Հայաստանը իրանական կողմին վստահեցրել է, որ տեղյակ է Թեհրանի «կարմիր գծերի» մասին։ Երևանում Իրանի կառավարական լրագրողների հետ հարցազրույցում այս մասին ասել է Իրանի արտգործնախարար Աբբաս Արաղչին։

«Մենք շատ լուրջ բանակցություններ ենք անցկացրել։ Քննարկել ենք երկու երկրների միջև տնտեսական համագործակցությունը՝ առևտուր, ներդրումներ, տեխնիկական և ինժեներական նախագծերի իրականացում», - ասել է նա։

Նրա խոսքով՝ անդրադարձել են նաև տարանցիկ փոխադրումների և երթուղիների թեմաներին, իսկ Վաշինգտոնում կայացած եռակողմ գագաթնաժողովի արդյունքներն առանձին են քննարկվել։

«Երևանը անհրաժեշտ երաշխիքներ տվեց, որ տեղյակ է Իրանի «կարմիր գծերի» մասին, և վստահեցրեց, որ միշտ հաշվի կառնի դրանք։ Հայաստանը երբեք թույլ չի տա, որ իր տարածքից որևէ սպառնալիք լինի Իրանին», - ասել է Արաղչին։

Հիշեցնենք` ՀՀ վարչապետ Նիկոլ Փաշինյանն ու Ադրբեջանի նախագահ Իլհամ Ալիևը օգոստոսի 8-ին Վաշինգտոնում ստորագրեցին 7 կետից բաղկացած համատեղ հռչակագիր, որով նախատեսվում է Հայաստանի հարավային հատվածով (Սյունիքի մարզ) ռազմավարական տարանցիկ ճանապարհ ստեղծել, որը կկոչվի «Թրամփի ուղի» (TRIPP) և Ադրբեջանին առևտրային հասանելիություն կապահովի դեպի Նախիջևան: ԱՄՆ–ն ճանապարհը վարձակալում է 99 տարով` ևս 99 տարով երկարաձգելու հնարավորությամբ։

Հայաստանի և Ադրբեջանի արտգործնախարարներ Արարատ Միրզոյանն ու Ջեյհուն Բայրամովն էլ Հայաստանի, Ադրբեջանի և ԱՄՆ ղեկավարների ներկայությամբ նախաստորագրեցին «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագիրը։

Եվրամիությունը սկսել է շանտաժի ենթարկել Վրաստանին այն բանից հետո, երբ 2022 թվականին նա հրաժարվել է միանալ Ռուսաստանի դեմ ռազմական հակամարտությանը: Այս մասին  հայտարարել է Վրաստանի Հանրապետության վարչապետ Իրակլի Կոբախիձեն, փոխանցում է ՌԻԱ «Նովոստին»:

«2022 թվականին մենք հրաժարվեցինք պատերազմի մեջ մտնել, և դրանից հետո սկսվեց բացարձակապես աննախադեպ շանտաժ։ Սկզբում մեզ թեկնածուի կարգավիճակ չտրվեց առանց որևէ հիմքի, և դրանից հետո բազմիցս ճանաչվեց, որ Վրաստանը առաջատարն էր բոլոր թեկնածու երկրների շարքում»,-լրագրողներին ասել  է Կոբախիձեն:

Ավելի վաղ նա բազմիցս հայտնել էր, որ Եվրամիության երկրները և ուկրաինացի պաշտոնյաները Վրաստանին կոչ են արել 2022 թվականին Ռուսաստանի դեմ «երկրորդ ճակատ» բացել։

Եվրամիությունը սկսել է շանտաժի ենթարկել Վրաստանին այն բանից հետո, երբ 2022 թվականին նա հրաժարվել է միանալ Ռուսաստանի դեմ ռազմական հակամարտությանը: Այս մասին  հայտարարել է Վրաստանի Հանրապետության վարչապետ Իրակլի Կոբախիձեն, փոխանցում է ՌԻԱ «Նովոստին»:

«2022 թվականին մենք հրաժարվեցինք պատերազմի մեջ մտնել, և դրանից հետո սկսվեց բացարձակապես աննախադեպ շանտաժ։ Սկզբում մեզ թեկնածուի կարգավիճակ չտրվեց առանց որևէ հիմքի, և դրանից հետո բազմիցս ճանաչվեց, որ Վրաստանը առաջատարն էր բոլոր թեկնածու երկրների շարքում»,-լրագրողներին ասել  է Կոբախիձեն:

Ավելի վաղ նա բազմիցս հայտնել էր, որ Եվրամիության երկրները և ուկրաինացի պաշտոնյաները Վրաստանին կոչ են արել 2022 թվականին Ռուսաստանի դեմ «երկրորդ ճակատ» բացել։

Ամերիկյան զենքի մատակարարումներն Ուկրաինային կշարունակվեն, դրանց համար կվճարեն ՆԱՏՕ-ի եվրոպական գործընկերները: Այդ մասին հայտարարել է ՆԱՏՕ-ի գլխավոր քարտուղար Մարկ Ռյուտեն Fox News հեռուստաընկերությանը տված հարցազրույցում:

«Լավ լուրն այն է, որ նախագահ Թրամփն իմ միջոցով ՆԱՏՕ-ի եվրոպացի գործընկերների հետ համաձայնության է եկել, որ Եվրոպայում ՆԱՏՕ-ի գործընկերները վճարեն ամերիկյան զենքի մատակարարման համար: Դա լավ նորություն է ամերիկյան միջին դասի, ինչպես նաև Ուկրաինայի համար, որովհետև դա նշանակում է, որ ԱՄՆ-ից Ուկրաինա մահացու զենքի հոսքը կշարունակվի», – ասել է Ռյուտեն:

Խոսելով նաև ՆԱՏՕ-ին Ուկրաինայի անդամակցության մասին՝   Ռյուտեն նշել է, որ Ուկրաինայի համար գոյություն ունի  դաշինքին անդամակցելու անշրջելի ուղի, սակայն այս պահին այդ հարցը օրակարգում դրված չէ: 

«Իրավիճակն այսպիսին է. ԱՄՆ-ն և որոշ այլ երկրներ հայտարարել են, որ իրենք դեմ են ՆԱՏՕ-ին Ուկրաինայի անդամակցությանը: ՆԱՏՕ-ի պաշտոնական դիրքորոշումը, որն  ընդունվել է 2024 թվականի գագաթնաժողովում, այն է, որ Ուկրաինայի համար գոյություն ունի ՆԱՏՕ տանող անշրջելի ուղի, բայց մենք այստեղ չենք քննարկում ՆԱՏՕ-ին անդամակցությունը, մենք քննարկում ենք 5-րդ հոդվածի նման անվտանգության երաշխիքներ Ուկրաինայի համար», – ասել է Ռյուտեն՝ 5-րդ հոդված ասելով նկատի ունենալով այն, որ մեկ երկրի վրա հարձակումը նշանակում է հարձակում Դաշինքի մյուս երկրների վրա:

Երևանում ՀՀ և Իրանի ԱԳ նախարարներ Արարատ Միրզոյանն ու Աբբաս Արաղչին հանդիպում են ունեցել, քննարկվել են ռազմավարական նշանակության հարցեր: Այս մասին տեղեկանում ենք Իրանի ԱԳ նախարարի թելեգրամյան ալիքից:

Նշենք, որ Իրանի նախագահի այցի շրջանակներում ՀՀ ԱԳ նախարար Արարատ Միրզոյանը և Իրանի ԱԳ նախարար Սեյեդ Աբբաս Արաղչին ստորագրել են երկու երկրների ԱԳՆ-ների միջև քաղաքական խորհրդակցությունների մասին հուշագիր՝ նախատեսված 2025-2027 թթ․ համար։

Գնահատման և թեստավորման կենտրոնը (ԳԹԿ) հաստատել է 9-րդ և 12-րդ դասարանների ավարտական և պետական ավարտական քննությունների վերաքննությունների օրերը։

Վերաքննություններն անցկացվելու են հետևյալ ժամանակացույցով․

Օգոստոսի 21

9-րդ դասարան՝ «Հայոց լեզու»,

• 12-րդ դասարան՝ «Հայոց լեզու և հայ գրականություն»,

Օգոստոսի 22

• 9-րդ դասարան՝ «Մաթեմատիկա»,
• 12-րդ դասարան՝ «Մաթեմատիկա»,

Օգոստոսի 25

• 9-րդ դասարան՝ «Բնագիտություն»,
• 12-րդ դասարան՝ «Հայոց պատմություն»:

Յուրաքանչյուր վերաքննության օրը՝ ժամը 10:00-ին, Գնահատման և թեստավորման կենտրոնի պաշտոնական կայքում (www.atc.am), կտեղադրվի համապատասխան քննական թեստը։

Դպրոցները պետք է կայքից ներբեռնեն և տպագրեն թեստերը, ապա դրանք տրամադրեն վերաքննությանը մասնակցող աշակերտներին։ Թեստերը ստուգելու են տվյալ ուսումնական հաստատության առարկայական մասնագետները։

ՀՀ վարչապետ Նիկոլ Փաշինյանը և Իրանի նախագահ Մասուդ Պեզեշկյանը Երևանում ստորագրել են հայտարարություն, որով հայտնել են «3+3» տարածաշրջանային ձևաչափին աջակցելու իրենց պատրաստակամությունը, հայտնում է կառավարության մամուլի ծառայությունը։

Նրանք աջակցել են տարածաշրջանային համագործակցության մեխանիզմների, այդ թվում՝ «3+3» տարածաշրջանային խորհրդատվական հարթակի խթանմանը:

Հարավային Կովկասի վերաբերյալ վեցակողմ համագործակցության ձևաչափի նախաձեռնությունը 2020 թվականի վերջին առաջ են քաշել Ադրբեջանի և Թուրքիայի նախագահներ Իլհամ Ալիևը և Ռեջեփ Թայիփ Էրդողանը: 

«Իրանն այսօր» տելեգրամյան ալիքը ներկայացրել է Իրանի ԱԳ նախարար Սեյյեդ Աբբաս Արաղչիի մտքերը՝ վաշինգտոնյան փաստաթղթի մասին.

• «Այն, ինչ տեղի է ունեցել, և այն, ինչ պետք է տեղի ունենար ու որին «տարածաշրջանի աշխարհաքաղաքական փոփոխություն» անունն էին տվել, երկնքից մինչև երկիր տարբերություն ունեն։

• ԱՄՆ նախագահի ներկայությամբ ստորագրված համատեղ հայտարարության մեջ ասվում է, որ տարածաշրջանի սահմանները անփոփոխ են, և բոլոր երկրների անկախությունը և տարածքային ամբողջականությունը պետք է հարգվեն։ Սա լիովին համընկնում է մեր դիրքորոշման հետ:

Չեմ ասում, թե ամերիկյան ինժեներական ընկերության ներկայությունը բոլորովին չպետք է մտահոգի, բայց այն պնդումը, թե «մենք դարձել ենք ՆԱՏՕ-ի հարևան» կամ «ԱՄՆ-ն մեզ շրջափակել է», ճիշտ չէ։ Պետք է իրատեսորեն նայել, տեսնել, թե իրականում ինչ է տեղի ունենում, և մեր մտահոգությունները ներկայացնել փաստերի վրա հիմնված։ 

• Ռուսների դիրքորոշումն էլ նույնն է՝ պարզապես մի փոքր մեղմ ձևով։ Բայց նրանք նույնպես մտահոգություն ունեն ամերիկացիների ներկայության վերաբերյալ և այդ մտահոգությունը հայտնել են։

• Դոկտոր Վելայաթին մեր ուսուցիչն է ԱԳՆ-ում և առաջնորդի խորհրդականը։ Բայց կարծում եմ՝ այս հարցում պետք է ավելի շատ երկխոսել, որպեսզի հստակ պարզվի, թե իրականում ինչ է կատարվում։

• Կան ուժեր, որոնք վաղուց փորձում են փչացնել Ադրբեջանի հետ մեր հարաբերությունները, հիմա էլ փորձում են փչացնել Հայաստանի հետ հարաբերությունները»: