ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Մայիսի 26-ին պաշտոնական այցով Հայաստանում կգտնվի Ֆրանսիայի արտաքին գործերի նախարար Ժան-Նոել Բարոն:
Այս մասին տեղեկացնում են ՀՀ ԱԳՆ-ից: Նույն օրը ՀՀ ԱԳՆ-ում կկայանա ՀՀ արտաքին գործերի նախարար Արարատ Միրզոյանի և Ժան-Նոել Բարոյի հանդիպումը, որին կհաջորդի նախարարների համատեղ մամուլի ասուլիսը:
Ֆրանսիայի ԱԳ նախարարը նաև «Երևանյան երկխոսություն» միջոցառման շրջանակներում ՀՀ ԱԳ նախարարի հետ կմասնակցի պանելային քննարկման:
Իտալիայի մայրաքաղաքում մեկնարկել է Իրանի և ԱՄՆ-ի միջև անուղղակի բանակցությունների հինգերորդ փուլը:
ISNA-ի տվյալներով՝ Իրանի ԱԳ նախարար Աբբաս Արաղչին այսօր առավոտյան պաշտոնական պատվիրակությամբ մեկնել է Իտալիա՝ մասնակցելու Իրանի և ԱՄՆ-ի միջև անուղղակի բանակցությունների հինգերորդ փուլին:
Ամերիկյան պատվիրակությունը կգլխավորի Սթիվ Ուիտկոֆը, ում կուղեկցի ԱՄՆ պետդեպարտամենտի քաղաքական պլանավորման տնօրեն Մայքլ Անտոնը, որը նաև ղեկավարում է ամերիկացի փորձագետների խումբը:
Այս բանակցություններն, ինչպես դրանց երկրորդ փուլը, տեղի կունենան Հռոմում Օմանի դեսպանատան շենքերից մեկում:
Մայիսի 23-ի ժամը 17.00-ի դրությամբ մայրաքաղաքում և մարզերում պահպանվող հատուկ տարածքներ է տեղափոխվել «Վերջին զանգի» միջոցառումների մասնակից անձանց 217 տրանսպորտային միջոց, որոնցից 127-ի ղեկին եղել են անչափահասներ: Այս մասին հայտնում են ՆԳՆ-ից:
«Կրկին հորդորում ենք զերծ մնալ ավտոմեքենաները երեխաներին վստահելուց․ յուրաքանչյուր դեպք առաջացնելու է իրավական հետևանք։
Ուժեղացված հսկողությունը շարունակվում է»,- նշված է հաղորդագրության մեջ:
Եվրոպական քաղաքական համայնքի 8-րդ գագաթնաժողովը տեղի կունենա Հայաստանում՝ 2026 թվականի գարնանը: Այս մասին գրել է վարչապետ Նիկոլ Փաշինյանը:
«Պատիվ է Եվրոպական քաղաքական համայնքի առաջնորդներին ընդունել մեր երկրում եւ շնորհակալություն եմ հայտնում բոլոր առաջնորդներին, այս որոշմանն աջակցելու համար»,- նշել է նա:
Ադրբեջանի խորհրդարանն առաջարկել է վերսկսել օկուպացված Իվանյանի օդանավակայանի գործունեությունը: Ադրբեջանական լրատվամիջոցների փոխանցմամբ, այս առաջարկը Միլլի Մեջլիսի այսօրվա նիստում արել է պատգամավոր Հիքմեթ Բաբաօղլուն։
Հիքմեթ Բաբաօղլուն նշել է, որ Խոջալուի (Իվանյանի) օդանավակայանը խորհրդանշական նշանակություն ունի յուրաքանչյուր ադրբեջանցու համար: «Կարծում եմ, որ աշխատանքի վերսկսումից հետո հաջորդ փուլում Խոջալուի (Իվանյանի) օդանավակայանը կհամալրի մեր օդանավակայանների թվին»:
Իրանի զինված ուժերի գլխավոր շտաբը ԱՄՆ-ին սպառնացել է «նոր Վիետնամով կամ Աֆղանստանով», եթե Վաշինգտոնը սխալ գործողություններ անի Մերձավոր Արևելքում։ Տեղեկությունը հայտնում է IRNA-ն։
«Տարածաշրջանում ԱՄՆ–ի սխալներն ամեն դեպքում նրանց համար կվերածվեն նոր Վիետնամի կամ Աֆղանստանի», - ասվում է Իրանի ԶՈւ գլխավոր շտաբի հայտարարության մեջ:
Իրանցի զինվորականները խոստացել են պատասխանել սպառնալիքներին կամ սխալ գործողություններին:
Իրանի ԱԳՆ-ն ՄԱԿ-ին և Ատոմային էներգիայի միջազգային գործակալությանը (ՄԱԳԱՏԷ) կոչ է արել միջոցներ ձեռնարկել իրանական միջուկային օբյեկտները պաշտպանելու համար` շեշտելով, որ Իսրայելի հարձակման դեպքում ԱՄՆ–ն կհամարվի այդ գործողությունների մասնակից: Թեհրանում նշել են, որ վճռականորեն կպատասխանեն իրանական միջուկային օբյեկտների դեմ սպառնալիքներին և գործողություններին:
Մայր աթոռ Սուրբ Էջմիածինն արձագանքել է Կովկասի մուսուլմանների վարչության նախագահ Ալլահշուքյուր Փաշազադեի հայտարարություններին, որոնք հնչել են Բաքվում կայացած Ղազիների խորհրդի նիստում։
Մայր աթոռն անհեթեթ է որակել նրա պնդումները, թե իբր Էջմիածնի Մայր տաճարը և այլ հայկական սրբավայրեր գտնվում են «պատմական ադրբեջանական հողերում»։
«Զավեշտալի է, երբ ժողովրդի հոգևոր առաջնորդը, որի էթնոնիմն առաջացել է միայն 1930-ականներին, փորձում է վիճարկել հազարամյակների պատմություն ունեցող հայ ժողովրդի ինքնությունը և ժառանգությունը», — ասված է հայտարարությունում։
Մայր աթոռը նշել է՝ նման կեղծարարությունները վկայում են, որ իրական սպառնալիքը տարածաշրջանի համար բխում է հենց այդ մոտեցումներից։
Նշենք, որ ավելի վաղ Ալլահշուքյուր Փաշազադեի հայտարարությունները և այսպես կոչված «Երևանի մասնաճյուղի» ստեղծումը քննադատել էր նաև Արցախի պահպանության կոմիտեն և կոչ արել միջազգային հանրությանը չանտեսել այդ բացահայտ ատելության քարոզը։
270 զինվորական ու 120 քաղաքացիական անձ Ռուսաստան են վերադարձել Ստամբուլում ձեռք բերված պայմանավորվածության շրջանակում։ Տեղեկությունը հայտնում է ՌԴ պաշտպանության նախարարությունը:
Հիշեցնենք` մայիսի 16-ին Ստամբուլում ռուս–ուկրաինական բանակցություններ անցկացվեցին, որոնց ներկա էր նաև թուրքական կողմը։ Շուրջ 2 ժամ տևած հանդիպումից հետո ռուսական պատվիրակության ղեկավար Վլադիմիր Մեդինսկին հայտարարեց, որ իրենք գոհ են բանակցությունների արդյունքից, պայմանավորվել են, որ յուրաքանչյուր կողմը մանրամասն կներկայացնի հրադադարի պայմանների իր տեսլականը, դրանից հետո բանակցությունները կշարունակվեն։
Հանդիպման ընթացքում պայմանավորվել են նաև մոտակա օրերին գերիների փոխանակում իրականացնել «1000–ը 1000–ի դիմաց» բանաձևով։
Ֆոտո
