Բրիտանական Գլոսթեր քաղաքում նախկին ունիվերմագնի տարածքում պեղումների ժամանակ հայտնաբերվել է 317 կմախք։ Այս մասին հայտնել է Popular Mechanics ամսագիրը։

Մնացորդները հայտնաբերվել են նախկին Debenhams ունիվերմագնի տարածքում, որտեղ ներկայումս կառուցվում է տեղի համալսարանի կամպուսը։ Կմախքները թվագրվում են ուշ միջնադարին։ Ավելի վաղ այս վայրում հայտնաբերվել էր Հին Հռոմի ժամանակներից ևս 83 թաղում։

Պեղումների ղեկավար Քլիֆ Բեյթմանի խոսքով՝ Գլոսթերը հնագետների համար աներևակայելի կարևոր վայր է, քանի որ այնտեղ ամեն անգամ հայտնագործություններ են արվում։

Կմախքներից բացի, պեղումների ընթացքում հայտնաբերվել են տարբեր իրեր, այդ թվում՝ ծխախոտի ծխամորճ և գինու շշի բեկորներ։

Երևանի քաղաքապետարանի աջակցությամբ և «Կանտատա» ՀԿ-ի նախաձեռնությամբ մայրաքաղաքի երեք այգիներում կանցկացվի «Երևանի գիշերները» դասական երաժշտական համերգաշարը։ 

Նպատակն է՝ Երևանի այգիներում հնչեցնել բարձրաճաշակ դասական երաժշտություն՝ այն հասանելի դարձնելով ինչպես երևանցիների, այնպես էլ քաղաքի հյուրերի համար։ Բացօթյա համերգները հնարավորություն կտան հանդիսատեսին վայելել համաշխարհային և ազգային դասական ստեղծագործություններ հանգստի և զբոսանքի մթնոլորտում՝ առանց համերգասրահ այցելելու անհրաժեշտության։

Համերգային երեկոների ընթացքում կհնչեն հայ, ռուս և եվրոպացի ճանաչված կոմպոզիտորների սիրված ստեղծագործություններ։ 

Համերգների ժամանակացույց  

Սեպտեմբերի 12-ին ժամը 19:00 – Սիրահարների այգի

Սեպտեմբերի 14-ին ժամը 19:00 -Մերգելյան այգի

Սեպտեմբերի 15-ին ժամը 19:00 – Սիզնս այգի

Համերգաշարին հանդես կգա «Կանտատա» անսամբլը․

Վարսենիկ Ավանյան – մեցցո-սոպրանո, ՀՀ Օպերայի և բալետի ազգային ակադեմիական թատրոնի մեներգչուհի

Ելենա Վարդազարյան – դաշնամուր, միջազգային մրցույթների դափնեկիր

Գայանե Աբրահամյան – ջութակ, ՀՀ վաստակավոր արտիստ

Գառնիկ Ենգիբարյան – թավջութակ, միջազգային մրցույթների դափնեկիր

Լուսինը այս պահին, խավարումը մոտենում է գագաթնակետին: Այդ մասին սոցցանցերի իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը՝ հրապարակելով լուսանկար:

Ավելի վաղ հայտնել էինք, որ այսօր՝ սեպտեմբերի 7-ին, կդիտվի այս տարվա հիմնական աստղագիտական ​​իրադարձություններից մեկը՝ Լուսնի երկրորդ ամբողջական խավարումը:

Խավարումը տեսանելի է ԱՊՀ ամբողջ տարածքում՝ բացառությամբ Չուկոտկայի թերակղզու։

ԱՄՆ նախագահ Դոնալդ Թրամփը կիրակի օրը Սպիտակ տանը հայտարարել է, որ պատրաստ է անցնել Ռուսաստանի դեմ պատժամիջոցների երկրորդ փուլին Ուկրաինայի հակամարտության պատճառով, գրում է Reuters-ը։

Գործակալությունը նշում է, որ ԱՄՆ նախագահն այս առնչությամբ որեւէ մանրամասներ չի հայտնել։

Ռուսների հարվածները գնալով ավելի կոպիտ են դառնում։ Սա հստակ նշան է, որ Պուտինը փորձարկում է աշխարհը՝ արդյոք նրանք կընդունեն դա, կհաշտվեն դրա հետ, ասել է Զելենսկին

«Հետևաբար, չափազանց կարևոր է, որ առաջնորդների, պետությունների և ինստիտուտների հայտարարությունները ուղեկցվեն ուժեղ գործողություններով՝ Ռուսաստանի և դրա հետ կապված անձանց դեմ պատժամիջոցներով, խիստ սակագներով և առևտրի այլ սահմանափակումներով։

Նրանց կորուստները պետք է լինեն շոշափելի՝ սա է համոզիչ։ Պուտինը չի ցանկանում բանակցություններ, նա ակնհայտորեն խուսափում է դրանցից, ուստի Ռուսաստանում բենզինի պակասը և այլ տնտեսական խնդիրները տրամաբանական պատասխան են հրադադարից և առաջնորդների հանդիպմանը համաձայնվելուց հրաժարվելուն»,- նշել է  Ուկրաինայի նախագահը։

2026 թվականի Աշխարհի առաջնության եվրոպական գոտու որակավորման փուլի F խմբի երկրորդ տուրի Հայաստան-Իռլանդիա հանդիպումը կսպասարկի վրացական մրցավարական անձնակազմը։ Այս մասին հայտնում է ՈւԵՖԱ-ի պաշտոնական կայքը։

Հանդիպման գլխավոր մրցավար է նշանակվել Գոգա Կիկաչեիշվիլին։ Մրցավարի օգնականներ կլինեն Դավիդ Ախվլեդիանին և Դավիդ Գաբիսոնիան։ Չորրորդ պաշտոնյան կլինի Գիորգի Կրուաշվիլին։ VAR-ի պատասխանատուներ են լինելու նիդերլանդցի Դենիս Հիգլերը և Ռիչարդ Մարտենսը։

Հայաստան-Իռլանդիա հանդիպումը կկայանա սեպտեմբերի 9-ին՝ Վազգեն Սարգսյանի անվան «Հանրապետական» մարզադաշտում, ժամը 20։00-ին։

Դոնալդ Թրամփը չի բացառել Ղազախստան այցելելու հնարավորությունը և ասել, որ «հիանալի զրույց» է ունեցել երկրի նախագահ Կասիմ-Ժոմարտ Տոկաևի հետ։

«Ես կարող եմ անել դա»,- ասել է ԱՄՆ նախագահը՝ Ղազախստան այցելելու մասին հարցին ի պատասխան։

«Ես հիանալի զրույց ունեցա Տոկաևի հետ»,- հավելել է Թրամփը։

Սեպտեմբերի 3-ն՝ ժամը 22:00-ի սահմաններում «կրծքավանդակի և որովայնի ձախ կեսի կտրած-ծակած վերքեր» ախտորոշմամբ Հերացու անվան թիվ 1 համալսարանական հիվանդանոց է տեղափոխվել մի քաղաքացի։ Այս մասին հայտնում է shamshyan.com–ը։

Մինչ բժիշկները պայքարում էին վիրավորի կյանքի համար, ոստիկանները պարզել են, որ նա Երևանում առանց հաշվառման ապրող 32-ամյա Վարդգես Թ.-ն է։

Դեպքի փաստով ոստիկանության կենտրոնական բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական առաջին բաժին, որտեղ էլ դեպքի փաստով նախաձեռնվել է քրեական վարույթ։ 

Ոստիկանությունը ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ հանցագործություն կատարած անձի ինքնությունը պարզելու, նրան և հանցագործության գործիքը հայտնաբերելու ուղղությամբ։

Ռոնալդուի ռիլը 50 րոպեում հավաքել է 13 մլն դիտում։

Հիշեցնենք` երեկ` սեպտեմբերի 6-ին, աշխարհի 2026 թվականի առաջնության ընտրական փուլում Հայաստանի հավաքականը սեփական հարկի տակ 0:5 հաշվով պարտվեց Պորտուգալիային: Հաջորդ խաղը կկայանա սեպտեմբերի 9-ին Երևանում՝ Իռլանդիայի հետ:

Թուրքիայի «Տեղեկատվական տեխնոլոգիաների և հաղորդակցության կենտրոն»-ի (BTK) հրապարակած տվյալների համաձայն՝ երկրում մեկ անձի ամսական հեռախոսազրույցների միջին տևողությունը հասնում է 455 րոպեի (7.5 ժամ)։ Այս մասին տեղեկացնում է ermenihaber.am-ը։

Այս ցուցանիշը գրեթե կրկնակի է Եվրամիության (ԵՄ) անդամ երկրներում գրանցված միջին ցուցանիշին: Այն է 239 րոպե։

Թուրքիային հաջորդում են Նորվեգիան՝ 377 րոպե և Խորվաթիան՝ 322 րոպե խոսելաժամանակով։

Նշվում է, որ զանգերի ընթացքում քաղաքացիները հիմնականում կիսվում են ուրախությամբ, երբեմն՝ իրենց խնդիրներով, իսկ շատ հաճախ պարզապես հարցնում են՝ «որտե՞ղ ես»։