Ստրասբուրգում պատիվ ունեցա հանդիպել Եվրոպայի խորհրդի գլխավոր քարտուղար Ալեն Բերսեին: Այս մասին գրել է Արդարադատության նախարար Սրբուհի Գալյանը:

«Միասին քննարկեցինք կարևոր հարցեր`

Սահմանադրական բարեփոխումների ընթացքը,

Խաղաղության կարևորությունը և դրա ամրապնդման ուղղությամբ կատարվող աշխատանքը,

Ժողովրդավարական արժեքների պահպանման համատեքստում ապատեղեկատվության, օտարերկրյա ազդեցությունների և հիբրիդային սպառնալիքների դեմ արդյունավետ պայքարի անհրաժեշտությունը,

ԵԽ-ի հետ իրականացվող ծրագրերի ընդլայնումը և համագործակցության նոր ուղղությունները:

Ուրախ էի կրկին հանդիպել ԵԽ գլխավոր քարտուղարին և մտքեր ու նոր գաղափարներ փոխանակել վերջինիս հետ»:

ԱՄՆ փոխնախագահ Ջեյ Դի Վենսը տիկնոջ՝ Ուշա Վենսի հետ ժամանել է Իսրայել՝ Գազայի հատվածում հրադադարի առաջխաղացման և ամրապնդման ջանքերի շրջանակներում։ Այս մասին հայտնում է  The Times of Israel-ը։

Վենսն աշխատանքային ճաշ է ունեցել Սպիտակ տան ներկայացուցիչների՝ բանագնաց Սթիվ Ուիթքոֆի և ԱՄՆ նախագահ Դոնալդ Թրամփի փեսա և գլխավոր խորհրդական Ջարեդ Քուշների հետ։

Ըստ աղբյուրների՝ նա պետք է մեկնի Իսրայելի հարավ՝ ամերիկյան և միջազգային աշխատանքային խմբի շտաբ, որը դեռ նոր է հիմնադրվում և հետագայում պետք է վերահսկի Գազայում հրադադարի իրականացումը։

Սպիտակ տան հաղորդմամբ՝ Վենսը մամուլի ասուլիս կանցկացնի տեղական ժամանակով 18:00-ին Երուսաղեմի «Քինգ Դեյվիդ» հյուրանոցում։

Հոկտեմբերի 22-ին նա Երուսաղեմում կհանդիպի վարչապետ Բենիամին Նեթանյահուի և նախագահ Իցհակ Հերցոգի հետ։

Վենսի ժամանմանը նախորդել էր Սթիվ Ուիթքոֆի և Ջարեդ Քուշների ժամանումն Իսրայել՝ հրադադարի շուրջ բանակցություններ անցկացնելու նպատակով։

The New York Times-ն ավելի վաղ հաղորդել էր, որ Վաշինգտոնի պաշտոնյաները մտավախություն ունեն, որ Նեթանյահուն կարող է դադարեցնել Գազայում հրադադարը և վերադառնալ ՀԱՄԱՍ-ի դեմ պատերազմին։ Հաղորդագրության մեջ նշվել է, որ Վենսը, Ուիթքոֆը և Քուշները պլանավորում են ճնշում գործադրել Իսրայելի վրա՝ չխաթարել համաձայնագիրը։

Իսրայելի վարչապետ Բենիամին Նեթանյահուն Երուսաղեմում Եգիպտոսի հետախուզության ղեկավար Հասան Մահմուդ Ռաշադի հետ քննարկել է ԱՄՆ նախագահ Դոնալդ Թրամփի՝ Գազայի հատվածի կարգավորման պլանի իրականացումը, ինչպես նաև երկկողմ հարաբերությունների ամրապնդումը և տարածաշրջանը։ Այս մասին հայտնել է Իսրայելի կառավարության ղեկավարի գրասենյակը։

«Վարչապետ Բենյամին Նեթանյահուն և նրա մասնագետների թիմը հանդիպում են անցկացրել Եգիպտոսի հետախուզության ղեկավարի հետ Երուսաղեմում վարչապետի գրասենյակում», – ասվում է հայտարարության մեջ։

Վարչապետի գրասենյակում հավելել են, որ կողմերը քննարկել են «ԱՄՆ նախագահ Թրամփի պլանի առաջխաղացումը [Գազայի հատվածի կարգավորման շուրջ], իսրայելա-եգիպտական հարաբերությունները և երկու երկրների միջև խաղաղության ամրապնդումը, ինչպես նաև տարածաշրջանային հարցեր»։

ԶԼՄ-ները տեսանյութեր են տարածում, որտեղ Ֆրանսիայի նախկին նախագահ Նիկոլա Սարկոզին լքել է իր տունը՝ մեկնելու Փարիզի բանտ, որտեղ այսօր կսկսի կրել իր պատիժը։

Սեպտեմբերին 70-ամյա Սարկոզին դատապարտվել է հինգ տարվա ազատազրկման՝ կապված 2007 թվականի ընտրարշավի ժամանակ Լիբիայի կողմից ֆինանսավորման հետ կապված գործի հետ։

Տեսանյութում երևում է, որ նախկին նախագահի կողմնակիցները և աջակիցները հավաքվել են նրա տան առջև և ծափահարում են նրան։

Ֆրանսիայի նախկին նախագահ Սարկոզին պատիժը կրելու է Փարիզի Սանտե բանտում։

Ամերիկագետ Մալեկ Դուդակովը մեկնաբանել է ՌԴ Արտաքին հետախուզության ծառայության ղեկավար Սերգեյ Նարիշկինի հայտարարությունը, ըստ որի՝ ՆԱՏՕ-ն «ավրալային ռեժիմով» պատրաստվում է պատերազմին Ռուսաստանի դեմ։ Քաղաքագետի խոսքով՝ մի շարք եվրոպական առաջնորդներ ռազմատենչ հռետորաբանությամբ փորձում են բարձրացնել իրենց խիստ ցածր վարկանիշները, հայտնում է Lenta.ru-ն։

Դուդակովը նշել է, որ Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի վարկանիշները չեն գերազանցում 15 տոկոսը, իսկ Գերմանիայի առաջնորդ Ֆրիդրիխ Մերցը համարվում է երկրի պատմության ամենաանհանրաճանաչ կանցլերը։ «Նրանք խոսում են արևելքից եկող սպառնալիքի մասին՝ հասարակությանը միավորելու համար», — ընդգծել է նա։

Փորձագետը հավելել է, որ այս քաղաքական մարտավարությունը երկար կյանք չի ունենա։ Նրա կանխատեսմամբ՝ հաջորդ ընտրական փուլում Եվրոպայում իշխանության կգա նոր սերնդի առաջնորդների խումբ, որոնք կհրաժարվեն Ռուսաստանի դեմ ուղղված ապարդյուն հակամարտությունից։

ՌԴ արտաքին գործերի նախարար Սերգեյ Լավրովը հայտարարել է, որ Ուկրաինայում անհապաղ հրադադարի կոչերը հակասում են Ալյասկայում Դոնալդ Թրամփի և Վլադիմիր Պուտինի հանդիպման ժամանակ ձեռք բերված պայմանավորվածություններին։ Այս մասին նա ասել է Եթովպիայի արտաքին գործերի նախարար Գիդեոն Տիմոտեոսի հետ մամուլի ասուլիսի ժամանակ, հայտնում է ՌԻԱ Նովոստին։ 

Լավրովի խոսքով՝ Ուկրաինայի նախագահ Վլադիմիր Զելենսկու «եվրոպացի հովանավորներն ու տերերը» փորձում են համոզել ամերիկացիներին փոխել իրենց դիրքորոշումը և հրաժարվել «երկարաժամկետ կարգավորման» ձգտումից։ Նա նշել է, որ «նման մոտեցումը բոլորովին հակառակն է այն բանի, ինչի մասին նախագահներ Թրամփը և Պուտինը համաձայնության եկան Անքորիջում, երբ նրանք համաձայնեցին կենտրոնանալ [հակամարտության] արմատական ​​պատճառների վրա»։ 

«Հիմա Վաշինգտոնից սկսել է հնչել, որ պետք է անհապաղ կանգ առնել, այլևս ոչինչ չքննարկել։ Կանգ առնել, իսկ այնտեղ թող պատմությունը դատի։ Հասկանո՞ւմ եք, եթե պարզապես կանգ առնենք, դա նշանակում է մոռանալ այդ կոնֆլիկտի արմատական պատճառների մասին, որոնք ամերիկյան վարչակազմը Դոնալդ Թրամփի իշխանության գալով հստակ հասկանում էր», - հայտարարել է Լավրովը։ 

Նախարարը հավելել է, որ անհապաղ հրադադարը կնշանակի, որ Ուկրաինայի մեծ մասը «կմնա նացիստական ռեժիմի ղեկավարության ներքո, Ուկրաինայի այդ հատվածը կլինի միակ վայրը երկրագնդի վրա, որտեղ օրենսդրորեն արգելված է մի ամբողջ լեզու, էլ չեմ ասում այն մասին, որ դա ՄԱԿ-ի պաշտոնական լեզուն է և լեզու, որով խոսում է բնակչության մեծ մասը»։ 

ԱՄՆ նախագահ Դոնալդ Թրամփը հոկտեմբերի 17-ին Վլադիմիր Զելենսկու հետ բանակցություններից հետո հայտարարել է, որ «եկել է սպանությունները դադարեցնելու և գործարք կնքելու ժամանակը»։ Նա առաջարկել է դադարեցնել ճակատային գծով մարտական գործողությունները։ Նրա կարծիքով՝ Զելենսկին և Պուտինը կարող են հայտարարել հաղթանակների մասին, իսկ հետո «թող պատմությունը դատի»։ Ուկրաինայի նախագահը պաշտպանել է Թրամփի առաջարկը։ Մարտական գործողությունները ներկայիս ճակատային գծով դադարեցնելու կոչ են արել նաև եվրոպական երկրների ղեկավարները։ 

Հոկտեմբերի 20-ին Լավրովը և ԱՄՆ պետքարտուղար Մարկո Ռուբիոն հեռախոսազրույց են ունեցել։ Դրանից հետո CNN-ը հայտնել է, որ նրանց պլանավորված հանդիպումը չեղարկվել է։ Հեռուստաալիքի աղբյուրը պնդում էր, որ Լավրովը և Ռուբիոն Ուկրաինայում պատերազմի դադարեցման վերաբերյալ «տարբեր ակնկալիքներ» ունեն։ Ռուսաստանի ԱԳՆ-ն ավելի ուշ հայտարարել է, որ հանդիպում չի պլանավորվել։

ՀՀ գլխավոր դատախազ Աննա Վարդապետյանը մասնակցել է ԱՊՀ մասնակից պետությունների գլխավոր դատախազների համակարգող խորհրդի 35-րդ նիստին, հայտնում են գերատեսչությունից։

Նիստին Վարդապետյանը մասնակցել է առցանց ձևաչափով։ Այն տեղի էր ունենում Տաջիկստանի Հանրապետությունում։

Հիշեցնենք, որ համակարգող խորհրդի 34-րդ նիստն անցկացվել էր Երևանում, 2024 թվականի հոկտեմբերի 4-ին։ 

Համակարգող խորհրդի նախագահ, ՌԴ գլխավոր դատախազ Իգոր Կրասնովն այդ օրը Վարդապետյանին պարգևատրել էր «ԱՊՀ մասնակից պետությունների պատվավոր դատախազ» կրծքանշանով։

Լիոնել Մեսսին և «Ինտեր Մայամին» նոր պայմանագիր ստորագրելու շուրջ բանակցությունների փուլում են։ Այս մասին հաղորդում է Ֆաբրիցիո Ռոմանոն:

Մեծ հավանականությամբ, շուտով կհայտարարվի նոր պայմանագիր ստորագրելու մասին: Արգենտինացի 38-ամյա հարձակվողի գործող պայմանագրի ժամկետը կսավարտվա այս տարվա վերջին:

Մեսսին «Ինտեր Մայամիի» կազմում «Նեշվիլի» դեմ MLS-ի կանոնավոր առաջնության վերջին` 34-րդ տուրի արտագնա խաղում հեթ-տրիկ էր գրանցել և մեկ գոլային փոխանցում կատարել: Խավյեր Մասկերանոյի գլխավորած թիմը հաղթել էր 5-2 հաշվով և դուրս եկել փլեյ-օֆֆ:

Մեսին 29 գոլով դարձել է կանոնավոր առաջնության գլխավոր ռմբարկուն:

Կրեմլի պաշտոնական ներկայացուցիչ Դմիտրի Պեսկովը հերքել է արևմտյան մի շարք լրատվամիջոցների տեղեկությունները, որոնց համաձայն Միացյալ Նահանգների և Ռուսաստանի ղեկավարների՝ Բուդապեշտում նախատեսված բանակցությունները հետաձգվել են։

«Հնարավոր չէ հետաձգել մի բան, որի ժամկետները դեռ հստակեցված չեն», – հայտարարել է Պեսկովը։

Նրա խոսքով՝ նախագահներ Թրամփն ու Պուտինը հանդիպման վերաբերյալ «ընդհանուր համաձայնության են եկել, սակայն այդ ամենը շատ լուրջ նախապատրաստական աշխատանք է պահանջում»։