«Զանգեզուրի միջանցքն» առաջիկայում կդառնա Միջին միջանցքի, ինչպես նաև Հյուսիս-Հարավ միջանցքի ևս մեկ կարևոր հատված, որը կամրապնդի խաղաղությունը, բազմակողմ գործընկերությունը: 

Այս մասին Շանհայի համագործակցության կազմակերպության գագաթնաժողովում հայտարարել է Ադրբեջանի նախագահ Իլհամ Ալիևը:

Ալիևը նշել է, որ «Զանգեզուրի միջանցքը» օգուտ կբերի Ադրբեջանի բոլոր մերձավոր և հեռավոր հարևաններին՝ երկրի սահմաններից արևելք, արևմուտք, հյուսիս և հարավ: 

«Ադրբեջանին և Չինաստանին կապում են ջերմ, բարեկամական հարաբերությունները և համապարփակ ռազմավարական գործընկերությունը: Այս հարաբերությունների խորացումը Ադրբեջանի արտաքին քաղաքականության կարևոր ուղղություններից մեկն է», - նշել է Ալիևը:

Ասում ենք՝ չունենք Ադրբեջանի հետ տարածքային պահանջներ, բայց մեր Սահմանադրության մեջ գրած է՝ ունենք, հիմի չպիտի՞ Սահմանադրությունը բերենք այն տեքստին, որ համապատասխանի իրականությանը: Այս մասին 24News-ի հետ զրույցում հայտարարել է ՔՊ-ական պատգամավոր Գագիկ Մելքոնյանը: 

Մելքոնյանը նշել է, որ իրենք դեռ 2018 թվականից են ուզել սահմանադրական փոփոխություններ անել, սակայն 2018-ից հետո եկավ պատերազմ, հետո մեր սահմաններ մտնելը, էսկալացիա ու տարբեր բաներ տեղի ունեցան, այդ ընթացքում էլ էր հանձնաժողովն աշխատում Սահմանադրությունը փոխելու համար:

Ինչը, ըստ նրա, վկայում է այն մասին, որ դա Ալիևի պահանջով չէ: 

Դիտարկմանը՝ երբեք Փաշինյանը չի ասել, որ Սահմանադրությունից Անկախության հռչակագիրը պետք է հանել, դա եղել է Ալիևի պահանջից հետո, Մելքոնյանն ասաց. «Եթե մենք պետության հետ պայմանավորվում ենք, որ տարածքային պահանջներ չունենք, բայց մեր Սահմանադրությամբ ունենք տարածքային պահանջներ, ինչպե՞ս եք նայում այդ հարցին: Ասում ենք՝ չկան այդպիսի պահանջներ, բայց Սահմանադրության մեջ նշված է, որ իրոք կան այդ պահանջները, հիմի չպիտի՞ Սահմանսդրությունը բերենք այն տեքստի, որ համապատասխանի իրականությանը: Պե՞տք է անենք, թե՝ չանենք դա»:

Սեպտեմբերին օդի ամսական միջին ջերմաստիճանը հանրապետության ողջ տարածքում կանխատեսվում է նորմայից բարձր 1-2 աստիճանով, տեղումների քանակը՝ նորմային մոտ։ Այս մասին հայտնում են «Հիդրոօդերևութաբանության և մոնիթորինգի կենտրոն»-ից: 

Սեպտեմբերի 6-ին կայանալիք Հայաստան-Պորտուգալիա ֆուտբոլային խաղի տոմսերն, ըստ տեղեկությունների, վերավաճառվում են մի քանի անգամ ավելի թանկ: Այս մասին հայտնում են ՀՀ ՆԳՆ ոստիկանությունից: 

Վերավաճառողները կարող են 1 տոմսը վաճառել մի քանի հոգու, իսկ մարզադաշտ մուտք կգործի միայն այն անձը, ով առաջինը կակտիվացնի QR կոդը։

Համացանցում և սոցիալական կայքերում հնարավոր է նաև հանդիպել օգտատերերի և կայքերի, որոնք վաճառում են ոչ իրական QR կոդեր: 

Հարգելի՛ քաղաքացիներ, հնարավոր խարդախության զոհ չդառնալու համար նշենք, որ ըստ Հայաստանի ֆուտբոլի ֆեդերացիայի՝ Հայաստան-Պորտուգալիա ֆուտբոլային հանդիպման տոմսերի QR կոդերն ակտիվանալու են միայն հանդիպման օրը՝ սեպտեմբերի 6-ին, ժամը 09:00-ին, հետևաբար մինչ այդ ցանկացած QR կոդ, որը ցույց կտան կամ կվաճառեն, կեղծ է։

«Սփյուռք» հասկացությունը վերացվել է, քանի որ այն «սպառել է իրեն»։ Այս մասին 66.RU-ին հայտնել է Ուրալի ադրբեջանական մշակույթի, երիտասարդության և սպորտի կենտրոնի ղեկավար Վիդադի Մուստաֆաևը։ Նա փաստացի զբաղեցրել է իր վաղեմի հակառակորդ Շահին Շիխլինսկու պաշտոնը, որը ձերբակալվել էր սպանության փորձի համար։

«Սփյուռքի ղեկավարի պաշտոնում Շահին Շիխլինսկիի գործունեությունը լիովին ձախողված էր, այն նվիրված չէր ո՛չ բիզնեսին, ո՛չ էլ մշակույթին։ Նա բոլոր արտոնությունները դրել է իր գրպանը»,- ասել է Մուստաֆաևը։

Շահին Շիխլինսկին և Վիդադի Մուստաֆաևը երկար ժամանակ կոնֆլիկտի մեջ են եղել։ Վիդադի Մուստաֆաևի խոսքով՝ իր նախորդը պատշաճ ուշադրություն չի դարձրել Ուրալում ադրբեջանցիների խնդիրներին և ուշադրություն չի դարձրել աղմկահարույց կոնֆլիկտներին։

Քիչ առաջ հայտնի դարձավ, որ Ազգային անվտանգության ծառայությունում լուրջ կադրային տեղաշարժեր են տեղի ունենում։

ArmLur.am-ի աղբյուրների փոխանցմամբ՝ ԱԱԾ երկու գեներալներից մեկին՝ Հակակոռուպցիոն վարչության պետին, առաջարկվել է ստանձնել Երևանի վարչության պետի պաշտոնը, սակայն նա հրաժարվել է այդ առաջարկից և դուրս եկել ԱԱԾ-ից։

Նույն աղբյուրների փոխանցմամբ՝ ԱԱԾ Հակահետախուզության վարչության պետը հեռացվել է զբաղեցրած պաշտոնից։ Ըստ մեզ հասած տեղեկությունների՝ նրան այդ պաշտոնում կփոխարինի ԱԱԾ նախկին տնօրեն Արմեն Աբազյանի պաշտոնավարման ընթացքում ազատված նույն վարչության մեկ այլ բարձրաստիճան աշխատակից։

Սեպտեմբերի 2-ին Հայաստանում սպասվում է առանց տեղումների եղանակ։ Հարավարևմտյան քամի՝ 2-5 մ/վրկ։ Օդի ջերմաստիճանը մի փոքր էլ կբարձրանա, սակայն չորեքշաբթի և հինգշաբթի օրերին այն աստիճանաբար կնվազի 5-8 աստիճանով։ Ինչպես հայտնեցին Հայպետհիդրոմետից, Երևանում սպասվում է առանց տեղումների եղանակ։ Հաջորդ գիշերը մայրաքաղաքում կլինի +20+22, վաղը ցերեկը՝ +36+38։ 

Օդի ջերմաստիճանը մարզերում՝

Շիրակ՝ գիշերը՝ +10+15, ցերեկը՝ +30+35,

Կոտայքի լեռներ՝ գիշերը՝ +10+14, ցերեկը՝ +30+34,

Կոտայքի նախալեռներ՝ գիշերը՝ +18+20, ցերեկը՝ +33+35,

Սևանա լճի ավազան՝ գիշերը՝ +10+15, ցերեկը՝ +27+32,

Լոռի՝ գիշերը՝ +10+15, ցերեկը՝ +29+33,

Տավուշ՝ գիշերը՝ +17+21, ցերեկը՝ +34+37,

Արագածոտնի լեռներ՝ գիշերը՝ +9+14, ցերեկը՝ +29+33,

Արագածոտնի նախալեռներ՝ գիշերը՝ +17+21, ցերեկը՝ +32+37,

Արարարատ՝ գիշերը՝ +19+22, ցերեկը՝ +36+38,

Արմավիր՝ գիշերը՝ +17+21, ցերեկը՝ +36+38,

Վայոց ձորի լեռներ՝ գիշերը՝ +10+13, ցերեկը՝ +30+33,

Վայոց ձորի նախալեռներ՝ գիշերը՝ +18+21, ցերեկը՝ +36+38,

Սյունիքի հովիտներ՝ գիշերը՝ +17+22, ցերեկը՝ +36+38,

Սյունիքի նախալեռներ՝ գիշերը՝ +9+14, ցերեկը՝ +30+33:

Եմենի հուսիները հայտարարել են, որ հրթիռային հարված են հասցրել իսրայելական նավթային լցանավին:

«Մենք բալիստիկ հրթիռով ուղիղ հարված ենք հասցրել Կարմիր ծովի հյուսիսում գտնվող իսրայելական նավթատար լցանավին», - ասվում է հայտարարության մեջ, հաղորդում է Mehr-ը։ 

Նշվում է, որ օգոստոսի 28-ին Կապան քաղաքի մի բնակիչ ոստիկանություն է զանգահարել և հայտնել, որ Հունան Ավետիսյան փողոցի շենքերից մեկի բնակարանում հայտնաբերել է 49-ամյա մորեղբոր դիակը՝ արնաշաղախ և գլուխը վնասված վիճակում։

Սպանության հատկանիշներով քրեական վարույթ է նախաձեռնվել: Պարզվել է, որ սպանությունը տեղի է ունեցել նախօրեին՝ օգոստոսի 27-ին։ Ժամը 20․30-ի սահմաններում 49-ամյա տղամարդն ու 42-ամյա համաքաղաքացին վիճաբանել են, որի ընթացքում էլ վերջինս մուրճով մի քանի անգամ հարվածել է 49-ամյա տանտիրոջ գլխին, ապա խառնել է տան իրերը՝ գողության տպավորություն ստեղծելով։

42-ամյա տղամարդն օգոստոսի 29-ին հայտնաբերվել ու ձերբակալվել է, նա տվել է խոստովանական ցուցմունք։

Հանցագործության գործիք մուրճը հայտնաբերվել է։