Հակակոռուպցիոն դատարանը բավարարեց քննիչի միջնորդությունը և Մարտուն Գրիգորյանի հոր, որդու և նրա երկու թիմակիցների նկատմամբ կիրառեց վարչական հսկողողություն խափանման միջոցը։

Այս մասին լրագրողներին հայտնեց փաստաբան Արսեն Բաբայանը։ Նրանց արգելվել է երեկոյան ժամը 20։00-ից առավոտյան 8-ը լքել բնակության վայրը, շփվել սույն վարույթով անցնող այլ անձանց հետ․ «Դատարանը հստակեցրեց, որ այլ անձ ասելով նկատի ունեն այս վարույթի հետ կապ ունեցող անձանց։

Սակայն պարզ չի, թե ում հետ կարող է շփվել, քանի որ, գաղտնիությունից ելնելով, չգիտենք՝ ով կապ ունի վարույթի հետ։ Հսկողությունը անժամկետ է, մինչև նախաքննության ավարտը։ Փաստացի տնային կալանք են կիրառել՝ զբոսանքի թույլտվությամբ»,- ասաց Բաբայանը

Հիշեցնենք՝ Մարտուն Գրիգորյանի որդին, հայրը և երկու թիմակիցը մեղադրվում են մեղադրվում են քարոզչության ընթացքում բարեգործության կանոնները խախտելու հոդվածով։ Նրանք Գյումրիում որոշ փողոցներ են խճապատել, օնչն ընկալվել է որպես ընտրակաշառք։