Ներկայացնում ենք տարադրամի փոխարժեքները՝ ըստ rate.am-ի: 

ԱՄՆ դոլարի առքի առավելագույն արժեքն է 381.50 դրամ, վաճառքի նվազագույն արժեքը՝ 384 դրամ: 

Եվրոյի առքի առավելագույն արժեքն է 442 դրամ, վաճառքի նվազագույն արժեքը՝ 447 դրամ: 

Ռուսական ռուբլու առքի առավելագույն արժեքն է 4.71 դրամ, վաճառքի նվազագույն արժեքը՝ 4.82 դրամ:

ԱՄՆ-ը գնդակոծել է Վենեսուելայից թմրանյութեր տեղափոխող նավակը։ Դրա մասին հայտարարել է ԱՄՆ նախագահ Դոնալդ Թրամփը, հաղորդում է Reuters-ը։

«Վերջին մի քանի րոպեների ընթացքում մենք բառացիորեն գնդակոծել ենք թմրանյութեր տեղափոխող նավակը։ Մենք երկար ժամանակ թմրանյութերի հոսք ենք ունեցել մեր երկիր։ Դրանք հենց նոր են ժամանել Վենեսուելայից»,- ասել է Թրամփը՝ հավելելով, որ դա դեռ ամենը չէ։

Պեկինի Տյանանմեն հրապարակում տեղի ունեցավ ռազմական շքերթ՝ նվիրված Չինաստանի ժողովրդի դիմադրության պատերազմում ճապոնական ագրեսիայի դեմ և Համաշխարհային հակաֆաշիստական ​​պատերազմում տարած հաղթանակի 80-ամյակին։

Ընդհանուր առմամբ ներկա են ավելի քան 26 պետությունների ղեկավարներ։

«Մարդկությունը կրկին կանգնած է ընտրության առաջ՝ խաղաղություն կամ պատերազմ, երկխոսություն կամ բախում», - իր ելույթում ասաց Սի Ծինփին։ 

Շքերթի ժամանակ առաջին անգամ ցուցադրեց լիարժեք միջուկային եռյակ՝ ցամաքային, ծովային և օդային բազաների ռազմավարական ուժեր։

Ֆրանսիան իր առողջապահական համակարգը պատրաստում է այն սցենարին, որի դեպքում, ամենայն հավանականությամբ, համակարգը ստիպված կլինի խնամել մարտական ​​գործողություններից վերադարձող զինվորներին, ինչնը առողջապահության նախարար Կատրին Վորթենը սովորական նախազգուշական միջոց է համարում։ 

Հուլիսի 18-ին տարածաշրջանային առողջապահական մարմիններին ուղղված նամակում Ֆրանսիայի առողջապահության նախարարությունն, ըստ հաղորդումների, հանձնարարել է հիվանդանոցներին պատրաստ լինել մինչև 2026 թվականի մարտը հնարավոր «բուժառուների հոսքին»։ 

Գերատեսչությունում հայտարարել են, որ խոշոր հակամարտության դեպքում Ֆրանսիայի հիվանդանոցները պետք է որ տեղյակ լինեն «պատերազմական սահմանափակումների» մասին և կարողանան բուժօգնություն տրամադրել ինչպես ֆրանսիացի, այնպես էլ օտարերկրացի զինվորականներին։

Ըստ ֆրանսիական Le Canard enchaîné երգիծական պարբերականի, որն անցյալ շաբաթ առաջին անգամ անդրադարձել է առողջապահության նախարարության նամակին, հիվանդանոցները պետք է պատրաստ լինեն բուժել 10 հազարից մինչև 15 հազար զինվորի 10-ից 180 օրվա ընթացքում։

Կառավարության ներկայացուցիչը Euronews-ին հայտնել է, որ առողջապահության նախարարության մանդատը ներառում է առողջապահական համակարգի համար հնարավոր սպառնալիքների լայն շրջանակի նախապատրաստում, դրանից թվում՝ համաճարակներ, շրջակա միջավայրի ճգնաժամեր և «չարամիտ ռիսկեր»։ 

Նամակում նշվում է նաև, որ Ֆրանսիան քննարկում է առողջապահական կենտրոններ հիմնելու հնարավորությունը ավտոբուսային և երկաթուղային կայարանների, օդանավակայանների և նավահանգիստների մերձակայքում՝ «օտարերկրացի զինվորներին տուն տեղափոխելու հնարավորությունն ապահովելու համար»։

Երբ ԱՄՆ նախագահ Թրամփին հարցրել են՝ արդյոք Ազգային գվարդիա կտեղակայի՞ Չիկագոյում, նա պատասխանել է. «Մենք մտնում ենք»։

«Ես չեմ ասել, թե երբ, բայց մենք կմտնենք»,- ըստ NBC News-ի՝ հայտարարել է ԱՄՆ նախագահը։

«Սա քաղաքականություն չէ։ Ես պարտավորություն ունեմ։ Վերջին երկուսուկես շաբաթվա ընթացքում 20 մարդ է զոհվել»։

Մարդկությունը կրկին կանգնած է պատերազմի և խաղաղության միջև ընտրության առաջ։ Այս մասին հայտարարել է Չինաստանի նախագահ Սի Ցզինպինը Ճապոնական ագրեսիայի դեմ Չինաստանի ժողովրդի դիմադրության պատերազմում և Համաշխարհային հակաֆաշիստական ​​պատերազմում տարած հաղթանակի 80-ամյակին նվիրված շքերթի մեկնարկից առաջ։ 

«Այսօր մարդկությունը կրկին կանգնած է ընտրության առաջ՝ խաղաղություն, թե՞ պատերազմ, երկխոսություն, թե՞ առճակատում, փոխադարձ օգուտ, թե՞ զրոյական գումարով խաղ։ Չին ժողովուրդը վճռականորեն կանգնած է պատմության ճիշտ կողմում և մարդկային քաղաքակրթության առաջընթացի կողմում, հավատարիմ է խաղաղ զարգացման ուղուն և աշխատում է աշխարհի ժողովուրդների հետ՝ մարդկության համար համատեղ ապագա ունեցող համայնք կառուցելու համար», - ասել է Չինաստանի առաջնորդը։

«Ժողովուրդ» օրաթերթը գրում է. «Սեպտեմբերի 1-ին Հայաստանում հնչեց ուստարվա առաջին զանգը՝ առանց մի շարք դասագրքերի, իսկ այբբենարանից ընդհանրապես հանված են Հայոց գրերի գյուտի եւ Մաշտոցի մասին տեղեկությունները:

Հասարակական գործիչ Կարին Տոնոյանը ահազանգում է եւ պահանջում բացատրություն, թե ինչու է ստացվել այնպես, որ առաջին դասարանի այբբենարանի դասագրքից բացակայում է հայոց այբուբենի ստեղծող Մեսրոպ Մաշտոցի ե՛ւ նկարը, ե՛ւ հայոց գրերի գյուտի մասին հատվածները։ 

«Ժողովուրդ» օրաթերթը հարցմամբ դիմեց ԿԳՄՍ նախարարություն՝ պարզաբանում ստանալու, սակայն այնտեղից նախընտրեցին երկար մտածել, գրավոր պատասխանել պաշտոնական հարցմանը: Իհարկե, ստանալուն պես կհրապարակենք։ Բայց քանի որ աղմուկը շատ մեծ էր, գրքի հեղինակներից Աստղիկ Բալայանը ստիպված եղավ խոստովանական հայտարարություն տարածել. «Հարգելի՛ տիկին Կարին Տոնոյան, ինչ խոսք, միանգամայն ընդունելի է Ձեր դիտարկումը, որ Հայոց այբուբենը ստեղծողի նկարը պետք է լինի սովորողների առաջին դասագրքում, եւ, անկասկած, այդ բացը կլրացվի ԱՅԲԲԵՆԱՐԱՆԻ հաջորդ հրատարակությունում։ Շնորհակալություն անչափ արժեքավոր դիտարկման համար… 

Սակայն ուզում ենք վստահեցնել, որ Մեսրոպ Մաշտոցը մեր դասագրքի սրտում է. մենք ընտրել ենք նրան ներկայացնելու այլ տարբերակներ եւս՝ կերպարը բացահայտելով առաջին երեք տառերը սովորելուց հետո. «է» տառը սովորելուց անմիջապես հետո այբբենարանի էջ 23-ի QR կոդի ներքո տեղադրված տեսանյութի միջոցով երեխաները տեսնում են նրա նկարները, լսում տառերի ստեղծման եւ Մեսրոպ Մաշտոցի հայրենանվեր գործի նպատակների մասին։ Այբուբենի բոլոր տառերն անցնելուց հետո սովորողները էջ 104-ի QR կոդի ներքո տեղադրված երգի միջոցով այբբենական կարգով դասավորում են տառերը՝ մինչ այդ լսելով Մեսրոպ Մաշտոցի եւ նրա ստեղծած այբուբենի մասին»,- գրեց Բալայանը։ 

Ասել է թե՝ Մեսրոպ Մաշտոցը այբբենարանի սրտում է, այլ ոչ թերթերում:

Դասագիրքը լցված է QR-ներով, իսկ դպրոցներում հեռախոսով դաս անելը կարծես թե դառնում է սովորություն, ինչը, ըստ բժիշկների, խիստ վտանգավոր է երեխաների տեսողության համար։

Ստացվում է, որ նախարարությունը եւ Ժաննա Անդրեասյանը կորցրել են մայրենի լեզվի եւ հայոց պատմություն տանող ուղու քարտեզը։ Խճճվել հայկական իրենց հնարած իրականության մեջ, որտեղ «Տիկտոկ»-ն ու «Ինստագրամ»-ն են դոմինանտ, սրբազան ու կարեւոր: Մնացածը լիրիկա են»։ 

Առավել մանրամասն թերթի այսօրվա համարում

Անկարան շարունակում է ամրապնդել Բաքվի հետ իր դաշինքը։

Թուրքիայի փոխնախագահ Ջևդեթ Յըլմազը հայտարարել է, որ Անկարան շարունակելու է աջակցել Հայաստանի և Ադրբեջանի միջև կարգավորման գործընթացին․

«Մենք ուրախ ենք առավել ամրապնդել համագործակցությունը եղբայրական Ադրբեջանի հետ հանձնաժողովի համատեղ նիստերի միջոցով։ Շուշիի հռչակագրի շնորհիվ դաշնակցային մակարդակի դուրս բերված մեր հարաբերությունները նոր հորիզոններ են բացում տնտեսության, սոցիալական քաղաքականության և տարածաշրջանային համագործակցության մեջ:

Օգոստոսի 8-ին Վաշինգտոնում տեղի ունեցած պատմական քայլից հետո Հարավային Կովկասում կայուն խաղաղության և կայունության մեր հույսերը մեծացան: Մեր նպատակն է նպաստել տարածաշրջանի խաղաղությանը, կայունությանն ու բարգավաճմանը՝ ամրապնդելով ընդհանուր զարգացումն ու հումանիտար կապերը», – նա սոցցանցերում գրել է Ադրբեջանի նախարար Անար Ալիևի հետ հանդիպումից հետո։