ՀՀ քննչական կոմիտեի Կոտայքի մարզային քննչական վարչության պետ Հովհաննես Չալաբյանի որոշմամբ ստեղծված քննչական խմբի ղեկավարի, նույն քննչական վարչության Աբովյանի քննչական բաժնի հատկապես կարևոր գործերով ավագ քննիչ Բագրատ Մուրադյանի կողմից նախաձեռնված քրեական վարույթի շրջանակում պարզվել է երեկ՝ սեպտեմբերի 7-ին Աբովյան քաղաքում տեղի ունեցած առեղծվածային ու ողբերգական դեպքի հետքերով մահացած եղբայրների ինքնությունը։

Ինչպես հայտնում է ֆոտոլրագրող Գագիկ Շամշյանը, պարզվել է, որ մահացածներն են Աբովյան քաղաքում հաշվառված 52-ամյա Նորիկ Տեր-Աբրահամյանը և 46-ամյա Նեժդիկ Տեր-Աբրահամյանը։ Վերջիններս հայտնաբերվել էին Աբովյան քաղաքի Հատիսի փողոցի 1/29 հասցեում գործող սննդի կետի ներսում՝ առաստաղի մետաղական փողից պարանով կախված վիճակում։

Դատաբժշկի նախնական եզրակացության համաձայն արտաքին զննությամբ դիակների վրա բռնության հետքեր չեն հայտնաբերվել։

Քննիչի որոշմամբ նշանակվել են դիակի դատաբժշկական և ձեռագրաբանական փորձաքննություններ, քանի որ մահացածներից Նեժդիկ Տեր-Աբրահամյանի տաբատի հետևի գրպանում հայտնաբերվել էր նամակ՝ ուղղված մորը, որում մասնավորապես ասված է եղել. «Մամ ջան, կներես ինձ, ոչ մի բան չխոստանաս որևէ մեկի։ Մեղավորը ես եմ, ես սիրում եմ ձեզ, բայց չստացվեց, ապրի քո համար։ Նարեիս լավ կպահես։ Նարե ջան, կներես ինձ։ Խնդրում եմ ոստիկաններին՝ հետևողական լինեն, չվնասեն իմ 3 հրաշքներին։ Ես եմ մեղավոր, ոչ իրանք, իրանք բան չգիտեն, ու մարդիկ չար են»։

Մանրամասն՝ սկզբնաղբյուր կայքում։

Վստահորեն՝ Երևանում, ինչպես նաև Հայաստանի Հանրապետությունում, ավտոմեքենաների քանակը գնալով դեռևս ավելանալու է, և մենք պետք է ամեն տարի հավելյալ միջոցներ ձեռնարկենք, որպեսզի կարողանանք մեղմել երթևեկության դանդաղեցման գործոնները։ Մեր ջանքերն էլ ավելի մեծ պետք է լինեն: Այս մասին Երևանի քաղաքապետարանի գործակարգավարական խորհրդակցության ժամանակ ասել է քաղաքապետ Տիգրան Ավինյանը։ 

«Հաջորդ տարի փոքր կենտրոնում պետք է ունենանք ծրագրեր մայթերի լայնացման և հեծանվային ուղիների ավելացման ուղղությամբ։ Հիմա Իլ դը Ֆրանսը աշխատանքներ է իրականացնում, հուսով եմ՝ որոշակի տեղեկություններ այսօր էլ կստանանք դրա վերաբերյալ։ Բայց արդեն հաջորդ տարի մենք լայնամասշտաբ ծրագիր պետք է իրականացնենք՝ հեծանվային ուղիների ավելացման, ինչպես նաև մայթերի լայնացման համար։ Հաջորդիվ ունենք ավտոբուսային նոր գծերի ավելացման խնդիր»,-նշել է նա:

Ավինյանի խոսքով, հանրային նոր տրանսպորտը հարմար է քաղաքացիների համար, և պետք է շարունակել զարգացնել այդ հարմարավետությունը. «Ինչպես տեսնում եք, խցանումների միջինացված թիվը նախորդ տարվա նույն ժամանակահատվածի համեմատ՝ այսքան ավտոբուսի նոր գիծ ստեղծելով, ավելի ցածր է»։

«Շատ տեղերում ստեղծվել են ավտոբուսային գծեր, ավտոբուսները սկսել են արագ շարժվել, և դրան զուգահեռ՝ լուծումներով էականորեն նվազեցրել են խցանումների միջինացված թիվը. «Այս գործընթացը չպետք է դանդաղեցնել, վստահ եմ՝ ավտոբուսների գծերի ավելացմանը զուգահեռ մեքենաների համար լուծումներ կգտնենք։ Բայց նորից հիշեցնեմ՝ մեր առաջնային խնդիրը մեքենաները չեն. մեր առաջնային խնդիրը հետիոտն է, հեծանիվն է, հետո ավտոբուսն ու տրոլեյբուսն են, և միայն դրանից հետո՝ ավտոմեքենան»,- ասել է Ավինյանը:

1 անձ ձերբակալվել է Հայաստան-Պորտուգալիա ֆուտբոլային խաղի տոմսերի վաճառքով ենթադրյալ խարդախությունների համար, հայտնում են ՆԳՆ-ից: 

«Հայաստան-Պորտուգալիա ֆուտբոլային խաղի տոմսերի վաճառքով ենթադրյալ խարդախությունների վերաբերյալ այս պահի դրությամբ ՆԳՆ ոստիկանությունում ստացվել է 10 հաղորդում, որոնցից 5-ը բացահայտվել է։

1 անձ ձերբակալվել է, իսկ մյուս 5 դեպքով բացահայտման ուղղությամբ միջոցառումները շարունակվում են»,- հայտնեց ՆԳՆ մամուլի խոսնակ Նարեկ Սարգսյանը։

Արա Աբրահամյանը վերընտրվել է Ռուսաստանի հայերի միության նախագահ: Այս մասին հայտնում են միությունից։ 

Կրեմլի պետական պալատում կայացած Ռուսաստանի հայերի միության ութերորդ համագումարում Ռուսաստանի բոլոր մարզերից պատվիրակները նաև ընտրել են ՌՀՄ խորհուրդը և վարչությունը:

ՌԴ նախագահ Վլադիմիր Պուտինը նույնպես շնորհավորել է Ռուսաստանի հայերի միությանը տարեդարձի կապակցությամբ։

Եթե ձեզ հետաքրքիր է, թե ինչպես անցկացրեց ընդդիմությունն ամառային արձակուրդները, երկար մտածելու կարիք չկա, որովհետև քիչ առաջ տեսանք՝ որևէ նոր բան չեն սովորել մեր գործընկերները: Այս մասին ԱԺ նիստում հայտարարեց «Քաղաքացիական պայմանագիր» կուսակցության ղեկավար Հայկ Կոնջորյանը՝ անդրադառնալով ընդդիմադիր պատգամավորների ելույթներին:

«Նույն տեքստերը ՝ հին, չարչրկված, մաշված տեքստերը. ընդդիմությունը գտնվում է կատարյալ բանկրոտի մեջ: Հատկապես օգոստոսի 8-ին Վաշինգտոնում տեղի ունեցած կարևորագույն պատմական իրադարձություններից հետո ընդդիմությունը նորից պիտի փորձի երգել հին երգերը:

Հիշեցնեմ, որ այն մարդիկ, որոնց մասին խոսում էին մեր գործընկերները, մեղադրվում են ահաբեկչություն կատարելու մեջ: Ահա այս մարդկանց մասին էր խոսում ընդդիմությունը՝ հերթական անգամ իր հին ու տափակ տեքստերի արտաբերմամբ»,- ասաց Կոնջորյանը:

Ապա նա թվեց, թե ինչ կլիներ, եթե այդ «ահաբեկչության փորձը» հաջողվեր:

«Առնվազն չէր լինի օգոստոսի 8-ը, առնվազն չէր նախաստորագրվի խաղաղության պայմանագիրը, առնվազն չէր ստորագրվի Հայաստանի և Ադրբեջանի միջև համաձայանգիրը, ըստ որի, ճանապարհներն ապաշրջափակվելու են հինգ սկզբունքների վրա:

Այսօր Հայաստանում և տարածաշրջանում գործում է խաղաղություն, խաղաղությունն առավել քան իրատեսական է, չէր լինի այս ամենը: Ակնհայտ է չէ՞, որ այդ ահաբեկչության փորձն այն բանի համար էր, որ խաղաղության օրակարգը տապալվեր, որ Հայաստանում տեղի ունենար զինված հեղաշրջում, որ Հայաստանը դառնար մարիոնետային պետություն և ընդդիմությունից որևէ մեկն էլ դառնար այդ մարիոնետը: Ամբողջ պայքարը դրա մասին էր, և այդ պայքարը ձախողվել է»,- ասաց նա:

Ռուսաստանում ձերբակալվել է ահաբեկչություններ ծրագրած Ադրբեջանի քաղաքացի: Այս մասին հաղորդում է ՌԴ ԱԴԾ-ն:

«Ձերբակալվածը պլանավորել էր հավաքել պայթուցիկ սարքեր՝ Եսենտուկիում և Ստավրոպոլում, այդ թվում՝ իրավապահ մարմինների շենքերում ահաբեկչական գործողություններ իրականացնելու համար՝ ուկրաինացի համակարգողների հրամանով:

Հարձակվողը 2025 թվականին եկել է Ռուսաստանի Դաշնություն՝ գումար վաստակելու և հանդիպել է ահաբեկչական կազմակերպության ներկայացուցչի հետ: Իր հավատարմությունը ապացուցելու համար նա երդում է գրել»,- հաղորդում են ռուսական լրատվամիջոցները:

Իրանը պատրաստ է վերականգնել միջազգային տեսուչների մուտքն իր միջուկային օբյեկտներ և սահմանափակել ուրանի հարստացումն Արևմուտքի պատժամիջոցների վերացման դիմաց։

Այս մասին հայտարարել է Իրանի արտաքին գործերի նախարարության ղեկավար Աբբաս Արաղչին բրիտանական The Guardian պարբերականում տպագրված հոդվածում։

«Իրանը պատրաստ է կնքել իրատեսական և երկարաժամկետ գործարք, որը ենթադրում է [օբյեկտների] խիստ վերահսկողություն և [ուրանի] հարստացման սահմանափակումներ՝ պատժամիջոցների վերացման դիմաց։ Այս անցողիկ հնարավորությունից չօգտվելը կարող է ավերիչ հետևանքներ ունենալ տարածաշրջանի համար և դրանից դուրս՝ բոլորովին նոր մասշտաբով», – նշել է Իրանի ԱԳ նախարարը։

Արաղչին կոչ է արել եվրոպական երկրներին կուրորեն չհետևել Վաշինգտոնի գծին՝ նշելով, որ հակառակ պարագայում Եվրոպայի դերը միջազգային հարաբերություններում էլ ավելի կփոքրանա։

«Կարող է թվալ, որ Մեծ Բրիտանիան, Ֆրանսիան և Գերմանիան գործում են Իրանի դեմ։ Բայց ճշմարտությունն այն է, որ նրանք դիտավորյալ անխոհեմ ուղի են ընտրում՝ հիմնվելով այն տրամաբանության վրա, որ դա կարող է նրանց տեղ ապահովել բանակցային սեղանի շուրջ այլ հարցերով։ Սա սխալ հաշվարկ է, որը անխուսափելիորեն կշրջվի նրանց դեմ», – ասել է նա։

Արաղչին ընդգծել է, որ ԱՄՆ նախագահ Դոնալդ Թրամփը անթաքույց կերպով եվրաեռյակին՝ Ֆրանսիային, Գերմանիային և Մեծ Բրիտանիային, դիտարկում է որպես երկրորդական դերակատար։

«Սա ակնհայտ է դառնում՝ տեսնելով, թե ինչպես է Եվրոպան մեկուսացված իր ապագայի համար կարևորագույն հարցերից, այդ թվում՝ Ռուսաստան-Ուկրաինա հակամարտությունից», – գրել է նախարարը։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 381 դրամ, վաճառքի նվազագույն արժեքը՝ 384 դրամ:

Եվրոյի առքի առավելագույն արժեքն է 444 դրամ, վաճառքի նվազագույն արժեքը՝ 449 դրամ: 

Ռուսական ռուբլու առքի առավելագույն արժեքն է 4.67 դրամ, վաճառքի նվազագույն արժեքը՝ 4.77 դրամ:

Աշխարհում աճում է այն մարդկանց թիվը, որոնք գիտակցաբար խուսափում են լրատվական հոսքից՝ այն համարելով հուզականորեն հյուծող և տագնապալի, գրում է The Guardian-ը։

50 երկրներում Reuters ինստիտուտի անցկացրած հարցման համաձայն, մասնակիցների 40%-ը խոստովանում է, որ հաճախ կամ երբեմն խուսափում է նորություններից. սա նկատելի աճ է՝ 2017 թվականի 29%-ի համեմատ. ԱՄՆ-ում այդ թվերը հասնում են 42%-ի, իսկ Մեծ Բրիտանիայում՝ 46%-ի։

Նորություններից հրաժարվելու պատճառներից հաճախ նշվում են դրանց բացասական հուզական ազդեցությունը, պատերազմների և հակամարտությունների մասին հաղորդագրությունների առատությունը, անօգնականության զգացումը և մեդիայի նկատմամբ հիասթափությունը։

Շատերն ընտրում են տեղեկատվության հետ փոխգործակցության ավելի մեղմ եղանակներ՝ սահմանափակվում են շաբաթական ամփոփագրերով, հրաժարվում են տեսանյութերից կամ ընդհանրապես խուսափում են նորություններից՝ սթրեսը և տագնապը նվազեցնելու համար։ 

Հոգեբանները զգուշացնում են. տագնապալի տեղեկատվության մշտական հոսքը, հատկապես սոցիալական ցանցերի և շոկային պատկերների միջոցով, կարող է կործանարար ազդեցություն ունենալ հոգեկանի և տագնապի մակարդակի վրա։ 

Հոդվածի հեղինակները շեշտում են, որ թեև նորություններին հասանելիության սահմանափակումը կարող է նպաստել հոգեկան հավասարակշռության պահպանմանը, սակայն տեղեկատվության ամբողջական անտեսումը իր ռիսկերն ունի։ 

Սա կարող է ուժեղացնել սոցիալական բաժանումը և նվազեցնել քաղաքական ակտիվությունը, հատկապես երիտասարդների, կանանց և սոցիալ-տնտեսական առումով խոցելի բնակչության շրջանում։ Ի վերջո, հիմնական եզրակացությունը հետևյալն է. կարևոր է հավասարակշռություն գտնել տեղեկացված լինելու անհրաժեշտության և սեփական հուզական հարմարավետության պահպանման միջև։