ArmNews
Selfies labore, leggings cupidatat sunt taxidermy umami fanny pack typewriter hoodie art party voluptate. Listicle meditation paleo, drinking vinegar sint direct trade.
Հնդիկ գործարարները լիակատար բոյկոտ են հայտարարել Թուրքիային և Ադրբեջանին՝ վկայակոչելով նրանց աջակցությունը Պակիստանին Հնդկաստանի դեմ վերջին ռազմական հակամարտության ժամանակ՝ հայտնում է The Economic Times-ը:
Նյու Դելիում հավաքվել են Հնդկաստանի ավելի քան 24 նահանգի գործարարներ՝ հարցի վերաբերյալ վերջնական որոշում ընդունելու համար: Որոշում է կայացվել դադարեցնել երկու երկրի հետ ներմուծումն ու արտահանումը:
Հնդիկ առևտրականների համադաշնության գլխավոր քարտուղար Պրավին Խանդելվալը հայտնել է, որ հնդկական ընկերություններին խորհուրդ է տրվել գովազդ և ֆիլմեր չնկարահանել Թուրքիայում ու Ադրբեջանում: Որոշվել է, որ եթե որևէ ընկերություն խախտի արգելքը, առևտրային միությունը քայլեր կձեռնարկի այդ կազմակերպության դեմ։
Թուրքիան գոհ է խաղաղության պայմանագրի նախագծի վերաբերյալ Ադրբեջանի և Հայաստանի միջև ձեռք բերված համաձայնությունից։ Այս մասին, ըստ ադրբեջանական լրատվամիջոցների, նշվում է Թուրքիայի Ազգային անվտանգության խորհրդի նիստի ամփոփիչ հայտարարության մեջ, որը վարել է նախագահ Ռեջեփ Թայիփ Էրդողանը։
Նշվում է, որ հանդիպման ընթացքում հաստատվել է վերջնական խաղաղություն հաստատելու շահագրգռվածությունը, որը օգուտ կբերի ողջ տարածաշրջանին։
Ֆրանսիայի նախագահ Էմանուել Մակրոնը, Չինաստանի նախագահ Սի Ցզինպինի հետ զրույցից հետո, հայտարարել է, որ Փարիզն ու Պեկինը հանձնառու են Ուկրաինայում երկարատև խաղաղության հասնելուն, որը սկսվում է հրադադարից։ Ֆրանսիայի առաջնորդը այս մասին գրել է X-ում։
«Մենք ունենք նույն նպատակը կապված Ուկրաինայում Ռուսաստանի վարած պատերազմի հետ՝ ամուր և հուսալի խաղաղություն։։ Այդ խաղաղությունը սկսվում է անհապաղ և անվերապահ հրադադարից», - ասաց Մակրոնը։
Մայիսի 16-ին Ստամբուլում կայացած բանակցություններից հետո Ռուսաստանը և Ուկրաինան համաձայնեցին նախապատրաստել պայմաններ հնարավոր հրադադարի համար։ Կողմերը նաև համաձայնության եկան գերիների փոխանակման հարցում «1000-ը 1000-ի դիմաց» ձևաչափով։ Նրանք արդեն միմյանց ցուցակներ են փոխանցել։
Իրանական միջուկային օբյեկտներին Իսրայելի հարվածի դեպքում Իրանը Միացյալ Նահանգներին կդիտարկի որպես այդ գրոհի մեղսակից և կստիպի նրան պատասխան տալ դրա համար։
Mehr գործակալությունը հաղորդում է, որ այս մասին Իրանի արտաքին գործերի նախարար Աբբաս Արաղչին նամակ է գրել ՄԱԿ-ի գլխավոր քարտուղար Անտոնիու Գուտերեշին և Ատոմային էներգիայի միջազգային գործակալության (ԱԷՄԳ) ղեկավար Ռաֆայել Գրոսիին:
«Իրանը սիոնիստական ռեժիմին զգուշացնում է զերծ մնալ ցանկացած չմտածված գործողությունից և հայտարարում, որ այդ ռեժիմի կողմից ցանկացած սպառնալիք կամ խախտում կարժանանա կոշտ և վճռական պատասխանի: Մենք նաև համոզված ենք, որ սիոնիստական ռեժիմի կողմից Իրանի Իսլամական Հանրապետության միջուկային օբյեկտների վրա հարձակման դեպքում ԱՄՆ-ի կառավարությունը կդառնա այս հարձակման մեղսակիցը և դրա համար իրավական պատասխանատվություն կկրի», – ասվում է Արաղչիի նամակում։
Ավելի վաղ ամերիկացի մի շարք պաշտոնյաներ CNN-ին հայտնել էին, որ ԱՄՆ-ն նոր հետախուզական տվյալներ է ստացել, որոնք վկայում են այն մասին, որ Իսրայելը պատրաստվում է հարված հասցնել Իրանի միջուկային օբյեկտներին՝ չնայած նախագահ Դոնալդ Թրամփի վարչակազմը փորձում է համաձայնության հասնել Թեհրանի հետ նրա միջուկային ծրագրի շուրջ:
«Արևմտյան Ադրբեջանը» Ադրբեջանի արևմտյան շրջաններն են։ ՀՀ ԱԳՆ խոսնակ Անի Բադալյանը Sputnik Արմենիայի հետ զրույցում պատասխանել է Ադրբեջանի նախագահ Իլհամ Ալիևի հերթական հայտարարությանը։
«Հայաստանի Հանրապետության տարածքում «Արևմտյան Ադրբեջան» չկա. արևմտյան Ադրբեջանն Ադրբեջանի Հանրապետության արևմտյան շրջաններն են»,- ասել է Բադալյանը։
Ադրբեջանական լրատվամիջոցների հաղորդմամբ՝ Իլհամ Ալիևը նամակ էր հղել «Արևմտյան Ադրբեջան վերադարձը՝ որպես մարդու իրավունքների գերակայության կարևոր պայման» թեմայով միջազգային գիտաժողովի մասնակիցներին:
Նա հայտարարել էր, թե «արևմտյան ադրբեջանցիների» վերադառնալու ցանկությունը չի նշանակում տարածքային պահանջներ ներկայացնել Հայաստանի նկատմամբ, հավելել, թե Հայաստանը պետք է հրաժարվի այդ ցանկությունը նման լույսի ներքո ներկայացնելու փորձերից։ Ալիևի խոսքով՝ հարցը չի հանվի Ադրբեջանի օրակարգից, քանի դեռ վերադարձը տեղի չի ունեցել։
Իրանական բանակն այսօր ներկայացրել է ուղղահայաց թռիչքով երեք նոր անօդաչու թռչող սարք, հաղորդում է տեղական Press TV գործակալությունը:
ԱՄՆ Կալիֆոռնիա նահանգի Կարմել փոքր քաղաքում հանրային վայրերում բարձրակրուկներ կրելու համար պաշտոնական թույլտվություն է անհրաժեշտ: Եթե կնոջ կոշիկներն ունեն 5 սմ-ից բարձր կրունկ, ապա դրանք քաղաքում կրելն անօրինակ է համարվում:
Ինչպես գրում է Oddity Central-ը, բարձրակրունկներ կրելու համար անհրաժեշտ է թույլտվություն քաղաքապետարանից:
Տարօրինակ օրենքն ընդունվել է 1963-ին՝ քաղաքի դատախազի պահանջով. այն ունի ուշագրավ պատճառաբանություն: Քաղաքում աճում են բազմաթիվ նոճիներ և սոճիներ, որոնց արմատներն այնքան են աճել ու հզորացել, որ անհարթություններ են առաջացրել բետոնե մայթերից: Դա, իր հերթին, սայթաքման վտանգներ է ստեղծել: Իսկ եթե հետիոտները լինեն բարձրակրունկներով, ապա ընկելու և վնասվածք ստանալու հավանականությունը մեծանում է:
Դատախազը մտահոգություն է ունեցել, որ անհարթ մայթերին սայթակած բնակիչները կարող են դատի տալ քաղաքապետարանին: Ուստի, բնակիչներին արգելվել է բարձրակրունկներ կրել:
ՆԳՆ փրկարար ծառայութունից հայտնում են․ «Մայիսի 22-ին, ժամը 10:37-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ քաղաքացին նետվել է Աշտարակ քաղաքի կամրջից:
Դեպքի վայր են մեկնել ՆԳՆ ՓԾ մարզային փրկարարական վարչության և հրշեջ-փրկարարական ջոկատի օպերատիվ խմբերը:
Փրկարարները քաղաքացու դին դուրս են բերել ձորից և պատգարակով մոտեցրել շտապօգնության ավտոմեքենային»։
Հարգելի՛ «Հետք» լրատավական, լավ ինչքա՞ն կարելի է: Նմանատիպ մոլորեցնող վերտառությամբ հոդված որ դնում եք, մյուսներն էլ կայծակնային արագությամբ տարածում են, ձեզ լավ ե՞ք զգում: Այս մասին գրել է Էջմիանի նախկին քաղաքապետ Դիանա Գասպարյանը:
«Բարձր դիտելիություն և աղմկահարույց հերթական նյութ ունենալու համար առաջնային շահարկման եք դնում միայն մեկ փողոց, սակայն փաթեթում ներառված մյուս հատվածների մասին՝ Ա․ Մանուկյան 1-ին թաղամասի երեք փողոցներ եւ Չարենց թաղամասի բազմաբնակարան բնակելի շենքերի բակերի վերաբերյալ որևէ հիշատակում չեք անում, իսկ Սբ․ Մ․ Խորենացի փողոցի հիմնանորոգումը կրկին կապում եք Տերյան փողոցի հետ։
Հարգելինե՛րս, իսկ միգուցե նշե՞իք, որ համայնքերի սուբվենցիոն հայտերը ներկայացվում են նախապես՝ նախորդ տարի, իսկ քաղաքում շատ փողոցների փոսեր առաջացել են այս տարվա հորդառատ անձրևների հետևանքով: Կամ, հոդվածի մի հատվում նշում եք, թե «Փոխարենը համայնքային իշխանությունները չեն շտապել հիմնանորոգել քաղաքի Չարենցի, Անդրանիկի, Թումանյան, Պատկանյան ու բազմաթիվ այլ փողոցներ՝ բավարարվելով միայն փոսալցմամբ, որը մեկ սեզոնից ավելի կյանք չի ունեցել», հետո ինքներդ ձեզ մեկ այլ հատվածում հակասում, թե «2025թ. սուբվենցիոն ծրագրի շրջանակներում նախնական հայտ է ներկայացվել քաղաքի Ռ. Պատկանյան (450մ), Ս. Մանուկյան (260մ), Թումանյան (1028մ) և Բաղրամյան (525մ) փողոցների հիմնանորոգման վերաբերալ» (շնորհակալություն արդարության համար)։ Անդրանիկ թաղամասի ներքին փողոցներն արդեն ասֆալտապատվել են՝ 2023-2024 թվականին, Չարենց թաղամասում մեծ ծավալով աշխատանքներն ընթացքի մեջ են այս պահին (նույն սուբվենցիոն ծրագրով)։ Գուցե այս բոլոր փողոցներում և՞ս ընտանեկան լուրջ կապեր ունեմ և այլ բիզնեսներ եմ խթանում, որոնցից տեղյակ չեմ։
Խորենացի փողոցի մի հատվածը հիմնավորոգվել է 2021 թվականի սուբվենցիոն ծրագրով, մյուս հատվածը հիմնանորոգվում է այժմ։ Փողոցը, այո, հատվում է Տերյան փողոցին, որը ներհամայնքային եւ միջհամայնքային առաջնային նշանակության ճանապարհ է։
Իմ գործունեության յոթ տարիների ընթացքում համայնքում ամբողջական ասֆալտապատումներ են կատարվել այնպիսի փողոցներում, որոնք կառուցման օրից եղել են հողապատ, սակայն այս հրապարակումն այդ մասին չէ։ Իմ աշխատանքի արդյունքը տեսել է շահառու բնակիչը։
Այս հրապարակումը լրագրողական անփութության և միտումնավոր կերպով ինձ անվանարկելու մասին է։ Իհարկե, բարձր դիտելիություն ձեռք բերելու տեսանկունից հիանալի մարտավարական քայլ է, բայց մարդկային և բարոյական տեսանկյունից՝ չեմ կարծում։
Եվ վերջապես, մի բոլ սևացրել եք, ֆեյսբուքյան տիրույթում սարքել երկրի թիվ 1 կոռուպցիոներն ու հանցագործը, բավարարված չե՞ք: Գնացել եմ, ընկերնե՜ր, գնացել, վազն անցեք, ձեր ուժն ու եռանդը ծառայեցրեք այլ «կոռուպցիոներների» փնտրտուքներին»,- գրել է նա:
Ֆոտո
