Սուրբ Գրիգոր Լուսավորիչ բժշկական կենտրոնի տնօրենի մրցույթում հաղթող չեղավ: Նյուզը փոխանցում է, որ մրցույթին մասնակցում էին 2 թեկնածուներ` ԲԿ-ի տնօրենի ժամանակավոր պաշտոնակատար, ԱԺ ՔՊ խմբակցության նախկին պատգամավոր, ԱԺ առողջապահության հարցերի հանձնաժողովի նախկին նախագահ Նարեկ Զեյնալյանը և առողջապահության կազմակերպիչ Նարեկ Վանեսյանը: 

Գրավոր փուլում երկու թեկնածուներն էլ ստացան առավելագույն 100 միավոր: Բանավոր մրցույթում Զեյնալյանը հավաքեց 88.89 միավոր, իսկ Վանեսյանը՝ 84.92 միավոր։

Հիշեցնենք, որ Զեյնալյանը հրաժարական տվեց շուրջ 1 տարի առաջ Փաշինյանի "խնդրանքով": Դրան նախորդել էր Զեյնալյանի ու Արգիշտի Քյարամյանի լեզվակռիվը ԱԺ-ում: 

Սուրբ Գրիգոր Լուսավորիչ ԲԿ–ի նախկին տնօրեն Արման Հովակիմյանը հեռացավ պաշտոնից այս տարվա մարտին, որպես պատճառ նշվում էին պացիենտների  այսպես կոչված «նվիրատվությունները», որոնք բացահայտել էր ՊՎԾ–ն։ Այն ժամանակ արդեն որպես կենտրոնի տնօրենի հավանական թեկնածու շրջանառվում էր Նարեկ Զեյնալյանի անունը, որը հետագայում նշանակվեց ԺՊ։

Դատավոր Արմինե Մելիքսեթյանը մեկ ամիս ժամկետով երկարացրեց Միքայել Սրբազանի նկատմամբ ընտրված խափանման միջոցը՝ կալանքը։

Նշենք, որ կալանքի ժամկետը երկարաձգելու միջնորդությունը ներկայացրել էր դատախազը։

Հիշեցնենք` Միքայել արքեպիսկոպոս Աջապահյանին կալանավորել են հունիսի 28–ին, նրա կալանքը երկարացվել էր 10 օրով` մինչև սեպտեմբերի 6–ը, և քանի որ սեպտեմբերի 6–ը ոչ աշխատանքային օր է, որոշվել է խափանման միջոցի հարցը քննարկել այսօր։ Դատարանը այժմ եզրափակիչ ելույթների փուլում է։

Եվրոպան կարող էր դադարեցնել Ուկրաինային գազի հակադարձ մատակարարումը և էլեկտրաէներգիայի մատակարարումը և այդ դեպքում Կիևը արագ կհասկանար, թե որտեղ է օտար շահերի խախտման սահմանը։ Այս մասին ՌԴ նախագահ Վլադիմիր Պուտինը հայտարարել է Սլովակիայի վարչապետ Ռոբերտ Ֆիցոյի հետ հանդիպմանը՝ մեկնաբանելով Ուկրաինայի զինված ուժերի կողմից խողովակաշարերի վրա հարձակումները, հայտնում է TASS-ը։

«Ի՞նչ կարելի է ասել։ Չէ՞ որ Ուկրաինան իր հարևանների միջոցով զգալի քանակությամբ էներգետիկ ռեսուրսներ է ստանում Արևելյան Եվրոպայում։ Փակեք այն գազի մատակարարումները, որոնք հակադարձ մատակարարումով են գնում, փակեք էլեկտրաէներգիայի մատակարարումները և նրանք անմիջապես կհասկանան, որ օտար շահերի խախտման ոլորտում իրենց պահվածքի որոշակի սահմաններ կան», - նշել է ՌԴ նախագահը։

Զրույցի ընթացքում Ֆիցոն նշել է, որ Բրատիսլավան կոշտ է արձագանքում նավթային ենթակառուցվածքների վրա ուկրաինական հարվածներին։ Նա նման հարձակումները անընդունելի է անվանել և հավելել, որ պատրաստվում է այս հարցը բարձրացնել Վոլոդիմիր Զելենսկու հետ հանդիպման ժամանակ։

Պուտինը պատասխանել է՝ նշելով, որ Ռուսաստանը երկար ժամանակ հանդուրժել է Ուկրաինայի զինված ուժերի հարվածները իր էներգետիկ օբյեկտներին, բայց հիմա սկսել է լուրջ արձագանքել։ «Ի պատասխան՝ ուկրաինական կողմը փորձում է վնասել մեզ։ Բայց դա նաև վնասում է մեր գործընկերներին», - ասել է նա։

Երևանի կենտրոնում` Ամիրյան փողոց-Մաշտոցի պողոտա հատվածում, ավտոմեքենա է պայթել։

Sputnik Արմենիայի կադրերում երևում է, որ նաև ավտոբուս է վնասվել։ Նախնական տեղեկություններով` տուժածներ կան։

«Գազպրոմ»-ը և Չինաստանի ազգային նավթային կորպորացիան ռազմավարական համագործակցության նոր հուշագիր են ստորագրել, որը ներառում է պայմանավորվածություն «Սիբիրի ուժը 2» գազատարի և Մոնղոլիայի տարածքով «Սոյուզ-Վոստոկ» տարանցիկ գազատարի կառուցման վերաբերյալ, հայտարարել է «Գազպրոմ»-ի կառավարման խորհրդի նախագահ Ալեքսեյ Միլլերը։ Այս մասին հաղորդում է «Ինտերֆաքս»-ը։

«Երեք երկրների՝ Ռուսաստանի, Չինաստանի և Մոնղոլիայի ղեկավարների կողմից արված հրապարակային հայտարարության հիման վրա այսօր ստորագրվել է իրավաբանորեն պարտավորեցնող հուշագիր՝ «Սիբիրի ուժը 2» գազատարի և Մոնղոլիայի տարածքով «Սոյուզ-Վոստոկ» տարանցիկ գազատարի կառուցման վերաբերյալ։ Այս նախագիծը թույլ կտա տարեկան 50 միլիարդ խորանարդ մետր գազ մատակարարել Ռուսաստանից Մոնղոլիայի տարածքով», – ասել է Միլլերը։

Ռուսաստանի նախագահ Վլադիմիր Պուտինի և Չինաստանի նախագահ Սի Ծինփինի ներկայությամբ տեղի է ունեցել «Գազպրոմ» ԲԲԸ-ի և Չինաստանի ազգային նավթային կորպորացիայի (CNPC) միջև փաստաթղթերի փոխանակման արարողություն։ Ստորագրվել է չորս փաստաթուղթ, այդ թվում՝ ռազմավարական համագործակցության մասին համաձայնագիր, որն ընդլայնում է ընկերությունների միջև փոխգործակցության ոլորտները։ 

«Սա այժմ կլինի աշխարհի ամենախոշոր, ամենամասշտաբային և ամենաթանկարժեք նախագիծը գազի արդյունաբերության ոլորտում», – նշել է ռուսական ընկերության ղեկավար Միլլերը։

Միլլերը նշել է, որ մոտ ապագայում կողմերը պետք է վերջնականապես հաստատեն նախագծի մի շարք պարամետրեր։

Միաժամանակ նա պարզաբանել է, որ Չինաստանի համար գազն ավելի մատչելի կլինի, քան Եվրոպայի համար։

Ակնկալվում է, որ նոր համաձայնագրով մատակարարումներ կիրականացվեն 30 տարվա ընթացքում։

«Սիբիրի ուժը 2» գազատարի նախագծումը սկսվել է 2020 թվականին: Ինչպես նշել է Միլլերը, գազատարի կառուցման որոշումը կայացվել է դեռևս նախքան «Սիբիրի ուժը» գլխավոր գազատարի շահագործման հանձնելը և Չինաստան ռուսական գազի մատակարարումների սկսվելը:

Սեպտեմբերի 1-ին «Գուբաթլի» առանձին սահմանապահ դիվիզիայի ծառայության տարածքում հայտնաբերվել են Հայաստանից Ադրբեջան պետական ​​սահմանի խախտման հետքեր։ Այս մասին հայտնել է Ադրբեջանի պետական ​​սահմանապահ ծառայությունը։

«Օպերատիվ գործողությունների արդյունքում ձերբակալվել է Իրաքի քաղաքացի Ալի Էմադ Աթթալլահ Բադրավին՝ ծնված 2002 թվականին»,- ասվում է գերատեսչության հայտարարության մեջ։

Փաստի առթիվ ձեռնարկվում են օպերատիվ-հետախուզական միջոցառումներ։

Ռուսաստանը երբեք չի առարկել Ուկրաինայի անդամակցությանը ԵՄ-ին, բայց ՆԱՏՕ-ն այլ հարց է: Այս մասին հայտարարել է ՌԴ նախագահ Վլադիմիր Պուտինը: 

Պուտինը հավելել է, որ Մոսկվան անընդունելի է համարում Ուկրաինայի անդամակցությունը ՆԱՏՕ-ին:

«Ուկրաինայի անվտանգության երաշխիքների ապահովման շուրջ կոնսենսուս հնարավոր է գտնել: Ուկրաինան ինքը պետք է որոշի՝ ինչպես ապահովել իր անվտանգությունը: Ուկրաինայի անվտանգությունը չի կարող ապահովվել Ռուսաստանի անվտանգության հաշվին»,-ասել է Պուտինը; 

Նա նաև հավելել է, որ ՌԴ-ն պատրաստ է համագործակցել ԱՄՆ-ի հետ Զապորոժիեի ԱԷԿ-ի շուրջ:

2020 թ-ի 44-օրյա պատերազմի ընթացքում գերևարված Վիգեն Էուլջեքջյանի ընտանիքը հայտնում է, որ նա արդեն 20 օր շարունակ հացադուլ է անում Բաքվի բանտում։ 
Վիգեն Էուլջեքջյանի կինը՝ Լուսիանա Մինասյանը մասնավորապես գրել է. «Վիգեն Էուլջեքջյանի ընտանիքը խորը ցավով է լցված։ 

Երկար սպասված ազատ արձակման մասին լավ լուրեր լսելու փոխարեն, Բաքվից այսօր ստացված զանգը բացահայտեց, որ նա 20 օր է՝ հացադուլ է անում։

Այն, ինչ պետք է լիներ հույսի մի պահ, վերածվել է անտանելի տխրության և վախի»։

Հայաստանում պետական հարթակ կստեղծվի անշարժ գույքի վաճառքի մասին բոլոր հայտարարությունները ստուգելու համար։ «Ռիելթորական գործունեության մասին» ՀՀ օրենքում փոփոխություններ կատարելու մասին այս նախագիծն այսօր հավանության արժանացավ ԱԺ տնտեսական հարցերի հանձնաժողովի նիստի ժամանակ և կներկայացվի լիագումար նիստերի քննարկմանը:

Հանձնաժողովի նիստի ժամանակ ՀՀ կադաստրի պետական կոմիտեի ղեկավար Սուրեն Թովմասյանը հստակեցրեց, որ էլեկտրոնային հարթակը կգործի կոմիտեին կից։

Նրա խոսքով` 2027 թվականից մասնագիտացված կայքերում տեղադրված վաճառքի բոլոր հայտարարությունները պետք է ավտոմատ կերպով ստուգվեն այս հարթակում, որպեսզի, օրինակ, բնակարանի առքուվաճառքի համար բոլոր փաստաթղթերն առկա լինեն։

«Եթե սեփականատերը ցանկանում է հայտարարություն տեղադրել որևէ կայքում, այնտեղից այն ավտոմատ կերպով կուղղվի կադաստրի հարթակ։ Եթե նա կսկսի իր քայլերը կոմիտեին կցված պաշտոնական հարթակից, ապա փաստաթղթերի ստուգումից հետո այն օգտատիրոջը կառաջարկի ընտրել համապատասխան մասնագիտացված կայքեր։ Ի դեպ, այս հարթակի հետ կապ չունեցող կայքերը չեն կարող ընդունել անշարժ գույքի վերաբերյալ հայտարարություններ»,- նշել է նա։

Բացի այդ, ռիելթորներն իրենց աշխատանքն իրականացնելու համար պետք է ունենան բարձրագույն կրթություն և անհրաժեշտ վկայական ստանալու համար պետք է հանձնեն թեստային քննություն։

Սեպտեմբերի 2-3-ին Շիրակում, Արարատյան դաշտում, Կոտայքի, Արագածոտնի և Վայոց ձորի նախալեռներում, Սյունիքի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։  Այս մասին հայտնում են «Հիդրոօդերևութաբանության և մոնիթորինգի կենտրոն»-ից: 

​​​​​Երևանում սեպտեմբերի 2-ի ցերեկը, 3-ի գիշերը, 6-ին սպասվում է առանց տեղումների եղանակ։ Սեպտեմբերի 3-ին և 7-ին երեկոյան, 4-ի գիշերը և երեկոյան սպասվում է, 5-6-ի երեկոյան հնարավոր է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում 16-19մ/վ արագությամբ։

​​​​​ Մարզերում սեպտեմբերի 2-ի ցերեկը, 3-ի գիշերը սպասվում է առանց տեղումների եղանակ: Սեպտեմբերի 3-ին և 6-ին կեսօրից հետո, 4-5- ին և 7-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ։ 

Քամին՝ հարավարևմտյան՝ 2- 5մ/վ, ամպրոպի ժամանակ սպասվում է քամու ուժգնացում՝ 17-20մ/վ արագությամբ։

Օդի ջերմաստիճանը սեպտեմբերի 3-5-ին աստիճանաբար կնվազի 5-8 աստիճանով։