուսական բանակը վերահսկողության տակ է վերցրել Նովոսյոլովկա գյուղը, որը գտնվում է Զապորոժիեի մարզում։ Այս մասին հայտնել է ՌԴ ՊՆ–ի մամուլի ծառայությունը։

Բնակավայրն հաջողվել է ազատագրել «Արևելք» զորախմբի ստորաբաժանումների թշնամու պաշտպանության խորքերը առաջխաղացման շնորհիվ։

Արևելյան խմբավորման զինվորականներն ավելի վաղ լիակատար վերահսկողություն էին հաստատել ԴԺՀ-ում իրենց գործողությունների գոտում։