Եվրահանձնաժողովի ղեկավարը հայտարարել է Պաղեստինի համար դոնորների խումբ ստեղծելու պլանի մասին
Եվրահանձնաժողովի նախագահ Ուրսուլա ֆոն դեր Լայենը հայտարարել է Պաղեստինին և Գազայի վերակառուցմանն աջակցելու համար դոնորների խումբ ստեղծելու մտադրության մասին։
«Քանի որ պաղեստինյան վարչակազմի գոյատևումը բախտախաղի է դրված, մենք բոլորս պետք է ավելին անենք։ Հենց այդ պատճառով մենք կստեղծենք Պաղեստինի համար դոնորների խումբ։ Ցանկացած ապագա պաղեստինյան պետություն պետք է կենսունակ լինի նաև տնտեսական տեսակետից»,-ասել է ֆոն դեր Լայենը՝ Նյու Յորքում հանդես գալով պաղեստինյան հարցի խաղաղ կարգավորման և երկու պետությունների մասին որոշման իրականացմանը նվիրված միջազգային խորհրդաժողովում։
Նրա խոսքով՝ Եվրամիությունը Գազայի հատվածում պատերազմի սկզբից ի վեր աննախադեպ օգնություն է ցուցաբերել պաղեստինյան վարչակազմին՝ հատկացնելով 1,6 միլիարդ եվրոյի փաթեթ, սակայն հիմա դա բավարար չէ։
«Մենք՝ եվրոպացիներս, հատուկ գործիքակազմ կստեղծենք Գազայի վերակառուցման համար՝ համակարգելով ջանքերը այլ դոնորների հետ։ Գազան պետք է վերականգնվի։ Պաղեստինյան տնտեսությունը պետք է վերածնվի։ Եվ ես ձեզ բոլորիդ հրավիրում եմ միանալ այս նպատակին հասնելու ջանքերին», – հայտարարել է Եվրահանձնաժողովի ղեկավարը
Latest from ArmNews
- Ինչպես «գեյ» ոչխարները «նվաճեցին» Նյու Յորքի նորաձևության ցուցադրությունը
- ՌԴ-ում աշխատող ռուսաստանցիների և ԵԱՏՄ քաղաքացիների եկամտահարկը կհավասարեցվի
- Սուպերհամակարգիչը թարմացրել է Չեմպիոնների լիգան հաղթելու ամենաբարձր շանսեր ունեցող թիմերի վարկանիշը
- Վիզայի տրամադրումից հետո վիզայի հետ կապված ստուգումները չեն դադարում. ԱՄՆ դեսպանատուն
- ԱՄՆ դեսպանատունը զգուշացնում է վիզա ստացած քաղաքացիներին
- Թբիլիսիում լայնածավալ բողոքի ակցիա է ընթանում
- Թուրքիան նոր կամիկաձե ԱԹՍ-ներ է արտադրել
- Ուկրաինայի վարչապետ Յուլիա Սվիրիդենկոն կարող է զբաղեցնել Երմակի պաշտոնը
Լրահոս
Ֆոտո
