ՌԴ նախագահը նշել է, որ ՇՀԿ-ն զգալի ներդրում է կատարում ամբողջ եվրասիական մայրցամաքում համագործակցության և փոխվստահության մթնոլորտի ամրապնդման գործում՝ դրանով իսկ օգնելով քաղաքական և սոցիալ-տնտեսական նախադրյալներ դնել Եվրասիայում կայունության, անվտանգության և խաղաղ զարգացման նոր համակարգի ձևավորման համար:

«Համակարգը, որը կփոխարիներ հնացած եվրակենտրոն և եվրատլանտյան մոդելներին և հաշվի կառներ երկրների հնարավորինս լայն շրջանակի շահերը, իսկապես հավասարակշռված կլիներ, ուստի թույլ չէր տա որոշ պետությունների փորձերը՝ ապահովել իրենց անվտանգությունը ուրիշների անվտանգության հաշվին։ Օգտվելով առիթից՝ ուզում եմ ասել, որ ռուսական կողմը նույն մոտեցումներն ունի նաև Ուկրաինայի շուրջ ճգնաժամի հարցում», - ասել է Պուտինը։

Նա նշել է, որ Ալյասկայում ԱՄՆ նախագահ Դոնալդ Թրամփի հետ գագաթնաժողովի ընթացքում ձեռք բերված ըմբռնումները ճանապարհ են բացում Ուկրաինայում խաղաղության համար:

Ռուսաստանի նախագահի հայտարարություններից.

- Ուկրաինական հարցի երկարաժամկետ կարգավորման համար պետք է վերացվեն ճգնաժամի սկզբնապատճառները։

- Ուկրաինայում ճգնաժամն առաջացել է ոչ թե «հարձակման», այլ պետական հեղաշրջման արդյունքում։

- Ուկրաինան ՆԱՏՕ ներքաշելու Արևմուտքի փորձերը ուկրաինական ճգնաժամի պատճառներից են։

Աֆղանստանի առողջապահության նախարարության մամուլի քարտուղար Շարաֆաթ Զամանը հայտարարել է, որ իշխանությունները լայնածավալ փրկարարական գործողություններ են սկսել, հարյուրավոր մարդիկ մոբիլիզացվել են տուժածներին օգնելու համար:

Իր հերթին Tolo news լրատվական պորտալը, վկայակոչելով տարերային աղետների պատրաստվածության գծով նահանգային վարչության ներկայացուցչին, հայտնում է, որ աղետի հետևանքով ամենից շատ տուժել են Նուրգալ, Ծավկայ, Վատապուր, Մանուգայ և Չապա Դարա հահանգները:

Ռուսաստանի զինված ուժերն ազատագրել են Դոնեցկի Ժողովրդավարական Հանրապետության հարավի ամբողջ տարածքը: Այդ մասին, հայտնել է Դոնեցկի ղեկավար Դենիս Պուշիլինը:

Նա նշել է, որ Կամիշևախայի գրավմամբ ԴԺՀ-ի ամբողջ հարավը այժմ գտնվում է Ռուսաստանի զինված ուժերի վերահսկողության տակ։

ԱՄՆ աշխատավորների օրվա կապակցությամբ դեսպանատունն այսօր փակ է:

Այս մասին տեղեկանում ենք ԱՄՆ դեսպանատան ֆեյսբուքյան էջից:

Շանհայի համագործակցության կազմակերպության գագաթնաժողովի շրջանակում տեղի է ունեցել Հայաստանի Հանրապետության վարչապետ Նիկոլ Փաշինյանի և Թուրքիայի Հանրապետության նախագահ Ռեջեփ Թայիփ Էրդողանի հանդիպումը։ Այս մասին հայտնում են ՀՀ կառավարությունից։

Զրուցակիցները կարևորել են տարածաշրջանում կայունության և խաղաղության հաստատմանը միտված քայլերը։

Վարչապետ Փաշինյանը և նախագահ Էրդողանը շեշտել են կառուցողական մոտեցումների պահպանման անհրաժեշտությունը՝ փոխվստահության մթնոլորտի ձևավորման և տարածաշրջանային հաղորդակցությունների զարգացման նպատակով։

Կողմերը պայմանավորվել են շարունակել երկխոսությունը։

Այսօր՝ սեպտեմբերի 1-ին, ավտովթար է տեղի ունեցել Երևանում։ Ինչպես հայտնում է Shamshyan.com-ը, ժամը 09:30-ի սահմաններում Ազատության պողոտայում՝ Զովք սուպերմարկետի դիմաց, բախվել են Tesla-ն, Nissan-ը և Երևանի քաղաքապետարանի հաշվեկշռում հաշվառված թիվ 10 երթուղին սպասարկող «Հագեր» մակնիշի ավտոբուսը։ 

Ըստ նախնական տեղեկությունների, տուժածներ չկան։

Վթարի փաստով ՊԾ Երևան քաղաքի գնդի 3-րդ գումարտակում փաստաթղթեր են կազմվում որտեղ էլ պարզում են վարորդների ինքնությունը։

Ազգային ժողովի առողջապահության հարցերի մշտական հանձնաժողովի նիստում առողջապահության փոխնախարար Լենա Նանուշյանը ներկայացրեց Հայաստանի Հանրապետության և Ասիական զարգացման բանկի միջև նախատեսվող վարկային համաձայնագրի նախագիծը։

Նրա խոսքով՝ արդյունքահեն վարկային ծրագրի շրջանակում Հայաստանը կստանա 45.3 միլիոն եվրո, որի նպատակն է առողջապահության ոլորտում որակի բարելավումն ու ապահովումը։

Փոխնախարարի ներկայացմամբ՝ ծրագիրը ներառում է մի շարք ուղղություններ՝ առողջապահական ենթակառուցվածքների բարելավում, բժշկական ծառայությունների որակի գնահատում, հաշվետվողականության թվայնացում և ինստիտուցիոնալացում, բժշկական հաստատությունների լիցենզավորման և կարգավորման կատարելագործում, առողջապահության ոլորտի մարդկային կապիտալի զարգացում, հեռաբժշկության պիլոտային ծրագրերի իրականացում, էլեկտրոնային առողջապահության գործիքների կիրառման ընդլայնում։

Վարկի պայմանների համաձայն՝ գումարը տրամադրվում է 18 տարվա համար․ 7 տարվա արտոնյալ և 11 տարվա մարման ժամկետով։ Տոկոսադրույքը լողացող է, միջինում՝ 3.11%, հավելյալ պարտավորության վճար՝ տարեկան 0.15%։ Ծրագրի կատարման վերջնաժամկետը սահմանված է 2028 թվականի դեկտեմբերի 31-ը։

Նանուշյանը նշեց, որ մշակվել է յոթ ցուցանիշ, որոնք ամրագրված են տարեկան չափորոշիչներով: «Դրանց իրականացումից հետո միայն հնարավոր կլինի վարկային միջոցների մասնահանումը։ Ծրագրի պատասխանատուն է ծրագրերի իրականացման գրասենյակը, որը յուրաքանչյուր արդյունք պետք է վերիֆիկացնի և ներկայացնի Ասիական զարգացման բանկին»,- ասաց փոխնախարարը:

Հունահայ երգչուհի Աթենա Մանուկյանի անունն այս շրջանում բավական ակտիվորեն շրջանառվում է «Եվրատեսիլի» երկրպագուների կողմից։ Որոշ ֆան էջեր լուրեր են տարածում այն մասին, որ երգչուհին, գուցե, ներկայացնի Կիպրոսը «Եվրատեսիլ 2026»-ին։ 

Թեմայի շուրջ դեռևս պաշտոնական տեղեկություն չի հաստատվել։ Ինքը՝ Աթենան, ևս չի մեկնաբանում խոսակցությունները, թեև կիսվում է իրեն նշած էջերի հրապարակումներով։ 

Հավելենք, որ հունահայ երգչուհին դարձել էր «Դեպի Եվրատեսիլ 2020»-ի հաղթողը և ստացել հնարավորություն Հայաստանը ներկայացնելու այդ տարվա «Եվրատեսիլ»-ում, սակայն կորոնավիրուսի համավարակի պատճառով «Եվրատեսիլ 2020»-ը տեղի չունեցավ ավանդական ֆորմատով։  

Աթենան, այնուամենայնիվ, չհանձնվեց։ Երգչուհին իր ուժերը փորձեց նաև նախորդ տարվա «Դեպի Եվրատեսիլում»։ Թեև երգչուհին ֆավորիտների շարքում էր, հաղթող ճանաչվեց երգիչ Պարգը, որն էլ ստացավ «Եվրատեսիլ 2025»-ին Հայաստանը ներկայացնելու ուղեգիրը։ 

Ֆուտբոլի Հայաստանի ազգային հավաքականը սեպտեմբերի 1-ից սկսում է մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում՝ պատրաստվելով աշխարհի առաջնության ընտրական մրցաշարի առաջիկա հանդիպումներին։

Սեպտեմբերի 6-ին հավաքականը Վազգեն Սարգսյանի անվան «Հանրապետական» ստադիոնում կընդունի Պորտուգալիային։ Հանդիպման մեկնարկը՝ ժամը 20։00-ին։

Սեպտեմբերի 9-ին ազգային թիմը կրկին Վազգեն Սարգսյանի անվան «Հանրապետական» ստադիոնում կընդունի Իռլանդիային։ Հանդիպման մեկնարկը՝ ժամը 20։00-ին։

Թիմի նորանշանակ գլխավոր մարզիչ Եղիշե Մելիքյանը հավաքական է հրավիրել հետեւյալ ֆուտբոլիստներին․

Դարպասապահներ

Հենրի Ավագյան - «Փյունիկ»

Օգնյեն Չանչարևիչ - «Նոա»

Արսեն Բեգլարյան - «Ալաշկերտ»

Պաշտպաններ

Կամո Հովհաննիսյան - «Արարատ-Արմենիա» 

Ստյոպա Մկրտչյան - «Օսիեկ» (Խորվաթիա)

Էրիկ Փիլոյան - «Ուրարտու»

Էդգար Գրիգորյան - «Արարատ-Արմենիա»

Գեորգի Հարությունյան - «Պուշկաշ Ակադեմիա» (Հունգարիա)

Նաիր Թիկնիզյան - «Ցրվենա Զվեզդա» (Սերբիա)

Սերգեյ Մուրադյան - «Նոա»

Ալբերտ Խաչումյան - «Արարատ» 

Կիսապաշտպաններ

Ժիրայր Շաղոյան - «Արարատ-Արմենիա»

Նարեկ Աղասարյան - «Որարտու»

Գոռ Մանվելյան - «Նոա»

Վահան Բիչախչյան - «Լեգիա» (Վարշավա, Լեհաստան)

Էդուարդ Սպերցյան - «Կրասնոդար» (Ռուսաստան)

Արտակ Դաշյան - «Նոա»

Էդգար Սևիկյան - «Ֆերենցվարոշ» (Հունգարիա)

Հովհաննես Հարությունյան - «Նոա»

Արթուր Սերոբյան - «Արարատ-Արմենիա» 

Դանիել Աղբալյան - «Փյունիկ»

Ուգոչուկվու Քրիստուս Իվու - «Ռուբին» (Կազան, Ռուսաստան)

Կարեն Նալբանդյան - «Ալաշկերտ» 

Հարձակվողներ

Լուկաս Սելարայան - «Ատլետիկո Բելգրանո» (Արգենտինա)

Հրանտ-Լեոն Ռանոս - «Բորուսիա Մյունխենգլադբախ» (Գերմանիա)

Նորբերտո Բրիասկո Բալեկյան - «Խիմնասիա Լա Պլատա» (Արգենտինա)

Տիգրան Բարսեղյան - «Սլովան» (Բրատիսլավա, Սլովակիա)

«Ֆարուլի» կիսապաշտպան Նարեկ Գրիգորյանը չի միանա հավաքականին վնասվածքի պատճառով։

Ազգային հավաքականի մարզչական շտաբը․

Եղիշե Մելիքյան - Հայաստանի ազգային հավաքականի գլխավոր մարզիչ։

Ստեփան Դեմիրճյան - Հայաստանի ազգային հավաքականի դարպասապահների մարզիչ։

Աղվան Այվազյան -  Հայաստանի ազգային հավաքականի  գլխավոր մարզիչի օգնական։

Ռոման Մոնարյով -  Հայաստանի ազգային հավաքականի գլխավոր մարզիչի օգնական։

Խավիեր Մինյանո - Հայաստանի ազգային հավաքականի ֆիզպատրաստության մարզիչ։

Ռուսաստանի Անվտանգության խորհրդի փոխնախագահ Դմիտրի Մեդվեդևը կարծում է, որ ԱՄՆ նախագահ Դոնալդ Թրամփի լավ առողջությունը և Ռուսաստանի առաջխաղացումը վատ նորություններ են Գերմանիայի կանցլեր Ֆրիդրիխ Մերցի և Ֆրանսիայի նախագահ Էմանուել Մակրոնի համար։

«Եվ երկու վատ նորություն երկվորյակ եղբայրների համար. 1. Թրամփը ողջ է։ 2. Ռուսաստանն առաջ է շարժվում», - գրել է նա X սոցիալական ցանցում։

Ավելի վաղ սոցիալական ցանցերում սկսել էին լուրեր շրջանառվել ԱՄՆ նախագահի մահվան մասին, իսկ Newsweek պարբերականը նույնիսկ հոդված էր հրապարակել, որում հայտնել էր, որ Թրամփը իր մահվան մասին լուրերից հետո թոռնուհու հետ գոլֆ խաղալու է գնացել։