ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Մայիսի 25-ի գիշերն Ուկրաինան ենթարկվել է հակամարտության սկզբից ի վեր ամենախոշոր օդային հարձակմանը, հաղորդում է Reuters-ը՝ հղում անելով սեփական հաշվարկներին։
Մայիսի 25-ի գիշերը պայթյուններ են լսվել Օդեսայում, Կիևում և Ուկրաինայի Դնեպրոպետրովսկի մարզում։ Աղբյուրի փոխանցմամբ՝ հարձակումների են ենթարկվել նաև Խարկովը, Նիկոլաևը և Տերնոպիլը։ Ուկրաինայի ՆԳՆ ղեկավար Իգոր Կլիմենկոն հայտնել է 12 զոհի և 60 վիրավորի մասին։
Ռուսաստանի պաշտպանության նախարարությունը հայտարարել է, թե հարվածները հասցվում են միայն ուկրաինական ռազմական օբյեկտներին և դրանց հետ կապված ենթակառուցվածքներին։
Ուկրաինայի նախագահ Վլադիմիր Զելենսկին կոչ է արել Միացյալ Նահանգներին արձագանքել գիշերը տեղի ունեցած հարձակմանը։ Այս մասին նա գրել է Telegram ալիքում։
Հայաստանի պաշտպանության նախարարությունը չի հաստատել իշխող կուսակցության պատգամավոր Հայկ Սարգսյանի այն հայտարարությունը, թե խոշոր գործարարների մեծ մասը երեխաներին ազատում էբանակում ծառայելուց:
Ավելի վաղ իշխող «Քաղաքացիական պայմանագիր» խմբակցության պատգամավոր Հայկ Սարգսյանը հայտարարել էր, որ մեծամասամբ հսկայական կարողություն ունեցող և հարկատուների առաջին հազարյակում ընդգրկված ընտանիքների երեխաները բանակ չեն զորակոչվում: Նա նշել էր, որ այդ տեղեկությունը ստացել է ՊՆ ներկայացուցիչների հետ աշխատանքային քննարկումների ընթացքում:
«Պաշտպանության նախարարությունը նման հաշվառում չի իրականացնում։ Այլ տեղեկություններ չունենք», - մեր հարցմանն ի պատասխան հայտնել են ՊՆ-ից։
Հիշեցնենք, որ զինվորական ծառայության մասին փոփոխությունների նախագիծն առաջարկում է պարտադիր զինվորական ծառայություն անցնել ընդամենը 1 ամիս ու վճարել 24 միլիոն դրամ կամ պարտադիր զինվորական ծառայություն անցնել 4 ամիս և վճարել 18 միլիոն դրամ։ Մինչև 16 տարին լրանալը ՀՀ քաղաքացիությունից հրաժարվելու պետական տուրք սահմանել 15 միլիոն դրամ։ Պարտադիր զինվորական ծառայության անցնելու առավելագույն սահմանային տարիք կնախատեսվի 32 տարեկանը։
Օրինագիծը մայիսի 22-ին ստացավ կառավարության դրական եզրակացությունը, այն առաջիկայում կներկայացվի արդեն Ազգային Ժողովի քննարկմանը։
Իրանը ներկայացրել է սեփական արտադրության օդային երթևեկության կատարելագործված ռադար՝ երկրի քաղաքացիական ավիացիայի ոլորտի դեմ ուղղված արտասահմանյան պատժամիջոցների ֆոնին։
Իրանի նախագահ Մասուդ Փեզեշքիանը շաբաթ օրը տեսակապի միջոցով հրահանգել է երկրի հարավ-արևմուտքում գտնվող Աբադանի օդանավակայանում տեղակայել MSSR-Mode S ռադարային համակարգը։
Իրանի տրանսպորտի նախարարության ներկայացուցիչները հայտարարել են, որ կատարելագործված ռադիոլոկացիոն համակարգը կամրապնդի տարածաշրջանում օդային երթևեկության կառավարման ցանցը։
Իրանի օդանավակայանների և օդային նավիգացիայի ընկերության գլխավոր տնօրեն Մոհամմադ Ամիրանին հայտարարել է, որ երկրորդային հսկողության մոնոիմպուլսային ռադիոլոկացիոն համակարգը ամբողջությամբ նախագծվել և արտադրվել է տեղական ընկերությունների կողմից։
Ամիրանին հայտնել է, որ Իրանի կենտրոնական մասում գտնվող Սպահանի տեխնոլոգիական համալսարանի գիտնականներն իրենց ներդրումն են ունեցել նախագծում՝ հավելելով, որ համակարգը կարող է 450 կիլոմետր շառավղով հետևել ներքին և միջազգային չվերթներին։
Ամիրանին ասել է, որ կառավարությունն այս նախագծի վրա ծախսել է շուրջ 6,9 միլիոն եվրո (7,84 միլիոն դոլար)՝ ներմուծման ծախսերը կրճատելով գրեթե 1 միլիոն եվրոյով։
Գիտնականները Արեգակի վրա թռչունի նմանվող օբյեկտ են հայտնաբերել: Այն 10 անգամ մեծ է Երկրից և ունի մոտ 150 հազար կմ երկարություն ունեցող «թև»: Այս մասին, Թերթի փոխանցմամբ, հաղորդում է ՌԴ Գիտությունների ակադեմիայի Տիեզերական հետազոտությունների ինստիտուտի արևային աստղագիտության լաբորատորիան։
«LASCO աստղադիտակներից մեկից երեկ ստացվել է մի գեղեցիկ և որոշ չափով առեղծվածային պատկեր: Պատկերում կարծես պարզ երևում է «թռչուն» կամ «թռչող նավ»՝ հետևում «բոցավառվող արահետով: Նման «թռչնի» թևի չափը մոտավորապես 150 հազար կիլոմետր է։ Սա ավելի քան տասն անգամ մեծ է Երկրից: Օբյեկտը գտնվում է Արեգակից մոտ երկու միլիոն կիլոմետր բարձրության վրա»,- նշվում է հոդվածում:
Հայտարարությունն արվում է Թուրքիայի արտաքին գործերի նախարար Հաքան Ֆիդանի՝ Մոսկվա կատարելիք այցից առաջ։
Նշվում է, որ կողմերը կքննարկեն երկկողմ և միջազգային համագործակցության հարցերի լայն շրջանակ, այդ թվում՝ Կովկասում համագործակցության խորացման հարցը, «ներառյալ տրանսպորտային կապերի և հաղորդակցությունների ապաշրջափակումը, ինչպես նաև տարածաշրջանի հետհակամարտային վերականգնումը»։
Այսօր ուկրաինական ԱԹՍ-ները հարձակում են գործել Մոսկվայի վրա, ինչի հետ կապված ժամանակավոր սահմանափակումներ են մտցվել Մոսկվայի Դոմոդեդովո, Վնուկովո և Ժուկովսկի օդանավակայանների աշխատանքի վրա։
Այս մասին հայտնում է Ռոսավիացիան։
«Վնուկովո, Դոմոդեդովո և Ժուկովսկի օդանավակայաններում օդանավերի ժամանման և մեկնման ժամանակավոր սահմանափակումներ են մտցվել»,- ասվում է գերատեսչության հաղորդագրության մեջ։
Տեղեկատվության համաձայն՝ թռիչքների անվտանգությունն ապահովելու նպատակով օդանավակայանները ժամանակավորապես չեն ընդունում և չեն իրականացնում թռիչքներ։
«Օդանավերի անձնակազմերը, ավիադիսպետչերները և օդանավակայանի ծառայությունները ձեռնարկում են բոլոր անհրաժեշտ միջոցները՝ թռիչքների անվտանգությունն ապահովելու համար, սա առաջնահերթություն է», – հաղորդում է «Ռոսավիացիան»:
Իրանի արտաքին գործերի նախարարության պաշտոնական ներկայացուցիչ Էսմայիլ Բաղային կիրակի օրը հայտարարել է, որ Թեհրանի և Վաշինգտոնի միջև բանակցությունների հաջորդ փուլի ամսաթիվը դեռևս որոշված չէ, հայտնում է Mehr-ը։
Բաղային նշել է, որ բանակցությունների վեցերորդ փուլի անցկացման ամսաթվի և վայրի մասին տեղեկությունները լրատվամիջոցների կողմից ընդամենը շահարկումներ են։
Իրանի և ԱՄՆ-ի պատվիրակությունները ուրբաթ օրը Հռոմում հանդիպել են միջուկային բանակցությունների հինգերորդ փուլում, և երկու կողմերն էլ համաձայնել են շարունակել բանակցությունները Օմանի կառավարության միջնորդությամբ։
Բանակցությունների հինգերորդ փուլից հետո Իրանի ԱԳ նախարար Աբբաս Արաղչին հայտարարել է, որ Օմանի արտաքին գործերի նախարարը ներկայացրել է տարբեր գաղափարներ, որոնք կարող են առաջընթացի հանգեցնել հետագա փուլերում։
Ռուսաստանի զինված ուժերը բարձր ճշգրտության զենքով և անօդաչու թռչող սարքերով մայիսի 25-ի գիշերը զանգվածային հարված են հասցրել Ուկրաինայի ռազմաարդյունաբերական ձեռնարկություններին, հայտնել է ՌԴ ՊՆ-ն:
«Այսօր գիշերը Ռուսաստանի Դաշնության զինված ուժերը ծովային, օդային, ցամաքային բազավորման բարձր ճշգրտության զենքերով և անօդաչու թռչող սարքերով զանգվածային հարված են հասցրել Ուկրաինայի ռազմարդյունաբերական ձեռնարկություններին, որոնք Ուկրաինայի զինված ուժերի համար արտադրում են հրթիռային զենքի բաղադրիչներ, ռադիոէլեկտրոնիկա, պայթուցիկ նյութեր, հրթիռային վառելիք և հարվածային անօդաչու թռչող սարքեր։ Հարված է հասցվել նաև ռադիոտեխնիկական հետախուզության և արբանյակային կապի կենտրոններին»,-ասված է հաղորդագրության մեջ:
Ռուսաստանի պաշտպանության նախարարությունը հայտնում է, որ հարվածները հասել են իրենց նպատակին։ Բոլոր նախանշված օբյեկտները խոցվել են։
Ուկրաինական զորքը տարբեր եղանակներով (այդ թվում` ԱԹՍ–ներով) պարբերաբար գնդակոծում և գրոհում է ՌԴ սահմանամերձ շրջանները, մասնավորապես` Բելգորոդի, Բրյանսկի, Կուրսկի և Վորոնեժի մարզերը։
Հիդրոմետկենտրոնը Մոսկվայում եղանակային վտանգի նարնջագույն մակարդակ է սահմանել՝ պայմանավորված Ռուսաստանի մայրաքաղաքում ուժեղ շոգով։
Իր հերթին «Ֆոբոս» կենտրոնի առաջատար մասնագետ Միխայիլ Լեուսը հայտնել է, որ այս կիրակին ռուսաստանյան մայրաքաղաքում առաջին տեղն է գրավում գարնան և տարվա սկզբից ամենատաք օրերի ցանկում։
Ըստ նրա, տեղական ժամանակով ժամը 14:00-ի դրությամբ քաղաքի բազային օդերևութաբանական կայանի՝ ВДНХ-ի տվյալներով, օդի ջերմաստիճանը գերազանցել է +27 աստիճանի նշագիծը (+27,1°), ինչը 0,2°-ով բարձր է նախորդ առաջատարի՝ երեկվա օրվա ցուցանիշից։
«Այսպիսի ջերմաստիճանը ավելի քան 6°-ով բարձր է կլիմայական նորմայից։
Սակայն օդերևութաբանական պատմության մեջ եղել են նաև ավելի տաք մայիսի 25-ներ, այսպես, այս օրվա համար օդի առավելագույն ջերմաստիճանի օրական ռեկորդը սահմանվել է ուղիղ քսան տարի առաջ և կազմում է +31,5°։
Օդի տաքացումը դեռ շարունակվում է, այնպես որ նոր առավելագույնի ճշգրիտ արժեքը կիմանանք ժամը 21-ից հետո, երբ առավելագույն ջերմաչափերից ցուցմունքներ կվերցվեն»,- նշել է Լեուսը։
Եվրամիության արտաքին գործերի և անվտանգության քաղաքականության գերագույն ներկայացուցիչ Կայա Կալլասը կոչ է արել ուժեղացնել ճնշումը Ռուսաստանի վրա։
Այս մասին նա գրել է X սոցիալական ցանցում։
«Մենք պետք է ամենաուժեղ միջազգային ճնշումը գործադրենք Ռուսաստանի վրա՝ դադարեցնելու այս պատերազմը»,- նշել է նա։
Եվրոպական դիվանագիտության ղեկավարի խոսքով՝ Ռուսաստանը մտադիր է «ոչնչացնել Ուկրաինան»։ Այդ մասին են վկայում անցած գիշեր ՌԴ ԶՈւ-ի կողմից ուկրաինական տարածքում հասցված լայնածավալ հարվածները։
Ֆոտո
