Պետական եկամուտների կոմիտեն տեղեկացնում է, որ 2025 թվականի հոկտեմբերի 25-ին ուժի մեջ է մտնելու ՀՀ ՊԵԿ նախագահի N 1424-Ն հրամանը, որով սահմանվել են մաքսային ներկայացուցիչների կողմից իրենց գործունեության վերաբերյալ Պետական եկամուտների կոմիտե ներկայացվող հաշվետվությունների ձևերը, որոնք ընդգրկում են փաստացի մաքսային ձևակերպում իրականացնող աշխատակիցների, մաքսային ներկայացուցիչների կողմից կնքված պայմանագրերի վերաբերյալ տեղեկություններ։

Կոմիտեն նաև տեղեկացնում է, որ հրամանի 2-րդ կետի համաձայն՝ մինչև նշված հրամանի ուժի մեջ մտնելը, մաքսային ներկայացուցիչների ռեեստրում ընդգրկված մաքսային ներկայացուցիչներն առաջին անգամ հաշվետվությունը պետք է ներկայացնեն մինչև հրամանն ուժի մեջ մտնելու օրվան հաջորդող ամսվա 15-ը, այսինքն՝ մինչև 2025 թվականի նոյեմբերի 15-ը։

Միաժամանակ, մաքսային ներկայացուցիչների ռեեստրում ընդգրկված գործող մաքսային ներկայացուցիչները մինչև 2025 թվականի նոյեմբերի 15-ը պետք է առաջին անգամ էլեկտրոնային եղանակով ՊԵԿ ներկայացնեն իրենց գործունեության վերաբերյալ հաշվետվությունը (2025 թվականի առաջին կիսամյակի համար)` ուղարկելով Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային փոստի հասցեին: Հերթական հաշվետվությունը (2025 թվականի երկրորդ կիսամյակի համար) անհրաժեշտ է ներկայացնել մինչև 2026 թվականի հունվարի 15-ը:

Իսրայելի պաշտպանության բանակը հայտարարել է, որ Գազայի հարավում ՀԱՄԱՍ-ի թիրախներին հասցրած հարվածներից հետո կշարունակի պահպանել հրադադարի ռեժիմը։ Այս մասին հայտնում է Jerusalem Post-ը։

Իսրայելական կողմը հարվածներ էր հասցրել ՀԱՄԱՍ-ի թիրախներին՝ պատճառաբանելով գործողությունները պաղեստինցիների կողմից իսրայելցի զինվորների դեմ իրականացված հարձակմամբ։ Մասնավորապես, իսրայելական կողմը հայտարարել էր, որ ՀԱՄԱՍ-ի գործողությունների հետևանքով երկու զինվոր է զոհվել, ևս մեկը՝ ծանր վիրավորվել։

Պաղեստինյան կողմի հայտարարությունների համաձայն՝ իսրայելական հարձակումների հետևանքով զոհվել է մի քանի տասնյակ մարդ, որոնց թվում են ՀԱՄԱՍ-ի ռազմական թևի մի քանի հրամանատարներ։

Al Jazeera-ի փոխանցմամբ՝ Գազայի կառավարության մամուլի գրասենյակը հայտնել է, որ հրադադարի հաստատումից ի վեր իսրայելական ուժերը 80 անգամ խախտել են հրադադարը, որի արդյունքում զոհվել է 97, վիրավորվել՝ 230 մարդ։

Իսրայելի վարչապետ Բենյամին Նեթանյահուն ներողություն է խնդրել Կատարի իշխանություններից Դոհայում իրականացրած հարվածի համար, և այդ քայլը որոշիչ գործոն է դարձել Գազայի հատվածում հրադադարի հաստատման շուրջ համաձայնության հասնելու հարցում։ Այս մասին ամերիկյան CBS-ին տված հարցազրույցում հայտնել է ԱՄՆ նախագահի հատուկ ներկայացուցիչ Սթիվեն Ուիթքոֆը, ով միջնորդական խմբում ներառված Ջարեդ Քուշների հետ մանրամասներ է ներկայացրել Գազայում հրադադարի հաստատման շուրջ կատարված աշխատանքների վերաբերյալ։ 

«Այդ ներողությունը որոշիչ դեր ունեցավ, այն դարձավ այն հիմքը, որի շնորհիվ կարողացանք առաջ շարժվել։ Դա իսկապես կարևոր էր»,- հայտնել է Ուիթքոֆը։ Նա տեղեկացրել է, որ հենց Կատարն է ուղիղ շփում ունեցել ՀԱՄԱՍ-ի ներկայացուցիչների հետ, ինչից հետո տեղեկատվությունը փոխանցել է ԱՄՆ-ին, Թուրքիային և Եգիպտոսին։ Ուիթքոֆը և Քուշները, ով Թրամփի աղջկա ամուսինն է, հոկտեմբերի 8-ին ժամանել էին Եգիպտոս՝ ուղիղ բանակցություններ վարելու ՀԱՄԱՍ-ի հետ։

Խմբավորման գլխավոր բանակցող Խալիլ ալ-Հայայի որդին այն 6 անձանցից մեկն էր, ովքեր զոհվել էին Կատարի վրա Իսրայելի օդային հարձակման հետևանքով։ 

«Մենք մեր ցավակցությունները հայտնեցինք նրան որդու կորստի առնչությամբ։ Ես նրան ասացի, որ ես ևս կորցրել եմ որդուս, ու մենք երկուսս էլ ծնողներ ենք, ովքեր թաղել են իրենց երեխաներին»,- պատմել է Ուիթքոֆը, ում որդին 22 տարեկանում մահացել է թմրանյութի գերդոզավորման հետևանքով։ Ուիթքոֆը և Քուշները հավաստիացրել են, որ ԱՄՆ-ն հետևողական է լինելու գործարքի կյանքի կոչման գործում, և որ հակամարտության երկու կողմերն արդար վերաբերմունք կստանան։ 

Ուիթքոֆը պատմել է, որ երբ վերջնական համաձայնություն է հաստատվել գործարքի կայացման վերաբերյալ, հանդիպմանը մասնակցող իսրայելցիներն ու կատարցիները գրկախառնվել են։

2025 թվականի սեպտեմբերի 9-ին Իսրայելը հարված էր հասցրել Կատարի մայրաքաղաք Դոհայում գտնվող ՀԱՄԱՍ-ի ղեկավարությանը։ Պաղեստինյան շարժումը հայտնել էր վեց մարդու մահվան մասին։Ավելի ուշ իսրայելական ԶԼՄ-ները հայտնել էին, որ Նեթանյահուն հեռախոսազրույցի ժամանակ ներողություն է խնդրել Կատարի վարչապետ և արտաքին գործերի նախարար Մոհամմեդ բին Աբդուլռահման ալ-Թանիից՝ երկրի ինքնիշխանությունը խախտելու համար։

ՆԳՆ ոստիկանությունը նախազգուշացնում է, որ տարբեր անձանց կողմից իրավապահ մարմինների օրինական մասնագիտական գործունեությանը խոչընդոտելը և միջամտելը, ՀՀ օրենսդրության համաձայն, կարող են հանգեցնել քրեական պատասխանատվության։ 

«Հորդորում ենք ձեռնպահ մնալ հակաիրավական վարքագծի ցանկացած դրսևորումներից»,–ասված է տարածված հայտարարության մեջ։

Ավելի վաղ հայտնել հայտնել էինք , որ Ազգային անվտանգության ծառայության աշխատակիցները այսօր վաղ առավոտյան մտնել են Գյումրիի քաղաքապետարան։

Դիմակավորված հատուկ ջոկատայինները արգելել են աշխատակիցների ելքն ու մուտքը։ Աշխատակիցները հայտնել էին, որ դեռ որևէ տեղեկություն չունեն, թե ինչ գործի շրջանակում են նրանք ժամանել։

Քաղաքապետարանի դիմաց մարդիկ են հավաքվել, մեծ թվով ոստիկանական ուժեր են այստեղ բերվել։ Ինչ–որ պահի նաև քաշքշոց է սկսվել։

Ավելի ուշ Հակակոռուպցիոն կոմիտեն հաղորդագրություն տարածեց, նշելով, որ քաղաքապետարաին 8 աշխատակիցներ, այդ թվում քաղաքապետը, ձերբակալվել են կշառք ստանալուև տալու մեղադրանքներով։

Երևանի քաղաքապետարանի՝ հոկտեմբերի 20-ի գործակարգավարական խորհրդակցության ժամանակ քաղաքապետ Տիգրան Ավինյանն անդրադարձավ Արզումանյան 10 և 17 հասցեներում գտնվող 4-րդ կարգի վթարային շենքերի վերակառուցման ծրագրին։

«Որոշ մարդիկ չեն գիտակցում, որ ապրում են 4-րդ կարգի վթարային շենքում, շենքը կարող է փլուզվել, և որ Երևանի քաղաքապետարանն այստեղ ուղիղ պարտավորություն և պարտականություն չունի: Սա անում ենք, որովհետև հասկանում ենք՝ մարդկանց անվտանգությունն ամենից վեր է,- ասաց նա և հավելեց,- 4-րդ կարգի վթարային շենքում բնակարաններն ու հասարակական տարածքն արժեն 0 դրամ, որովհետև այն փլուզման ենթակա է»:

Ավինյանը հիշեցրեց, որ քաղաքապետարանն առաջարկել էր բնակիչներին վերաբնակեցման ծրագիր, որի շրջանակում այդ հասցեներում պետք է կառուցվի նոր շենք, և բնակիչները պետք է ապահովվեին նոր բնակարաններով։

«Զրո դրամը պետք է դառնար բնակարան, և բոլոր այն մարդիկ, որոնք դատական գործընթացներով խնդիր են ստեղծում, թող իրենց պատասխանատվության բաժինը գիտակցեն»,- ասաց նա։

Ավինյանը նշեց՝ իրեն չի հետաքրքրում հայցադիմումների մերժման պատճառը՝ լինի դա տեխնիկակա՞ն, թե՞ այլ բնույթի։ Ըստ նրա՝ հնարավոր է՝ բնակիչները չեն գիտակցում փլուզման վտանգը։

«Ասեմ՝ ինչ է դրա վերջը. եթե խնդիրը չլուծվեց, մի օր այդ շենքերը փլվելու են, ուղղակի փլվելու են, ու պատասխանատվությունը, այո՛, լինելու է առաջին հերթին նրանց վրա, ովքեր ամեն կերպ խոչընդոտում են ծրագրի իրականացումը»,- հայտարարեց նա։

Տիգրան Ավինյանը նաև հիշեցրեց, որ նախորդ տարի 70 բնակարան է հատկացվել 70 ընտանիքի:

«Բոլոր այն մարդիկ, որոնք դիմադրում են, նրանց հետ միայն փորձաքննություններով և գնահատված արժեքով հարցը կլուծվի: Չի կարելի այդ կերպ վերաբերվել: Հանրային վտանգավորություն ունեցող շենքեր են դրանք»,- ասաց նա:

Հոլիվուդյան աստղից ամուսնալուծվելուց երկու տարի էլ չանցած՝ Քևին Քոսթների նախկին կինը՝ Քրիստին Բաումգարտներն ամուսնացել է Քոսթների վաղեմի ընկերոջ՝ Ջոշ Քոնորի հետ։

Հարսանիքը տեղի է ունեցել շաբաթ օրը Կալիֆորնիայի Սանտա Բարբարա քաղաքում գտնվող Santa Ynez Ranch գեղատեսիլ կալվածքում՝ նեղ շրջանակում։

«Դա կախարդական էր»,- People-ին ասել է հյուրերից մեկը: «Տեղը պարզապես ապշեցուցիչ է, բայց այն առանձնահատուկ դարձրեց մտերմիկ մթնոլորտը: Դա մեծ ներկայացում չէր, այլ անկեղծ, սրտանց իրադարձություն: Բոլոր ներկաները զգում էին, որ ականատես են իսկապես արժեքավոր բանի»: 

Արարողության համար հարսնացուն ընտրել է Միրա Ցվիլինգերի զգեստը, իսկ ավելի ուշ փոխվել է սպիտակ ատլասե Lihi Hod զգեստի։

Բաումգարտների և Քոնորի հարաբերությունների մասին հայտնի դարձավ այս տարվա հունվարին, երբ զույգը հայտարարեց նշանադրության մասին։ Առաջարկն արվել է հունվարի 26-ին Սանտա Բարբարայում ինտիմ ընթրիքի ժամանակ։

Հիշեցնենք, որ Քոսթներն ու Բաումգարտները բաժանվել են 2023 թվականի մայիսին՝ 19 տարվա ամուսնությունից և երեք երեխաներ ունենալուց հետո։ Նրանց ամուսնալուծությունն ուղեկցվել է ալիմենտի և խնամակալության հարցերի շուրջ դատական գործընթացներով. Բաումգարտները ստանում է ամսական 63,209 դոլար երեխայի աջակցության համար, ինչը զգալիորեն պակաս է պահանջվող 165,000 դոլարից:

Նշվում է, որ կոմիտեի օպերատիվ-հետախուզական վարչության կողմից ձեռնարկված մեծածավալ օպերատիվ-հետախուզական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք պահանջելու և ստանալու վերաբերյալ։ 

Կոմիտեի հրապարակված տեսանյութում ներառված են նաև գաղտնալսված ձայնագրություններ, որոնցում ենթադրաբար զրուցում են Գյումրու համայնքապետ Վարդան Ղուկասյանն ու գլխավոր ճարտարապետ Հենրիկ Գասպարյանը։

Ըստ Հակակոռուպցիոն կոմիտեի` Գյումրու համայնքի ղեկավարն ու գլխավոր ճարտարապետը, տեղեկանալով այն մասին, որ քաղաքացին Գյումրու Գարեգին Նժդեհ փողոցի 1/9 հասցեում կառուցել է շուրջ 1500 քառակուսի մետր մակերեսով ինքնակամ շինություն, որը ենթակա է եղել քանդման, եկել են նախնական համաձայնության՝ քաղաքացու հետ կոռուպցիոն գործարքի մեջ։ Դրա դիմաց խոստացել են կառուցված ինքնակամ շինության քանդման ուղղությամբ միջոցներ չձեռնարկել։ Ավելին` կազմել են պաշտոնական կեղծ փաստաթղթեր այն մասին, որ շինությունն իբրև թե քանդվել է, նորը կառուցվել, այդպիսով օրինականացվել է այն՝ դրա դիմաց պահանջելով խոշոր չափի՝ 4 մլն դրամի չափով կաշառք։

Ըստ կոմիտեի՝ գլխավոր ճարտարապետը, համայնքի ղեկավարի հետ նախնական պայմանավորվածության համաձայն, մի քանի անգամ հանդիպումներ է ունեցել ինքնակամ շինությունը կառուցած քաղաքացու հետ՝ քննարկումներ ունենալով քաղաքային պաշտոնյաների կողմից շինությունն օրինականացնելու գործընթացի մանրամասների, ինչպես նաև կաշառքի գումարը փուլային փոխանցելու և ստանալու վերաբերյալ, այսինքն՝ «գործարք-գումար» սկզբունքով։

«Քրեական վարույթով փաստական տվյալներ են ստացվել առ այն, որ հանցավոր խմբի անդամները, ձգտելով ապահովել իրենց կոռուպցիոն գործողությունների գաղտնիությունը և շարունակականությունը, նպատակուղղված թիրախավորել են Գյումրու համայնքի ավագանու՝ իրենց ոչ ցանկալի անդամներին՝ նրանց վերաբերյալ տարաբնույթ տեղեկություններ հավաքելու և շանտաժի միջոցով վերահսկելի դարձնելու հաշվարկով»,- հայտնում են կոմիտեից։

Նշվում է, որ համայնքի ղեկավարը նախաձեռնել է նաև պաշտոնեական փաստաթղթեր կեղծելու գործընթաց՝ համայնքի հաշվեկշռում գտնվող, փաստացի իր կողմից օգտագործվող հողամասը, արհեստական հիմքերի ստեղծմամբ, իր ներգրաված անձի անվամբ սեփականաշնորհելու և մերձավոր ազգականին պատկանող ինքնակամ կառուցված շինությունն օրինականացնելու նպատակով։

Կոմիտեն նշում է, որ փաստական տվյալներ են ձեռք բերվել նաև առ այն, որ գլխավոր ճարտարապետի կողմից ևս 6 դեպքով ապօրինի գործողություններ են կատարվել՝ դրանց դիմաց քաղաքացիներից տարբեր չափերի կաշառքներ ստանալով։

Օպերատիվ-հետախուզական և ապացուցողական գործողությունները շարունակվում են՝ ամբողջությամբ բացահայտելու կոռուպցիոն սխեմայի կառուցվածքն ու գործող մեխանիզմները, ինչպես նաև հանցավոր ցանցում ներգրավված անձանց ամբողջ շրջանակը։

Իրանի սահմանից (Ագարակ) մինչև Քաջարան նախատեսվում է կառուցել ընդհանուր առմամբ 32 կմ ճանապարհահատված։ Նախագիծը նախատեսում է 5 հանգույցի, 2 նոր թունելի և 15 նոր կամուրջների կառուցում։ Այս հատվածի շինարարությունը նախատեսվում է ավարտին հասցնել մինչև 2027 թվականը։ Երկրորդ լոտը 7.2 կմ երկարությամբ Քաջարանի նոր թունելն ու դրան հարող 4 կմ ճանապարհն է։ Սա կթեթևացնի Մեղրիի լեռնանցքի (գտնվում է ծովի մակարդակից 2535 մ բարձրության վրա) ծանրաբեռնվածությունը, ինչը զգալիորեն կբարելավի ճանապարհային անվտանգության մակարդակը, ինչպես նաև թույլ կտա խուսափել անցանելիության ապահովման հետ կապված առկա դժվարություններից։

«Ադրյունքում այժմ օգտագործվող ոլորաններով ճանապարհի երկարությունը կկրճատվի 14 կմ–ով, իսկ տրանսպորտային միջոցների միջին արագությունը 50 կմ/ժ-ից կաճի մինչև 80 կմ/ժ։ Ճանապարհին ծախսվող ժամանակը կկրճատվի 40 րոպեով»,– բացատրեց Բադալյանը։

Երրորդ լոտի շրջանակում նախատեսվում է Քաջարանից Սիսիան 60 կմ երկարությամբ մայրուղի կառուցել, որը ներառում է Բարգուշատի թունելը (8.6 կմ երկարությամբ), 4.7 կմ ընդհանուր երկարությամբ 27 կամուրջ և 9 թունել (12.5 կմ)։ Նախագծի ավարտից հետո Սիսիան-Քաջարան հատվածը կկրճատվի 54 կմ-ով, իսկ միջին արագությունը 50 կմ/ժ-ից կաճի մինչև 100 կմ/ժ: Արդյունքում այս հատվածով երթևեկության ժամանակը կկրճատվի 1.5-2 ժամով: