Հայաստանի ֆուտբոլի ֆեդերացիան հայտնում է, որ Հայաստանի հավաքականի խաղերին առանց տոմս կարող են մուտք գործել միայն մինչև 3 տարեկան երեխաները:

Աշխարհի առաջնության ընտրական մրցաշարում Հայաստանի հավաքականը  սեպտեմբերի 6-ին Երեւանի Վազգեն Սարգսյանի անվան «Հանրապետական» ստադիոնում կընդունի Պորտուգալիայի հավաքականին։ Հանդիպումը կմեկնարկի 20:00-ին։

Սեպտեմբերի 4-ին, ժամը 14:57-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Սևանա լճի 1-ին հանրային լողափում հերթապահություն իրականացնող ջրափրկարարները նկատել են շրջված ջրային մոտոցիկլ։

Ջրափրկարարներն ափից մոտ 100 մ հեռավորությունից անվնաս դուրս են բերել երկու քաղաքացու։

Բոստոնի դաշնային դատավորը որոշել է, որ Թրամփի վարչակազմը պետք է չեղյալ հայտարարի Հարվարդի համալսարանին տրամադրվող հետազոտական ​​դրամաշնորհների ավելի քան 2.6 միլիարդ դոլարի կրճատման որոշումը: Դատավոր Էլիսոն Բարոուզը պարզել է, որ կրճատումները ճնշման անօրինական ձև են եղել, այն բանից հետո, երբ Հարվարդը հրաժարվել է կատարել Սպիտակ տան պահանջները։ 

Կառավարությունը նախկինում սառեցման պատճառը համարել էր համալսարանի կողմից հակասեմիտիզմին անբավարար արձագանքը: Բարոուզը, սակայն, ասել է, որ դաշնային հետազոտական ​​ծրագրերը ուղղակիորեն կապված չեն այդ խնդիրների հետ, և որ «վարչակազմը հակասեմիտիզմն օգտագործել է որպես ծխի քող՝ երկրի առաջատար համալսարանների վրա նպատակային, գաղափարախոսական դրդապատճառներով հարձակման համար»։

Սպիտակ տունը հայտարարել է, որ կբողոքարկի որոշումը՝ Բարոուզին անվանելով «Օբամայի կողմից նշանակված ակտիվիստ»: Վարչակազմի խոսնակ Լիզ Հյուսթոնն ասել է, որ Հարվարդը «սահմանադրական իրավունք չունի հարկատուների դոլարների նկատմամբ» և որ համալսարանը խտրականություն է դրսևորել համալսարանի տարածքում։

Հարվարդի նախագահ Ալան Գարբերը հայտարարել է, որ որոշումը հաստատում է համալսարանի ակադեմիական ազատության իրավունքը, բայց զգուշացրել է, որ ֆինանսավորումը վերականգնելու համար պայքարը կարող է շարունակվել: Հետազոտական ​​կենտրոնի տնօրեն Ռիտա Համադը հավելել է, որ շատ գիտնականներ վախենում են վարչակազմի կողմից ֆինանսավորումը խոչընդոտելու հետագա փորձերից։

Թրամփի վարչակազմի և Հարվարդի միջև առճակատումը սկսվեց գարնանը: Ապրիլին Սպիտակ տունը նամակ ուղարկեց համալսարան՝ պահանջելով արմատական ​​բարեփոխումներ՝ դադարեցնել բազմազանության և ներառման ծրագրերը, սահմանափակել բողոքի ցույցերը և կրճատել դասախոսների լիազորությունները, որոնք վարչակազմը անվանել էր «չափազանց քաղաքականացված»:

Մի քանի օր անց Հայրենիքի անվտանգության նախարարությունը առանձին նամակ ուղարկեց՝ պահանջելով, որ համալսարանը տրամադրի տվյալներ պաղեստինամետ բողոքի ցույցերին մասնակցած միջազգային ուսանողների մասին: Դա չանելու դեպքում համալսարանը կկորցնի միջազգային ուսանողներ ընդունելու իրավունքը, ինչը կազդի Հարվարդի ուսանողների գրեթե մեկ երրորդի վրա: Այն նաև հայտարարեց, որ կսառեցնի ավելի քան 2 միլիարդ դոլարի բազմամյա դրամաշնորհներ և պայմանագրեր:

Մայիսին կրթության նախարար Լինդա ՄաքՄահոնը հայտարարեց, որ Հարվարդը այլևս չի ստանա նոր դաշնային դրամաշնորհներ, մինչև չկատարի կառավարության պահանջները: Համալսարանը դա անվանեց աննախադեպ և անօրինական ճնշում, որը կարող է խաթարել ակադեմիական ազատությունը ամբողջ երկրում:

ԱՄՆ նախագահի հատուկ բանագնաց Սթիվ Ուիթքոֆը Փարիզում հանդիպում է անցկացրել Ուկրաինայի նախագահ Վոլոդիմիր Զելենսկու հետ։ Այս մասին հաղորդում է «ՌԲԿ-Ուկրաինա»-ն։

«Զելենսկին գնացել է Ուիթքոֆի հետ հանդիպման։ Այս պահի դրությամբ այն արդեն ավարտվել է»,- լրագրողներին հայտնել է Զելենսկու ներկայացուցիչ Սերգեյ Նիկիֆորովը։

Զելենսկի-Ուիթքոֆ բանակցություններից այլ մանրամասներ չեն հաղորդվել։ 

Փարիզում ընթանում է «կամեցողների կոալիցիայի» հանդիպումը, որին կարճ ժամանակով միացել էր նաև Ուիթքոֆը։

Ավելի վաղ Փարիզում Ուիթքոֆի հետ հանդիպել էին նաև Ուկրաինայի ազգային անվտանգության և պաշտպանության խորհրդի քարտուղար Ռուստեմ Ումերովը և Զելենսկու գրասենյակի ղեկավար Անդրեյ Երմակը. նրանք քննարկել են Ուկրաինայի համար անվտանգության երաշխիքների գործնական իրականացումը։

Ուկրաինային աջակցելու նպատակով Փարիզի Ելիսեյան պալատում մեկնարկել է «կամեցողների կոալիցիայի» երկրների հանդիպումը, որին մասնակցում են ավելի քան 30 երկրների և կառավարությունների ղեկավարներ։

Ադրբեջանի նախագահ Իլհամ Ալիևի այցը Չինաստան՝ Երկրորդ համաշխարհային պատերազմի ավարտի 80-ամյակի տոնակատարության առիթով, սկսվել է սկանդալով. Պեկինի համալսարանի ուսանողները հրաժարվել են լսել նրա ելույթը, մինչև Ալիևը հրապարակավ ներողություն չխնդրի Խորհրդային Միությանը զրպարտելու համար։ Այս մասին տեղեկացնում է Panorama.pub կայքը։

«Մենք հիշում ենք ԽՍՀՄ-ի և անձամբ ընկեր Ստալինի, Բրեժնևի և Գրոմիկոյի դերը միլիտարիստական ​​Ճապոնիայի նկատմամբ տարած հաղթանակում: Հետևաբար, մենք չենք հանդուրժի քարանձավային հակակոմունիստի մեր հողի վրա՝ հատկապես  այսօր», – ասել է տեղական կոմերիտական ​​​​խորհրդի ղեկավար Չան Կայշին:

Ըստ լրատվամիջոցի, Ալիևը հրաժարվել է պատասխանել ուսանողների հարցերին, որից հետո երիտասարդները սկսել են կատարել «Մոսկվայի գիշերներ» և «Մոսկվա-Պեկին» երգերը, Իլհամ Ալիևը նույնիսկ փորձել է շարունակել ելույթը, բայց, գիտակցելով իր ձգտումների անիմաստությունը՝ լքել է համալսարանը։

«Ժենմին ժիբաո» թերթի տվյալներով՝ Ալիևը բողոքել է ուսանողների գործողություններից Չինաստանի արտաքին գործերի նախարարություն։ «Սակայն նախարարությունն անմիջապես Ադրբեջանի ղեկավարին ասել է, որ «Չինաստանը ժողովրդավարական երկիր է, որտեղ քաղաքացիները սովոր են իրերն իրենց անուններով կոչել»»,-գրում է լրատվամիջոցը։

Ուկրաինայի նախագահ Վլադիմիր Զելենսկին հայտնել է «Կամավորների կոալիցիայի»  հետ հանդիպման արդյունքների մասին։ 

«Մենք մանրամասն քննարկեցինք յուրաքանչյուր երկրի պատրաստակամությունը՝ նպաստելու ցամաքում, ծովում, օդում և կիբեռտարածությունում անվտանգության ապահովմանը։ Համակարգվեցին դիրքորոշումները և քննարկվեցին անվտանգության երաշխիքների բաղադրիչները։ Ես շնորհակալ եմ բոլորին, որ հասկացան, որ անվտանգության հիմնական երաշխիքն ուժեղ ուկրաինական բանակն է։

Մենք միակարծիք ենք, որ Ռուսաստանն անում է ամեն ինչ՝ բանակցային գործընթացը հետաձգելու և պատերազմը շարունակելու համար։ Անհրաժեշտ է մեծացնել Ուկրաինայի աջակցությունը և ուժեղացնել ճնշումը Ռուսաստանի վրա։ Ներկայումս պատրաստվում է ԵՄ պատժամիջոցների 19-րդ փաթեթը, և Ճապոնիան նույնպես աշխատում է պատժամիջոցների միջոցառումների վրա», - գրել է Ուկրաինայի առաջնորդը սոցիալական ցանցերում։

Նշենք, որ Փարիզում հանդիպում են ունեցել Վլադիմիր Զելենսկին և եվրոպական երկրների ղեկավարները, ներկա է գտնվել նաև ԱՄՆ նախագահի հատուկ բանագնաց Սթիվ Ուիթքոֆը։

Հայաստանի ազգային ժողովի պատգամավորները Լոնդոնում (Մեծ Բրիտանիայի եւ Հյուսիսային Իռլանդիայի Միացյալ Թագավորություն) կմասնակցեն ԵԱՀԿ ԺՀՄԻԳ և ԵԽԽՎ համատեղ նախաձեռնությամբ կազմակերպվող ուսումնական այցին:

«Արմենպրես»-ն այս մասին տեղեկացավ պատգամավորների գործուղման վերաբերյալ ԱԺ նախագահի կարգադրությունից:

Լոնդոն կմեկնեն Ազգային ժողովի «Քաղաքացիական պայմանագիր» խմբակցության ղեկավար Հայկ Կոնջորյանը, Հայաստան-Մեծ Բրիտանիա բարեկամական խմբի ղեկավար Էդուարդ Աղաջանյանը, Ազգային ժողովի «Քաղաքացիական պայմանագիր» խմբակցության պատգամավորներ Վլադիմիր Վարդանյանը, Արուսյակ Ջուլհակյանը, Հասմիկ Հակոբյանը,  «Հայաստան» խմբակցության քարտուղար Արծվիկ Մինասյանը, նույն խմբակցության պատգամավոր Արման Ղազարյանը, «Պատիվ ունեմ» խմբակցության պատգամավոր Տարոն Մարգարյանը:

Պատգամավորները Լոնդոն կգործուղվեն հոկտեմբերի 13-18-ը: 

«Կամավորների կոալիցիայի» 26 անդամ երկրներ հայտարարել են Ուկրաինա ռազմական կոնտինգենտ ուղարկելու իրենց պատրաստակամության մասին։ Ըստ ԱՊԱ-ի, այս մասին հայտարարել է Ֆրանսիայի նախագահ Էմանուել Մակրոնը։

Նրա խոսքով, երկրները պարտավորվել են մասնակցել Ուկրաինայում անվտանգության ապահովմանը ցամաքում, ծովում և օդում։ Մակրոնը նշել է, որ առաջիկա օրերին աջակցությունը կհամաձայնեցվի ԱՄՆ անվտանգության երաշխիքների շրջանակներում։

ՆԱՏՕ-ի գլխավոր քարտուղար Մարկ Ռյուտեն Պրահայում ունեցած ելույթի ժամանակ հայտարարել է, որ անհրաժեշտ է, որ ՆԱՏՕ-ի երկրները հնգապատկեն հակաօդային և հակահրթիռային պաշտպանության համակարգերի թվաքանակը։ Նրա ելույթի տեսանյութը տարածվել է ՆԱՏՕ-ի YouTube-յան ալիքում։

Ռյուտեի խոսքով՝ Ռուսաստանը և Չինաստանը մեծ ներդրումներ են կատարում իրենց ռազմական կարողությունները զարգացնելու և արդիականացնելու գործում։ Նա շեշտել է, որ այդ երկրներն արտադրում են սպառազինություն «ուշագրավ, կարելի է ասել, ապշեցնող արագությամբ»։ Դաշինքի գլխավոր քարտուղարը շեշտել է, որ Մոսկվան իր ռազմական տնտեսությանը տրամադրում է իր բյուջեի 40%-ը։

Այս ամենի ֆոնին, Ռյուտեի կարծիքով, հարկավոր է ավելի շատ ներդրումներ անել պաշտպանության բնագավառում։ Նա հիշեցրել է հունիսին Հաագայի գագաթնաժողովում ՆԱՏՕ-ի անդամների ձեռք բերած պայմանավորվածությունների մասին՝ մինչև 2035 թվականը ՀՆԱ-ի 5%-ը պաշտպանության ոլորտում ներդնելու մասին։

«Մենք պետք է հնգապատկենք հակաօդային և հակահրթիռային պաշտպանության համակարգերի թվաքանակը, մեզ հարկավոր են հազարավոր ավելի զրահամեքենաներ և տանկեր, մեզ անհրաժեշտ են միլիոնավոր ավելի հրետանային արկեր։ Մեզ հարկավոր են ավելի շատ անօդաչու թռչող սարքեր և կիբեր ու տիեզերական հնարավորություններ», – ասել է Ռյուտեն Ռազմավարական հետազոտությունների միջազգային ինստիտուտի պաշտպանական գագաթնաժողովում։

Նա նշել է, որ այս ամենը գնելու համար հարկավոր է գումար, և այդ գումարն արդեն կա ու դեռ ավելին կլինի ՝շնորհիվ եվրոպացի դաշնակիցների։

Նա նշել է, որ հնչել են մտահոգություններ սպառազինությունների նոր մրցավազքի մասին, սակայն հավատացրել է, որ դաշինքի նպատակը «սադրելը չէ, այլ պաշտպանելը»։

Պեկինում ընթանում են Չինաստանի նախագահ Սի Ծինփինի և Հյուսիսային Կորեայի առաջնորդ Կիմ Չեն Ընի միջև բանակցությունները։ Այս մասին հաղորդում է Չինաստանի կենտրոնական հեռուստատեսությունը։ 

Ավելի վաղ Չինաստանի արտաքին գործերի նախարարության պաշտոնական ներկայացուցիչ Գո Ցզյակունը հայտարարել էր, որ Չինաստանը պատրաստ է ԿԺԴՀ-ի հետ միասին ամրապնդել ռազմավարական փոխգործակցությունը, ընդլայնել փոխանակումներն ու համագործակցությունը, խորացնել փորձի փոխանակումը պետական ​​կառավարման ոլորտում, ինչպես նաև նպաստել սոցիալիզմի հետագա զարգացմանը և երկու երկրների միջև բարեկամության ու համագործակցության ավանդական հարաբերություններին։ 

ԿԺԴՀ-ի առաջնորդը սեպտեմբերի 2-ին պաշտոնական այցով ժամանել է Չինաստան՝ մասնակցելու Ճապոնիայի դեմ տարած հաղթանակի և Երկրորդ համաշխարհային պատերազմի ավարտի 80-ամյակի հանդիսավոր տոնակատարություններին: Սեպտեմբերի 3-ին Կիմ Չեն Ընը Ռուսաստանի նախագահ Վլադիմիր Պուտինի և ՉԺՀ-ի նախագահ Սի Ծինփինի հետ միասին մասնակցել է Պեկինի Թիենանմենի հրապարակում կայացած ռազմական շքերթին: Շքերթից և պաշտոնական ընդունելությունից հետո Պուտինը և Կիմ Չեն Ընը անցկացրել են երկկողմ բանակցություններ, ինչպես նաև դեմ առ դեմ զրույց ունեցել: