Հայ Առաքելական եկեղեցին այսօր տոնում է Ս. Գրիգոր Լուսավորչի նշխարների գյուտի օրը
Ս. Գրիգոր Լուսավորչի նշխարների գյուտը հայոց մեծագույն սրբերից մեկի հիշատակին նվիրված երեք տոներից մեկն է, գրում է qahana.am-ը։
Ըստ ավանդության՝ հայոց մեծ դարձից հետո Ս. Գրիգոր Լուսավորիչն իր կյանքի վերջին տարիներն ավարտում է ճգնակեցությամբ՝ Սեպուհ լեռան Մանեի այրում, որտեղ էլ վախճանվում է 326 թվականին:
Նրա մարմինը գտնում են հովիվները, որոնք, չճանաչելով մահացած կաթողիկոսին, մարմինը ծածկում են քարակույտի տակ:
Հետագայում Ս. Գրիգոր Լուսավորիչը տեսիլքով հայտնում է իր նշխարների տեղն աշակերտներից Գառնիկ Բասենցուն, որից հետո Հայրապետի նշխարները տեղափոխվում և ամփոփվում են Դարանաղի գավառի Թորդան գյուղում:
Ս. Գրիգոր Լուսավորչի նշխարները բոլոր քրիստոնեական եկեղեցիների ամենամեծ սրբություններից են: Հայոց Հայրապետի նշխարները գտնվելուց հետո նրանցից մի մասն իբրև սրբազան մասունք տարվել է Վաղարշապատ, Բյուզանդիա, Իտալիա:
Մայր Աթոռ Ս. Էջմիածնում պահվող Լուսավորչի Ս. Աջը Հայ եկեղեցու կարևորագույն սրբություններից մեկն է, որով օրհնվում է սրբազան մյուռոնը:
Ս. Գրիգոր Լուսավորչի նշխարների գյուտի տոնը նշվում է Հոգեգալստից հետո, չորրորդ շաբաթ օրը: Տոնի օրը եկեղեցիներում մատուցվում է Ս. Պատարագ: Տոնի առիթով Հայ եկեղեցին սահմանել է շաբաթապահք: Տոնն ունի նաև իր նախատոնակը:
Latest from ArmNews
- Ռուբիոն Իրաքի վարչապետի հետ զրույցում ողջունել է Թուրքիա-Իրաք խողովակաշարով նավթի արտահանման վերսկսումը
- Հայաստանի համար տարանցիկ սահմանափակումների վերացումը կօգնի վերականգնել վստահությունը. Ադրբեջանի վարչապետ
- Եվրոպական երկրները Ուկրաինայի հետ հրադադարի նոր առաջարկ են մշակում
- Վաղարշապատում մեկնարկել է ավագանու ընտրությունների նախընտրական քարոզարշավը
- Լուվրից գողացված թանկարժեք զարդերը գնահատել են 88 միլիոն եվրո
- Թրամփը հայտարարել է, որ Պուտինի հետ Բուդապեշտում հանդիպման մասին կհայտնի երկու օրից
- Լուվրի տնօրենը կողոպուտից հետո հրաժարական է տվել, սակայն այն մերժվել է
- Պատրաստ ենք հենց այսօրվանից ՀՀ-ի տարածքով ապահովել բեռնատար ավտոմեքենաների տարանցումը Թուրքիայից դեպի Ադրբեջան․ Փաշինյան
Լրահոս
Ֆոտո
