«Հայաստան» խմբակցությունը աջակցում է իմպիչմենտի գործընթացին, տուն պիտի ուղարկենք կառավարությանը

Դեղագործ Դիպա Կամդարը նշել է, որ դեղամիջոցների որոշակի տեսակներ անհամատեղելի են սուրճի հետ։ Նա դրանք թվարկել է Noticias Ao Minuto-ին տված հարցազրույցում։

Կամդարը զգուշացրել է, որ սուրճի և գրիպի դեմ դեղամիջոցների համատեղ օգտագործումը կարող է ուժեղացնել դրանց ազդեցությունը՝ հանգեցնելով անհանգստության, գլխացավերի, անքնության և, հետազոտությունների համաձայն, արյան մեջ շաքարի մակարդակի բարձրացման։

Ավելին, մասնագետը նշել է, որ կոֆեինը խանգարում է վահանաձև գեղձի դեղամիջոցների կլանմանը: Ինչ վերաբերում է ցավազրկողներին, ապա դրանց համադրությունը կարող է առաջացնել ստամոքսի գրգռում և նույնիսկ արյունահոսություն:

Հոկտեմբերի 20-ին խոշոր ավտովթար է տեղի ունեցել Երևանում. ժամը 22։50-ի սահմաններում, Ազատության պողոտա 11 հասցեի դիմաց, բախվել են «Mercedes» էլեկտրական «Hongqi» և «Toyota» մակնիշների ավտոմեքենաները։ Այս մասին հայտնում է Shamshyan.com-ը։

Վթարի հետևանքով 2 հոգի, որոնց առաջին օգնության են հասել քաղաքացիները, և ըստ քաղաքացիների հայտնածի՝ ՀՀ Ներքին գործերի նախարարության փրկարար ծառայության թիվ 5 հրշեջ-փրկարարական ջոկատի փրկարարները և Երևանի «1-03» շտապօգնության բժիշկների հերթապահ խմբերը, մարմնական վնասվածքներով տեղափոխվել են Երևանի տարբեր հիվանդանոցներ։

Դեպքի վայր են ժամանել ՀՀ ՆԳՆ ոստիկանության պարեկային ծառայության Երևանի քաղաքի գնդի 3-րդ գումարտակի 1-ին վաշտի պարեկները՝ գումարտակի հրամանատար Արմեն Գասպարյանի գլխավորությամբ։ 

Քննիչի հանձնարարականով ավտոմեքենաները տեղափոխվում են ՊԾ Երևանի քաղաքի գնդի պահպանվող հատուկ տարածք։

Ներկայացնում ենք տարադրամի փոխարժեքները՝ ըստ rate.am-ի:

ԱՄՆ դոլարի առքի առավելագույն արժեքն է 381.5 դրամ, վաճառքի նվազագույն արժեքը՝ 384 դրամ:

Եվրոյի առքի առավելագույն արժեքն է 444 դրամ, վաճառքի նվազագույն արժեքը՝ 447.5 դրամ:

Ռուսական ռուբլու առքի առավելագույն արժեքն է 4.7 դրամ, վաճառքի նվազագույն արժեքը՝ 4.74 դրամ:

«Նիկոլ Փաշինյանին իշխանությունից հեռացնելն անհրաժեշտ է իրականացնել օր առաջ, դրա համար միակ գործիքը իմփիչմենթ է, որի գործընթացը մենք նախաձեռնել ենք»,- ԱԺ-ում հայտարարեց ընդդիմադիր Հայկ Մամիջանյանը՝ հավելելով, որ 34 ստորագրություն արդեն ունեն:

«Անցյալ շաբաթ հանդիպել եմ անկախ պատգամավոր Հովիկ Աղազարյանի հետ: Կարող եմ ասել, որ նա և Հակոբ Ասլանյանը չեն խոչընդոտելու իմփիչմենթի գործընթացին: Քննարկումները շարունակվում են»,- հավելեց նա:

ՔՊ-ական Վլադիմիր Վարդանյանն ասաց, որ պետաիրավական հարցերի հանձնաժողովը բացասական կարծիք է տվել նախագծին:

Գյումրու քաղաքապետ Վարդան Ղուկասյանը 2 ամսով կալանավորվեց:

Նշենք, որ Ղուկասյանի նկատմամբ կալանքը որպես խափանման միջոց կիրառելու միջնորդություն է ներկայացվել դատարան:

Հիշեցնենք, որ ՀՀ հակակոռուպցիոն կոմիտեի օպերատիվ–հետախուզական վարչության կողմից ձեռնարկված մեծածավալ օպերատիվ–հետախուզական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք–գումարներ պահանջելու և ստանալու դեպքերի վերաբերյալ։

Նախաձեռնված քրեական վարույթի շրջանակներում ութ անձանց, ներառյալ՝ համայնքի ղեկավարի նկատմամբ, կայացվել են հանրային քրեական հետապնդումներ հարուցելու և ձերբակալելու մասին որոշումներ։ 

Այլ կազմակերպության կողմից իրականացվող հողային աշխատանքների ժամանակ վնասվել է միջին ճնշման ստորգետնյա գազատար, ինչի պատճառով հոկտեմբերի 21-ին` ժամը 04։00-ից, դադարեցվել է Երևան քաղաքի Խորենացու, Տիգրան Մեծի, Խորենացու 3-րդ փակուղիով, Գլինկայի, Քրիստափորի, Սևանի, Զավարյան, Արշակունյաց և Ագաթանգեղոսի փողոցներով պարփակված թաղամասի գազասպառողների գազամատակարարումը։ Այս մասին հայտնել է «Գազպրոմ Արմենիա» ՓԲԸ-ն:

Իրականացվում են վթարավերականգնողական աշխատանքներ, որոնց ավարտից հետո գազամատակարարումը կվերականգնվի։

Hindustan Silicon Private Limited-ը հաջորդ չորս տարիների ընթացքում Արևմտյան Վրաստանում նավթի արդյունահանման մեջ կներդնի մոտ 50 միլիոն դոլար։

Վրաստանի էկոնոմիկայի և կայուն զարգացման նախարարության տվյալներով՝ համապատասխան Արտադրության բաժանման համաձայնագիրը (PSA) ստորագրել են Վրաստանի նավթի և գազի պետական ​​գործակալության ղեկավար Գիորգի Տատիշվիլին, Վրաստանի նավթի և գազի կորպորացիայի գործադիր տնօրեն Եկատերինե Սիսաուրին և Hindustan Silicon Private Limited-ի տնօրեն Հիտեշ Կումար Նայակը։

Պայմանագիրը ստորագրելուց հետո ընկերությունը պետական ​​բյուջե կվճարի 4,15 միլիոն դոլար։

Նախագիծը ներառում է յոթ արտադրական հորատանցքերի խորացում և հորատում՝ ժամանակակից տեխնոլոգիաների կիրառմամբ, ինչպես նաև երկու նոր հետախուզական հորատանցքերի հորատում։

Ստորագրման արարողության ժամանակ փոխնախարար Ինգա Փխալաձեն հայտարարել է, որ այս համաձայնագիրը կարևոր քայլ է Վրաստանի և Հնդկաստանի միջև տնտեսական համագործակցության ամրապնդման ուղղությամբ. «Այս համաձայնագիրը կնպաստի Վրաստանի էներգետիկ ռեսուրսների զարգացմանը, նոր ներդրումների ներգրավմանը և նավթարդյունաբերության ոլորտում ժամանակակից տեխնոլոգիաների ներդրմանը»։

Նրա խոսքով՝ այս նախաձեռնությունը կամրապնդի Վրաստանի էներգետիկ անվտանգությունը և կստեղծի նոր հնարավորություններ տնտեսական աճի և տարածաշրջանային զարգացման համար։

Ֆուտբոլի եվրոպական Չեմպիոնների լիգայում հոկտեմբերի 21-22-ին տեղի կունենան երրորդ տուրի հանդիպումները։

Չեմպիոնների լիգա, երրորդ տուր

Հոկտեմբերի 21

«Բարսելոնա» - «Օլիմպիակոս»՝ 20:45 (Երեւանի ժամանակ)

«Կայրաթ» - «Պաֆոս»՝ 20:45

«Արսենալ» - «Աթլետիկո Մադրիդ»՝ 23:00

«Բայեր» - ՊՍԺ՝ 23:00

«Կոպենհագեն» - «Բորուսիա Դորտմունդ»՝ 23:00

«Նյուքասլ Յունայթեդ» - «Բենֆիկա»՝ 23:00

«ՊՍՎ Էյնդհովեն» - «Նապոլի»՝ 23:00

«Ռոյալ Յունիոն» - «Ինտեր»՝ 23:00

«Վիլյառեալ» - «Մանչեսթեր Սիթի»՝ 23:00

Հոկտեմբերի 22

«Աթլետիկ Բիլբաո» - «Ղարաբաղ»՝ 20:45

«Գալաթասարայ» - «Բուդյո-Գլիմտ»՝ 20:45

«Ատալանտա» - «Սլավիա»՝ 23:00

«Բավարիա» - «Բրյուգե»՝ 23:00

«Չելսի» - «Այաքս»՝ 23:00

«Այնտրախտ Ֆրանկֆուրտ» - «Լիվերպուլ»՝ 23:00

«Մոնակո» - «Տոտենհեմ»՝ 23:00

«Ռեալ Մադրիդ» - «Յուվենտուս»՝ 23:00

«Սպորտինգ» - «Մարսել»՝ 23:00

Երգչուհի և դերասանուհի Սելենա Գոմեսը, ըստ Daily Mail-ի, պատասխանել է մոդել Հեյլի Բիբերի ծաղրին Instagram-ում։

Wall Street Journal-ին տված հարցազրույցում Հեյլի Բիբերը խոստովանել է, որ իրեն նյարդայնացնում է, երբ իր կոսմետիկայի ապրանքանիշը՝ Rhode-ը, համեմատում են Սելենա Գոմեսի Rare Beauty ընկերության հետ: Մոդելը նշել է, որ «մրցակցություն չի զգում» այն մարդկանց հետ, ովքեր «չեն ոգեշնչում» իրեն: Երգչուհին պատասխանել է մոդելի հայտարարությանը՝ նշելով, որ ինքը իրավունք ունի իր կարծիքն ունենալու:

«Նա կարող է ասել այն, ինչ ուզում է: Դա չի ազդում իմ կյանքի վրա: Ամեն ինչ վերաբերում է արդիականությանը, այլ ոչ թե ինտելեկտին: Եղեք բարի: Բոլոր ապրանքանիշերն են ինձ ոգեշնչում, տեղ կա բոլորի համար», - գրել է Գոմեսը:

Փոփ երգչուհին նաև կոչ է արել երկրպագուներին դադարեցնել մոդելի նկատմամբ ուղղված ատելությունը:

Մայիսին Հեյլի Բիբերը վաճառեց իր կոսմետիկայի ապրանքանիշը 1 միլիարդ դոլարով: Մոդելը պայմանագիր է կնքել e.l.f. Beauty-ի հետ: Փաստաթղթերի համաձայն՝ գործարար կինը կստանա 600 միլիոն դոլար կանխիկ, 200 միլիոն դոլար բաժնետոմսերի տեսքով և 200 միլիոն դոլար, եթե ապրանքանիշի վաճառքը աճի հաջորդ երեք տարիների ընթացքում։ Մոդելը նշել է, որ կցանկանար այս գումարը խնայել որդու՝ Ջեք Բլյուզի համար։