ԱՄՆ-ի, Ռուսաստանի և Չինաստանի միջև սպառազինությունների նոր մրցավազքն արդեն սկսվել է։ Այս մասին հայտնում է The Wall Street Journal թերթը։

Պարբերականի նյութում նշվում է, որ Մոսկվայի և Պեկինի միջև սերտացող կապն արդեն ռազմավարական անորոշության աննախադեպ մակարդակ է ստեղծել ԱՄՆ-ի և նրա եվրոպական ու ասիական դաշնակիցների համար:

«Այժմ մենք շարժվում ենք դեպի միջուկային զինանոցների ավելացում, այլ ոչ թե դրանց կրճատում», - հայտարարել է Պենտագոնի նախկին աշխատակից Մեթյու Քրենիգը: Նրա խոսքով՝ սկսվում է նոր «միջուկային դարաշրջան», որն ավելի շատ նման կլինի Սառը պատերազմի, քան 1990-2000-ական թվականներին: