Կոչ եմ անում չդառնալ մեր երկրում հակաժողովրդավարական գործընթացների եվրոպական հովանավորներ
Հոկտեմբերի 14, 2025

Կոչ եմ անում չդառնալ մեր երկրում հակաժողովրդավարական գործընթացների եվրոպական հովանավորներ

By Հոկտեմբերի 01, 2025 17

ԼՀԿ առաջնորդ Էդմոն Մարուքյանը քաղբանտարկյալներ Սամվել Կարապետյանի և Միքայել սրբազանի հետապնդման վերաբերյալ նամակով դիմել է Եվրոպայի խորհրդի Խորհրդարանական վեհաժողովի Մոնիթորինգի հանձնաժողովում Հայաստանի պարտավորությունների հարցով համազեկուցողներ Բորիանա Աբերգին և Պիերո Ֆասսինոյին, ինչպես նաև ԵԽ Մարդու իրավունքների հանձնակատար Մայքլ Օ’Ֆլահերթին։

Հարգելի գործընկերներ,

Հաշվի առնելով, որ ես նույնպես ընդգրկված եմ եղել ԵԽԽՎ Մոնիթորինգի հանձնաժողովում և մենք համատեղ ծավալել ենք արդյունավետ գործունեություն Եվրոպայի խորհրդի չափանիշները պաշտպանելու և առաջ մղելու գործում, դիմում եմ ձեզ որպես Եվրոպայի ազատականների և ժողովրդավարների դաշինքի (ALDE) անդամ ուժի՝ Լուսավոր Հայաստան կուսակցության առաջնորդ, նախկին գործընկեր և իրավապաշտպան։

Տեղյակ եմ, որ երեկ հանդիպել եք Հայաստանի Հանրապետության վարչապետ Նիկոլ Փաշինյանի հետ։ Ուստի ցանկանում եմ ներկայացնել Հայաստանում տիրող իրավիճակը, քանի որ վստահ չեմ, որ այդ հարցերը բարձրաձայնվել են նրա կողմից։

2025թ. հունիսի 17-ից ապօրինի կալանավորված է բարերար Սամվել Կարապետյանը՝ միայն հարցազրույց տալու համար։ Նրա հարցազրույցը միտված էր Հայ Առաքելական Սուրբ Եկեղեցու պաշտպանությանը, և հենց այդ պատճառով նա այժմ պահվում է նախկին Հայկական ԽՍՀ Պետական անվտանգության կոմիտեի նկուղում (հայ ժողովրդին առավել հայտնի՝ որպես ԿԳԲ-ի «պոդվալ»)։ Սամվել Կարապետյանի փաստաբանների բոլոր բողոքները ընդդեմ ապօրինի կալանքի մերժվել են վերադաս դատարանների կողմից, իսկ միջնորդությունները նրա կալանքը որևէ այլընտրանքային խափանման միջոցով փոխելու վերաբերյալ նույնպես մերժվել են։ Օգոստոսի 15-ին Սամվել Կարապետյանի կալանքի ժամկետը նույն ապօրինի մեղադրանքի հիմքով ևս երկու ամսով երկարացվել է։

Հունիսի 28-ից նույն կալանավայրում է նաև Հայ Առաքելական Սուրբ Եկեղեցու Շիրակի թեմի առաջնորդ Միքայել արքեպիսկոպոս Աջապահյանը՝ կրկին հարցազրույց տալու համար։ Հարկ եմ համարում ընդգծել, որ Միքայել սրբազանը վարչապետի իմպիչմենթի գործընթացի շրջանակում խորհրդարանական ընդդիմության միասնական վարչապետի թեկնածուն է և ունի 36 պատգամավորի ստորագրություն։ Միքայել սրբազանի փաստաբանների բոլոր բողոքները ընդդեմ ապօրինի կալանքի, ինչպես նաև դատաքննության ընթացքում ներկայացված միջնորդությունները ևս մերժվել են։

Սույն թվականի սեպտեմբերի 29-ին դատարանը Աջապահյանին մեղավոր է ճանաչել հարցազրույց տալու համար, որը փորձ է արվել տեղավորել ՀՀ Քրեական օրենսգրքի 422-րդ հոդվածի 2-րդ մասի ձևակերպումների մեջ։ Հանրային մեղադրողը միջնորդել է դատարանին որպես պատիժ կիրառել 2 տարի 6 ամիս ազատազրկում։ Հոկտեմբերի 3-ին դատարանը պետք է հրապարակի Միքայել սրբազանի նկատմամբ նշանակվող պատժի չափը։

Ի՞նչ է սա, եթե ոչ ազատ խոսքի համար քաղաքական հետապնդում և խոսքի ազատության կոպտագույն սահմանափակում։ Ի՞նչ է սա, եթե ոչ Եվրոպայի խորհրդի երեք հիմնարար արժեքների խախտում՝ մարդու իրավունքների, ժողովրդավարության և իրավունքի գերակայության։

Հարգարժան գործընկերներ,

ձեր ուշադրությունն եմ հրավիրում Հայաստանում տիրող իրավիճակի վրա և կոչ եմ անում չդառնալ մեր երկրում հակաժողովրդավարական գործընթացների եվրոպական հովանավորներ։ Տեղի ունեցող զարգացումները կոպտորեն ոտնահարում են Մարդու իրավունքների և հիմնարար ազատությունների եվրոպական կոնվենցիան և չեն համապատասխանում Եվրոպայի խորհրդի հիմնադիր փաստաթղթերին, մարդու իրավունքների, ժողովրդավարության և իրավունքի գերակայության սկզբունքներին, ինչպես նաև Հայաստանի Հանրապետության ստանձնած միջազգային պարտավորություններին։

Խնդրում եմ պահանջել Հայաստանի Հանրապետության վարչապետից՝ անհապաղ դադարեցնել այս ապօրինի քրեական հետապնդումները և ազատ արձակել բարերար Սամվել Կարապետյանին ու Հայ Առաքելական Սուրբ Եկեղեցու Շիրակի թեմի առաջնորդ Միքայել արքեպիսկոպոս Աջապահյանին։

Լիահույս եմ, որ այս նամակից զատ մոտ ապագայում հնարավորություն կունենանք հանդիպել Ստրասբուրգում, որտեղ ավելի մանրամասն կներկայացնեմ այս քաղաքական հետապնդումների փաստերը և Հայաստանի Հանրապետության ետընթացի այլ դրսևորումները ժողովրդավարության հիմնարար չափանիշների տեսանկյունից։

Հարգանքով,
ԼՀԿ նախագահ
Էդմոն Մարուքյան

Rate this item
(0 votes)

Լրահոս

Ֆոտո

Ողջունում ենք ԵԱՀԿ Մինսկի խումբը լուծարելու` Հայաստան-Ադրբեջան համատեղ դիմումը. ԵԱՀԿ գործող նախագահ (տեսանյութ)

Արամուսում ամուսինների սպանության մեջ կասկածվողը ժամեր անց ևս 2 մարդու է սպանել Զովաշենի դաշտամիջյան հատվածում

ԿԳՄՍ ու Ժաննան ինձնից պահանջում են 5 մլն դրամ` զրպարտության և ինչ որ պատիվներ արատավորելու համար. Հայկ Դեմոյան

Պենտագոնին մեղադրել են խոսքի ազատությունը սահմանափակելու փորձի մեջ

Եգիպտոսում Թրամփը երկար ժամանակ սեղմել է Մակրոնի ձեռքը

Թուրքիան թույլ չի տվել Նեթանյահուին մասնակցել Գազայի գագաթնաժողովին․ Hürriyet

ԱԳՆ-ում կայացել է Արարատ Միրզոյանի և ԵԱՀԿ գործող նախագահ Էլինա Վալտոնենի առանձնազրույցը

Ռուբլին և դոլարը թանկացել են.  փոխարժեքը հոկտեմբերի 14-ին

Մեծ Բրիտանիան ամբողջությամբ վերացնում է Ադրբեջանի և Հայաստանի նկատմամբ զենքի էմբարգոն

Թրամփը կմեկնի Մալայզիա՝ Թաիլանդի և Կամբոջայի միջև խաղաղության պայմանագիր ստորագրելու համար

ԱԱ-2026․ 22 երկիր արդեն ունի եզրափակիչ մրցաշարի ուղեգիր

Որոշում եմ կայացրել դուրս գալ «Քաղաքացիական պայմանագիր» կուսակցությունից․ Շենգավիթի նախկին թաղապետ

Շենգավիթի նախկին թաղապետի խափանման միջոցը մեղմացրին

Պոլսի Հայոց պատրիարքը լավատես է հայ-թուրքական հարաբերությունների կարգավորման հարցում

Ինդոնեզիայի մայրաքաղաքի քաղաքապետը խոստացել է արգելել շան և կատվի մսի վաճառքը