Ինչպիսի՞ մթերքներից է կախված տղամարդու ֆերտիլությունը: Ինչպե՞ս բարձրացնել սերմնահեղուկի որակը ճիշտ կազմված սննդակարգի օգնությամբ: Սպերմատոզոիդները փոքրիկ բջիջներեր են, որոնց բնությունը տվել է սերնդի շարունակման կարևոր առաքելությունը: Այս մասին 168․am-ի փոխանցմամբ՝ գրում է doctors.am-ը։

Որպեսզի սպերմատոզոիդները կարողանան իրականացնել իրենց ֆունկցիան, դրանք պետք է լինեն շարժուն, ունենան ճիշտ կառուցվածք, և բացի այդ՝ պետք է քանակապես շատ լինեն: Իսկ դրա համար պետք է բալանսավորված սնունդ: Չէ՞ որ մարդու օրգանիզմի բոլոր բջիջները ձևավորվում են այն ամենից, ինչ ուտում է մարդը:

Ցավոք սրտի, տղամարդու սննդակարգային նախընտրությունների ցանկը կազմված է այնպիսի մթերքներից, որոնք պարունակում են չափազանց քիչ օգտակար նյութեր, որպեսզի դրանցից հնարավոր լինի լիարժեք սպերմատոզոիդների ձևավորումը: Օրինակ, շատ տղամարդիկ օրգանիզմի համար անհրաժեշտ և անփոխարիների ամինաթթուների աղբյուր հանդիսացող բնական մսի փոխարեն նախընտրում են օգտագործել պատրաստի կիսաֆաբրիկատներ, որտեղ օգտակար նյութերն արդեն իսկ ոչնչացված են սառեցման կամ երկար պահպանման հետևանքով: Օգտակար չէ նաև շատերի համար ուրբաթ օրվա սովորական «դեսերտը»՝ գարեջուրը չիփսերով:

Եկեք պարզենք, թե որ մթերքներից է կախված տղամարդու ֆերտիլությունը: Ինչպե՞ս բարձրացնել սերմնահեղուկի որակը ճիշտ կազմված սննդակարգի օգնությամբ:

Համաձայն հին հունական առասպելի՝ կաղ և անհավասարակշռված Հեֆեստը բեղմնավորվել էր աստվածուհի Հերայի և հարբած Զեֆսի կողմից: Ինչպես ասվում է՝ «հեքիաթն ինչքան էլ որ սուտ է, սակայն իր մեջ ունի ակնարկ»: Ժամանակակից հետազոտությունները հաստատում են, որ «հարբած» բեղմնավորումը մեծացնում է ապագա երեխայի մոտ շեղումների հավանականությունը:

Բացի այդ, ալկոհոլային խմիչքները, այդ թվում՝ նաև տղամարդկանց կողմից այդքան սիրված գարեջուրը, նպաստում են էստրոգենի՝ կանացի հորմոնների ուժեղացված սինթեզին և ճնշում է տղամարդու հորմոն տեստոստերոնի սինթեզը: Արդյունքում խանգարվում է սպերմատոզոիդների զարգացման պրոցեսները: Հետևաբար, եթե տղամարդը ցանկանում է ունենալ առողջ երեխա, ապա ճիշտ կլինի ոգելից խմիչքից հրաժարումը նախատեսվող բեղմնավորումից առնվազն մի քանի ամիս առաջ:

Ի՞նչ է կարելի և ինչ՝ ոչ

Հայտնի է, որ ճարպային սննդի հանդեպ հակումը վնաս է մարմնի կազմվածքին և բարձրացնում է արյան մեջ խոլեստերինի քանակը: Սակայն ոչ բոլորն են հասկանում, թե մասնավորապես ինչն է համարվում ճարպային սնունդ: Բայց չէ՞ որ վերջիններիս շարքին են դասվում նաև շատերի կողմից սիրված բեկոնը, խոզի ապխտած կողերը և տապակած կարտոֆիլը,  սերվելատը և պանրի շատ տեսակները: Մթերքի այս բոլոր տեսակները ոչ միայն նպաստում են քաշի ավելացմանը, այլ նաև ազդում են սպերմատոզոիդների քանակի և որակի վրա: Դա կապված է այն բանի հետ, որ ավելորդ ճարպային հյուսվածքը խթանում է կանացի հորմոն էստրոգենի սինթեզին, ինչն էլ արգելակում է սպերմատոզոիդի սինթեզը:

Երկրորդ «թշնամին» արագ պատրաստման սնունդն ու կիսաֆաբրիկատներն են: Վերջիններս պարունակում է լիարժեք սպերմատոզիոդների ձևավորման և հասունացման համար անբավարար քանակությամբ օգտակար նյութեր:  Կանոնավորապես կիսաֆաբրիկատներով և արագ պատրաստման սնունդով սնվող տղամարդկանց մոտ կատարված հետազոտությունների արդյունքները ցույց են տալիս, որ նրանց մոտ սպերմատոզիոդների քանակը 43%-ով, իսկ սերմնահեղուկի կոնցենտրացիան 38%-ով պակաս է եղել, քան բալանսավորված սննդակարգ պահպանող տղամարդկանց մոտ:

Այստեղից էլ հետևում է ապագա հայրիկներին ուղղված երկրորդ խորհուրդը. սահմանափակեք ճարպային սննդամթերքը, հետևեք ածաջրերի քանակին, հրաժարվեք արագ պատրաստման սննդից և կիսաֆաբրիկատներից: Արագ պատրաստման սնունդը, խորովածը, տապական, քաղցրավենիքը և թխվածքաբլիթները հանդիսանում են սպերմատոզոիդների թշնամին:

Երրորդ խորհուրդը հետևյալն է. պետք է սահմանափակել կոֆեին պարունակող ըմպելիքները: Այն իջեցնում է սպերմատոզոիդների շարժունակությունը և խտությունը. այդ իսկ պատճառով հղիություն պլանավորելիս ցանկալի է նաև սուրճից, և, իհարկե՝ կոֆեին պարունակող գազավորված ըմպելիքներից, օրինակ՝ կոկա-կոլայից հրաժարվելը:

Այս խորհուրդներին հետևելը, իհարկե, չի նշանակում, որ տղամարդու նախաճաշը պետք է լինի ձանձրալի վարսակային շիլան: Օմլետները, խաշած և ջեռոցում եփած բնական միսը, ձուկը և ծովամթերքը, բրինձը և հնդկաձավարը կարող են փոխարինել արագ պատրաստվող սննդին. այս շարքում են նաև, թարմ բանջարեղենից պատրաստված աղցաններ:

Միգուցե, առաջին հայացքից այս ճաշացանկն անհետաքրքիր է թվում, բայց հիշեք ծովախեցգետնի համը, հավի նուրբ կրծքամիսը, բրինձը բազմագույն բուլղարական պղպեղներով, եգիպտացորենով և ոլոռով: Այս մթերքներից կարելի է պատրաստել ոչ պակաս համեղ ուտեստներ, քան պատրաստի և սառեցված սննդամթերքի բաժնում բաժնում վաճառվող ուտեստներն են: Իսկ, եթե սովոր չեք պատրաստել կամ սնվել տանը, ապա ուշադիր ուսումնասիրեք Ձեր սիրելի սրճարանի և ռեստորանի ճաշացանկը: Որպես կանոն, միշտ էլ կարելի է գտնել ուտեստներ, որոնք տապակված չեն մեծ քանակությամբ յուղի մեջ և համեմված չեն սննդամթերքի համը թուլացնող կծու համեմունքներով:

Ռուսաստանի Պետդումայի աշխատանքի, սոցիալական քաղաքականության և վետերանների հարցերի հանձնաժողովի նախագահ Յարոսլավ Նիլովը օրինագիծ է մշակել օտարերկրացիների համար մեկից ավելի բաժանորդային համար ունենալու արգելքի մասին, հայտնում է ТАСС-ը։

2025 թվականի հունվարի 1-ից ուժի մեջ է մտել օտարերկրացիների կողմից 10-ից ավելի բաժանորդային համարների ձևակերպման արգելքը։ Օտարերկրյա քաղաքացիները և քաղաքացիություն չունեցող անձինք կարող են կապի օպերատորների հետ պայմանագրեր կնքել միայն անձամբ՝ գրասենյակներում, անձը հաստատող փաստաթղթի ներկայացմամբ և կենսաչափական տվյալների պարտադիր կիրառմամբ։

«Օտարերկրացիների կողմից մեկից ոչ ավելի բաժանորդային համար ունենալու սահմանափակման անհրաժեշտության մասին օրենքի նախագիծը կարևոր քայլ է երկրում անվտանգության մակարդակի բարձրացման ուղղությամբ։ Այն ուղղված է ազգային շահերի պաշտպանությանը և քաղաքացիների համար ավելի անվտանգ միջավայրի ստեղծմանը։ Այս օրինագծի ընդունումը թույլ կտա արդյունավետորեն արձագանքել ժամանակակից մարտահրավերներին և սպառնալիքներին՝ ապահովելով օտարերկրյա քաղաքացիների հաղորդակցությունների նկատմամբ վերահսկողությունը»,- ասվում է բացատրագրում։

«Հայաստան-Իրան ռազմավարական համագործակցության զարգացման կենտրոնի» հիմնադիր Պույա Հոսեյնին գրել է․

«Իրանի տեղաշարժը դեպի 36,000 կիլոմետր հեռավորության վրա գտնվող ուղեծիր։

Իրանի կապի նախարար Սեյեդ Սաթար Հաշեմին հայտարարել է, որ իրանական արբանյակները ներկայումս գործում են Երկրի մակերևույթից 500 կմ բարձրության վրա։

Նա ընդգծել է, որ Իրանը նպատակադրվել է հասնել 36,000 կմ հեռավորության վրա գտնվող գեոստացիոնար ուղեծրին՝ որպես տարածական տեխնոլոգիաների զարգացման հաջորդ քայլ։

Իրանը պլանավորում է արբանյակային համաստեղություններ ստեղծել։

Իրանը առաջ է շարժվում տիեզերական տեխնոլոգիաների ոլորտում՝ նպատակ ունենալով կառուցել արբանյակային համաստեղություններ կապի, հեռազննման և նավիգացիայի համար։

Քաղաքական գործիչ Էդգար Ղազարյանը գրում է․ «Ընդդիմադիր դաշտի պառակտման պատճառը 2026 թվականի ընտրություններն են։ Որքան մոտենանք այդ օրվան, այնքան ավելի խորանալու են միմյանց ուղղված քննադատությունները, մեղադրանքներն ու վիրավորանքները։ Այս անցանկալի վիճակի հաղթահարման միակ լուծումը` իմպիչմենտի գործընթացի նախաձեռնում է` Նիկոլ Փաշինյանին հեռացնելու գաղափարի շուրջ համախմբվելը, բոլորիս միասնական ջանքերը դրան ծառայեցնելը։

ԱԺ պատգամավորներին մեր ներկայացրած գրություններից անցել է արդեն մոտ մեկ ամիս։ Դրան կողմ ու դեմ հայտարարություններից բացի, մենք դեռևս ոչ մի շոշափելի արդյունք չունենք։ Ես վստահ եմ, որ շուտ, թե ուշ, այն իրականություն է դառնալու, հակառակ դեպքում, ամենածանր հարվածը կստանան նրանք, ովքեր հիմա Նիկոլ Փաշինյանին թողած, իրար են քարկոծում»։

Rate.am-ում մայիսի 25-ի ներկայացված տարադրամի փոխարժեքներն են. 

ԱՄՆ դոլարի առքի առավելագույն արժեք է սահմանվել 383 դրամը, վաճառքի նվազագույն արժեք՝ 386 դրամը:

Եվրոյի առքի առավելագույն արժեք է սահմանվել 432 դրամը, վաճառքի նվազագույն արժեք՝ 438 դրամը:

Ռուսական ռուբլու առքի առավելագույն արժեք է սահմանվել 4.77 դրամը, վաճառքի նվազագույն արժեք՝ 4.87 դրամը:

Մայիսի 25-ի կեսգիշերից մինչև առավոտյան ժամը 7-ը Ռուսաստանի տարբեր շրջանների երկնքում ոչնչացվել են 110 ինքնաթիռ-անօդաչու թռչող սարքեր, որոնք ուղղված էին երկրի տարբեր շրջաններին։ Այս մասին հայտնել է Ռուսաստանի պաշտպանության նախարարությունը։

Անօդաչու թռչող սարքերի ամենամեծ ակտիվությունը գրանցվել է Տուլայի շրջանում, որտեղ խոցվել է 16 սարք։ Բրյանսկի և Կալուգայի մարզերում ոչնչացվել է 14 անօդաչու թռչող սարք, Մոսկվայի մարզում և Տվերի մարզում՝ 13: Բելգորոդի և Կուրսկի մարզերի երկնքում ոչնչացվել են տասը ԱԹՍ։

Բացի այդ, Օրյոլի մարզում խոցվել է ութ անօդաչու թռչող սարք, յոթը՝ Ղրիմի Հանրապետության տարածքում։ ՌԴ պաշտպանության նախարարության տվյալներով՝ մեկական սարք ոչնչացվել է նաև Լիպեցկի, Նիժնի Նովգորոդի և Նովգորոդի մարզերում, իսկ երկուսը՝ Սմոլենսկի մարզում։

Տուժածների մասին հաղորդագրություններ չեն եղել։

Հանրապետության տարածքում մայիսի 24-ի ցերեկը, 25-ի և 27-ի կեսօրից հետո, 28-29-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից:

Մայիսի 26-ին սպասվում է առանց տեղումների եղանակ։ Քամին՝ արևմտյան,2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ Օդի ջերմաստիճանն էապես չի փոխվի։

Երևան քաղաքում մայիսի 24-ի կեսօրից հետո քաղաքի առանձին հատվածներում հնարավոր է, 27-ի երեկոյան, 28-29-ի գիշերը և կեսօրից հետո սպասվում է կարճատև անձրև և ամպրոպ, ամպրոպի ժամանակ քամու ուժգնացում՝ 13-15 մ/վ արագությամբ։

Մայիսի 25-26-ը սպասվում է առանց տեղումների եղանակ։

Իտալական նոր ընկերությունը ներկայացրել է V12 շարժիչով հիպերքար և Mega Track ոճի կուպե։

Giamaro Automobili ընկերությունը ստացել է Italtecnica-ի և Լորիս Բիկոկիի աջակցությունը, որոնք օգնել են նրան մշակել շարժիչը և կատարելագործել մեքենաների ընթացային որակները։ Giamaro-ի մրցակիցներ են համարվում Bugatti-ն, Koenigsegg-ը և Pagani-ն, հայտնում է motor.ru-ն։

Այս փոքր ընտանեկան ձեռնարկությունը հիմնադրվել է 2021 թվականին։ Ինչպես սովորաբար լինում է, ամեն ինչ սկսվել է հավակնոտ գաղափարից, և Էմիլիանո Ջակոմո Կոմենդատորեի ու նրա որդու՝ Պիերֆրանչեսկոյի դեպքում, կայծը դարձել է What if? (Ի՞նչ կլիներ, եթե) հարցը։ Դիտավորյա՞լ, թե՞ ոչ, բայց այն մեզ հղում է կատարում Bugatti Bolide-ի ստեղծման պատմությանը։

Giamaro Automobili-ի դեբյուտային մոդելները կլինեն Katla հիպերքարը և Albor ամենագնաց կուպեն։ Երկուսն էլ կստանան 7.0 լիտր V12 շարժիչ՝ չորս տուրբոկոմպրեսորներով և ռոբոտացված փոխանցման տուփով։ Katla-ի հիմքում կլինի ածխապլաստիկ մոնոկոկ՝ ալյումինե կախոցով և էլեկտրոնային կառավարվող ամորտիզատորներով։ Հետևի անիվներին քարշը կփոխանցվի CIMA յոթաստիճան փոխանցման տուփի միջոցով, որը հետագայում կփոխարինվի կամ կլրացվի տասնմեկ (!) աստիճան «ռոբոտով»։

Քվադ-տուրբո V12-ի հզորությունը կկազմի 1670 կամ 2157 ձիաուժ՝ համապատասխանաբար 1556 և 2008 Նմ։ Ըստ որոշ տվյալների, հզորության յուրաքանչյուր մակարդակ կապված կլինի որոշակի գույնի բանալու հետ։ Հիպերքարին խոստացել են նաև մեխանիկական բարձր շփման դիֆերենցիալ, ածխածնա-կերամիկական արգելակներ՝ առջևի առանցքի վրա 10 մխոցային սուպորտներով և տարբեր չափերի անիվներ՝ 20 դյույմ առջևում, 21՝ հետևում։

Katla-ն էլ, Albor-ն էլ անվանվել են ի պատիվ հրաբուխների՝ իսլանդական և մարսյան։ Albor-ին նայելիս առաջին բանը, որ գալիս է մտքին, Mega Track-ն է։ Թեև կուպեն ավելի շատ նման է GFG Vision 2030 Desert Raid-ին, որը նույն Laffite Atrax Stradale-ն է։ Շարժիչը, ինչպես արդեն ասել ենք, ամենագնացը կիսում է «Կատլայի» հետ։ Սակայն այստեղ լիաքարշա՞կ է, թե՞ հետևի քարշակով, դեռևս հայտնի չէ։ Albor-ի մշակմանը, ըստ տեղեկությունների, մասնակցել է սուպերքարերի աշխարհի լեգենդ Լորիս Բիկոկին, որը հայտնի է Bugatti-ի, Lamborghini-ի, Pagani-ի, KTM-ի և Koenigsegg-ի հետ համագործակցությամբ։

Իսրայելի կանոնավոր բանակի բոլոր հետևակային և զրահատանկային բրիգադները ներկայումս տեղակայված են Գազայի հատվածում՝ նախապատրաստվող հարձակման ֆոնին, հայտնում է The Times of Israel-ը։

Ավելի վաղ Իսրայելի բանակը հայտարարել էր, որ Գազայի հատվածում գործում է հինգ դիվիզիա՝ տասնյակ հազարավոր զինծառայողներով։

Իսրայելի իշխանությունները նախազգուշացրել են, որ քանի դեռ ՀԱՄԱՍ-ը չի համաձայնել պատանդների հարցով գործարքին, բանակը կուժեղացնի հարձակումը։

Ֆուտբոլի Անգլիայի, Իսպանիայի եւ Իտալիայի առաջնություններում մայիսի 25-ին տեղի կունենան վերջին տուրի հանդիպումները։

Անգլիայի առաջնություն, 38-րդ տուր

«Բորնմուտ» - «Լեսթեր Սիթի»՝ 19:00 (Երեւանի ժամանակ)

«Ֆուլհեմ» - «Մանչեսթեր Սիթի»՝ 19:00

«Իպսվիչ» - «Վեստ Հեմ»՝ 19:00

«Լիվերպուլ» - «Քրիսթալ Փելաս»՝ 19:00

«Մանչեսթեր Յունայթեդ» - «Աստոն Վիլա»՝ 19:00

«Նյուքասլ Յունայթեդ» - «Էվերտոն»՝ 19:00

«Նոթինգեմ Ֆորեսթ» - «Չելսի»՝ 19:00

«Սաութհեմփթոն» - «Արսենալ»՝ 19:00

«Տոտենհեմ» - «Բրայթոն»՝ 19:00

«Վուլվերհեմփթոն» - «Բրենթֆորդ»՝ 19:00

Իսպանիայի առաջնություն, 38-րդ տուր

«Ժիրոնա» - «Աթլետիկո Մադրիդ»՝ 16:00

«Վիլյառեալ» - «Սեւիլիա»՝ 18:15

«Աթլետիկ Բիլբաո» - «Բարսելոնա»՝ 23:00

Իտալիայի առաջնություն, 38-րդ տուր

«Ատալանտա» - «Պարմա»՝ 22:45

«Էմպոլի» - «Վերոնա»՝ 22:45

«Լացիո» - «Լեչե»՝ 22:45

«Տորինո» - «Ռոմա»՝ 22:45

«Ուդինեզե» - «Ֆիորենտինա»՝ 22:45

«Վենեցիա» - «Յուվենտուս»՝  22:45