Փոխհատուցվող դեղ ստանալու իրավունք ունեցող պացիենտների հնարավոր անհարմարությունները և բժիշկների ծանրաբեռնվածությունը նվազեցնելու նպատակով փոփոխություն է կատարվել փոխհատուցվող դեղերի էլեկտրոնային դեղատոմսերի գրման և բաց թողնման կարգում: Այս մասին հայտնել են ՀՀ առողջապահության նախարարությունից:

Հաստատված կարգով` փոխհատուցվող դեղ ստանալու իրավունք ունեցող պացիենտներին, դեղի առաջին նշանակման դեպքում, էլեկտրոնային դեղատոմս կգրվի մեկ ամսվա համար, այնուհետև պացիենտի գանգատների բացակայության դեպքում` երեք ամսվա համար նախատեսված քանակներով:

Այս քայլը կնպաստի բժշկական օգնության ու սպասարկման որակի բարձրացմանը, պացիենտների` դեղերի դուրս գրման և դեղ ստանալու նպատակով բժշկին ու դեղատուն այցերի կրճատմանը:

Թուրքիայի նախագահ Ռեջեփ Թայիփ Էրդողանը սեպտեմբերի 1-ին Չինաստանում հանդիպել է Իրանի նախագահ Մասուդ Փեզեշքյանի հետ:

«Շանհայի համագործակցության կազմակերպության» (ՇՀԿ) անդամ պետության ղեկավարների խորհրդի 25-րդ գագաթնաժողովի շրջանակներում կայացած հանդիպմանը կողմերը քննարկել են Թուրքիա-Իրան երկկողմ հարաբերությունները, տարածաշրջանային ու գլոբալ զարգացումները։

Կողմերը քննարկել են Թուրքիա-Իրան երկկողմ հարաբերությունները, տարածաշրջանային ու համաշխարհային զարգացումները։

Էրդողանը նշել է, որ Թուրքիայի ու Իրանի միջև համագործակցությունը մի շարք ոլորտներում, հատկապես՝ էներգետիկ ոլորտում ծառայում է ընդհանուր շահերին։

Թուրքիայի նախագահը, ընդգծելով, որ  Իրանի միջուկային ծրագրի շուրջ բանակցություններն օգտակար են, հայտնել է, որ Թուրքիան  այդ հարցում շարունակելու է աջակցել վերջինիս։

Նախագահները մտքեր են փոխանակել Սիրիայում տիրող իրավիճակի, Գազայի դեմ Իսրայելի հարձակումների և Հարավային Կովկասում խաղաղության գործընթացի վերաբերյալ։

Թուրքիայի նախագահը Մասուդ Փեզեշքյանի հետ զրույցում հայտարարել է նաև, որ այն ինչ Գազայում իրականացվում է Իսրայելի կողմից, ոչ մի բացատրություն չունի:

Հրապարակվել է նաև հանդիպմանը մասնակցած Թուրքիայի պետպաշտոնյաների կազմը:

Նրանք են՝ Թուրքիայի արտգործնախարար Հաքան Ֆիդանը, էներգետիկայի և բնական հանածոների նախարար Ալփարսլան Բայրաքթարը, գանձապետարանի և ֆինանսների նախարար Մեհմեդ Շիմշեքը, պաշտպանության նախարար Յաշար Գյուլերը, արդյունաբերության և տեխնոլոգիաների նախարար Մեհմեդ Ֆաթիհ Քաջըրը, առևտրի նախարար Օմեր Բոլաթը և նախագահականի հանրային կապերի վարչության ղեկավար Բուրհանեթթին Դուրանը:

Ermenihaber

Ուկրաինայի նախագահ Վլադիմիր Զելենսկին այս հինգշաբթի Փարիզում կմասնակցի Եվրոպայի ղեկավարների բարձր մակարդակի հանդիպմանը։ 

Հանդիպմանը սպասվում է նաև Ֆրանսիայի նախագահ Էմանուել Մակրոնի, Գերմանիայի կանցլեր Ֆրիդրիխ Մերցի, Բրիտանիայի վարչապետ Քիր Սթարմերի, ՆԱՏՕ-ի գլխավոր քարտուղար Մարկ Ռյուտեի և Եվրահանձնաժողովի ղեկավար Ուրսուլա ֆոն դեր Լյայենի ներկայությունը։

Ամերիկյան կողմը, ըստ AFP-ի աղբյուրի, ներկայանալու ծրագիր չունի․ նախագահ Դոնալդ Թրամփի այցը չի նախատեսվում։

Ըստ Financial Times-ի՝ հանդիպման հիմնական թեման լինելու է Ուկրաինայում խաղաղ կարգավորման հնարավոր ուղիների քննարկումը։

Ատոմային էներգիայի միջազգային գործակալության (ԱԷՄԳ) երկու ներկայացուցիչներ թույլտվություն են ստացել այցելել Իրան՝ Բուշերի ատոմակայանում միջուկային վառելիքի փոխարինման աշխատանքներին ներկա լինելու համար: Այս մասին հայտարարել է Իրանի Ատոմային էներգիայի կազմակերպության ղեկավար Մոհամմադ Էսլամին։ 

«Գործակալության հետ համագործակցությունը հարց է, որը գտնվում է քննարկման փուլում՝ խորհրդարանի կողմից ընդունված (ԱԷՄԳ-ի հետ համագործակցության դադարեցման մասին) օրենքին համապատասխան: Քննարկվել է Բուշերի ատոմակայանում գործակալության տեսչական ստուգման հարցը՝ վառելիքի փոխարինման գործընթացի դիտարկման համար, և այդ տեսչական ստուգումն իրականացվել է Ազգային անվտանգության բարձրագույն խորհրդի քարտուղարությունից թույլտվություն ստանալուց հետո: Երկու տեսուչներ ժամանել են, հետևել այդ գործընթացին և մեկնել», – մեջբերում է Էսլամիի խոսքն IRNA գործակալությունը:

Իրանն Իսրայելի և ԱՄՆ-ի հարվածներից հետո դադարեցրել էր ԱԷՄԳ-ի հետ համագործակցությունը։

Փաշինյանը նշել է, որ Հայաստանի և Ադրբեջանի ղեկավարների ընդունած հռչակագրում համաձայնեցվել է որոշակի տերմինաբանություն, որի օգտագործումը կնպաստի կառուցողական մթնոլորտի և հետագա աշխատանքի իրացմանը:

«Ուզում եմ գործընկերներին տեղյակ պահել, որ Ադրբեջանի նախագահի կողմից օգտագործվող բառապաշարը մեր կողմից չի ընկալվում այն տրամաբանության մեջ, որը մենք համաձայնեցրել ենք Վաշինգտոնում, մանավանդ որ այդ համաձայնությունների շրջանակում ՀՀ–ն և ԱՄՆ–ն կիրականացնեն հաղորդակցության ներդրումային ծրագիրը, որը կոչվում է «Թրամփի ուղի՝ հանուն միջազգային խաղաղության և բարգավաճման»։ Այս ծրագիրը բխում է Հայաստանի Հանրապետության «Խաղաղության խաչմերուկ» նախագծից, որի վերաբերյալ ՀՀ–ն ր ԱՄՆ–ն ստորագրեցին երկկողմ հուշագիր այդ նախագիծը զարգացնելու և այդ նախագծում ներդրումներ անելու ուղղությամբ: Ես վերահաստատում եմ, որ Հայաստանի Հանրապետությունը հավատարիմ է ձեռք բերված պայմանավորվածություններին, և մենք վճռական ենք հնարավորինս արագ այդ պայմանավորվածությունները կյանքի կոչել»,– ասել է Փաշինյանը:

Նա ընդգծե; է` այդ ամենի արդյունքում կբացվի ոչ միայն հաղորդակցությունը Հայաստանի և Ադրբեջանի միջև ներպետական, երկկողմ և միջազգային հաղորդակցության համար, այլև լոգիստիկ նոր հնարավորություններ կստեղծվեն Շանհայի համագործակցության կազմակերպության անդամ բոլոր երկրների, ներառյալ Հայաստանի և Ադրբեջանի անմիջական հարևանների համար։

Հնդկաստանը կրկին արգելափակել է Ադրբեջանի՝ Շանհայի համագործակցության կազմակերպությանը լիիրավ անդամակցության դիմումը։ Տեղեկությունը հայտնում է AnewZ հարթակը։

Նշվում է, որ Չինաստանը վերահաստատել է իր աջակցությունը Շանհայի համագործակցության կազմակերպության (ՇՀԿ) լիիրավ անդամ դառնալու` Ադրբեջանի դիմումին։ Կայքը, վկայակոչելով իր աղբյուրները, նշում է, որ Հնդկաստանի դիրքորոշումը սերտորեն կապված է Ադրբեջանի և Պակիստանի եղբայրական հարաբերությունների հետ։

ՇՀԿ-ն միջազգային կազմակերպություն է, որը հիմնադրվել է 2001 թվականին: Այն ներառում է Հնդկաստանը, Իրանը, Ղազախստանը, Չինաստանը, Ղրղզստանը, Ռուսաստանը, Տաջիկստանը, Պակիստանը և Ուզբեկստանը, իսկ 2024 թվականի հուլիսի 4-ին Աստանայի գագաթնաժողովում կազմակերպությանը պաշտոնապես միացավ Բելառուսը։ Դիտորդ երկրներ են Աֆղանստանը և Մոնղոլիան, ՇՀԿ երկխոսության գործընկեր երկրներ են Հայաստանը, Ադրբեջանը, Բահրեյնը, Եգիպտոսը, Կամբոջան, Կատարը, Քուվեյթը, Մալդիվները, Մյանման, Նեպալը, Արաբական Միացյալ Էմիրությունները, Սաուդյան Արաբիան, Թուրքիան, Շրի Լանկան:

Հ․Հ․-ի նկատմամբ հարուցվել է հանրային քրեական հետապնդում՝ Քրեական օրենսգրքի 435-րդ հոդվածի 2-րդ մասի 2-րդ կետով (խոշոր չափերով կաշառք ստանալը), 435-րդ հոդվածի 1-ին մասով (կաշառք ստանալը), 272-րդ հոդվածի 1-ին մասով (մասնավոր ոլորտում կաշառք ստանալը), 272-րդ հոդվածի 2-րդ մասի 3-րդ կետով (մասնավոր ոլորտում կաշառք ստանալը՝ կաշառք տվողի կամ նրա մատնանշած անձի օգտին թողտվության կամ հովանավորչության կամ այլ ապօրինի գործողության կամ անգործության համար)։

Հոգեբույժի նկատմամբ որպես խափանման միջոց կիրառվել է բացակայելու արգելքը, գրավը և պաշտոնավարման կասեցումը։

ՊԵԿ նախկին նախագահ Վարդան Հարությունյանը կշարունակի մնալ կալանավորված։ Վերաքննիչ հակակոռուպցիոն դատարանը՝ Կարեն Ամիրյանի նախագահությամբ, մերժել է Վարդան Հարությունյանի կալանավորման որոշման դեմ պաշտպանների բողոքը։ Այս մասին «Փաստինֆո»-ն տեղեկանում է փաստաբան Արմեն Անդրիկյանից։

Հիշեցնենք, որ օգոստոսի 8-ին կալանավորվել է ՊԵԿ նախկին նախագահ Վարդան Հարությունյանը։ Նրան իրավապահները մեղադրում են ձեռնարկատիրական գործունեությանն ապօրինի մասնակցելու, հակամրցակցային գործունեության և փողերի լվացմանմեջ, մինչդեռ, մեղադրանքի հիմքում դրված հանգամանքներով քննություն արդեն իրականացվել է դեռևս յոթ տարի առաջ և հերքվել։ Մասնավորապես, քրեական գործը վերաբերում է «Նորֆոլկ Քոնսալթինգ» ընկերության հետ, սակայն այս ընկերության հետ առնչության վերաբերյալ քրեական գործով 2018թ․ քննություն է իրականացվել և վարույթը կարճվել էր։  

ԱՄՆ դոլարի փոխարժեքն այսօր՝ սեպտեմբերի 1-ին, կազմել է 382.61 դրամ՝ նախորդ օրվա համեմատ աճել է 0.09 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 448.42 դրամ (աճել  է 2.12 դրամով), իսկ ռուսական ռուբլու փոխարժեքը կազմել է 4.74  դրամ (նվազել է 0.02 դրամով): 

Հայաստանյան բանկերում դոլարը գնվում է 380-381.5 դրամով, վաճառվում է 384-385 դրամով: Եվրոն բանկերում գնվում է 439-445 դրամով, վաճառվում է 451–454 դրամով:

Ռուբլին բանկերում գնվում է 4.65-4.73 դրամով, վաճառվում է 4.83-4.96 դրամով:

Փոխանակման կետերում իրավիճակը հետևյալն է. դոլարը գնվում է 381 դրամով, վաճառվում՝ 384 դրամով:

Եվրոն գնվում է 444 դրամով, վաճառվում է 449 դրամով:

Ռուբլին գնվում է 4.70 դրամով, վաճառվում է 4.77 դրամով:

ԵԱՀԿ նախարարների խորհուրդը որոշում կայացրեց՝ փակել ԵԱՀԿ Մինսկի գործընթացը և դրան կից կառույցները:

Նշենք, որ կառույցը լուծարելու առաջարկով հանդես են եկելՀայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը:

«Անվավեր է ճանաչվել ԵԱՀԿ շրջանակներում հայ-ադրբեջանական հակամարտության վերաբերյալ նախկինում ընդունված բոլոր որոշումները»,- նշված է Ադրբեջանի ԱԳՆ-ի տարածած հաղորդագրության մեջ: