ԱՄՆ նախագահի տեսանկյունից՝ Ուկրաինան չպետք է հզոր Ռուսաստանին դեմ դուրս գար։
«Սա պատերազմ է, և Ռուսաստանը հզոր ռազմական տերություն է։ Գիտեք՝ անկախ նրանից՝ մարդկանց դա դուր է գալիս, թե ոչ՝ հզոր տերություն է, մեծ տերություն։ Սա այն պատերազմը չէ, որը պետք է սկսվեր։ Այդպես չեն անում, պատերազմի մեջ չեն մտնում այն երկրի հետ, որը տասն անգամ մեծ է քոնից», - ասել է Թրամփը։
Հիմա, ըստ ԱՄՆ նախագահի, Վլադիմիր Զելենսկին պետք է բանակցային գործընթացում ճկունություն ցուցաբերի։
«Հուսով եմ՝ Զելենսկին կանի այն, ինչ պետք է անի։ Նա պետք է որոշակի ճկունություն ցուցաբերի... Երկիրը մասնատվում է», - ասել է Թրամփը։
Մեկնաբանելով եվրոպացի առաջնորդների հետ բանակցությունները՝ Թրամփն ասել է, որ Սպիտակ տանը կայացած հանդիպմանը նրանք ըմբռնում են ցուցաբերել Ուկրաինայի կողմից տարածքային զիջումների անհրաժեշտությանը։
Հիշեցնենք, որ օգոստոսի 15-ին ԱՄՆ առաջնորդը բանակցություններ է վարել Ռուսաստանի նախագահ Վլադիմիր Պուտինի հետ Ալյասկայում, իսկ օգոստոսի 18-ին՝ Վլադիմիր Զելենսկու և մի քանի եվրոպական երկրների ղեկավարների հետ՝ Վաշինգտոնում։ Հանդիպումների հիմնական թեման ուկրաինական կարգավորումն էր։
