Ինը եվրոպական պետություններ միացել են Եվրամիության հակառուսաստանյան պատժամիջոցներին, որոնք սահմանվել են հուլիսի 15-ին մի շարք ֆիզիկական անձանց նկատմամբ: 

Այս մասին նշվում է Եվրոպական խորհրդի մամուլի ծառայության հաղորդագրության մեջ:Խոսքը վերաբերում է Ալբանիային, Բոսնիա և Հերցեգովինային, Իսլանդիային, Լիխտենշտայնին, Մոլդովային, Նորվեգիային, Հյուսիսային Մակեդոնիային, Ուկրաինային և Չեռնոգորիային:

Հուլիսի 15-ին ԵՄ խորհուրդը լրացուցիչ պատժամիջոցներ էր կիրառել 9 անհատի և 6 կազմակերպության նկատմամբ՝ ի պատասխան «Ռուսաստանի հիբրիդային սպառնալիքների»։

Ռուսաստանը չի մեկուսանում, երկիրը բաց է համագործակցության համար։ Այս մասին հայտարարել է ՌԴ նախագահ Վլադիմիր Պուտինը Արևելյան տնտեսական ֆորումի ընթացքում: 

«Մենք ոչ մեկից չենք մեկուսանում և կարծում ենք, որ ճնշող մեծամասնությունը, եթե ոչ այս դահլիճում բոլոր նստածները կհամաձայնեն ինձ հետ, այդպես բաց լինելը ձեռնտու է բոլոր նրանց, ովքեր նման տեսակետ ունեն և նման քաղաքականության են հետևում»,- ասել է Ռուսաստանի ղեկավարը Արևելյան տնտեսական ֆորումի լիագումար նիստում:

Մոդերատոր, հեռուստահաղորդավարուհի Մարիա Ռիբակովայի այն հարցին, թե Չինաստանի և Հնդկաստանի՝ վիշապի և փղի հետ դաշինքում ինչ դեր է կատարում արջը խորհրդանշող Ռուսաստանը, Պուտինը պատասխանել է. «Արջը արջ է»: 

«Ռուսաստանի երկգլխանի արծիվը նայում է ոչ միայն դեպի արևմուտք և արևելք, այլև դեպի հարավ… Դա ինչ-որ շրջադարձ չէ, այլ օբյեկտիվ արձագանք աշխարհում տեղի ունեցող գործընթացներին, մենք երբեք չենք հրաժարվել համագործակցել նրանց հետ, ովքեր ցանկանում են»,- ասել է նա։ 

Պուտինը նշել է, որ ժամանակակից աշխարհը շատ փոխկապակցված է։ Սեփական «ազգային կեղևի» մեջ փակվելը դժվար է և վնասակար։ ՌԴ նախագահն ընդգծել է, որ Ռուսաստանը կայուն և կանխատեսելի արտաքին և տնտեսական քաղաքականություն է վարում: Նրա խոսքով՝ արևմտյան ընկերությունների հեռանալը կապված էր քաղաքական սահմանափակումների, այլ ոչ թե երկրի հետ տնտեսական կապերը խզելու ցանկությամբ:

«Շատերը անհամբեր սպասում են, թե երբ են վերանալու զանազան քաղաքական բնույթի սահմանափակումները, և ամեն վայրկյան կուզեին վերադառնալ։ Մենք որևէ մեկից երես չենք թեքել։ Մենք որևէ մեկին չենք վռնդել։ Ով ուզում է՝ միշտ կարող է վերադառնալ»,- ասել է Պուտինը։

Ռուսաստանի նախագահ Վլադիմիր Պուտինը Վլադիվոստոկում ընթացող Արևելյան տնտեսական համաժողովի լիագումար նիստում անդրադարձել է Ուկրաինայի հետ հակամարտությանը և անվտանգության երաշխիքներին: «Արմենպրես»-ի փոխանցմամբ՝ նրա ելույթից հատվածներ է մեջբերել «ՌԻԱ Նովոստի» գործակալությունը:

Ռուսաստանի նախագահը հայտարարել է, որ Մոսկվան օրինական թիրախ կհամարի Ուկրաինայի տարածքում գտնվող ցանկացած ուժեր: Նա նաև հայտարարել է, որ Ռուսաստանը կհարգի անվտանգության երաշխիքները, որոնք պետք է մշակվեն և՛ Ռուսաստանի, և՛ Ուկրաինայի համար:

«Առայժմ ոչ ոք լուրջ մակարդակով Ռուսաստանի հետ չի քննարկել անվտանգության երաշխիքները», – ասել է Կրեմլի ղեկավարը:

Ինչ վերաբերում է Ուկրաինայի տարածքում օտարերկրյա զորքերի տեղակայմանը, ապա կայուն խաղաղության համաձայնագրից հետո, Պուտինի խոսքով, դրա կարիքը չի լինի:

Պուտինը նշել է, որ պատրաստ է ուկրաինական կողմի հետ շփումների, սակայն դրա իմաստը չի տեսնում:

«Առանցքային հարցերի շուրջ ուկրաինական կողմի հետ պայմանավորվելը գրեթե անհնար կլինի», – ասել է ՌԴ նախագահը:

Միևնույն ժամանակ Պուտինը նշել է, որ Մոսկվան լավագույն վայրն է Ուկրաինայի հետ բարձր մակարդակով հանդիպման համար: Նրա խոսքով՝ Ռուսաստանը կապահովի նման հանդիպման անվտանգությունը:

Ավելի վաղ նա Ուկրաինայի նախագահ Վոլոդիմիր Զելենսկուն հրավիրել էր Մոսկվա: Ուկրաինական կողմը մերժել էր նման հնարավորությունը:

Սեպտեմբերի 2-ի դրությամբ Լեռնային Ղարաբաղից բռնի տեղահանված մեր հայրենակիցներից ավելի քան 16,000-ը ստացել է Հայաստանի քաղաքացիություն։ Այս մասին Ազգային ժողովի պաշտպանության և անվտանգության հարցերի մշտական հանձնաժողովի նիստում հայտնեց ՆԳ փոխնախարար Արման Ղազարյանը։

Նրա խոսքով՝ այս պահին կա 11,259 անձ, որոնք ՀՀ նախագահի հրամանագրով ստացել են քաղաքացիություն, ինչպես նաև ավելի քան 5,000 անչափահաս, ովքեր ծնողների քաղաքացիություն ստանալուց հետո իրենք էլ են ձեռք բերել ՀՀ քաղաքացիություն։

Ղազարյանը նշեց, որ գործընթացը փորձ է արվում առավել դյուրին և արագ դարձնել: «Եթե նախկինում քաղաքացիության դիմումները քննվում էին կենտրոնացված համակարգով, ապա այժմ մարզային բոլոր ստորաբաժանումներն արդեն ընդունում են ԼՂ-ից տեղահանված անձանց դիմումները: Երևանում բացվել է երկրորդ ընդունման կետ, և ծրագրվում է ավելացնել ևս, գործարկվել է շրջիկ ծառայություն, որը մեկ օրում հավաքագրում և ներկայացնում է շուրջ 50 դիմում»,- ասաց նա:

Փոխնախարարի խոսքով՝ ԼՂ-ից բռնի տեղահանված անձինք քաղաքացիությունը ստանում են ստանդարտ ընթացակարգերի համեմատ գրեթե կիսով չափ ավելի արագ ժամկետներում:

«Ոչ ոք դեռևս լուրջ մակարդակով չի քննարկել Ռուսաստանից անվտանգության երաշխիքները»,- նշել է Պուտինը:

Նրա խոսքով, Ռուսաստանը կհարգի Ռուսաստանի և Ուկրաինայի համար մշակվող անվտանգության երաշխիքները։ Պուտինն ընդգծել է, որ կայուն խաղաղության մասին համաձայնագրից հետո Ուկրաինայում օտարերկրյա զորքերի ներկայությունն իմաստ չունի։ 

Հավանական չէ, որ Կիևը կունենա համաձայնության հասնելու քաղաքական կամք։ Կիևը վերջերս բացառեց Ռուսաստանի հետ շփումների հնարավորությունը, և հիմա նրանք խնդրում են նման շփումներ։Գրեթե անհնար կլինի համաձայնության գալ ուկրաինական կողմի հետ հիմնական հարցերի շուրջ»,- նշել է ՌԴ նախագահը: 

Պուտինը նաև ասել է, որ պատրաստ է ուկրաինական կողմի հետ շփումների, բայց իմաստ չի տեսնում։

«Հրապարակ» թերթը գրում է․ «Նիկոլ Փաշինյանը ոչ միայն որոշել է Արցախի էջը փակել, այլեւ արցախցիների սոցիալական խնդիրները լուծելու ցանկություն չունի: Ամիսներ առաջ դադարեցվել էր սոցիալական աջակցության ծրագիրը՝ տասնյակ-հարյուրավոր արցախցիների, բառի բուն իմաստով, թողնելով փողոցում՝ զրկելով բնակարանի վարձը վճարելու գումարներից։

Մեզ պատմեցին, որ վերջին ամիսներին արցախցիները զանգվածաբար գնում են Ռուսաստան եւ կամավորագրվում ռուս-ուկրաինական պատերազմին մասնակցելու համար ձեւավորված կամավորական ջոկատներին, մասնավորապես՝ Արբատին, որտեղ պայմանագրային զինծառայողներին բավականին բարձր աշխատավարձեր են վճարում: Պատերազմի մասնակիցներին եւ նրանց ընտանիքների անդամներին նաեւ արագացված կարգով ՌԴ քաղաքացիություն են շնորհում։

Մինչդեռ պրոֆեսիոնալ բանակ ստեղծելու մասին պոռոտախոսող ՀՀ իշխանությունը կարող էր կռվելու ունակ արցախցիների ներուժը հայկական բանակում օգտագործել։ Մեր տեղեկություններով՝ Հայաստանի որեւէ պետական մարմին նորմալ հաշվառում չի էլ անում, թե այս ընթացքում քանի արցախցի է մեկնել Հայաստանից, քանիսն է վերադարձել»։

Սեպտեմբերի 4-ին, խոշոր ավտովթար է տեղի ունեցել Երևանում։ Ժամը 17։40-ի սահմաններում Գևորգ Վարդանյան փողոցում, թիվ 30 շենքի դիմաց, 35-ամյա Պետրոս Վ․-ն իր վարած հողով բարձված «Shacman» մակնիշի բեռնատարով բախվել է երկաթե էլեկտրասյանը, կոտրել այն, ապա հենապատին, ինչի հետևանքով վնասվել են «Range Rover» և «Volkswagen» մակնիշի ավտոմեքենաներ, իսկ բեռնատարը այնուհետև բախխվել է «Mercedes» մակնիշի և «Volkswagen» մակնիշի ավտոմեքենաների, հաղորդում է Shamshyan.com–ը։ 

Վթարի հետևանքով, ըստ նախնական տեղեկությունների, բարեբախտաբար տուժածներ չկան։

Վթարի փաստով ՊԾ Երևան քաղաքի գնդի 4-րդ գումարտակում փաստաթղթեր են ձևակերպվում, որտեղ էլ պարզվում են վարորդների ինքնությունը։

Ուղղափառությունը չի արգելում տղամարդկանց կիսաշրջազգեստ կրելը։ Այս մասին «Абзац» հրատարակության լրագրողների հետ զրույցում, ըստ 168.am-ի, հայտարարել է Ռուս ուղղափառ եկեղեցու Իվանովո-Վոզնեսենսկի թեմի հոգևորական Մակարիուսը (Մարկիշ):

Մակարիուսը կիսաշրջազգեստը համեմատել է Ռուս ուղղափառ եկեղեցու հոգևորականների հագուստի հետ:

«Այն, որ հոգևորականի հագուստը և կնոջ զգեստի կտրվածքը նույնն են, չի նշանակում, որ կա որևէ բարոյական բովանդակություն, չկա և չի կարող լինել»,- բացատրել է Մարկիշը։

Տղամարդկանց կողմից կիսաշրջազգեստ կրելու թույլտվության վերաբերյալ քննարկումները սկսվել էին օգոստոսի վերջին։

Թուրք սոցիոլոգ Բերաթ Դաղը տվյալներ է հրապարակել Թուրքիայում հանցագործության մակարդակի վերաբերյալ։ Այս մասին տեղեկացնում է ermenihaber.am-ը։ 

Նա մասնավորեցրել է, որ 2011-ին Թուրքիայում ընդհանուր առմամբ բանտարկվել է 128.253 մարդ, իսկ 2020-ին այդ թիվը հասել է 266.831-ի։ Այս տվյալնեը ցույց են տալիս, որ հանցագործության մակարդակը վերջին 10 տարվա ընթացքում աճել է 108%-ով։

Ըստ 2020-ի տվյալների՝ Թուրքիայում ամենատարածված հանցագործությունները դիտավորյալ վնասվածքներ հասցնելն է (40.445 դատվածություն) և գողությունը (39.279 դատվածություն): 

Այս հանցագործություններին հաջորդում են թմրանյութերի ապօրինի շրջանառությունը, թմրանյութերի օգտագործումը և խարդախությունը:

Անդրադառնալով երիտասարդների շրջանում հանցագործությանը՝ սոցիոլոգը նշել է, որ երեխաների և երիտասարդների հանցագործությունների մեջ ներգրավվածության մակարդակը զգալիորեն աճել է։

Ըստ 2020-ի տվյալների՝ միայն 15-17 տարեկան մոտ 8500 երիտասարդ բանտարկվել է գողության, հարձակման և թմրանյութերի հետ կապված հանցագործությունների մեջ ներգրավված լինելու համար։

Մասնագետի դիտարկմամբ՝ Թուրքիայում բանտարկյալների թիվը աճում է․ եթե 2020-ի դրությամբ Թուրքիայում քրեակատարողական հիմնարկների համալրվածությունը կազմում էր մոտավորապես 230.000, ապա այսօր այն գերազանցում է 266.000-ը: