Եգիպտոսը Սուեզի ջրանցքից տարեկան ավելի քան 9 միլիարդ դոլարի եկամուտ է կորցնում՝ Կարմիր ծովում նավագնացության իրավիճակի պատճառով։

Այս մասին հայտարարել է Եգիպտոսի արտաքին գործերի նախարար Բադր Աբդ ալ-Ատին Նյու Դելիում իր ելույթի ժամանակ։

«Մենք ամենաշատն ենք տուժել Կարմիր ծովի էսկալացումից. Եգիպտոսն, ընդհանուր առմամբ, տարեկան ավելի քան 9 միլիարդ դոլար է կորցնում և կորուստներ կրում», – ընդգծել է դիվանագետը։ Նա հավելել է, որ Սուեզի ջրանցքով օրական երկու ուղղություններով անցնում է 20-25 նավ, մինչդեռ նախքան իրավիճակի սրացումն այդ ցուցանիշը կազմում էր օրական ավելի քան 75 նավ։ 

Աբդ ալ-Ատին նշել է, որ Կահիրեն ստեղծված իրավիճակը կարգավորելու նպատակով «համագործակցում է մի շարք գործընկերների հետ, այդ թվում՝ Ռուսաստանի, ԵՄ-ի, Հնդկաստանի, Չինաստանի և ԱՄՆ-ի հետ»։

Մերձավոր Արևելքում էսկալացման նոր փուլից առաջ Սուեզի ջրանցքից Եգիպտոսի ստացած եկամուտը հասնում էր 10 միլիարդ դոլարի: Ջրանցքից ստացված եկամուտը համարվում է Եգիպտոսի բյուջեի եկամտի հիմնական աղբյուրներից մեկը և գանձարանի համար արտարժույթի կարևոր աղբյուր: 

Այնուամենայնիվ, 2023 թվականի աշնանից ի վեր Եգիպտոսը կորցնում է ջրանցքից ստացված եկամուտը, քանի որ շատ նավեր ստիպված շարունակում են փոխել երթուղիները՝ զգուշանալով Եմենի «Անսար Ալլահ» (հութիներ) շարժման հրետակոծությունից. հութիները Կարմիր ծովում և Բաբ էլ Մանդեբի նեղուցում հարձակումներ են իրականացնում առևտրային նավերի վրա՝ ի աջակցություն Գազայի ժողովրդի և ՀԱՄԱՍ շարժման։

Եգիպտոսը Սուեզի ջրանցքից տարեկան ավելի քան 9 միլիարդ դոլարի եկամուտ է կորցնում՝ Կարմիր ծովում նավագնացության իրավիճակի պատճառով։

Այս մասին հայտարարել է Եգիպտոսի արտաքին գործերի նախարար Բադր Աբդ ալ-Ատին Նյու Դելիում իր ելույթի ժամանակ։

«Մենք ամենաշատն ենք տուժել Կարմիր ծովի էսկալացումից. Եգիպտոսն, ընդհանուր առմամբ, տարեկան ավելի քան 9 միլիարդ դոլար է կորցնում և կորուստներ կրում», – ընդգծել է դիվանագետը։ Նա հավելել է, որ Սուեզի ջրանցքով օրական երկու ուղղություններով անցնում է 20-25 նավ, մինչդեռ նախքան իրավիճակի սրացումն այդ ցուցանիշը կազմում էր օրական ավելի քան 75 նավ։ 

Աբդ ալ-Ատին նշել է, որ Կահիրեն ստեղծված իրավիճակը կարգավորելու նպատակով «համագործակցում է մի շարք գործընկերների հետ, այդ թվում՝ Ռուսաստանի, ԵՄ-ի, Հնդկաստանի, Չինաստանի և ԱՄՆ-ի հետ»։

Մերձավոր Արևելքում էսկալացման նոր փուլից առաջ Սուեզի ջրանցքից Եգիպտոսի ստացած եկամուտը հասնում էր 10 միլիարդ դոլարի: Ջրանցքից ստացված եկամուտը համարվում է Եգիպտոսի բյուջեի եկամտի հիմնական աղբյուրներից մեկը և գանձարանի համար արտարժույթի կարևոր աղբյուր: 

Այնուամենայնիվ, 2023 թվականի աշնանից ի վեր Եգիպտոսը կորցնում է ջրանցքից ստացված եկամուտը, քանի որ շատ նավեր ստիպված շարունակում են փոխել երթուղիները՝ զգուշանալով Եմենի «Անսար Ալլահ» (հութիներ) շարժման հրետակոծությունից. հութիները Կարմիր ծովում և Բաբ էլ Մանդեբի նեղուցում հարձակումներ են իրականացնում առևտրային նավերի վրա՝ ի աջակցություն Գազայի ժողովրդի և ՀԱՄԱՍ շարժման։

Meta-ն դեկտեմբերի 15-ին կփակի Messenger-ի առանձին աշխատասեղանային հավելվածները Windows-ի և Mac-ի համար, գրում է TechCrunch-ը։

«Եթե դուք օգտագործում եք Messenger-ի աշխատասեղանի հավելվածները, դուք կստանաք հավելվածի ներսում ծանուցում, երբ սկսվի դադարեցման գործընթացը», - ասվում է Messenger-ի օգնության էջում: «Դուք կունենաք 60 օր Mac Messenger հավելվածն օգտագործելու համար, նախքան այն լիովին դադարեցվի: 60 օրը լրանալուց հետո դուք կարգելափակվեք Mac Messenger հավելվածն օգտագործելու համար: Մենք խորհուրդ ենք տալիս ջնջել հավելվածը, քանի որ այն այլևս օգտագործելի չի լինի», - հաղորդում է TechCrunch-ը:

Այս աշխատասեղանի հավելվածները դադարեցնելու Meta-ի ծրագիրը առաջին անգամ նկատվել է Appleinsider-ի կողմից: 

Ընկերությունն այժմ տեղեկացնում է օգտատերերին առաջիկա փոփոխության մասին՝ նրանց ժամանակ տալու համար ծանոթանալու այլ տարբերակներին: Օրինակ, Windows-ի օգտատերերը կարող են օգտագործել Facebook-ի աշխատասեղանի հավելվածը, և թեˊ Windows-ի, թեˊ Mac-ի օգտատերերը կարող են Messenger-ին մուտք գործել առցանց:

Քայլը կատարվել է մեկ տարի անց այն բանից հետո, երբ Meta-ն 2024 թվականի սեպտեմբերին փոխարինեց բնօրինակ Messenger հավելվածը Progressive Web հավելվածով։ Իհարկե, Meta-ի որոշումը՝ ընդհանրապես դադարեցնել համակարգչային հավելվածների արտադրությունը, հավանաբար, որոշակի բացասական արձագանք կստանա հավելվածների ակտիվ օգտատերերի կողմից, գրում է ։

Ռուս ռազմական լրագրող Ալեքսանդր Կոցը նշել է, որ Ռուսաստանի նախագահ Վլադիմիր Պուտինի առաջիկա թռիչքը դեպի Բուդապեշտ՝ Թրամփի հետ հանդիպման համար, կապված է լուրջ ռիսկերով։ Նրա խոսքով՝ Հունգարիան չունի ծովային սահման, իսկ Ռուսաստանը չի սահմանակցում այդ երկրի հետ, ինչը ստիպում է կառուցել բարդ և վտանգավոր օդային երթուղի՝ անցնելով անբարյացակամ պետությունների տարածքների մոտով։

Կոցը շեշտել է, որ Ուկրաինայի տարածքով անցնելը պարունակում է ուղղակի հարվածի վտանգ նախագահական ինքնաթիռի նկատմամբ, իսկ Բալթյան երկրներում և Գերմանիայում առկա են անհայտ անօդաչուների սպառնալիքներ։ Նա առաջարկել է ամենաանվտանգ տարբերակը՝ Թռիչքով անցնել Անդրկովկասով, Իրանի, Թուրքիայի, Միջերկրական ծովի, Չեռնոգորիայի և Սերբիայի տարածքով։ Լրագրողի գնահատմամբ՝ այցը «բարդ խնդիր է Ռուսաստանի հատուկ ծառայությունների համար», իսկ Արևմուտքը, մասնավորապես Մեծ Բրիտանիան, կարող է փորձել խոչընդոտել գործընթացը։

Նախօրեին Պուտինն ու Թրամփը ունեցել են երկու ժամ տևած հեռախոսազրույց, որի ընթացքում, ըստ Սպիտակ տան, ձեռք է բերվել «զգալի առաջընթաց»։ Կողմերը պայմանավորվել են անձնական հանդիպում անցկացնել Բուդապեշտում, իսկ Հունգարիայի ԱԳ նախարար Պետեր Սիյարտոն վստահեցրել է, որ երկիրը կապահովի առավելագույն անվտանգություն երկու առաջնորդների համար։ Ռուս փորձագետ Վլադիմիր Վասիլևի կարծիքով՝ այս հանդիպումը կարող է դառնալ Ռուսաստանի վերադարձի խորհրդանիշը դեպի Եվրոպա և հաղթանակ ռուսական դիվանագիտության համար, գրում է Лента.ру-ն։

Մանկավարժական համալսարանում առավոտից քննչական գործողություններ են եղել։ Ռեկտորը հրավիրվել է հարցաքննության և իրավաբանական ծառայության ղեկավարի ուղեկցությամբ մեկնել է Հակակոռուպցիոն կոմիտե: Այս մասին հայտնել է համալսարանի մամուլի խոսնակ Դիանա Մարկոսյանը։ 

Ըստ նրա ձերբակալվել է 10 աշխատակից, այդ թվում՝ նաև 3 դեկան: 

Ավելի վաղ հայտնել էինք, որ Հակակոռուպցիոն կոմիտեի կողմից իրականացվող քրեական վարույթի շրջանակներում ձերբակալվել են Խաչատուր Աբովյանի անվան հայկական պետական մանկավարժական համալսարանի ռեկտորը և պրոռեկտորը: Վերջիններս մեղադրվում են համալսարանի տարբեր աշխատակիցներից կազմված հանցավոր կազմակերպություն ստեղծելու և ղեկավարելու, առանձնապես խոշոր չափերով վատնում և խարդախություն կատարելու, ինչպես նաև կաշառք ստանալու մեջ: Քրեական վարույթի շրջանակներում ձերբակալվել են նաև համալսարանի մի շարք այլ աշխատակիցներ։

Ֆուտբոլի միջազգային ֆեդերացիան հրապարակել է ազգային հավաքականների դասակարգման աղյուսակը։

Հայաստանի հավաքականը նահանջել է մեկ աստիճան եւ 104-րդ տեղում է։ Այս ամիս Եղիշե Մելիքյանի գլխավորած թիմն աշխարհի առաջնության ընտրական մրցաշարում պարտվել է Հունգարիային (0:2) եւ Իռլանդիային (0:1)։

Առաջատարը Եվրոպայի չեմպիոն Իսպանիայի հավաքականն է։ Աշխարհի չեմպիոն Արգենտինան բարձրացել է երկրորդ տեղ։ Ֆրանսիայի հավաքականը նահանջել է երրորդ տեղ։

Առաջատար տասնյակում են նաեւ Անգլիան, Պորտուգլիան, Նիդերլանդները, Բրազիլիան, Բելգիան, Իտալիան եւ Գերմանիան։

ԱՄՆ նախագահ Թրամփի վարչակազմի կողմից ներգաղթի քաղաքականության խստացումը կարող է հանգեցնել ԱՄՆ աշխատուժի կրճատման 6.8 միլիոնով մինչեւ 2028թ․ եւ 15.7 միլիոնով մինչեւ 2035թ․։ Այս մասին նշվել է Ամերիկյան քաղաքականության ազգային հիմնադրամի հետազոտությունում, որի արդյունքները հրապարակել է Axios պորտալը։ 

Փորձագետների գնահատմամբ՝ աշխատուժի կրճատումը կարող է բացասաբար անդրադառնալ տնտեսական աճի եւ ապրանքների արտադրության ու ծառայությունների մատուցման վրա։ Մասնավորապես, ուսումնասիրությունը նշել է, որ մինչեւ 2028թ․ ԱՄՆ-ը կարող է կորցնել 2.8 միլիոն աշխատող՝ ներգաղթի օրենքների փոփոխությունների, եւ եւս 4 միլիոն՝ անօրինական ներգաղթյալների դեմ ավելի խիստ միջոցառումների պատճառով։ 

Սպիտակ տան ներկայացուցիչ Էբիգեյլ Ջեքսոնը Axios-ին ասել է, որ երկիրը տնտեսական աճին աջակցող «մտքի եւ ձեռքերի պակաս չունի»: Սակայն զեկույցի հեղինակները զգուշացնում են, որ ավելի խիստ ներգաղթային միջոցառումները կարող են նվազեցնել ԱՄՆ ՀՆԱ միջին տարեկան աճը մոտ կես տոկոսով 2025-2035թթ. ժամանակահատվածում: 

Ավելի վաղ Թրամփը հայտնել էր, որ մինչեւ պաշտոնը ստանձնելը մոտ 25 միլիոն մարդ անօրինական կերպով մուտք է գործել երկիր: ԱՄՆ նախագահը բազմիցս պաշտպանել է ավելի խիստ ներգաղթային քաղաքականության իրականացումը: Երդմնակալությունից անմիջապես հետո նա ստորագրել է հրամանագիր ԱՄՆ-Մեքսիկա սահմանին արտակարգ դրություն հայտարարելու մասին: Դոնալդ Թրամփը նշել է, որ մտադիր է իրականացնել անօրինական ներգաղթյալների արտաքսման՝ ամերիկյան պատմության մեջ ամենամեծ գործողությունը:

Հրապարակված ձայնագրության մեջ ասվում է, որ Նիկոլ Փաշինյանի դեմ ցույց անելու Կաթողիկոսի հանձնարարությունը չանելը նշանակում է անհնազանդություն և, ըստ խոսակցության կոնտեքստի, հանգեցնում է եկեղեցականին դժվար տեղ ծառայության նշանակման։ Այս մասին գրել է «Իրազեկ քաղաքացիների միավորում» հասարակական կազմակերպության հիմնադիր Դանիել Իոաննիսյանը:

«Հարգելի իրավաբաններ, հիմա ասեք, սա չի՞ ընկնում Քրեական օրենսգրքի 236-րդ հոդվածի 3-րդ մասի տակ։

Հ.Գ. Այ հիմա պարզ է, թե ինչու Եկեղեցին խոսեց ամենից, բայց չհերքեց իր ներսում քաղաքական պարտադրանքի առկայության մեղադրանքը»:

Ավելի վաղ ՀՀ գլխավոր դատախազությունից հայտնել են, որ համացանցում տարածվող ձայնագրությունը վարույթի շրջանակում քննության առարկա կդառնա: 

Մի քիչ առաջ էլ Մայր աթոռը հայտարարություն է տարածել, որում ասվում է. «Այս օրերին ողջ իրավապահ և դատական համակարգը լծված է հակաեկեղեցական ապօրինի հրահանգների իրագործմանը. ակնհայտ է, թե ով է կանգնած հերթական արարքի հետևում»:

Սերբիայի նախագահ Ալեքսանդր Վուչիչը կարծիք է հայտնել, որ Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը Բուդապեշտում կայանալիք հանդիպմանը կարող են քննարկել ոչ միայն Ուկրաինայի հարցը, այլև համաշխարհային էներգետիկ շուկաների վերաբաշխումը՝ առանց Բրյուսելի դիրքորոշումը հաշվի առնելու։

«Ես կասեի, որ սա կորոշի աշխարհի ապագան։ Կարծում եմ՝ նրանք կքննարկեն տարբեր հարցեր։ Խոսքը միայն Ուկրաինայի մասին չէ. խոսքը աշխարհի նոր էներգետիկ քարտեզի մասին է, թե ինչպես են երկու մեծ տերությունները բաժանելու այն՝ հաշվի առնելով Չինաստանի հզոր գործոնը։ Վստահ չեմ, որ Եվրոպային կմնա գլխավոր դերը»,- լրագրողներին ասել է Վուչիչը։

Հոկտեմբերի 16-ի երեկոյան Թրամփը հեռախոսազրույց էր ունեցել Ռուսաստանի նախագահ Վլադիմիր Պուտինի հետ։ Վերջիններս համաձայնել էին հանդիպել Բուդապեշտում։

24Նյուզ-ի տեղեկություններով, քիչ առաջ ձերբակալվել է Խաչատուր Աբովյանի անվան հայկական պետական մանկավարժական համալսարանի ռեկտոր Սրբուհի Գևորգյանը և բուհի այլ աշխատակիցներ:

ԸՍտ տեղեկությունների, Գևորգյանին ենթադրյալ կաշառք տալ/ստանալու գործով են ձերբակալել: Այս պահին դեռևս պաշտոնական մեկնաբանություն չկա։